一芳台灣水果茶 (已結業)

附近除左诚品入面有间手摇饮品之外，已经无乜选择，留意到呢度新开一芳，就冲入黎买返两杯手摇饮品医下自己，食完晚饭既两条友表示想清爽下自身，所以都唔饮奶类肥猪饮品，拣饮柠檬🍋《中华爱玉柠檬》$30唔想饮太甜既我，就叫左半糖，少冰，点知佢半糖之后，又酸到打震，精神！我发现每间分店既制作味道都有出入，某分店既爱玉系爽口又脆，呢度唔会，我食开既爱玉系滑溜唔脆，不带味道。《九如柠檬青》$28柠檬加上青茶，适当既甜味中和酸度，清新爽，令人感觉到凉快舒心既感觉，一芳柠檬系列其实几正既，最好原味，果然叫呢类柠檬饮品都唔应该减甜度😆