三多 (已結業)

今日一家大細，有老有少，六點幾去到只有一枱客人，男侍應食緊飯都即時起身招呼我們，真係有啲唔好意思。😅叫左油肶跟飯、炸肶跟意粉、炸肶跟沙律、炸比中辣、黑牛、金牛、凍檸茶及兩罐汽水。炸比外脆內嫩、油比好入味，老人家都讚不絕口👍🏼👍🏼由於有小孩所以再追加一碟剩意粉皮一杯黑牛😋😋埋單$3XX 都幾貴😅，不過久唔久食下都 OK😊PS. 期間問男侍應拎野佢都即時比，無黑口黑面，服務態度唔錯。美中不足洗手間維修中，有一部冷氣壞左。😓

喺網上見到Li間小店-三多-出名炸雞脾所以特登去試下！我地2點去到，即刻點最出名嘅炸雞脾配薯仔沙津！一份bb辣一份唔辣，一隻鹵水雞脾，一碟佢介紹嘅豉油腸粉！飲品就叫左忌廉朱古力同爆0凍0茶，不過價錢有d貴，3X一杯味道方面炸雞脾做得好好，夠脆而且多汁，大大塊，好入味，正！腸粉亦都熱辣辣，好夠味！忌廉朱古力亦都係用心之作，忌廉係自家打，賣相幾靚！整體很好，野食好味，不過價錢方面真係貴左少少，三個人要2XX!間唔中食都唔錯嘅

身為一個北區嘅居民，冇可能未試過呢間三多， 但我今次就真係偏偏係第一次黎!今日可能因為係紅日，加上又係下午茶時間,都要等左20分鐘先有得食!據我所知翠樂街應該係三多嘅第一間分店，而且佢亦有好多分店包括大埔大圍等等。黎呢度既人全部都係為左食佢地既一樣招牌食物，就係炸雞肶!呢度三多炸雞髀炸到金黃色夠靚應該係落咗麵包糠炸先可以做到咁嘅效果， 而且雞肶夠大隻仲有好多肉汁，好味!不過就係比較貴，要成三十蚊一隻另外亦點咗炒腸粉，微辣，少脆口，又係三十蚊，又係偏貴不過好味都抵番啦!

三多既炸脾真係冇得輸，除左佢係第二度食唔到咁好食既炸脾。佢可以炸得脆但又唔會太厚粉，入面既雞肉又可以保持到多汁嫩滑，百吃不厭😍試埋佢既黑牛都唔錯，但朱古力雪糕唔係普通平野，係有朱古力粒架👍

有一次經過，見到一間毫不起眼的小店，見到外面很多人等，決定試一下。去到剛好有少量位，所以便坐下，坐了不久，小店坐位已爆滿，而且等的人越來越多了。我叫了杯爆檸，真係爆..感覺好得意，用少少的蜜桃汁整成爆珠，好新鮮~之後又叫炒腸粉，個個都話好吃，果然。味道頗辣，但本人食得辣，所以很喜歡那種辣味，不能停口，很香口~之後到炸脾，聽到幾乎每張枱都叫起碼兩隻，我都叫兩隻，一中辣，一唔辣。原來中辣只不過時放辣粉，可惜辣粉帶點苦，影響了炸雞原來的味道，所以下次我一定會叫唔辣，這樣可以食到原來炸雞的味道。炸雞一咬下去，很鬆脆，明明是炸的，但不油，而且可以鎖住肉汁，很有水準，我明白為何天氣那麼冷，仍有那麼多人等位等外賣，因為真是值得一試~

去三多識食一定食炸脾啦，宵夜最啱同朋友去三多吹水食下野，愈夜愈多人，等位都幾耐架，鋪頭好細，位置都幾逼下，不過入面有廁所借用，食到成手油都可以洗，三多其實好唔環保，佢地用嘅餐具全部都係即棄，但最近一次去又改善左，希望一直都係啦

今日入大埔踏單車，路經此店，出奇地有位(3人)，不用等，拿拿聲試下，因為聞名已久。空間較迫，坐得十分不舒服。男店員(應該係老細)就較為黑口黑面，女店員就歡容D。炸雞肶意粉，好似$4x，雞肶正，意粉就好普通，不值咁貴。BB辣炸雞肶，$28，貴就貴左D，有少少辣較好味，不是傳聞咁大隻，失望。油肶，正常，不過不失，但$28，就.........黑牛=朱古力雪糕+可樂，好似$4x(唔鬼記得幾$)，正常。爆檸=凍檸茶+爆珠，好似$3x，好鬼貴。金牛=雪糕-+忌兼，好似$4x。星期六3人嘆個下午茶，找數近$220，咁既服務咁既環境，我真係唔會再去囉

