一芳台灣水果茶 (已結業)

聽説一芳好像好多人排隊 經過見到不算多人就試下15分鐘內都有得飲 有位可以坐著等 安排都OK但店面無show menu出來 只有寫著不同飲品但沒有價錢的木牌 要去櫃檯拿單張先有menu 一開始有點confused叫了最出名的 一芳水果茶（大$33）照平常的習慣叫了微甜 但都好像甜了點 想像不到正常甜會怎樣 下次會叫微微甜（2分甜）或走甜味道其實OK的 但茶味不太出 裡面有百香果 橙 蘋果 和一個不知道甚麼 但好甜的東西但整體是百香果的味道比較出有叉提供可以飲完後吃掉生果 都算貼心總結就是偶爾可以一戰 不過有點家裡都可以整到的感覺

鮮奶茶我淨係叫咗少冰，冇叫少甜嗰啲。最後飲落成杯奶茶都好淡味，冇茶味冇奶味🙍🏽‍♀️用「伏」來形容都不為過。🙍🏽‍♀️珍珠係好細粒嗰隻，冇咗平時啲珍珠嘅口感。可能係我個人喜好問題，我麻麻哋細珍珠🙍🏽‍♀️.水果茶其實同行朋友叫嘅，因為我最近咳所以就冇試吓飲佢個杯。朋友都淨係叫少冰冇叫少甜嗰啲，但其實店方建議叫半糖或以下🤭朋友一開始飲水果茶嘅時候就話好甜，之後就話原來底下嘅百香果好酸😂所以甜酸balance返，話飲落都唔錯🤔.但我今次飲完真係好失望🙍🏽‍♀️仲要價格都算高喎🙍🏽‍♀️飲品有分兩個size——M同L，M size一杯都29/30蚊，btw好在叫咗M size唔係都唔知點飲🙍🏽‍♀️或者，可能，如果有日我心血來潮想再俾次機會佢，就真係試吓招牌水果茶啦🙍🏽‍♀️

其實一向都好喜歡飲台式飲品，但係市面上嘅選擇雖然多，但係好多都唔知飲緊啲乜嘢味粉加奶精再加唔知乜色素。嗰日咁岩同老婆講開話如果有一間可以比真材實料我飲我寧願俾貴幾蚊。終於喺朗豪坊行過嘅時候見到呢間野，一望就俾個門面吸引左我，開頭以為係賣日本野拉麵之類，哈哈，原來係賣台式珍珠奶茶！雖然等左半個鐘但係係值得嘅，老實講好唔好飲就見仁見智，我就覺得起碼真係見到佢用茶葉煲茶同用鮮奶唔係用奶精，飲都飲得安心啲先。睇埋佢嘅裝修又話賣台灣傳統口味，所以下次行過都應該會試埋其他款式😋

趁著有少許時間，到朗豪坊逛一逛。太久沒有來這裡，原來awfully chocolate已不在，一芳台灣水果茶進駐了！我只喜愛燒仙草😋由於天氣實在太凍，點了杯熱騰騰的仙草茶（$17）價錢很便宜～怎料！太甜了😅還是有像啫喱般的燒仙草較為好喝。下次再來的話，應該要點招牌水果茶試一試🤔

開幕果陣個個媒體都報導呢間台式飲品店。講真，我覺得好味既只係的珍珠奶茶，但呢間店既出面，完全令我改觀仲愛上品茶❤️台式手搖飲品又點可能同品茶講埋。但當你行行下街時，想飲下野，又唔想飲水時，呢間真係一個好好既選擇。雖然比唔上真正品茶既茶，但佢地茶香好濃，我叫呢個生果茶，唔止有生果既味道+上茶既甘味真係好夾。但要有心理準備，排隊都要等一段時間，雖然入面都好似好多人沖野飲，但因為買野既人比較多，所以等拎茶都比較耐，但係都值既❤️

🙆‍♀️ 粉圓鮮奶茶 $32 史上最難飲既珍珠奶茶，茶味極淡，用lipton茶包沖 仲好飲過佢。粉圓即係細珍珠，係幾煙韌，但有啲完全未煮開，痴埋一舊。所謂既過江龍亦不過如此😔

