一．漢堡

营业中

休息中

話說我返工係葵涌，但我間唔中都會去遠少少去荃灣食lunch。今次俾我搵到一間堅高質又好抵食既漢堡包店🍔《一.漢堡》位於華都中心商場，都係做街坊生意多。佢啲全日漢堡套餐大部份先至$58，星期一至五6點前仲有學生優惠平$10。我已經太老啦所以無得用學生優惠，但$58有個漢堡，仲有得配薯條/沙律 + 飲品真係抵到爛啦！而且雞、牛、豬、魚、素漢堡都任得你揀。本身諗住咁平對野食質素都無乜要求，但出奇地好高質😋和牛漢堡面頭煎到焦焦地，配腍曬既洋蔥一咬落去勁juicy！乳酪雞漢堡亦都係外脆內嫩！除左漢堡出色之外，連個大啡茹小食都係熱辣辣好多汁，配黑松露醬好香😋如果我返工係荃灣或者住荃灣我應該會成日幫襯佢囉🤤_全日套餐 澳洲和牛漢堡 $73全日套餐 脆炸乳酪雞漢堡 $58啤酒脆漿炸大啡茹 配自家製黑松露醬 $42微辣雞翼(5隻)$38

今晚同朋友去開荃灣, 朋友想食漢堡包, 於是我們就試一試呢間手工漢堡店一．漢堡. 店舖面積唔大, 只有幾張枱椅, 但公整乾淨, 裝修簡潔. 高枱配高凳, 牆上貼滿多幅球星嘅壁畫, 好美式餐廳嘅格局. 望一望餐牌, 我們選了2份套餐 ($58份):-手打安格斯牛漢堡+炸薯條+可樂 同埋 大啡菇素漢堡+沙律+可樂漢堡size好足, 安格斯牛肉都好大塊, 肉汁又豐富, 充滿牛味. 麵包好鬆軟，再配埋厚切蕃茄+濃濃芝士+自家製蛋黃醬汁+生菜, 口感層次十分豐富, 好味! 可以另加$15 要澳洲和牛漢堡, 下次試下先.特別要提一提炸薯條, 粗切有口感, 炸到夠香夠脆, 有驚喜! 一食真係會停唔到口! 沙律好新鮮, 食完漢堡食番D蔬菜好好, 均衡飲食. 飲品都有好多選擇, 例如: 可樂 / 檸檬紅茶 / 烏龍茶…

想食Burger嘅夜晚，小店座位唔多，想容易啲搵到位就要趕在七點前到達~🔘手打安格斯牛漢堡➕薯格➕可樂麵包鬆軟，手打漢堡扒牛味濃郁，肉厚多汁，配搭清爽蕃茄同生菜，加上炒過嘅洋蔥，非常滋味!! 好耐冇食過嘅薯格，夠香脆夠熱~🔘澳洲和牛漢堡➕沙律➕烏龍茶 朋友加錢揀咗和牛漢堡，牛肉質感更佳，更有油脂，兩個漢堡都好食高質~🔘檸檬胡椒雞翼炸過嘅雞翼再灑上黑胡椒同檸檬粉，檸檬酸味好突出~🔘炸魚薯條超大塊炸魚，熱辣辣炸起，魚嘅肉質唔錯，嫩滑得來唔會太散~ 總結小店價錢親民又美味，必試推介係安格斯牛堡，會回訪試埋其他漢堡~

手打安格斯牛漢堡$58手打豚肉漢堡$58炸魚薯條$48檸檬胡椒雞翼 （5隻）$38好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️有日去荃灣千色店買東西，買完想吃漢堡包🍔。見到華都中心這間店，價錢好親民，跟連鎖店的差不多，所以就試試。我們二人點了兩份漢堡包餐及2份小食。漢堡包即叫即造，雖然要花點時間等，但上手是熱熱的。麵包有烘過，咬落鬆軟。兩款漢堡都好juicy，不乾身。吃得出是手打，不會好實肉那種。口感有點綿。混入了一點爽口的筋，有助增加口感。最欣賞是漢堡包加了秘制醬汁，而不是用茄汁🥫。漢堡套餐可選配薯條🍟或沙律🥗。薯條是粗的那種。即叫即炸，外層炸得微脆，比連鎖快餐店的薯條好吃得多。沙律算新鮮，加了日式胡麻醬。炸魚的魚肉好滑，沒有骨，跟自家製他他醬非常配。檸檬🍋胡椒雞翼有炸過，炸成金黃色。喜歡用調味粉調味，而不是用醬汁，雞翼就不會變腍。調味粉酸酸的，好開胃。

