一鍋堂 (新都會廣場)

营业中

休息中

凍冰冰真係唔想出街，不過打邊爐例外！🔥 去左葵芳嘅一鍋堂食120分鐘火鍋放題，只需 $298 可任食日本黑毛和牛 A4+ 🥩、極上安格斯牛小排、桶蠔…性價比超高！💰湯底有十二款之多 🤩 今次試新推出嘅蝦米瑤柱冬瓜鍋，清熱下火，之後食好多肉類都不會太膩 ✌️落單之後，食物快速送到，滿滿一桌超級豐富呀！🍽️ 日本黑毛和牛果然無令我失望，色澤紅潤光鮮，油花均勻，薄薄一片滾幾秒就食得，入口嫩滑，散發濃濃香氣，越食越停唔到呀！😍另外我地仲試左好多海鮮，帆立貝、大蜆都好鮮甜，鮑魚彈牙，唔少得女士最愛嘅花膠，白鱔片同脆鯇魚片都唔錯！🐚印象深刻嘅仲有花雕醉飽魚、有營野生竹笙、黑毛肚，洛神花茶酸甜勁好飲 🍵，最後仲有雪糕機，自己動手唧雪糕 🍦，番薯味好正！自助區選擇更是目不暇給，蔬菜🥦、肉丸🍡源源不絕，更有凍海鮮、特式熱食、生啤任飲 🍻、茶酒等

星期日book左下午2點半，入到去比我想像中小人。去到門口先知加左價，叫A餐$188蚊，星期日加多$10蚊，即係$198蚊一個人再另加40蚊海鮮，入去之前同埋單都冇提幾點會last order。自助區啲杯同碟都唔太乾淨，特別係杯，好多隻都眼見有油積，同店員反應，佢叫我自己用熱水洗。。。湯底叫左金椰子雞鍋，不過冇咩椰子味，加錢既貝類連食幾隻都好多沙，海蝦肉質都唔結實有啲梅。午市自助區有6款涼伴，3款熱食，雪糕杯裝有3款口味，雪糕機既蕃薯味好一般，建議唔洗食。

一鍋堂🍲✨#火鍋放題 @e_pot 火鍋🍲季節再度來臨！真系食到心滿意足！如果你想和三五好友一齊享受吃到飽！環境寬敞又乾淨，讓人感覺舒適，真適合聚會！🌟我試咗LV4 和牛海鮮放題套餐😊價錢只需$308/位，實在超值！湯底方面選擇左🤩椰子雞鍋🥘味道濃郁，雞肉的鮮香和椰子的香甜完美融合，令人食得津津有味！🥥🍲肉類方面日本黑毛和牛🐃肉質滑嫩，油花分布均勻，入口即化，超滿足！😍西班牙依比利橡果豬🐖香氣四溢，肉質鮮美，讓人一口接一口。羊腩煲🐐季節限定，羊肉煮得非常入味，嫩滑可口，湯底更是濃郁，令人回味無窮！🌿海鮮🦞大沙白和大蜆鮮甜可口，搭配湯底簡直完美！🦪新鮮龍躉片質感滑嫩，鮮味十足，讓人食得過癮！🐟自助區選擇也很豐富，小食和新鮮蔬菜應有盡有！小食方面，炸魚皮特別好味，香脆可口，絕對是我的最愛！🥳而且新鮮蔬菜擺放得整齊，像羽衣甘藍、豆腐等都非常新鮮，讓人食得安心。🥗飲品方面，他們有自家品牌的養生飲品，味道清新又好喝。我試咗鴨屎香檸檬茶酸酸甜甜，特別提神！另外好啤酒🍻人士呢度仲有三款不同牌子啤酒任飲雪糕方面Da Dino Gelato的雲利拿雪糕香濃可口，讓人一試成主顧！🍦另外仲有芝麻同抹茶味呀🍵

一鍋堂係半自助餐形式，午市套餐有六個價錢，由88至 178 蚊， 午餐除咗價錢好超值，食物質素仲非常好，加上每人一鍋，方便又衛生。特別推介係上面冇講嘅第七個餐，冇主食只係68蚊，可以享用自助區裏面食物。前菜好多樣化， 沙律和醃製菜。小食必吃的酥炸雞塊非常搶手，我最喜愛非常入味嘅炆豬手。 火鍋配料，必食推介係貢丸和牛肉丸。菜櫃裏面既蔬菜又新鮮又多種類， 飲品有好多選擇，淨係自製涼茶和花茶都有幾種。甜品有港版雪糕。淨係所以自助區嘅食物就已經好豐富，所以根本不需要點肉餐。提提大家，星期五或公眾假期都會加收十蚊的。

