三代橋日本料理

营业中

休息中

平日收工同老公嚟左呢間日本餐廳到食，店舖座位唔算多同埋坐落有啲迫，而今次係餐廳叫左4樣嘢食。特式刺身有7款刺身包括，三文魚、甜蝦、帆立貝、吞拿魚腩、白身魚、海膽、鯛魚，食落都好新鮮一啲都唔腥，特別鍾意食海膽同甜蝦，好鮮甜，擺盤都幾靚，價錢合理👍🏻。汁燒魷魚筒魷魚唔會好韌，啲魷魚燒得好入味。鐵板鵝肝鴨肝好大件幾好食，不過啲油太多浸滿晒啲洋蔥。蟹膏海鮮炒飯蟹膏連埋炒飯一齊食好濃味，飯炒得唔會太濕啱啱好。

每次食完呢間餐廳都口渴到死，要狂飲水解渴。份量又越嚟越少。最大問題係企係收銀處嘅男職員服務態度勁惡劣，對啲客呼呼喝喝，好似欠左佢咁，以後都唔會幫襯，食完一肚氣。請老闆見到大家嘅留言要正視一下，如何改善該男職員嘅服務態度，馬鞍山區都係做熟客生意，點解餐廳會容許職員持呢種服務態度，難道想趕客？？？

店員態度其差，沒有修養，食店員工的水準都不能控制，怎可保證食物的質素?永不會再光顧，劣質管理食肆。未幫趁已令顧客有 hard feeling。如老闆見到留言，請好好訓示一下男性員工。

人生有史以來，經歷最差服務態度嘅餐廳，就係呢間。.今晚，得登帶埋屋企人，當中有2歲bb同老人家，去試呢間餐廳。我地一早book咗8點鐘，4位晚餐。8點前，我地準時到達，有位男職員示意我哋喺門口等。等到8:15分都仲未可以入座。..我入去詢問職員:「請問幾點可以入座，我哋係book咗8:00」.男職員話:「未入得」.我話:「咁幾時可以入得呢？有冇枱係埋緊單等陣可以安排入座呢？」.男職員態度極之惡劣話:「冇喎」仲要話:「你哋仲要唔係第一張Booking呀！你前面仲有一張都未入」.我話:「前面有一張Booking冇問題，問題係你哋點樣安排Booking入座」仲要到當時都冇枱埋緊單，亦唔知道要等幾耐，即係要客人白等。.佢態度更加惡劣回答， 「係呀，唔鍾意就去第二間！」...嘩。。。我真係激到想喊。。 我地等咗15分鐘都依然耐心等待，諗住好快可以安排入座。天氣又熱又焗，又有老人家同小朋友，真係忍無可忍去詢問究竟幾點入得呢，竟然得到如斯對待。..男職員從未講過一句唔好意思，仲要真係講到出口趕我地走。自問態度良好有理，點解要咁樣對待客人？..可能你哋餐廳唔優做，做少一台客又有咩所謂。但你哋嘅職員態度

完全不推介，睇餐牌幅圖，成板海膽，唸住$248都可以接受。點知出到黎，叮屎咁少，做兩舊壽司🍣都唔夠，食完再睇多次餐牌先知括住（50g),大家睇下夠唔夠50g,唔去細餐廳食野係有原因，做衰晒！抵人地大型連鎖店越做越旺。仲有個鐵板牛柳粒$68，勁甜，完全唔知食緊咩？衰過茶餐廳，點想呢？埋單連埋加1服務費，仲要個服務係咁走黎吸你張枱有無野收，貴過係新城市廣場食野，大家食野睇清楚餐牌，今時今日仲有陰人的餐牌。

馬鞍山好難揾到好既日本餐廳，三代橋已經係我心目中既top3. 佢有啲似居酒屋，除咗必有既壽司，刺身，日本前菜小食，仲有拉麵，壽喜燒，可以滿足所有人既願望。今次坐係吧台，可以望住幾個師傅整壽司，佢地真係未停過手。見到menu有推介刺身, 日本生蠔，話係日本直送，非常吸引。叫咗兩隻生蠔試下，唔係咁重海水味，但真係好鮮甜，值得一試。之後，再叫咗個油甘魚鮫同壽司盛合。甘魚鮫燒得啱啱好，表皮脆脆地，入面就仲係juicy。雜錦壽司有八件唔同款，有至愛既帆立貝同海膽，好有鮮味。自己mix埋三文魚子，變咗海膽三文魚子軍艦。

Lunch time 同屋企人去咗三代橋日本料理，壽司款式都幾多，但今次我哋主要食燒物同刺身。燒物叫咗鹽燒牛舌，燒鰻魚同埋燒油甘魚魚鮫。刺身亦有很多款式，一般是三文魚，吞拿魚等，但呢度仲有池魚、魴弗同金目鯛，於是我哋叫咗池魚、鱆紅魚、魴弗和金目鯛，這些較特別的。燒物熱辣辣，好香口，燒油金魚魚鮫魚肉又香又滑。刺身擺上船好靚，價錢合理親民，叫嘅呢幾款魚都好新鮮，鮮甜唔腥。位於馬鞍山舖頭面積不算很大，服務很好，不得不讚一下，食物上枱一陣，店員就過來問候下我哋食物ok 嗎？另外我爸爸覺得佢哋嘅washabi 幾好食，聽講係自家製，又唔太辣，於是問店員有冇得買？打算買啲返屋企，點知，點員轉頭用個盒仔裝咗一盒俾我爸爸，話：「唔使買呀，請你哋食啦！」物輕情義重，感到佢哋真係用心對待每位客人，爸爸好開心，我哋以後都會多啲來吃😊

