三多

营业中

休息中

又黎到對我好遠既大埔，又係宵夜時間！朋友帶我食遠近馳名既三多食炸脾。老老實實，我就覺得一般般姐，係即叫即炸，辣粉係吾錯既。但係又未至於可以令我再長途跋涉咁黎大埔食。如果有下次都係食返間近少少就算。環境就一般般啦。如果10分滿分都有6,7分既！不過不失。

雖然夜晚食得好飽，但行經呢間三多總店，又點可以唔試下佢最岀名嘅招牌炸脾。今次係我第三次食，除左叫左招牌嘅炸脾，再配埋香蕉奶，好滿足。不過今次唔係我食過最好食果次，如果再熱少少就更好，但整體水準不錯。

講到炸雞脾冠軍，三多真係當之無愧！三多雞髀係我唯一會連皮食的雞件。當初第一次食嘅時候，仲未有任何分店，已經一試愛上。分店當中，位於元朗，觀塘，荃灣（已結業）同紅磡（已結業）都食過。每間水準都唔錯，拍得住總店。三多已經食過無數咁多次，每次都為雞髀而來。晚餐冇食得太滿足，加上到達嘅時候已經凌晨一點，足足點左四樣野。全部都係炸物，萬分邪惡的宵夜。招牌炸雞脾 $30唔知係咪太耐冇食嘅關係，感覺雞髀Size 比以前細咗啲，但依然咁好味。 🐥從來食雞唔食皮既我（怕肥），對住三多炸脾真係無法抗拒，照單全收。🍍炸菠蘿角 $20/5 平時燒菠蘿就食得多，唔知炸菠蘿大家又食過未？咁新奇有趣當然要試吓。咬落去外脆內裏是溶了的菠蘿角，味道同口感都好創新。✋🏻三層西多士 $25 西多士都唔係間間茶餐廳有，既然呢度有當然要試下啦。切開後，可見其中一層夾着一塊火腿，感覺有點多餘。麵包不夠厚，不是傳統做法，所以有少少失望。🧀炸芝心丸 $42/6相信大家對芝士丸都唔陌生，唔需要我多講。溫馨提示：大埔總店某幾款小食價錢會比其他分店便宜$1-3元。所以以上價錢只供參考

三多開到好夜，今晚雖然係出邊食完飯，但係返到屋企都仲有少少肚餓，可以返屋企途中經過三多就買咗份「生炸雞脾」🍗🍗🍗 （世界級咁邪惡）要大讚就係間鋪頭好有效率，比錢個時話大概要得7分鐘，但係實際3至5分鐘就ready啦（可能咁岩運氣好，而且宵夜時間客人多，密密炸緊）。香港人係講求效率，之前試過第二間嘅炸雞髀鋪，可能係因為即炸嘅關係，要等成20分鐘，真係令人卻步。因為我係叫外賣拎走返屋企食，返到屋企都係10分鐘路程，就即刻享用，挺juicy 🍗，都唔錯不過每份要$30，價錢宵夜來講都算幾貴，雞脾大又唔算真係好大，但係相對應呢個價錢都都可以接受嘅

今日訓唔著，起身食宵夜🌈🌈🌈🌈就答車去三多😈😈😈😈食炸雞脾🍗🍗🍗同豉油王腸粉一叫完等多10分鐘就到了👍🏻👍🏻👍🏻炸雞脾，好脆，🍗🍗好多汁，唔會好乾，🍗🍗好熱正!入面好入味，生炸雞脾果然好食 ah🤤🤤🤤🤤🤤👍🏻🌈🍗🍗🍗🍗🍗🍗豉油王腸粉👍🏻👍🏻👍🏻👍🏻有D肉碎係入面😍😍😍腸粉唔會好亁👍🏻👍🏻好好味，好入味🙌🙌好滑🙌🙌有D牙菜係入面🙌🙌真係好正好足料好掋食🙌🙌次欠去三多除左食炒脾仲有腸粉一定要食🤤🤤🤤

唔知有無人同我一樣咁鐘意食炸野，特別系炸雞脾🍗，對住呢個邪惡食物真系無辦法抵抗🙈。話說有1日同男朋友由馬鞍山踩單車踩到去大埔，踩得咁辛苦緊系要搵返d好野食下。聽聞三多炸雞脾好出名，所以就去試下佢。一試之後就明白點解賣炸雞脾都可以賣到街知巷聞！佢地嘅炸雞脾外層炸得好鬆脆，食落好香口，而且肉質又嫩又滑又有汁，仲可以揀大中小辣，滿足埋鐘意食辣嘅朋友仔！三多嘅炸雞脾係即叫即炸嘅，大約等10分鐘～系絕對值得等同值得試嘅炸雞脾另外仲試左杯爆珠凍🍋茶～無咩特別..解下渴都ok ge ...三多店鋪比較簡陋，衛生都系一般般，但食到咁好味嘅雞脾都無所謂啦！

難得入到大埔，仲要係三多嘅總舖附近，當然要去食番隻炸脾去到仲可以坐底食，我兩隻為食鬼即叫2隻炸脾一個跟沙律一個跟飯炸脾個皮真係又脆又簿，味道又唔會太咸沙律係兒時茶餐廳嘅沙律，唔好水汪汪內面仲有生果，蛋同埋薯仔；而個餅就用咗豉油汁係多咗少少油其他都好ok

三多最出名雞脾試左油脾 夠滑同夠味 ，讚同埋佢個肉碎炒腸粉都好正好夠味 有鑊氣 可以再試另外仲有試左個西多士有驚喜入面有火腿意外地同西多士夾over all高質略嫌衛生一般但老闆好好人 好健談