係大埔搵完朋友車翻我去市中心有啲肚餓就去左三多食宵夜純粹口痕 所以淨係叫左隻鹵水雞脾$28 呢個鹵水雞脾都好入味 d肉好嫩滑 同埋都幾大隻 店員仲好好人 下次會再食👍🏻正啊正啊

三多炸脾出名，真係成日聽～但從來未試過，因為怕等怕人多～這天晚飯前有點餓，剛剛在附近，便去看看人多不多，竟然有張枱，於是便坐下點了一隻三多炸雞脾～還以為要等很久，等了十分鐘左右便有了，這次是BB辣，這個辣度剛剛好，少辣應該會太辣⋯炸很很脆口，內裏汁很多，果然名不虛傳有機會還會再來食

三多炸雞脾沒有傳聞中的那麼超美味，但即叫即整的效果的確不錯，炸比加上檸檬利賓納成為53元正，下午茶來說是相對比較貴的！間中有悠閑的時候，不妨可以跟朋友去嘗試一下！

三多多因為串嘴令好多大埔人反感，不過我食咁多次覺得還好啦~ 而且聽返黎d對話仲幾好笑tim.d人成日催催催:我隻鹵脾得未?(因為即叫即整，要20分鐘)老闆會答:等唔切去第二到食有堅持先型嫁嘛~ !三多開咗新店係太和 美豐花園地鋪。服務態度好好，亦有求必應，應該啱曬d"高要求客"啦~ (舊三多星期日休息，星期日我會去新店食)炸脾($28)同舊店一樣咁好食，外脆，裡嫩，有肉汁。加辣粉仲好食! 不過佢d辣粉唔少野，第一次食記得小辣好喇。我會食埋意粉($44)鹵脾朋友話同舊鋪有d唔同，大家可以試吓。新店有埋西式糖水，都算幾唔錯，宵夜+甜水一次過食曬，正!

多次經過店外，但未有入內試食，今次終於有時間試味。平時成日聽大埔朋友講起三多好好食，今日到我試喇😎 環境唔錯，有冷氣，一去到就有位。店外keep住有人嗌外賣炸脾拎走，都有十幾個架。叫左1隻炸脾，上碟發現真係幾大隻喎。炸脾有油就梗架喇，一次半次啫wahaha 雞肶塊皮炸到金黃色，好脆，雞肉有少少肉汁，質地唔會好鞋，岩岩好。不過第一次黎，估唔到28蚊一隻雞肶都幾貴。😅朋友叫左爆檸，原來係有爆爆珠既檸檬茶😂😂😂檸檬茶既糖水可以自己落，幾體貼，可以按自己口味落，值得加分。茶味幾濃，但檸檬味較淡。總括黎講，都幾好食既，但價錢頗貴，叫做試左就算，價錢令人卻步。

某日晏晝同爸去左三多食炸脾拼沙律! 個炸脾外脆內十分juicy! 炸漿岩岩好，厚薄適中，喜歡食辣既朋友可以外加辣粉 (聽朋友講都幾辣架，我唔食辣所以就唔知啦!)本人覺得沙律唔可以話係炸脾既配角，因為個沙律真係好好味，唔會落太多沙律醬而覺得個沙律太酸，配料同醬配合得剛剛好!

三多炸雞脾真係好正😍d肉好嫩😍d皮好脆😍😍😍係我食過咁多炸脾入面最好食😍😍本身都去過元朗同大埔果兩間三多 但始終最中意太和呢間 雖然大埔果間最好食 不過太和有冷氣又實有得坐😂

有時放工時間早，太早吃飯，夜一點的時間會餓。因為有朋友較晚放工，偶爾會聚在一起吃宵夜。選擇來去也是那幾個，三多是其中之一。最近天氣越來越熱，比起大埔三多，我們更常選擇有冷氣的三多第一分店。豉油王雞脾是一定要試的，我覺得比炸脾更好味，雞皮和雞翼都非常入味，豉油不會過甜，而且雞脾肉質嫩滑，試過會想再試。因為炸脾感覺太over ，自欺欺人地點了炸雞翼，炸得剛好，夠香脆肉又嫩，當然油份也不少。另外點了碟豉油肉碎炒腸粉，腸粉均勻吸收了豉油味，但又有會太鹹。腸粉爽身彈牙，加上有肉碎和芽菜，口感更豐富。不過，真的太油了，墊底的菜裝了不少油份，扣分。最後口痕點了炸薯條，一樣炸得很香口，薯條中間軟綿綿的。當然，一樣是油了點。這樣邪惡的宵夜，雖然味道很好，但不能多吃。