一鍋堂午市定食70分鐘，$78加一選了番茄麻辣木耳牛肉粒湯有4，5件牛肉粒，枱上面放一瓶豬骨湯，吃不到大辣的人可以加少少熟食有：豬手，蟲草花蒸雞荷葉飯，蘿蔔自助火鍋配料：有蟹柳棒，蟲草花，什丸，貢丸👍🏻冬瓜，蘿蔔，番茄，冬菇，金針菇羽衣甘藍，菜心，娃娃菜，生菜，油麥菜，南瓜，粟米，特別款式- 花生芽菜紅薯寬粉，王子麵，出前一丁，粉絲，MAMA麵最後食埋牛奶雪糕🍦 perfect

天氣涼了，今晚和朋友一起再去葵芳新都會廣場的一鍋堂食120分鐘的火鍋放題。今次點了Lv3特選安格斯牛肉·海鮮放題（$258）及養生藥膳湯作為湯底。餐廳用QR Code手機落單非常方便，而且還有清晰的圖片。特選安格斯牛肉：肉質嫩滑魚釀烏雞片：第一次食，非常特別，口感彈牙爽口紐西蘭羊卷肉：天氣涼，食了可以暖身花膠：可以潤膚養顏，特別適合愛美的女士食用野生竹笙：少有較特別，爽口鮮淮山：新鮮及好粉蟲草花：夠新鮮除了QR Code手機落單之外，還有自助區自取。有新鮮蔬菜區：最特別有羽衣甘藍有生料區：有非常多種類的丸、沙律等有熟食區：豬腳、碗仔翅等有醬料區：芫荽、蔥、辣椒、豉油等有幾款自家製飲品、很多罐裝和紙包飲品區還有雪糕區：雪糕杯和軟雪糕另外晚市9點入座，即減$20，增加30分鐘！

天氣凍特別容易肚餓，胃口特別好😋！於是提議朋友嚟到葵芳一鍋堂，咁耐冇見我哋就揀咗一鍋堂150分鐘任飲任食最貴嘅Lv.5海鮮火鍋餐，真係超級豐富啊😻😻湯底都有十多款選擇，超滿足🥰🥰葵芳分店店舖好大，座位亦很多，要食既就提早訂坐或者去拎飛啦💖💖呢度午市 2點半後入座，即享88折。晚市 9點入座仲即減 $20，仲可以增加 30 分鐘😻😻真係可以同朋友有排傾有排坐🥰🥰🎅🏻150分鐘🧑🏻‍🎄🥩真手切牛肉 🦀松葉蟹腳🦪 鮑魚 🐚元貝 🦪桶蠔 海鮮放題🎄(指定生啤任飲🍺)❄️重點推介❄️手切牛肉薄薄地淥一淥就食得，牛味香濃🥩，好快就清晒；🐂日本黑毛和牛油花好均勻，入口滿口油脂香味😋😋❄️另一重點推介❄️松葉蟹腳 🦀 超級超級大隻，每一啖都喺肉，鍾意食海鮮嘅一定不要錯過，係任食嫁💝💝蝦亦好新鮮，食落去係爽口彈牙，蜆肉亦好大粒，好鮮甜唔會有沙！還有大量選擇在自助熱食前菜區、涼菜沙律吧、肉丸自助吧、飲品自助區！食完正餐之後仲有雪糕甜品柜！大滿足💖

今日天氣寒冷🥶每次聽到天氣先生講這句說話，我和朋友仔自然就會相約去打邊爐🍲！今晚我們找這間打邊爐是因為火鍋店新推出左限定湯底和晚市 9點入座 即減 $20再增加 30 分鐘。限定新湯底🍲金湯椰子🥥雞鍋🐔金黃色湯底好吸睛，椰子味道很清香撲鼻好鮮甜，雞肉好新鮮又嫩滑。朋友負責出去取蔬菜🥬飲品🧃小食等，而我就用易維碼點肉類海鮮等。羅漢果菊花茶🌼潤肺化痰 清肝明目 清熱降火 疏散風熱薄荷烏龍茶🌱減肥消脂 清理咽喉 疏肝解鬱 降低血壓 抗氧化防衰老肉類🥩🥩🥩牛脷心托 封門柳 美國牛板腱 特選安格斯牛肉嫩滑醃牛脊肉喜歡吃牛的朋友就一定要來這裡，因為牛肉款式超多選擇，每種牛肉都很新鮮色澤均勻，有腍身的爽口的嫩肉的薄片的厚身的任君選擇。海鮮類🐚🦐🐟手串鮮海蝦鮮白鱔片半殼帆立貝是日推介鮮貝海蝦串超新鮮爽彈，帆立貝很鮮甜美味，蜆肉脹卜卜，鱔片超甜爽脆。其他🍡🦑🥟手工.蟹籽鮮蝦滑手工.墨魚丸手工.鮮蝦雲吞汕頭鮮魚皮餃真係花膠件魚釀烏雞片響鈴卷條有三款賞你免費飲品或甜品給每位顧客自選一款，生啤一杯🍺、兔仔奶凍一份、紅豆紫薯生椰乳甜飲一支。我們點了🐇兔仔奶凍甜品🍮肥嘟嘟的兔仔奶凍很可愛，滑滑Q彈質地甜甜地

