一芳台灣水果茶 (黃大仙中心北館)

营业中

休息中

呢間珍奶之前突然又話會開係屋企附近的商場，所以先來查查佢係咩料子。上網歸納出嚟嘅資料都係話源自台灣主婦自創小店，其後發揚光大。用料新鮮天然。招牌係水果🥭。但係我真係熱衷於珍珠同埋奶茶等等。都話係新鮮粉圓，不過係用上細珍珠，自己就唔鍾意食細珍珠因為冇口感。都過左成四五個月至少，終於見開幕。我已經特登事先上網查定會唔會有開幕優惠咁，我呢個珍奶迷就預咗搶閘去享受優惠啦！點知原來係冇嘅🤕😭😭😭咁孤寒㗎💔💔好多都有第二杯半價，最好嘅甚至係一杯都有優惠價同買一送一等。而佢就乜都冇，佢應該係預咗自己一定有生意，已經出晒名。特登同朋友飯前去買杯飲品，咁我哋就要左佢嘅招牌黑糖粉圓鮮奶，雖然我好鍾意飲但係一陣要食飯，都係要中杯，中杯都要$30呀，細杯又好貴！黎到啦梗係要影張相先！個外表都算OK層次分明，色彩漸變幾靚，令人睇落幾舒服唔似其他黑糖要滿佈斑駁。但係一飲落去真係非常普通，飲落去係清新嘅，但牛奶冇牛奶味。其實早排唔知點解無啦啦興返黑糖鮮奶，但係其實根本係我眼中系一件好普通嘅嘢。純粹係倒啲鮮奶落去咁就成為咗一杯黑糖鮮奶。冇其他花巧特別嘅地方。我見過好多鋪頭都只係用係街市買到嘅盒裝鮮奶加啲黑糖珍珠就搞掂

睇到海報，呢款只限熬飲嘅薑汁粉圓鮮奶茶，似乎都幾吸引，而且眾所周知，薑有驅寒作用，天寒地凍飲就最啱啦飲品好快整好，拎上手，唔會燙手，只係偏熱嘅溫度，捧係手心，傳來陣陣溫暖，正~可惜熱飲包裝睇唔到入面一飲，明顯卻唔會過辣嘅溫和薑味先聲奪人，珍珠煙韌有咬口，唔會太甜，為飲品增加口感與風味不過個人認為珍珠較為細粒，飲得大啖或太急會容易嗆到，呢一點值得小心留意而飲品落肚後，後續會感覺到淡淡奶香，唔錯總括而言，薑汁粉圓鮮奶茶味道幾好，仲好適合天氣凍嘅時候飲用，有興趣嘅朋友可以一試

今日約左朋友去黃大仙食野，一落車就見到一芳係眼前。佢個裝飾好靚，一落車就影張相先，哈。一芳愈泥愈多分店，又吾洗大排長龍就買到。同朋友食完飯就緊係要番去買番杯，滿足一下台灣癮啦。下午見佢都吾多人排隊，夜晚食完飯行到去到都吾洗排隊，都仲有黑糖珍珠鮮奶！見佢寫限量供應咖。應該係每次都吾煮太多，今晚我甘夜去買都仲有。但黑糖既甜度冰塊固定，無得揀咖！大概3分鐘左右都已經有啦一飲落去好香黑糖味，但吾會好甜！摸個杯底仲暖笠笠添！之後再攪混佢，好香鮮奶味！黑糖鮮奶味道好夾喔。。。加上食落去啲珍珠係暖，同埋好qq,煙un!!好好食一杯入面應該有3分一都係珍珠！岩哂我，勁中意食珍珠下次可以再試下其他款，希望吾洗等甘耐，嘻嘻😁

成日經過一芳都無乜人買，但分店就愈開愈多。今日經過黃大仙中心搭車，見到商場廣告牌上竟然有一芳店，唔講都唔知原來黃大仙都開左一芳！我特登上openrice查一查地址，先知原來係商場外。不過個個位無乜人行，我諗唔係咁岩睇到個牌，我都唔會呢度開左一芳😂不過多一個選擇都係好事黎。飲過水果茶同鮮奶茶都好一般，同埋勁甜，甜到我頂唔住，今次就試下百花蜜茶（$24）第一口飲落去味道好微妙，難以形容，有少少似蔬菜味，之後慢慢就有淡淡清新既蜜糖同綠茶味，個人覺得個味道都幾複雜，但男朋友都覺得似菊花味，又唔會太甜，幾好飲。同埋d店員成日掛住傾計，一邊落單一邊傾，傾少一陣都唔得，傾到唔想出鋪面同我落單咁，需要改善下。😂

