一芳台灣水果茶 (海光苑)

营业中

休息中

一芳水果茶越開越多分店總有一間在附近話明個名都有水果茶當然必試佢既招牌水果茶啦今日特意食完飯叫左杯外賣水果茶平日下午茶時間都幾多人都要等友人叫左杯原味《大杯水果茶》$33我買左《中杯水果茶》$30 走冰走甜原來差$3 size差咁遠早知叫大杯茶底用左青茶再加上百香果同每日新鮮水果真係超級清新有蘋果🍎、🍊橙、菠蘿🍍等水果。我覺得走左糖仲好飲保持番水果既鮮甜同茶香，無糖都夠晒甜，茶配百香果真係好夾無得輸成杯野飲晒最後連佢既水果都食埋最欣賞佢既封口係用紙做夏天飲水果茶真係無得頂

今天同事請下午茶，原來提議Cup Cake，但大家午餐都吃得很飽，決定改作茶！在鰂魚涌有數家外賣茶店，千挑萬選之下定了有真正果肉的一芳台灣水果茶！由於我對奶類製品敏感，又不太喜歡太甜的東西，決定選擇信義脆梅綠熱飲微微糖（公司空調超強大，絕不可能喝凍飲！而且年紀已經不少了。。。要養一下生啦）坦白說，味道不是很好，可能是叫了微微糖的關係。。。另外，商店並沒有提供匙子，不知是否環保的關係。幸好公司有匙子，否則便不知怎麼吃內裡的果肉，雖然我的茶只有一粒梅子而已。。。要是在街外喝的話，要問問有否匙子提供或自備匙子啦！

首次試一芳 當然揀左佢個招牌水果茶就試啦叫左個半糖微冰 好fresh 好好飲 後勁會有陣酸味飲慣就會覺得好開胃價錢係略貴 會覺得唔值咁貴既價錢如果佢平d 一定會成日飲 ！！！

經過海光街見咗間新開嘅一芳 就排咗15 mins 去買佢勁推嘅黑糖珠奶。 一芳係旺角朗豪試過佢珍珠奶茶同水果茶， 水果茶係唔錯 但價錢略嫌偏貴， 水果有d 難食到。 見佢招牌推咗個黑糖珍珠奶茶，咁就膽粗粗試下。拎到之後， 一吸， 勁甜， 奶茶一d 奶味都無，茶味都唔hjwg, 勁水， 成杯得個黑糖味， 黑糖d 糖槳勁甜，珍珠又唔夠咬口 好失望 ,下次都唔會推薦大家去一芳買水果茶之外嘅飲品。。。不過同事佢果杯水果茶係唔錯嘅，都可以下次試

公司附近最近開左間一芳，周不時下午茶都去買返杯飲，已經變左常客😂平時飲開珍珠奶茶或者水果茶，今日就一於試下新野，叫左杯信義脆梅綠😋一貫作風地嗌左熱既無糖，大杯盛惠27蚊，一向都覺得一芳價錢偏貴，有少少唔抵💸💸梅子味好出😍，感覺酸酸甜甜既，但係梅子既味道其實完全蓋過左綠茶，基本上係飲唔到綠茶味🙍🏿 如果可以加多少少個茶底，或者會更好飲🤔 不過，而家又唔會話難飲既，味道尚可，只係下次揀我都係會飲返水果茶😛

🥤#tagnshare台式飲品篇……………………🧐台式飲品近年越開越多..完全飲唔切*今次試下港九新界都有分店既一芳水果茶!!!💰L $33 一芳水果茶 台式飲品普遍偏甜😅所以揀左半甜...大大舊生果有橙...百香果同蘋果🍎水果味重...但飲唔到有茶味🤔不過都解渴既😳 。# 一芳#台灣水果茶 ...……………………👱🏻‍♀TagNshare 肥妹小編.........................

台式飲品成巷成市，要排長龍的我一定不會幫襯，太瘋癲吧，買杯外賣飲品要排隊半小時以上，時間真的那麼賤嗎？星期日經過太古坊，人都難多找幾個，最喜歡冷冷清清的太古坊，一芳門前人影都無個，每日限量100杯的仲有大量供應，就試試。話說我喺東京都見到一芳，有咁好飲嗎？點一杯黑糖粉圓奶蓋，黑糖都頗甜，茶味被奶味蓋過，可能本來我就不太喜歡奶就應該點其他果茶，又錯咗。粉圓確是好食的，香香QQ 的，整體都不錯，最後留給欣賞奶蓋的家人好好享用，家人仲讚奶很香。

除了茶湯會，近期還進駐了一芳水果茶。在銅鑼灣飲過水果茶覺得實在太甜，但心癮起就落單試試珍珠奶茶！珍珠奶茶名為粉圓鮮奶茶！確實沒有奶粉沖的死甜味，不錯！珍珠咬口不算非常彈牙，而且比其他店舖細小，但份量非常多！至少三分一杯！喝到最後還有剩，正啊！我叫了半糖，茶味適中，價錢大杯比較貴，要33蚊。

