上海小南國 (MegaBox)

营业中

休息中

星期日的午餐時段，入座率也達到九成，這代表此食店的出品有着一定水準，可以信賴。《 上海 小南國 》在疫情的陰霾下保持着高水準，在地方和餐具清潔，在座位距離，職員的專業，都令我本人十分滿意。當日品嚐了多款菜式，其中幾款是我從前在此店食過的，也是令我難忘的 !北京烤鴨 (配薄餅) : 鴨肉味道濃香獨特，鴨皮鬆化不帶肥膩感，皮和肉之間無留點點脂肪。一碟的份量充足，性價比高。手拆清炒蟹粉 (配薄餅) : 一大匙羹純正蟹粉加到薄餅皮中包裹著，就變成蟹粉雲吞，一啖一隻非常滿足啊 !手拆蟹粉豆腐 : 豆腐嫩滑，蟹粉濃郁，兩者配合天衣無縫。精選大陳洋黃魚 (配松子)揚州乾絲雞湯燴手工蛋餃 (半份)其他小菜，不再介紹。 要推薦的真是寫不完呀！溫馨提示 : 假期一定要訂座

行行下街都食下上海小籠包 搵左依間上海小南國點知可以咁難食！我自問唔係好嘴剔既人 除非我本身唔仲意食果樣野 如果唔係都唔會話一樣野難食 擺得入口就ok點知依家野係食裝修？裝修得靚有咩用 真係邊食邊嬲首先個知客已經要我哋等好耐 唔止係我哋 有三對客人入到去我以為好多人啦所以佢太忙招呼不暇點知入到去仲有好多空位 都算啦一開始我仲有心機影吓相覺得幾靚一嚟咗個花雕雞同埋木耳 我成個人呆咗 太細份啦 點樣做二人餐.. 前菜？ ok..黎齊套餐既野 完全唔夠食 個蝦仁真係齋洽比你加啲醋比你點 仲要得好少好少 個蝦仁好細粒好細粒！ 得個獅子開大口勉強算OK 個小籠包個皮超級厚 我少少無奈 我都算啦再嗌多個鴨食 啲鴨肉勁鞋 咬到我個口好攰 加上唔好食 我食到頹哂個糖水！藥水味 飲左一兩啖真係唔掂 埋單走人 唔會再試 未食過一間野既用餐經驗咁唔愉快 一定唔會再黎 大家都唔好比錢買難受啦埋單800蚊 大家睇相 大啲都唔值

呢間餐廳第二次黎，裝修整潔衛生，坐得闊落舒服，服務好，當然，最重要係菜式好味。首先推介原汁南薑雞，係一款冷盤，切雞上舖滿好似炸過既薑蓉，配上切雞，皮爽肉滑，加上薑味，有豬肉鬆既口味，十分夾，好味到好快就食哂。必點菜式。其次推介小籠包，雖然未係完美，但皮算係薄，而內裡一啖汁做得唔錯。鎮江肴肉也好好味，入味彈牙既豬肉，加上切薄皮，唔會太膩。 炒菜都有驚喜，會有炸蒜舖面，味道層次口感都提升咗。菜式全部都好食，但價錢亦反映質素。呢個質素，價錢屬合理。但唔係平，不過都值得一試

大學同學聚餐選擇了食上海菜-上海小南國。位於遠離地鐵站較偏遠嘅地方，九龍灣MegaBox商場內⋯先説環境是不錯，寬敞明亮做足防疫措施，食也食得安心啲。食物方面都比想像中多選擇及多元化。冷菜小食-我的最愛是桂花糖醋小排骨，酸酸甜甜十分開胃，排骨粒啲肉好淋，一啲都唔鞋，真係食到停不到口。小菜：螞蟻上樹-粉絲吸收晒d醬汁精華，少少微辣啱曬我一班唔食辣嘅朋友。當家松子魚-大大一條大鱸魚，沒有魚骨啖啖魚肉，啱曬唔識食魚挑魚刺嘅我。臻選南薑雞-以為係熱菜原來是常溫食，不過雞肉都幾滑，雞件仲要冇骨，又係啖啖肉咁食，可以話係食肉獸不二之選枝竹羊腩煲-真係意想不到嘅菜式，仲要好有驚喜，天氣凍凍地一鍋熱乎乎嘅羊腩煲，食咗真係暖身又養生，羊腩件件軟熟，枝竹吸收晒湯汁，好好味，馬蹄十分鮮甜爽口，而生菜🥬同羊腩煲可以說是絕配，缺一不可甜品-桂花酒釀丸子，以這款上海地道風味糖水做這餐的終結，十分滿足