今次試飲另一款水果茶︰埔里百香綠自己平時好少食百香果，但聽聞其實百香果都幾有益，就趁呢個機會試一試今次一如既往地揀微冰微糖飲品一出，已經見到滿滿百香果肉連核用料依然足量紮實飲落綠茶帶微微果酸，吸到百香果肉又有少少甜，兩者相輔相成，味道幾好，啱晒唔鍾意太甜太假或唔好珍珠奶茶嘅朋友唯一唔係咁好嘅地方係飲起上嚟比較麻煩……果核太多啦！ANYWAY，一芳水果茶，的確唔錯！想試試新品嘅朋友，即管可以放心去馬~

又有一間著名台式飲品店開係屋企附近！鍾意試新飲品嘅我又點會錯過？咁啱經過，順便去試吓一芳主打水果茶，我就點咗一杯金鑽鳳梨綠台式飲品都係有一個通病︰太甜而一芳有個同其他大部份同行唔一樣嘅貼心之處，令我喺品嚐飲品之前已經對佢多一分欣賞，就係佢嘅甜度選擇——微糖與無糖之間，尚有一線「微微糖」，可以俾顧客有更多嘅選擇，更加客製化而我亦正正揀咗「微微糖」甜度飲品賣相無乜花巧，不過唔可以以貌取飲將甜度控制至最低，可以飲到茶嘅微微甘味，而杯底有清甜嘅菠蘿果肉，份量都幾足，為每一啖綠茶帶嚟一絲清新，增加口感果然係以水果茶出名整體而言，感覺幾滿意，下次會再試吓其他口味

帶囡囡游完水，多數都會買下野食/野飲比佢，返到黃大仙想起好耐無飲珍珠奶茶，問囡囡飲吾飲時，佢緊系say yes拉黃大仙北館/南館有兩間揀，歇腳亭/一芳，呢排好興黑糖，就睇睇食評邊間好拉。最後揀左一芳，因為話粉圓系黑糖做既，跟住有鮮奶/鮮奶茶揀。因為同囡囡一齊飲，所以揀左鮮奶吾要茶既，寫住限量100杯，但我4點幾去仲有得賣，吾知系味價錢/其他人揀水果茶既原因呢？中杯都賣$30，我緊系加多$3要杯大嫁拉人吾多，好快就有得飲拉，店員提醒飲前要攪勻，掛杯吾系掛得好利害攪攪佢先攪好就飲得，粉圓好軟，又有少少煙un，好有口感呀，有陣陣的黑糖味，因為揀左鮮奶既，所以奶味搞重，蓋了一點黑糖味，如果再多點黑糖味就好拉，現在只有粉圓有黑糖味吾夠完美呀

自從迷上黑糖奶奶後，我就周圍去飲唔同台式飲品店嘅黑糖奶奶！與同事食完午餐後，本身已經好飽，但見到隔離係一芳就忍唔住去買番杯嘢飲！上次我就飲過佢嘅水果茶，覺得好好飲，所以今次就諗住試其他新野啦，見到佢有兩種黑糖飲品係每日有限定杯數嘅，我就試咗黑糖粉圓鮮奶，我同事就照舊飲水果茶！可能係因為佢用鮮奶的關係，而且仲有加冰，令到個奶香淡左，如果可以走冰就更加好啦，不過個黑糖味仍然係好突出，粉圓亦好Q彈同有黑糖香！

第一次飲一芳，試咗我最愛嘅水果茶！叫咗杯一芳水果茶微冰走糖，我覺得水果茶真才實料嘅話係唔須要落糖嘅，平時去其他飲品店都有飲開水果茶，都唔係間間做到，但試過一芳後，發覺佢杯水果茶超得，果香同茶香都好出色！

星期五晚上, 去到黃大仙中心北館嘅一芳, 排隊時前面大概有3-4個人, 大概等咗5分鐘, 排到時就決定試吓中杯裝嘅凍粉圓鮮奶茶, 叫了少甜少冰, 俾完錢大概等了7-8分鐘左右, 終於攞到杯奶茶, 影完相就拿拿聲即刻飲返啖, 啜咗一啖, 已經滿口係細粒粉圓 😆 我叫咗少甜, 覺得甜度都適合自己, 細粉圓咬落好QQ! 😛 之前已經飲過一芳嘅水果茶、黑糖粉圓鮮奶、金鑽鳳梨綠、金峰洛神檸檬和信義脆梅綠, 今次果然都無揀錯! 下次會再光顧呀! 會試飲晒佢地嘅出品! 😆

一芳響台灣節目認識，見黃中仙中心一直掛圍板，等佢開店等左好幾個月，今日終於開左啦。鋪位對出係巴士站，光顧人流唔算多，等候時間約10分鐘。一芳選擇有限，主打水果茶，黑糖粉圓限量供應，分量有中&大size選擇。但我依舊order杯烏龍鮮奶(熱) 微糖 中杯 -$26。Um...杯茶除左有奶味，沒其他味道，茶味亦未夠濃。話唔定呢種味到先係真正新鮮。但茶味可以調濃一d。以價錢黎講，價位略為高，或者一芳水果茶比較有名氣，奶茶方面真係麻麻。