同朋友行行下旺角，佢話想飲水果茶，佢就話朗豪坊4樓有間新開嘅叫一芳，仲聽人講話嗰度嘅水果吃好好飲，所以就去試下喇。我地去到就見到都算幾多人排隊等，不過我地都照買咗，不過排到位買嗰陣，佢部機突然臨時出唔到單，我足足等咗10分鐘但佢地嘅店員都處理唔掂部機，睇落好唔熟手，等咗我好耐，之後終於都print到單，就等叫我number，冇諗到前後等咗我50分鐘先攞到水果茶！等到45分鐘嗰陣我問問佢到我未，佢話水果茶嘅茶要煲wor！究竟有咩茶要煲水煲足50分鐘？！跟住終於攞到杯水果茶，我買咗中杯，結果一大半都係冰同水果，得幾啖係水果茶，雖然真係幾好飲嘅，但係真係有d細杯同埋水果佔咗太多位，如果下次叫應該要叫少冰少甜，因為唔少甜嘅話味道太甜。多人個問題可能係因為星期日掛，但係我覺得佢地嘅效率可以再提高少少！

見到傳媒係咁報導依間既水果茶幾咁好飲，而且每次行經都大排長龍，就打算搵日去試下。餐牌飲品類都多選擇，就揀左佢地推介既招牌「一芳水果茶」 望落去都吸引既，但飲落去，好難飲！甜到呢！好似飲糖水咁！完全無茶味可言！水果味勉勉強強都有少少，仲要賣$33，我去樓下share tea買仲好過，真係無下次。其實我等緊時，都眼見旁邊好多人飲淨三分二既水果茶放係張檯到，都心知不妙，果然真係伏服務方面！麻煩收銀果位姐姐講野大聲D啦，商場已經夠嘈，佢覆單我下左三次！完全好似鬼食泥咁！

一芳最近真係好紅，之前經過旺角幾次都冇試過佢，今次終於有機會黎朝聖一下。餐單上都有唔少選擇，原本想試大熱嘅水果茶，不過啱啱食完燒肉，就叫咗杯冬瓜檸檬露消滯清熱一下。可能因為係夜晚，之前有人提過話要等好耐或者漏單嘅問題，今次又無遇到，等咗大概五鐘就有得飲。等既時候又可以欣賞下佢既裝修同埋一d台式文句，睇下睇下就叫號了。佢既分量同平時飲嘅差唔多，一入口就係好香嘅檸檬味，不過冬瓜味就好啖，好似飲緊檸檬特飲咁，都算幾清新同解渴啦。

前一日👧🏻係觀塘同朋友搵緊呢間點知原來已經冇左👻👻第二日同👦🏻行過朗豪坊見到有就沖左去試先啦💨個日係開張左第二日買嘅隊唔長啊😛但要等30分鐘啊😪😪店員都話：可以周圍行下先再翻黎啦😂-🔹粉圓鮮奶茶 $32👅：❤❤️(滿分為5個❤)我哋叫左去冰 少甜黎到真係唔凍❄係溫溫嘅😂😂👦🏻：哇 真係走冰喎 冰都唔冰架💩💩粉圓幾多下😍都有半杯係粉圓其實啫係細粒嘅珍珠😂😂粉圓對我哋呢D中意食煙煙韌韌嘅人黎講真心 好滿足🤣❤️❤️啖啖都係滿滿嘅粉圓😋但奶茶方面呢…就真係…同午後紅茶一樣樣🤦🏻‍♂️咁岩個日👧🏻買左支午後紅茶我哋就羅黎做左個對比🤣一芳比較冇咁甜 但茶味差少少🍬午後紅茶甜D 但茶味又多D🍵👦🏻表示：我哋羅佢個杯加午後紅茶入去未一樣囉😤😤係失望嘅🤷🏻🤷🏻🤦🏻-💫整體評分：2/5粉圓可以嘅❤️但奶茶真係唔太建議試啦🙈因為價錢偏貴👎🏻但飲嘅質素同午後紅茶一樣嘅😤不如直接去759買支飲算😜但都可能會試下水果茶🍊🍋🍍見都多人飲😚可能會好飲D掛😂不過如果唔係趕住要朝聖打卡嘅就唔洗咁急住試啦🤣等多排熱潮過左D就唔洗等咁奈La😆