一年一度的大閘蟹季節又到，今年第一次食大閘蟹選擇咗去小南國，佢係一間傳統老字號上海店舖。在香港已經有十幾年歷史⋯天氣開始轉涼，係時候食大閘蟹，朋友介紹說小南國已有大閘蟹套餐推出，便相約一起去品嘗一下！當晚去到餐廳環境都幾光亮整潔，因為有訂座是晚幸運哋安排到一個安靜角落位，可以同朋友傾吓偈吹吓水。食物方面選擇咗「🦀蟹意套餐」，每位$568頭盤：糖醋小排骨+太雕醉走地雞，食肉獸的選擇湯：花膠松茸菇燉雞湯，滋陰養顏，湯頭清甜主角：5両大閘蟹（公），都幾多膏Yummy菜式1：蟹粉蝦球蒸蛋白，蝦球口感爽彈，蛋白都幾嫩滑菜式2:獅子開大口，一大件肉包膜，豬腩肉好厚，味道不錯菜式3:蟹粉豆苗，味道正常，蟹粉頗多主食：蟹粉小籠包，一隻不夠喉，另外加了一隻甜品：薑汁湯圓，有桂花香，湯圓是黑芝麻流心餡飲品：將花雕洒轉咗清潤雪梨水，少少甜幾好飲服務：茶水充足，不時為我們添加茶水，侍應動作迅速。洗手間：商場洗手間，有些遠回途中險些迷路，只得記推門又推門總結：食物、環境、服務都不錯，而價格屬於中上！大閘蟹季節一年怎樣也要吃一次，不時不吃！😎✊🦀

一家人一行4人上星期去咗MegaBox行街購買傢俬，商場環境不錯，重點冷氣夠凍！買完傢俬路經上海小南國見佢門面裝修不錯就行咗入去食飯。叫咗幾個餸有魚有肉有菜，味道比想像中好。推薦招牌老壇酸菜魚，一盤份量幾大，魚片比想像嫩滑。黑沈沈牛肉味道又甜又鹹，但牛肉味很濃郁，外面醜但有內涵。欖菜四季豆夠鑊氣，味道正常。炸豬手仔好夠味，國內正宗風味，好像串燒嘅調味料，叫咗枝啤酒🍻配住食最後叫咗幾碗蛋白湯丸食，質素幾似滿X記，係好食的。重點來價格中規中舉，豐儉由人！這餐飯食得好滿足！MegaBox 一段時間冇嚟，又有新店加盟！

今晚加完班，餓餓地就在九龍灣上海小南國打包個外賣燴麵、加個糕點做我今晚宵夜。我先在手機下單，20分鐘後我行到鋪頭就拎得了，唔駛得。老上海菌菇菜煨麵：佢分開上，有麵、有菜湯。菜湯比較濃、淍身，好在唔咸，飲得落口，另外，麵質正常發揮，即使外賣都唔太林。而椰香棗泥糕就係麵後甜品，煙煙韌韌，唔算好甜，總體而言，呢兩個都比較合適應該食淡味既人，e.g. 我🙈。但係真心貴，食物一般姐，而價錢唔平😅，咁樣食要$106。