一．漢堡 荃灣隱世高質好味漢堡店🍔漢堡套餐5️⃣8️⃣一Set!!!跟沙律🥗 或 薯條🍟🤝性價比極高👍🏻仲唔需要加一✨抵食又好味💯漢堡🍔小食😋都係即叫即製❗️夜市來到！全場爆滿人氣旺盛❗️👏🏻即刻試下有幾好味先😋叫左兩個全日漢堡包餐廳同小食～全日套餐🍔手打安格斯牛漢堡配自家制沙律🥗全日套餐🍔澳洲和牛漢堡配炸薯條🍟牛肉漢堡由廚師即時煎香～入口保留到肉汁又有口感👍🏻配埋生菜蕃茄同特製醬汁真係好足料除咗漢堡包之外，仲有其他嘅小食都好值得一試微辣雞翼🐓5隻～真係超好味！微辣香口炸魚薯條🐟配塔塔醬～估唔到咁大份😋炸醬做得好好，夠晒酥脆～啖啖魚肉飲品：烏龍茶、汽水一．漢堡 (荃灣)📍荃灣西樓角路170-184號華都中心1樓41號舖

店鋪裝修簡潔以黑白為主，牆身掛滿了公牛隊 Michael Jordan 和 Dennis Rodman 嘅照片，立即吸引咗Duck哥🦆入去。全日套餐 $58手打安格斯牛漢堡 +炸薯條 + 梳打水漢堡size都幾大，而且烘到金黄色🟡，做到外脆內軟；安格斯漢堡扒🍔夠哂厚身，入面肉汁超多超juicy😍；生菜🥬、蕃茄🍅等所有配菜都做到一絲不苟。全日套餐 $58澳洲和牛漢堡 (+$15) +炸薯條 + 黑色可樂相比安格斯牛，澳洲🇦🇺和牛🐃嘅牛味更濃郁，更juicy，呢$15 Duck哥🦆自己就覺得非常值得之俾😂。炸魚薯條配塔塔醬 $48魚柳🐟即叫即炸，外面炸得很薄很脆🥰，而入面魚肉非常嫩滑，記得蘸埋塔塔醬，更加惹味😋。微辣雞翼 $38外層薄薄嘅一層炸漿🥰，口感鬆脆，內層肉質保持濕潤，表面灑了少許辣粉，香口惹味又juicy🤤。

之前聽聞有間人氣漢堡🍔小店CP值幾高，今日去開荃灣一於去捧下場😎全日套餐$58已經包括漢堡+沙律/薯條+飲品👍，今次就叫了兩個餐🍴澳洲和牛漢堡🐂🍔 (跟餐+$15)和牛漢堡扒好juicy，麵包好鬆軟，中間夾上新鮮蕃茄🍅、生菜🥬、洋蔥絲🧅、芝士🧀配上自家製美乃滋，好有層次感😋🍴脆炸魚柳漢堡🐟🍔脆炸魚柳超大塊，炸得亦非常香脆鬆化，配上新鮮蕃茄🍅、生菜🥬和自家製他他醬，份量足料😍🍴薯條加芝士🍟 (跟餐+$5)薯條熱辣辣炸好香脆，上面加了芝士，真係好正🍴薯條加黑松露🍟 (跟餐+$10)薯條上面加了黑松露醬，仲曬上芝士粉，食完一條接一條🥤檸檬紅茶🥤梳打水

老細始終念念不忘呢度嘅手打漢堡～除咗好味，性價比極高！！60蚊唔使一個套餐真係響邊度搵？！😅🤭加多個小食都唔使一舊水，所以真係不枉我哋咁遠水路嚟到新界西再食🥰👍🏻老細要手打安格斯漢堡，我就要乳酪脆雞漢堡～兩個漢堡份量絕對唔細！！我件雞扒仲大到凸曬出個包出面！🤭😅😋套餐跟一款小食，老細食薯條🍟，我食沙律🥗跟住叫多一個辣雞翼（五隻）同埋絕對唔可以錯過嘅炸魚柳配薯條～魚柳點他他醬係不二之選！😋👍🏻個辣雞翼都非常惹味～食熱氣嘢就梗係要飲汽水啦！！想唔肥就學我飲梳打水😅🤭都係一個不錯嘅選擇！！呢度生意好好～不停有人嚟買外賣，舖仔細細，堂食好快坐滿～要食就趁早啦！！

又係去荃灣覓食的一天 😋 上次嚟附近見到呢間Burger 就已經諗住下次過嚟試吓，撞正今日喺呢附近放工，機會來了 🤩🔸脆炸魚柳漢堡超大塊魚柳！好脆！！個包好香牛油味，好軟又唔會太乾，配搭簡單材料蕃茄、生菜、沙律醬，已經好好食 😋 跟餐有埋薯條同埋嘢飲，係我至愛嘅粗薯條 😍 加咗黑椒點埋茄汁，絕配！我覺得個茄汁好好味阿 🤤🔸檸檬胡椒雞翼炸得夠乾身，好特別嘅檸檬酸味好開胃，本來食咗個包有啲飽飽地，點知啲雞翼食吓食吓又食晒🤣仲有下次試埋個乳酪雞漢堡先～