第一次嬲到寫食評原本滿心歡喜睇到門面幾靚見到三十三蚊一杯奶茶都照買要左杯粉圓奶茶小冰因為覺得都應該都值呢個價錢等左一陣拎到杯奶茶即飲嘩！冇茶味連甜味都冇以為自己味覺有問題再飲多啖，好X差即刻同店員反映冇茶味冇甜味好似淡奶溝水佢換過杯比我再飲，一啖糖水啜左入喉嚨成杯嘢=大量糖漿+淡奶+水+冰+粉圓我呢世人飲過最垃圾嘅珍珠（粉圓？）奶茶我再同店員反映話杯野我唔要，唔洗換唔洗退，我真係飲唔到佢地話都跟足台灣配方我話完全冇茶味，咁樣糖精溝水都可以出品？*佢地最後堅持退錢，仲算有少少良心。

之前聽過台灣朋友介紹，一芳的水果茶十分好喝，很足料。自問平時本人都頗喜歡飲台灣飲品，知道一芳要在旺角朗豪坊開店，當然要試一試啦！💨.等了大概二十分鐘，我點了招牌的一芳台灣水果茶。一飲之下，我覺得水果茶的茶味與坊間的水果茶無咩大分別，有酸酸甜甜、清新的感覺，帶有微微的果香。但一食到飲品內的水果，簡直是失望，果味很假，就像浸過糖水，尤其是菠蘿粒，好像飲了一啖糖水🤦🏼‍♀️.總括來說，我認為無咩特別，唔洗特登朝聖，很失望😪

去到收銀 想要一杯招牌一芳水果茶 個店員話要等20分鐘 等左20分鐘 幾個遲過我number既人都拎左水果茶 但都未到我 原因好明顯係調製野飲運作問題(無順住number黎調製)一飲杯水果茶只係有一陣檸檬既酸味同糖漿味 完全無水果味 再撈都係咁 本身就好期望好想試 但一試真係無下次

明明第一次見到朗豪坊分店的時候，人煙稀少，看來風聲傳得飛快。今日一個小角落由一眾等候者和下單的客人擠滿，等侯區的座位完全不足應付。地方的整潔與觀感隨之下降，不少人在商場之中閑逛緩和亢長的等侯時間。一芳水果茶($33)，作為招牌確實令人失望。它與一般果茶同樣，百香果味道作主軸，檸檬與橙味作配角，而且橙味偏淡，因此味道酸苦甘澀，毫不討好。另外，正常甜度下，糖水仍略為搶戲，但不減化學果汁明顯存在感。可是，果肉比起坊間的果茶多出幾倍，相信是成名的原因。粉圓鮮奶荼($32)，完全找不到「推薦」的原因。由於很難煮熟，店家用較細的粒狀，但造成粉圓質感軟爛，過份黏口，反之，焦糖味意外出色，濃而不膩。鮮奶茶的奶味與紅茶味都略為不足，嚐不出茶香，更不奢求回甘，應該是單用一種茶葉，而底基略差，鮮奶確實減下不少死甜膩感，但奶味淡薄是另一個不足。先不論四十分鐘的等候時間，質素與價錢是不成正比，附近的貢茶與天仁茗茶更為出色而且廉宜。

今日行朗豪坊見到有人拎住杯好多珍珠既珍珠奶茶，半杯都係珍珠好吸引行行下見到原來awfully chocolate果個位開左間新既台式飲品店，見唔係好多人排隊就買黎試下飲品選擇眾多，但我一心只為粉圓而來價錢都唔算平，唔想飲奶茶咁飽，於是點左粉圓綠茶試一試，叫左微塘走冰等左一陣已經有，果然冇令我失望係半杯珍珠包裝夠簡約，好有台式風味飲品茶味夠香夠濃，珍珠細細粒但係都夠煙韌有口感美中不足係雖然我叫左微糖但仍然有點甜，下次可能要叫二分甜整體來說我覺得值得推薦，見好多人飲佢既水果茶，下次都可以試下