三多

营业中

休息中

今日去完大埔做野, 已經11點幾, 朋友建議食三多,一場黎到, 一定要試下本身唔想叫沙嗲豬頸肉撈丁, 但係我太餓喇決定要食啦好正沙嗲汁好濃, 撈丁唔會太淋加埋豬頸肉, 沙嗲汁, 變肥婆都抵朋友叫左炸脾, 我叫豉油脾大大隻, 表皮同入面都夠入味話咁快我就消滅左一隻啦

住咗係大埔十幾年，三多嘅炸雞脾🍗係我食過最好味的，外脆內嫩，又多汁，而且不會覺得膩連我一向嘴刁係韓國大酒店做過總廚嘅爸爸都讚好❤💕特別係鼓油王炒麵另外，炸肉丸都是超好吃，唔單止外面炸得好，連裡面都保留肉汁腸粉也是挺有心思的，外皮有煎過，而且仲有唔多款揀添🤔總括而言，本人真係真心十分推薦大家去食！！

离家很近的小食店。老板好像不会说普通话，我又不会讲粤语，但他很有耐心跟我确认点的餐。外带一个炸鸡髀，第一次知道原来粤语的鸡腿叫鸡髀！完整一个鸡腿外面裹了面包糠炸，不油腻，里面的肉很嫩。但一定要趁热吃。个人觉得比韩式炸鸡好吃多了！

踩單入到黎食三多，差唔多個個大埔人都推介。三多炸脾，果然名不虛傳。炸脾外脆內嫩兼即炸呢啲基本功不在話下。Amazing 之處係佢嘅炸粉係輕巧得黎又有口感，唔會太硬，仲會有清脆嘅口感！值得一試！

老實講如果唔係朋友推介我就未必搵到黎，搵到黎又未必食，無他既，地點真係好偏僻，環境衛生亦不是太理想，屬街邊大排檔果種，所以我都係外賣好了人人推介炸雞脾同辣肉炒腸粉，跟大隊即叫即做，都要等等，幾多人排隊，離屋企不遠，唔會太受影響，否則唔建議外賣，因為炸雞脾會霖。兩個字時間返到屋企，估唔到外皮仍然非常脆，有種細個去連鎖快餐店下午茶炸雞脾的感覺，少少貴，差不多三十蚊隻又唔係大隻，但算值得既。個腸粉都可以一食，但是腸粉是偏硬，不是平時軟淋淋的，投訴就真係無乜，大家不妨試試

太耐冇食炸雞脾遊車河去開大埔當然要食一食三多炸雞脾，朋友話入大埔唔食炸脾唔好話黎過大埔炸雞脾即叫即炸，炸粉不多不少咬入口外脆內軟又有雞汁仲可以自己加辣粉 正另外 佢隔離有間手工啤酒飲啤酒既人 可以邊食炸脾邊飲啤酒

作為大埔名物名氣經已經紅到喺元朗開分店，原因無他炸雞髀真的炸得脆而不油膩。還有那個XO醬腸粉味道很惹味而且就算冇其他配餸都好好食。配返一次Hoegarden，正呀!

今日突然好想食炸雞髀，就走左去好耐冇去過嘅三多買個外賣先，叫咗個唔辣嘅生炸雞髀仲有豉油皇肉碎炒腸粉， 十多分鐘後返到屋企準備開餐， 雞髀同腸粉仲係暖暖地， 雞髀炸得剛剛好，外皮非常之脆入面啲肉 又唔會太乾仲有少少肉汁， 皮連肉一齊食最正， 個豉油王肉碎炒腸粉 腸粉係用比較硬身既腸粉， 連埋d肉碎同芽菜一齊炒， 炒得非常之均勻非常入味， 腸粉同肉碎一齊食

今晚晚餐不太飽令我宵夜想起三多的炸雞髀 去到更叫左個炸雞髀拼意粉， 超級好味😋 叫埋可樂更加一流😈😈😈之前亦試過佢個xo醬炒腸粉超正👍👍 還有炸雞翼亦不得了， 而且仲有兩隻咁多😆😆

行經大埔，寧靜既街道，有一個位好多私家車停泊，大量年輕人聚集，大家都識黎三多宵夜炸脾一流 起碼唔係美國餐果d質素，肉汁鮮嫩，味道唔太咸炸脾外脆內嫩，拎走仲有個飯盒裝，唔咸，無咩調味料，可以辣可以唔辣但今日病病地 轉食老水雞脾，呢到有各種小食，意粉都有，價錢就略高、但野食就拍得住高級野。店入面環境都坐得舒服，乾淨唔會有污積，刀叉都乾淨無水積。

今天有同事請了我們吃三多雞脾，他買了一堆雞脾，包括炸和鹵，而我選了鹵水味的雞脾。拿上手的時侯已感到雞脾的厚重，有應有的鹵水香。 鹵水汁也多，雞脾皮嫩滑，全部吃光光，感到滿足。

大埔宵夜三多炸脾必定榜上有名，上星期終於有機會一嚐。縱然，三多名物必然是炸脾，但奈何太熱氣了，所以是日轉攻油脾，油脾被一層厚厚的醬油粘著，一望到已經涶涎三尺，咬下去，肉質鮮嫩，啖啖肉汁滲出，幸好它份量夠大，足以滿足雞脾控的欲望。另外，還點了香辣肉碎炒腸粉，當中的辣汁很惹味，加上有點脆邊的腸粉，真是絕配！三多果然名不虛傳，是一間會令人吃上癮的食店，為了雞脾，減肥計劃都要擱置了！

與記憶中生炸雞髀有出入，三多雞髀是有沾上粉炸的，脆皮上另加辣粉調味，外貌及口感像豪大大，味道不太出，只吃出鹽味而雞味也是欠缺，辣粉也不夠辣，不過肉質是鮮嫩的。最可惜的是三多雞髀的皮與肉之間欠缺油份，相信這是生炸雞髀做得不好的至命點。

跟朋友去宵夜, 才知道有這個地方。進食的地方就是路邊小食檔格局。地方小小, 但真的很旺場, 可能因為有地方泊車, 方便駕車客。食物選擇也不少, 有小食, 又有飽肚的... 眼寬肚窄, 就只能點了兩款食物, 配上啤酒, 這個宵夜很滿足。

大埔朋友話帶我去食地道又馳名既炸雞髀😂 最好係收零晨三點！岩晒收夜既我👏🏻去到既時候晚上十一點幾 有好多人！😳（心諗：真係好出名咁wo) 等左幾個人 之後到我地喇朋友推介我食生炸雞髀 $26 熱烚烚 炸粉薄身 好香脆！雞髀肉質保持嫩滑 好好味呀😍😍 可以自選加辣粉 下次要試下隻油髀😋 雜菜撈公仔麵 $28 份量比想像中大👍🏼 好多菜 好入味😋 沙嗲醬撈丁好正! 值得一試