今日約咗朋友去新都會行街，朋友話之前有間一鍋堂打邊爐唔錯，天氣凍凍地打邊爐啱晒！環境好舒服，地方好大，亦有卡位坐！掃QR code落單好方便，外面亦有自助區，有啲熟食，飲品和雪糕….套餐有L1-L4,我哋揀咗L4海鮮套餐：湯底揀咗竹笙肉竹鯊魚骨湯，有真手切牛肉，肉質比較鮮嫩，肉味比較濃海鮮材料：松葉蟹腳大大隻😍肥美又鮮甜！原隻鮑魚，比較彈牙！元貝原殼上，都係好鮮甜！桶蠔好肥美，食落去幾滑！仲有海蝦同蜆..桶蠔海蝦可以追加！日本黑毛和牛：油脂好均勻，油花都好靚，比較濃味花膠：養顏又滋陰另外有啲特色嘅爆膏鵝腸，瑤柱干貝滑，都唔錯另外自助區：熟食亦有碗仔翅，泡椒雞腳等…有沙律菜，火腿..丸類都差唔多有10款，仲要有埋廚師牌腸仔😍飲品亦有好多種類，除咗紙包飲品，仲有自家製涼茶牛奶味雪糕，可以自己加啲糖，朱古力碎棉花糖…臨走時望到外面poster寫住，2:30後入座有八八折😍

台式火鍋放題多食物，朋友最愛多個不同特色湯底，當中有不少本地食材和台式火鍋配料和甜品自助區的食物種類多，有丸類，也有有自家製健康飲品，棒喔小吃之選擇多，有沙律，小蕃茄，木耳等，酸甜度有解膩作用呢旁邊的丸類種類多，令人興奮蔬菜方面都多款，罕有地看到有羽衣甘藍，朋友愛吃菜，脆口清甜，清潔又新鮮飲品多款任選擇，不怕沒選擇，有羅漢果茶，清香滿滿的，朋友飲了非常多自家製手工飲品，大贊味道，清甜又香濃另外熟食，也開胃不錯難怪了，它是朋友心目中質素好好的台灣火鍋店，食物很新鮮，環境寬敞牛肉是這次主角，安格斯和黑毛和牛油脂香濃，羊肉豬肉等高質，鮮紅透白色油花。朋友也愛手打丸，出品也出色，新鮮打起，墨魚滑爽口彈牙。蟹柳也香口，選擇多。二人各自點了想試的食物，然後就主力吃肉，狂吃肉，滿足！甜品也別錯過呢！這個任吃真是好發掘，滿滿快樂，吃著台式火鍋，自由感滿滿。食物質素很不錯，海鮮及和牛，味道香濃，食材用料質素高，棒留意呀👀晚市 9點入座 即減 $20, 增加 30 分鐘呢個優惠都好吸引！！

原本想試松葉蟹番茄黑胡椒湯，結果去到已經賣光了，唯有試下朋友推介嘅潮汕湯。潮汕大地魚湯是用香港生曬大地魚炮製，湯底是用豬骨慢火熬製。火鍋前先飲一碗湯，入口時帶有淡淡的豬骨味及大地魚的咸香，似飲緊老火湯。一鍋堂而家做緊優惠，晚市只要係9點入座即減 $20，仲多了30分鐘，岩晒收工後慢慢食住吹水。💫LV3 特選安格斯牛肉．海鮮放題試晒套餐啲牛都唔錯，唔會太韌，估唔到有羊腩煲食任食，係出面食都唔平，即時覺得超值。見到個好有趣嘅雪碧蘿蔔，完全冇雪碧味，不過唔差係醃蘿蔔嘅味道。＊午市2點半後入座都有88折嫁#一鍋堂 #香港 #香港美食 #葵芳 #葵芳美食 #新都會廣場 #火鍋 #打邊爐

