一芳台灣水果茶 (已結業)

呢排香港嘅夏天天氣好熱，行到去海港城，經過呢個food court，我哋今日就決定喺呢度食晏。呢個food court其實都幾多唔同種類嘅食物選擇，大家都不妨嚟呢度一試。原來呢一個food court有一間一芳水果茶。所以我就決定買返杯嚟試吓。呢杯係鮮柳橙水果茶，我叫咗少甜少冰。一飲落口其實佢橙味都幾重，好啱我我好鍾意，同埋有少少其他水果嘅味道，呢一杯都幾清新，不過下次我可能會叫走甜或者微甜，因為原來少甜都幾甜的。

一芳都係我平時飲開嘅台式飲品店，不過今次真係有啲失望喺海港城本身已經唔係好多台式飲品店，但係行街好想飲一杯，去海洋中心嗰間，話要等一個鐘頭，咁就行過嚟飲一芳，一個鐘頭我行到過嚟呢邊，仲可以飲埋添點知我叫咗個黑糖粉圓烏龍鮮奶茶（$38），可能我誤會咗黑糖粉完會好似珍珠咁QQ彈彈，食落真係一舊粉咁，沒有任何嚼勁黑糖味不足，烏龍茶味又飲唔到，淨係飲緊好多冰杯疑似奶茶咁嘅飲品，好失望我知道星期六好多人，但同其他分店真係差好遠，希望我呢次經驗係個別事件

我諗一芳係香港第3多嘅連鎖手搖飲品店～出街實見到佢嘅蹤影，所以成日飲😹芋頭鮮奶綠（M）💰37甜度嗌左微糖，而冰度係固定左😟 真係勁多冰⋯ 飲左幾啖就無晒🤷🏻‍♀️芋頭綿密細緻，好飲😋 完全唔夠喉阿～金峰洛神檸檬（M）💰22嗌左無糖少冰。洛神花用糖製作過，已有少少甜味～加上檸檬，酸酸甜甜，好解渴。呢杯算係幾抵飲😹

附近除左誠品入面有間手搖飲品之外，已經無乜選擇，留意到呢度新開一芳，就衝入黎買返兩杯手搖飲品醫下自己，食完晚飯既兩條友表示想清爽下自身，所以都唔飲奶類肥豬飲品，揀飲檸檬🍋《中華愛玉檸檬》$30唔想飲太甜既我，就叫左半糖，少冰，點知佢半糖之後，又酸到打震，精神！我發現每間分店既製作味道都有出入，某分店既愛玉係爽口又脆，呢度唔會，我食開既愛玉係滑溜唔脆，不帶味道。《九如檸檬青》$28檸檬加上青茶，適當既甜味中和酸度，清新爽，令人感覺到涼快舒心既感覺，一芳檸檬系列其實幾正既，最好原味，果然叫呢類檸檬飲品都唔應該減甜度😆