招牌炸脾 雞脾啊，係雞脾啊，仲要係三多炸脾……唔講唔知係大埔最中一個宵夜熱點就係食炸脾，其實三多咁出名主要個脆皮同人地啲炸脾唔同，人地啲生炸雞脾都係冇咁脆口，佢啲炸脾似用麵包糠調製，所以特別香脆同黃金，仲要好多肉汁，肉又嫩口。真係建議大家黎試下三多炸脾，依家佢啲分店都愈開愈多，連元朗都有，真係幾方便我，近近地，仲有炒腸粉又係好吸引，每次都覺得食完唔飲野唔得，因為太熱氣啦，配可口可樂係一流，下次大家可以試下。

本人因飯後突然家有急事需要陪同家人去醫院，去完醫院之後坐車去了三多買了兩個外賣一個鹵水雞比餐配椰青水，一個餐旦麵，落單之後，係等外賣期間拎定外賣餐具，方便回家享用。女收銀員稱會有餐具跟埋的，甘我已將所拎餐具放回原位，再耐心等外賣，另一名五十多歲貌似老闆的男士就用不太有善的眼光望住我。直到拎外賣時我已即時查看餐具，只係比左餐旦麵筷子同匙羹各一隻，回家用餐時發現另外油雞脾配椰青水没有比刀同叉，雖然你係做快餐堂食的，但係比多另一份外賣餐具都不會過份嗎？今時今日既服務態度係唔可以甘的，再何況你係做街坊生意，想街坊再次會幫襯應會再三考慮。

一直都聽說這裡的炸肶好味,一直都想試. 可是試完後真覺得很一般,不是特別好味,一般茶餐廳都能做到這水準或者可以比這更好食 雞肶一啲肉都無～中間仲穿左個洞餐牌明明有分大中小辣，我地落單嗰陣講左要小辣，之後上菜嗰陣...原來無調到味，話要辣既話就自己係枱面拎樽辣粉自己加而沙嗲三寶完全不值一提，沙嗲冇沙嗲味，蘿蔔好硬 咩味都無有點失望，性價比比較低，三十蚊一隻肶我期望會較好味，但確實很一般沙嗲三寶(蘿蔔,魷魚,豬皮)

夜晚玩完十點左右行返屋企，經過三多，有啲肚餓，就去三多叫左隻炸脾，香辣肉碎腸粉同一個啫喱。上次食辣味炸脾，真係辣到無朋友，今次叫返原味無辣，水準依然keep到。外脆內軟，個皮雖然好熱氣，但真係不能不吃。精髓在個炸脾皮，點都一定要食。香辣肉碎腸粉又係好正，味微辣，真的很野味。會不停咁食哂為止。肉碎外還有芽菜同辣椒，真心正。個啫喱係我個女食，當然佢一口氣就食完。上次老闆好好人，送了個啫喱給女女，真心好人。唔明點解啲人話三多老闆串囉。街坊鄰里，一定會再幫趁

馬鞍山係美食沙漠就人所共知，其實食消夜都冇乜嘢好食難得朋友有車載我哋去大埔食消夜就去咗呢間遠近馳名嘅三多炸脾30蚊就可以有大大塊雞髀而且揸到好香脆一啲都唔會燶而且仲份量好大2個人食都夠如果一個人食晒既話 就未必食到其他既宵夜想一試再試仲有好食嘅雞軟骨， 啲軟骨唔似我以前食嗰啲好難咬開， 而且每個雞軟骨香脆好好食唔會太乾 但係味道可以再濃啲就更好因為感覺有少少淡 哈哈不過性價比算係唔錯最尾食到飽晒先返馬鞍山真係好想再食

I've not written a review for awhile and this place has brought me back. I rarely go to Tai Po but last night I decided to venture out and meet a friend at his local for a drink. And as usual after drinks I had cravings for some fried / unhealthy food. Having walked around the block my friend says why don't we go for this 三多. So we go in and get a table immediately since it was quite late. I order one of the signature chicken legs which was the crispy coating fried chicken leg. I left the leg to

同朋友來到大埔一嚐美食，之前已經喺大埔食左2站，胃納餘下少少空間，就黎試下出名嘅三多本來下午5點幾黎到，原來開夜晚6點食左第2樣野先慢慢行過黎，黎到差不多6點半，都無乜人。其實黎之前已經揀定食乜。本來應該喺店面點左食物然後俾錢先，但我地入左去店內坐底左先，有位大叔好好人地走黎幫我地落單，我問：乜唔係要喺出面點嗎？大叔話：得啦收齊數（$）就得仲溫馨提示每位客人最低消費$30我地點左招牌炸雞肶（$30）、香辣肉碎炒腸粉（$32）同埋碗仔翅（$20）。其實間餐店都幾多野食揀，眼花撩亂首先炸雞肶到，原來係沾炸粉炸的，其實我prefer唔好沾炸粉就咁生炸。雞肶新鮮炸所以夠熱夠脆，不過雞肶肉唔多夠嫩滑同埋唔多似醃過。個人覺得$30隻唔太抵食香辣肉碎炒腸粉，食落幾特別，味道亦唔錯，略嫌腸粉林左少少同唔夠滑。$32大大碟都算抵食碗仔翅反而一般，漿粉水，比較多粉絲，其他配料唔多。順便讚下嗰位大叔好好人，我同朋友食飽飽走人嗰時慢慢著褸揹袋，大叔話慢慢啦，最緊要食得開心食肆服務態度好，絕對會令客人食得開心舒服