最近啲兩星期凍咗好多，又係打邊爐最開心嘅季節，咁梗係約我最好嘅朋友一齊去打邊爐啦今次我哋揀咗我朋友最鍾意嘅一鍋堂，因為佢喺新都會返工，所以我哋自然就去咗嗰間食嗰日咁啱我返半日就收工，朋友都係可以早收工，所以我哋就5:00入座，七點前離開每位可以減$40 ，超級抵，唔怪得5:00超級多人喺度排隊, 而且其他時間都有優惠, 我見佢寫住午市 2點半後入去食有88折, 如果晚夜9點入去可以減 $20再比多 30 分鐘食, 聽講12月會出新menu, 下次有機會再試!入到去嘅環境好舒服，枱同枱之間好有距離，啱晒朋友傾偈，落單後上菜的速度又快又準確, 唔會漏單。喺等啲嘢食嚟嘅時候，又可以去出面搵小食食, 啲小食都唔係啲馬虎嘢，有好多款唔同嘅開胃前菜，而我最鍾意就係麻辣雞腎，好味得來好開胃今次我哋叫嘅餐係Level 3， 揀了新出的椰子雞湯底, 清甜的湯底易D食到牛肉味! L3價位係有安格斯牛肉，封門柳等等比較貴嘅食材，而我最鍾意就係安格斯牛肉，牛味好重，而且一啲都唔韌，呢個我哋食咗好多碟呢個係回本嘅首選除咗牛之外，海鮮都係我哋好鍾意食嘅嘢，當中包括有花膠，海蝦，好多款唔同嘅蜆，鱔魚片，龍躉頭腩等等

是日放假補眠，起身時發覺天氣凍咗好多，即時邊爐癮起，近近地又來到了「一鍋堂」。由於過咗午飯時間，餐廳唔算太多人，見到午市2點半後入座，即享88折，咁抵就梗係揀個靚d嘅餐啦。入座時要揀埋湯底，今日想試較為特別嘅檳城喇沙湯，湯底上枱時已經聞到陣陣椰香味，味道香濃微辣，相當有特色。等火鍋料時，梗係要出去睇下熟食區有咩好野食，有各式各樣沙律菜及炸物，仲有咖哩魚蛋同泡椒豬手，都幾多選擇。Lv4 真手切牛肉、松葉蟹腳、鮑魚、海鮮放題 :返到位時已經見到海鮮拼盤已經到咗，每樣都好新鮮，桶蠔及海蝦更可以不停追加，加入海鮮後令湯底更加鮮甜。手切牛肉薄薄地淥十秒就食得，入口好軟熟，牛味香濃，一盤話咁快就食晒；日本黑毛和牛油花好靚，入口滿口油脂香味，同手切牛肉各有高下。除咗牛之外，雞、羊、豬都有得揀，亦有多款自家製餃子、手打丸及魚滑，款式多到想食齊晒都有難度。自助區亦有各款丸、菜及粉麵，每樣菜都好新鮮。有好野食點可以無飲品？呢度除咗一般罐裝飲品外，仲有自家製茶飲，尤其喜歡洛神花茶，酸酸甜甜份外醒神。最後到甜品時間，有軟雪糕及杯裝雪糕，好滿足。臨走前再睇埋其他優惠，原來晚市9點入座即減 $20，另增加 30

$204一人的午市放題居然有日本黑毛和牛吃！還有各種海鮮松葉蟹腳，原隻鮑魚等等！真的吃到大滿足，好扺啊！12點去的時候已經人龍在排隊，我們選了level4的套餐，超多食物款式，湯底就選了期間限定的椰子雞湯。湯來了後就先上海鮮拼盤，松葉蟹腳，鮑魚，元貝，大蜆，海蝦都非常鮮美！😍 特別是鮑魚，新鮮連殼，口感爽脆！元貝又粒又鮮甜，還有生蠔，一口一粒爆膏十分鮮美！然後在自取區拿了些泡椒豬手及涼盤，吃點開胃菜先😆 豬手好軟腍入味👍🏻日本黑毛和牛，極尚安格斯牛小排，真手切牛肉都值得吃，好高質，入口即溶，充滿牛味！再點些蒜茸火鍋豉油，非常好味😋飲品拿了羅漢果菊花茶及鴨屎香檸檬茶，好清涼解渴！

星期一晚七點過去食晚飯，本身小朋友好肚餓，但係見到只係等五張枱，而且入去行咗個圈好多吉枱，於是攞飛。點知等咗半個鐘左右佢先開始嗌位，最後我係坐返自己一去到已經見到冇人嘅吉枱，唔憂做到極。然後一入到門口好大浸漂白水清潔味，完全唔開胃，食物質素普通，不過服務真係差，成間餐廳冇乾同埋濕紙巾，佢哋話以前有而家唔供應，又話冇貨，真係好fun, 你打算去廁所洗手咩？要落到4樓。呢間餐廳直頭搞到我怕咗出街打邊爐。