係US食漢堡最平都要$10美金，一黎到香港就覺得香港d漢堡真係好平好抵食質素仲要好好😋荃灣既一·漢堡做親民價最平$58就有大件高質漢堡套餐，學生仲平多$10，真係正！Food list🍽️澳洲和牛漢堡套餐 $73(附薯條+檸檬紅茶)(薯條加黑松露+$10)和牛漢堡好厚好多肉汁，配埋蕃茄芝士等，d汁同料多到爆出黎，個口細d都食唔到🤣手打安格斯牛漢堡套餐 $58(附沙律+梳打水)炸魚薯條配自家製塔塔醬 $48入面魚肉仲係好嫩滑，出面就好香脆！啤酒脆漿炸大啡菇配自家製黑松露醬 $42大啡菇咁整真係好惹味！

👩🏻突然想食burger又唔想幫襯連鎖店，喺荃灣華都中心搵到呢間抵食小店。✨澳洲和牛漢堡+薯條+飲品 $73呢個應該係全港最抵食嘅和牛漢堡🍔！厚厚嘅漢堡扒勁多肉汁。加埋半溶嘅芝士🧀同埋焦糖化咗嘅洋蔥🧅，味道好豐富！粗身嘅薯條🍟外脆內軟，新鮮炸係特別好食。✨微辣雞翼 $38欣賞佢哋自家製而唔係用CP來貨👍🏻。又脆又多汁，辣度非常低。📍一．漢堡 (荃灣)荃灣西樓角路170-184號華都中心1樓41號舖

🌟荃灣Burger One澳洲和牛漢堡，讓人愛不釋手🍔 這個漢堡外皮香脆，內裏和牛嫩滑，入口即化，讓人回味無窮。而它的自家制沙律更是絕配，清新的口感為漢堡增添了更多的層次。🍗 檸檬胡椒雞翼也是Burger One的另一大特色。外皮香脆，內肉嫩滑，搭配特製的檸檬胡椒，口感豐富，味道獨特。一咬下去，那種滿滿的幸福感油然而生。👍 想要嘗試新口味的朋友，一定不能錯過這款美食！#美食探店 #荃灣美食 #BurgerOne #澳洲和牛漢堡 #自家制沙律 #檸檬胡椒雞翼 #美食分享 #美食探秘

支持小店系列🤤 價錢親民，全日套餐只係$58，有齊漢堡包🍔薯條🍟飲品🥤，全部落單後即叫即製，見住廚師喺半開放式廚房裏面認真製作，令人期待！餐廳走美式快餐店風格，牆上掛左唔少籃球員嘅相🏀⛹️🌟全日早餐 $58✨手打安格斯牛漢堡·炸薯條安格斯牛一定要趁熱食😋 麵包係烘烤過嘅，肉類同蔬菜食材比例適中，食完唔會覺得膩。粗薯條即叫即炸，口感酥脆，加少少黑椒更添香氣。✨大啡菇素漢堡·自家製沙律素食人士都有選擇，大啡菇依然保留肉汁，加埋蔬菜沙律，食burger都覺得好健康，完全冇罪惡感😎 ✨檸檬胡椒雞翼 $38 鹹鹹酸酸嘅組合，比較重口味，未必人人都鍾意！唔知點解覺得一定要配汽水🙂‍↔️✨啤酒脆炸大啡菇配黑松露醬 $42大啡菇切成件，外層酥脆，內裡依然係香軟嘅大啡菇🍄‍🟫 口感幾特別！

今日約咗朋友去荃灣嗰度做運動，做完運動之後呀諗住去商場涼下冷氣，見到一間門口裝修好整潔嘅burger舖，睇完餐牌見到佢係食手工漢堡嘅但係本身嚟講我就唔食牛嘅，見到佢都有豬同雞嘅選擇所以就去咗試一試🐔乳酪炸雞漢堡一口咬落去發現佢嘅炸雞都好juicy，乳酪汁都非常之香濃，裏面有啲雜菜，咬落去感覺清新fresh脆口，麵包出嚟嘅時候都係非常之夠熱，呢一樣嘢係非常之值得讚佢嘅🫶🐔胡椒鹽雞翼呢個雞翼睇落去唔係太熱氣，入口非常嫩滑，鹹鹹香香🫶🧆沙律菜沙律菜加入咗特別嘅油醋醬汁清新得嚟好食非常適合夏天總括嚟講呢一間餐廳嘅漢堡包餐都幾抵食👍

Burger one漢堡套餐有六款$58 有埋飲品，沙律或薯條大啡菇素漢堡手打豚肉漢堡脆炸乳酪雞漢堡脆炸雞柳漢堡手打安格斯漢堡另加$15可以升級和牛漢堡手打安格斯漢堡安格斯漢堡非常juicy配上爽口生菜多汁蕃茄秘製沙律醬帶點芥末的微辣開胃酸瓜能夠中和安格斯的油膩感保持清爽脆炸魚柳漢堡原條魚柳脆粉薄魚肉夠嫰新鮮炸起夠熱辣辣沙律配上芝麻醬有生菜絲，粟米，蕃茄仔健康之選罐裝檸檬茶少甜紅茶味濃檸檬味夠清香啤酒炸大啡菇每次都要叫因為炸大啡菇點埋黑松露醬素食之選黑松露薯條炸薯條配上大量芝士粉大量黑松露醬非常惹味食唔停口套餐非常抵食同朋友仲可以叫小食share