大家如果要食呢一間野，你要小心你嘅身體見唔見康，因為食完之後我成家都味精中毒，真係多謝佢唔少，食落個雲吞雞係湯渣雞，其他味道都叫正常，都係完全唔值佢收既價錢，最緊要係食完味精中毒，完全唔明點解可以落咁多味精，依家仲頭痛，心悸，喉嚨痛，總之我都只係好心同大家講聲，唉。野食方面蟹黃炒豆腐 同 賽螃蟹 都真係好多油，非常適合增肥人士去食個炒鱔糊 就梗係基本野 多油 多九黃 小鱔就梗架啦 都係增肥首選雲吞雞水餃 就唔太多評論 因為隻雞都只不過係湯渣雞

同爸爸慶祝食生日飯，點知呢間野味精咁重手！難食已經算啦，全家人食完都覺得唔舒服，喉嚨好痛、頭痛、心悸，上網查過係味精中毒的現象。食物方面，炒鱔糊D鱔幼過菲黃，蟹粉豆腐見唔到蟹粉少到淨係見到豆腐，炒飯極鹹，混吞雞的湯無雞味同水差不多，面浮起很多雞油，一生人未試過咁難食上海菜！貼錢買難受！😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡

上海菜專家,名店食名,今次終於有機會一試,實在好高興!招牌菜外婆紅燒肉 招牌小籠包 特色松子魚 特色走地雞湯 招牌河蝦仁 椒鹽小黃魚沙鍋雲吞雞湯 椒鹽小黃魚 蔥爆牛肉 蛋白炒飯 招牌小籠包 先講服務,好似西餐咁高級,環境好高檔,飲宴聚會唔失禮價錢不便宜,但食完就覺得值回票價肴肉切件,豬手粒肉去肥走筋,淨肉加皮凍 係一道前菜冷盤接住係蔥爆牛肉,用上安格斯牛肉片,少脂肪之餘肉味濃郁,夠獲氣,蔥香味鮮椒鹽小黃魚, 外酥內嫩,煎至金黃香脆,加上椒鹽即可食用 蛋白炒飯炒得粒粒分明,一絲油膩感都無 拌以蔥花簡單美味 米飯軟硬適中一客五件,一口咬下會噴汁 每一隻都小巧精緻 皮薄透光,咬開湯汁四溢湯餡不肥膩,湯汁清爽肉汁甜九龍灣宏照道38號企業廣場5期MegaboxL6樓2號舖Shop 2, L6/F, Enterprise Square Five, Megabox, 38 Wang Chiu Road, Kowloon Bay平均消費$300評分7/10上海著名食府始於1987年，專注經典與創新滬菜精選上海本地食材，以椒鹽小黃魚、野生河蝦仁外婆紅燒肉招牌小籠包等上海特色菜餚聞名香港。

午餐。消費券令我們一家想吃好D，爸爸心心念念想吃片皮鴨，所以一早就過黎食，怕晏多少少無位。花生都影？這碟醬香花生，因我覺得是比主菜更好吃。一家定位頗高的食店，茶壺居然崩到咁，老實說真有點倒胃口。因為老人們太餓，先叫個擔擔麵墊墊肚子，看似濃郁，但入口不算重味，至於正不正宗嘛，我不懂，有吃過更好吃的。正當我以為這裡是清淡路線，這個炒年糕又令我意外，看似清淡，但咸得想叫一個白飯來同吃，下次記得不要點好了。生煎包香口，不錯。陳醋海哲，是日冠軍。蟹粉小籠包，皮不行，叫了4個有3個一夾就破，味道還可以。是日主角到！鴨肉嫩，皮夠脆，薄餅有很多片，但蔥及青瓜則不夠包，加了12元要多一份蔥，怎知都是一小碗還混了青瓜，只夠包多兩塊，因為已飽就算了。鴨架用來做湯雲吞，份量很大，這個味道不錯還可以有很多碗，吃不完最後打包了，隔天吃更美味。這個午餐吃得很飽，價格尚可，但傳聞中服務態度是真的，真的有待改善。餐具真的請嚴謹一點，崩到我都怕服務員幫我refil時手，都能拿出來給客人用，一個壺幾錢呢？

