三悅冰室

营业中

休息中

呢間位於堡壘街既三悅冰室，係我食西式早餐既首選店舖。要行一段斜路然後轉入堡壘街就到，地方闊落大多數都係卡位。有好多款早餐以供選擇，但蛋蛋最鍾情呢個牛扒歐陸早餐，真心好味又多野食。裡面有一塊頗厚切既牛扒一塊，法蘭克福腸，炒滑蛋，茄汁豆，芝麻醬沙律菜同埋丹麥多士。每樣食品都代表一種唔同既味道，十分之豐富，好味首選！口味：🥚🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚🥚

又到咗lunch時間今日同同事就揀咗呢一間冰室食嘢我就揀咗肉絲炒麵嚟食佢嘅性價比都不錯佢個面底夠晒脆唔會淋晒而且佢個芡汁亦都OK 冇成pat嘢咁樣放喺個麵上邊整體嚟講都幾好

沙嗲牛肉麵正常發揮，係個湯偏淡少少， overall都合格。五香肉丁通粉都係偏淡，最唔OK係佢個炒蛋揼埋落啲湯度，搞到濕粒粒🤢不過啲嘢食上得好快，趕時間嘅話嚟呢度食一流！

星期日中午1條友，冇北上，想留港消費。陰天未晴，雨水斷斷續續，心情同天氣一樣，路過堡疊街，見三悅冰室，頓時懷念結業已久嘅三悅大飯店，以貴妃雞馳名。見食客幾乎滿座，應該吾會差卦？！入店見有卡位，但1個人吾好意思坐，點知店員話：「見位就隨便坐啦！」見佢咁忙，又咁講，就坐下卡位，點咗個海南雞(因懷念三悅大飯店)。雞算滑，吾駭，黃油飯吾差，有湯有凍飲$65，算非常合理。值得推薦！筆者有啲意見：如果海南雞去埋骨就very good!

今日去開北角個度，自己一個人食lunch，見到有間新開茶記好似好多人幫襯，一於試下一個人都容易搵位，同其他人搭枱唔駛等位午餐唔算好多野簡，每日精讚有五、六個，咁岩個日個/D唔系好岩食，叫常餐穩陣五香肉丁米粉常餐$50五香肉丁米粉配火腿奄列，正常價錢正常質素五香肉丁份量正常，米粉系即食個種，口感比較散，有點失望火腿奄列煎得比較油，蛋唔算老有蛋汁多士系丹麥酥，焗得有少少過左火，所以比較硬杯朱古力最可取，夠味好飲

今晚買咗個羊腩煲外賣， 加15蚊跟個白飯同湯， 返到屋企拆開得個白飯冇湯， 我打電話 問係咪漏咗個湯我落嚟攞返， 居然答我個湯賣曬， 然後問返我想點， 仲叫我一係落嚟攞返三蚊，本身個白飯單價12蚊， 咁咩叫跟餐 呢？你唔係應該人哋攞外賣嘅時候同人哋講返聲賣曬㗎咩？ 我最後話由佢唔使， 然後佢即刻cut線唔係個湯嘅問題，都唔係錢嘅問題， 你同呃冇分別 !個羊腩煲確實係唔錯 ，但入面班廚師煮得幾好食都冇用， 你咁樣對客 ，你等執笠 !