小秘書 office 附近開咗間「一芳台灣水果茶」🍊 可能係新屎坑嘅關係，中午時間成日都排滿人龍，所以我哋一直未有機會試到🤨今日真係好彩， 「一芳」揀咗HappyFriday 做promotion，咁啱我哋食完飯行過又派緊籌✌🏻 只要幫襯其中一杯飲品，再另加一蚊就可以換一杯水果茶，不過就一定要係指定嘅「半甜、微冰」配搭，店員話呢個係「一芳」嘅黃金比例嚟㗎... ，飲落又真係唔錯嘅😁 不過杯底實在太多百香果籽... 小秘書無留意就一大啖飲咗落去😅結果咪搞到成口都係核囉😝

一芳殺入香港個節奏真係好快，由朗豪坊第一間，到而家開開下每個旺區都有間喺左近。我呢個台灣控當然more than happy啦見客經過太古坊，行到熱辣辣見到有一芳新開，即刻課金啦好在係星期六..如果唔係真係唔知排幾耐，買杯黑糖珍珠鮮奶茶先等左8分鐘到就有，見到杯底大大pat黑糖珍珠真係口水都流埋個人認為珍珠奶茶一定要係大粒，仲要黑糖或者蜜糖煮到淋同入哂味，但要保留返個口感先為之正！輕輕搞匀黑糖，見到雲石紋真係好有滿足感。飲落茶味就唔夠濃，可能鮮奶同黑糖重身同質量厚蓋過左？不過你叫我去鹿仔或老虎仔排個幾鐘，我買一芳滿足啦

之前去,次次都排長龍....今日去到見得5,6個人排, 決定試下! 舖位唔大, 等飲品既位置可容納 6-7個人本身聽講佢水果茶好出名, 但見佢介紹黑糖粉圓鮮奶茶, 重要一日限100杯~最後比佢sell到, 買左杯 xd我怕甜, 諗住叫微糖, 點知無得揀甜度, 連小冰都無得揀....xp可能系用黑糖關係~~我叫左凍, 系無得揀甜度之下, 我覺得甜度ok, 都有黑糖味, 粉圓偏軟, 我鍾意彈牙啲 xp但overall 唔錯~!

今日Tea time又想去買杯野飲就落左公司樓下既一芳台灣水果茶其實最近飲左兩次 打算同一篇食評寫曬出嚟先講水果茶 我叫左微糖少冰冰唔算好多 微糖我覺得甜味適中因為本身d水果都帶甜味 所以微糖都唔會唔夠甜你仲可以問去攞支叉俾你食水果水果茶有百香果 鳳梨 蘋果 橙酸酸甜甜幾好飲作為一杯解渴既飲品幾唔錯之後食d水果都好甜 唔錯另一日就飲左黑糖粉圓鮮奶話說我之前每一次飲一芳既奶茶類都覺得唔好飲所以今次其實冇乜expectation但又幾好飲wor黑糖味好重 令到每一啖鮮奶都夠味鮮奶似係有輕微起過泡 飲落好香滑飲曬成杯都幾飽總結就係一芳既非奶茶類係好飲既😂

今日約左朋友喺鰂魚涌食晚飯，見到開左間新飲品店一芳，市面其實都有好多呢類飲品店，亦有以鮮果做賣點的，但以往試過都係覺得普通野，食完飯差唔多8點仲好多人排隊，所以試左一杯中size既一芳水果茶，啲水果好新鮮，唔似出面其他飲品店會有苦澀味，有蘋果，橙，百香果，菠蘿，感覺好似食左好多水果，吸收好多纖維解喝又健康，以後都唔使再擔心出街食飯唔夠健康，唔夠蔬菜，飲返杯水果茶就可以補一補呢$30蚊認真超值，難怪咁多人排隊

身為鰂魚涌的上班一族，近日發現係樓下開咗一間一芳🥤，食飯時候最繁忙，每次飯後經過想買返杯試下，但見到條人龍，都打消咗念頭....所以今日特登等到4點後，股巿收咗後，亦係非繁忙時間落樓下買返杯奶茶飲下先，今次我選擇咗"烏龍鮮奶"，👍店員好細心提示我因鮮奶系列係用鮮奶沖的，比較健康，問我洗唔洗做"茶濃"。因本人係老人家身子，3點後飲太濃的茶，我會夜晚訓唔著的，所以我無選擇茶濃…係非繁忙時間買嘢飲果然有優勢，等咗唔洗5分鐘已經有嘢飲啦，第一啖飲落去，感覺好滑口，茶底好適中，不會太濃烈，啱哂我呢啲老人家身子🤗，以後唔洗再飲奶粉/奶精沖的珍珠奶茶，唔洗再做肥仔啦🤣

今日食完lunch返公司途中見到新開的一芳台灣水果茶，由於三號波比平日少人，但亦有人龍，決定試一試。我叫咗一杯水果茶，有新鮮的水果，又可選擇三分糖，確實健康之選!👍👍同事係奶茶Fans試咗黒糖粉圓奶茶，粉圓細細粒易入口，一飲就知係鮮奶，唔係落奶精啦！😋😋😋老闆娘仲好好人，勁nice~太古坊返工的又一好選擇！😊