星期日去九龍灣睇Disney in concert，朋友約係Megabox食個飯先去，點幾入座，都幾滿下。無叫套餐，今次所有野都係a la carte，前菜叫左個蔥油海蜇頭同花雕醉雞，兩樣都係78，海蜇頭爽口小籠包一籠四粒，叫左兩客，八粒三個人分。叫左盤酸菜魚268，裡面有萵笋，紫薯分同菇菌類，魚肉佢一早片好唒，略嫌個魚有啲腥味（草腥味）碳水化合物當然都要有，揀左個雪糕上海炒年糕，呢個味道好妅，份量都夠3個人分黎食最後，仲加左個香蕉豆沙鍋餅作為甜品整體黎講，味道唔錯，坐得舒服，不過無乜服務可言囉

Megabox其實係幾好行既商場，但同時感覺上，檔次比較好的餐廳不太多，小南國是比較穩陣，看見4人餐，款款都係招牌菜，都好啱食，人均3百多，但食到要打包拎返屋企。餛飩雞湯，湯很清，小南國餛飩真的超好吃，皮很滑，豬肉也不騷，吃下去感覺很舒適。黃金蝦很惹味，咸蛋黃炒蝦怎會不好吃，正！松子魚也沒失手，出面有時會汁太少，或者上檯時已淋了，今次剛剛好（有時都係睇廚師個日煮成點）瑤柱菜心苗，都很嫩我喜歡小南國感覺上整體很少油，吃完不會很重味精，來megabox必去，起碼坐得舒服，環境企理。

為慶祝父親生日， 兩個禮拜前已經openrice 訂座， 7 位 , 特別要求寫左生日。去到既時候被安排到餐廳最入面兩張12人size 的大枱， 但兩張枱距離約有兩米咁遠， 首先都禮貌上地問， 同嗰位男主任講因為openrice 寫左今次為慶祝生日， 可唔可以安排比較近既枱， 個男主任一句話無法提供， 我見不遠處有三張4人位的吉枱， 問可唔可以調去嗰面， 佢話唔得， 有15 位已book。其實根本將我地而家個位安置嗰15位就得， ok fine, 我地呢兩張大枱搬唔到， 咁我地自己移近d 都可以掛？ 其他枱講真根本背貼背咁濟， 點解得我地嗰張要成2 米距離？ 咁我地自己移近既時候又比個男主任閘住， 叫我地唔好再移， 如果你地想換枱可以出去walkin 再拎過飛， 我心諗佢身為服務業講呢句野老實講真係火上加油， 安撫唔到個客， 出去walkin 再拎過飛？ 受住氣繼續喺你間野度食！？結果我嬲得濟， 亦接受唔到父親生日飯要佢行黎行去兩張枱分頭行， 即刻打去megabox 7樓鳳城酒家 , 呢度要讚鳳城既接待非常好， 有禮貌， 亦即刻跟進 ,可以安排到較近既枱， overall 鳳城食物，

星期日黎到megabox係好多人，預左好多餐廳都要等，所以就黎左一間唔需要等太耐位嘅小南國。用點餐紙點餐，食物種類都唔少。麻醬雞絲粉皮，好少上海菜館會放沙律菜落雞絲粉皮，但係味道估唔到又幾夾，放左沙律菜，成碗雞絲粉皮變得好大碗🤣上海粗炒顏色炒得幾好，但係估唔到一舊肉都冇，以呢個價錢黎講唔係咁值...四川擔擔面望落好似好辣，但食落又唔算辣，麵質幾好，但唔夠麻醬味。金網鍋貼反而有驚喜，皮脆內裡有肉汁，好juicy！小籠包都整得幾好食，睇相都知內裡有湯汁同皮簿，好味😋另外朋友叫左銀絲卷，味道都唔錯。呢餐午飯雖然價錢唔平，但味道都算唔錯，唔明點解咁多劣評🤔