父親節食飯，book咗位都等咗成粒鐘店鋪座位唔多同埋有啲迫，不過上菜都算快。8個人叫咗勁多野食，食到好似放題咁，埋單每位約$380，以質素計性價比中等。刺身 - 叫咗幾款魚，都好新鮮唔腥，不過就唔算大條。帶子好厚肉夠鮮甜.壽司 - 推介油甘魚同池魚，好鮮味，魚味又濃。軟殼蟹卷都唔錯。.鐵板鵝肝 - 好大舊夠厚，但超級油。.炸墨魚咀 - 不過不失，都大粒。.牛舌 - 推介！唔會韌，好惹味.羊架 - 大大舊都好惹味，羊味都濃。

想食壽司多數都會諗起壽司朗，但要排成2-3個鐘真係不了。馬友就有三代橋呢個CP值極高嘅選擇。 之前晚市都常滿要等，但而家疫情，少左好多人堂食，所以三代橋都唔洗等位。 今日主要係食壽司ssss! 雖然少左人，但佢地仍然都會有每日新鮮嘅特別刺身比人揀。 我地兩條友就揀左「彷彿魚」壽司，雜錦壽司，同牛油果軟腳蟹壽司。 完全係大滿足！順帶一提，呢間日本餐廳嘅員工服務態度都好好，好有禮貌，見到隻杯冇水會即刻jump 比你，同埋大部分都好靚女呢

前日食左128嘅魚生飯，冇前菜同湯，魚生飯本身麻麻，海膽好少但都ok，蟹肉勁少，三文魚北極貝吞拿魚都係好普通嘅質素，魚生食落唔係好新鮮，食曬d魚生，壽司飯仲剩半碗，有d失望。加一total係141，尼個價錢可以有更好嘅選擇，總體食物性價比唔高。 今朝起身個肚好痛，頭暈腦脹仲低燒，睇左醫生，話係夏天魚生若處理唔好易滋生細菌，細菌感染以致腸胃炎。宜家食緊抗生素同胃藥，清淡飲食一個星期。從未寫過食評，但衛生真係要注意，睇醫生仲貴過食飯。

如果以喺馬鞍山嘅壽司🍣店嚟講，呢度水準算最最穏定⋯⋯ 今日赤貝壽司做特價，$8/件另外仲叫咗鰻魚壽司，呢個好正，大大片鰻魚👍🏼蟹肉蟹羔壽司，味道OK嘅！蟹棒壽司就好一般……鰻魚炒飯，濕得滯，唔夠乾身，麻麻地⋯⋯牛肉鍋配烏冬，好味😋 牛有牛味🤣 烏冬夠滑👍🏼埋單合共$318，OK啦！

今日在馬鞍山附近尋找食物，先發現原來馬鞍山都唔係完全美食沙漠。我地三個人分別叫了一個小食，再加兩個小食。講野食之前，先講一講佢地既服務，服務好好，經常會主動幫客人加水。環境都算寬落，唔會太噪。1.血地獄（$68）2.鍋燒烏冬（$68） 我今次叫左個鍋燒烏冬，因為想食湯面。份量多，上面有大炸蝦、蟹柳、炸茄子，仲有粒生蛋。生雞蛋拌好後使烏冬更滑，烏冬口感彈牙，係我中意的烏冬。湯底是日本的木魚昆布湯，最後加上少少的蒽花令到整個烏冬提昇。如果要講一個缺點，就係炸物放左係湯上面變得唔脆。3.石狩鍋（$68）+ 飯（+12）朋友叫的，沒有試食。但上面有大量煎香左的三文魚和豆腐。原本以為一個鍋應該唔夠食，無麵／飯跟，但原來湯底下都有少少粉絲，而且份量勁多，女仔一定夠食。4.鐵板墨魚咀（$52）好愛食呢個，如果大家飲酒可以叫這個送酒。非常惹味香口，有大量炸香的蒜粒及甜甜的洋蔥，配上爽有口感的墨魚咀，好味道5.雜錦天婦羅🍤（$55）天婦羅炸得剛剛好，外脆內軟，好味。下次要試下佢既壽司和刺身。

這間位於馬鞍山鞍誠街8號MOST town street 新港城中心大街（3期）地下6號舖，店名三代橋日本料理，幾年前好多時都係到食lunch，因為佢嘅魚生飯可以自選配料，又可以追加，魚生新鮮又好味，今日生日，專誠入馬鞍山食午餐，這個自選魚生飯星期一至五中午才會供應，假期是沒有的，HKD58已經包左黃、藍、紅各一款魚生，黃色每款追加，加HKD6/款，藍色加HKD8/款，紅色加HKD12/款，價錢唔算貴，環境又坐得舒服，侍應服務態度都唔錯。

係馬鞍山想食日本嘢一定係呢間魚生壽司新鮮 從來唔會食到腥味推介吞拿魚炸物應該係即炸 皮薄好脆好多肉汁推出炸雞燒物係差咁啲 上枱時稍為凍咗少少牛舌有啲韌 牛肉ok 建議試吓其他另外一題係倒茶服務太好一放底個杯已經有人倒緊 超快 超留意客人

看到菜單裏寫海膽一板 , 覺得價錢不錯 划算， 所以叫了一板， 來到卻是這個樣子， 這樣應該是擺碟放在板上而已， 唔係叫一板海膽掛🤨 問服務員， 態度還很堅持， 一句唔好意思都冇，直接話「如果係一板就唔係呢個份量㗎啦喺呢度嘅兩倍，呢個係原本份量嘅一半， 呢個係攞咗一半出嚟放喺個板度」 回答得超級理所當然， 咁請問點解菜單上要寫係一板？ 你都識講一板唔係呢個份量啦💁🏻‍♀️ 點解可以一句唔好意思都冇！ ………………………..