上海小籠皇

营业中

休息中

小籠包很乾和唔熱，45元只得四小隻不算便宜，價錢和質素絕不成正比，質素在一間上海食店來說不符合預期。銀芽炒膳糊只得很少膳肉，大部份成碟都只是芽菜，而且個汁我和朋友都覺得好咸，食完感到很口渴。反而個湯拉的湯底則很淡，無乜味，而且個麵很淋，質素在一般之下。員工態度非常惡劣，尤其是個位短髮無帶眼鏡女士，她對其他顧客也沒禮貌，會不客氣回答顧客的詢問和不想幫助顧客解決問題，真的影響遊客對香港食店印象，如果想俾錢又要看人家面色可以一試。

食過最難食既擔擔麵，問仲店員點解啲湯咁水，又冇肉碎係面頭，佢哋答係咁咖喎。。又水又冇味，影衰曬擔擔麵，以後唔會再幫襯，啲豬扒又乾，成碗麵根本食唔落口永無下次了。

今晚兩大一小幫襯，店員推介$298 套餐，有兩碗飯，一個前菜兩個主食一個菜+一籠小籠包，兩碗菜湯及包兩杯野飲。一黎黎左個前菜仔-黑醋骨，排骨好細舊，但味道算ok。跟住黎兩碗超熱嘅娃娃菜豆腐湯，湯幾好味，有金華火腿係入面添！好快黎多兩個餸，一個係腰果雞丁同黃金湯津白，仲有兩碗飯。腰果雞丁嘅雞幾滑，份量ok，腰果比較少。黃金湯津白係最好食嘅一味。期待已久嘅小籠包出場，我去趁熱就夾起佢，係小心翼翼咁樣夾起，怕夾穿個湯，最後都無穿夾到，但係！個小籠包完全無湯，我已經吹一吹凍成粒放落口！嘩！少少湯都無，真係一滴湯都冇！ 真係超級失望！未食過小籠包係冇湯！真係超市買嘅自己返去蒸都唔會完全無湯，佢仲要主力推小籠包，真係唔掂！有向老闆娘反映，佢好驚訝，問我地有無夾穿，再入廚房了解，之後出黎話減返$20俾我地，再話近排師傅都唔穩定。老闆娘嘗試去補救，呢個服務係ok嘅，但我情願食返好食嘅小籠包。最後覺得唔會再試，因為真係一心想食小籠包，之後去超市買包自己蒸無咁嬲了。

經過旺角第一次去食.晚上9.30入去.店内吾多客.同老婆叫咗两個晚市客飯.(水煮魚片.味道差.魚片硬.)(湖南花菜炒腩片.冇辣味.超甜).味道和觀感....我試咗幾嚿就放低筷子.跟住俾錢走人..

之前都有幫襯呢間餐廳，因為系間餐廳附近開工，由於工作需要，調左去荃開工，心心念念嘅乾鍋套餐，佢有4種味道，蔥爆（不辣），麻辣，香辣，孜然，都可以揀大中小辣，今日我又嚟啦，同事揀咗一個蔥爆，我呢揀咗麻辣小辣，飽飽，好有滿足感，呢度服務員好好，出餐又快

11/10/2024 我用咗大約25分鐘食咗個下午茶15:05入店QR code order 個下午茶(主菜)小籠包4隻 + (小食)紅油抄手2隻 + drinkOrder完，有個女店員係我附近，我就同佢表示想要杯水，佢伸手表示收到，仲準備入去拎比我。點知突然之間有個熟客入咗嚟，之後佢就走咗去帶個熟客位，咁我諗住佢帶會客先拎比我係冇問題嘅。但係個客坐低左之後，佢就冇咗件事咁，行返去cashier開定d QR code熱感紙放係吉枱… 之後係度遊遊閑(冇新客入)…*order水之前其實同個女店員仲有啲對話係關於詢問食品嘅份量，我問小食麻醬粉皮有幾大份，佢話好細份㗎咋，得幾條仔，送比你試食下㗎咋。15:12 小食到我想飲杯水先開始食野，咁我見個女店員好似好忙咁，我就舉手叫咗個最近我嘅男店員過嚟，叫佢比杯水我。個男店員好快就跟進咗，仲同時間拎埋水比另一枱。*2隻迷你紅油抄手味道一般15:25 主菜到食第一隻（4隻小籠包圖中右上果隻），熱辣辣好多湯，只係d肉嚡熠熠。之後食第二粒，冇湯汁… 仔細睇返，原來除咗第一粒之外，其他都一早穿晒窿… D肉嚡，有汁都還可以。。。冇汁真係唔好食…食到第三粒，真

今晚來試下佢的二人晚餐, 兩碗酸辣湯🥣, 一籠四粒小籠包, 前菜要左雞🐔絲粉皮, 主菜加$要左酸菜魚🐟, 蔬菜要左醬爆茄子🍆, 包兩個白飯🍚, 另外加$轉凍豆漿同大大杯凍🍋水, 等左一陣酸辣湯送到, 酸味啱啱好又唔會太辣, 入面也足料, 幾好飲🥰, 雞🐔絲粉皮送上, 我試左少少😅唔係日式芝麻醬, 係用左傳統中式做法的麻醬👍之後再來醬爆茄子🍆, 份量十足, 賣相幾靚仔😋, 之後再來酸菜魚🐟, 都好大份, 飲啖湯先, 飲落唔係太油, 酸酸地唔係好辣, 幾好味😘👍, 入面有薯粉, 芽菜, 萵筍, 酸菜, 試舊魚片🥰🐟, 幾滑, 唔錯, 酸菜食落唔係太咸👍, 不過食左個飯, 變左d配菜都食唔晒😂, 之後來二款飲品, 豆漿少甜都ok, 凍🍋水果然好大杯😆, 試下醬爆茄子🍆食落好熱辣辣, 煮得好好食😘不過要送飯比較合適☺️, 最後來個小籠包, 我試左一粒, 雖然來到唔係即刻食, 不過食到入面都有d湯汁, 味道唔差😅😋, 不過個人建議豆漿可以整一杯等人客唔洗加$, 想飲枝裝飲大枝d先要加$, 我諗會更加貼心😁😄

今日經過花園街，再次幫襯上海小龍皇，因為呢間食肆乾淨，坐得舒服，服務都幾好，而且出品都唔錯,,除左有上海菜總有川菜呀，款式也非常之多，呢度服務員極力推介二人套餐，性價比高，超抵食🤪🤪🤪🤪

超級好食午餐，今日同朋友行街，經過呢間餐廳，入去食個lunch，叫左兩個客飯性價比高，還可以免費添飯，服務員態度，非常有禮貌，要水有水，總免費提供餐巾紙，😁😁😁下次總會再幫襯

係旺角揾食，真係諗唔到食乜好，見到呢間 “上海小籠皇” 嘩！午市套餐50幾蚊就有交易，好抵喎！有炒粉麵飯，又有飲品送，餓底仲可以追加小食，無理由唔入去試下。 我叫咗一碟上海排骨炒粗麵，飲熱咖啡，仲追加一個 涼拌泡椒魚皮， 好抵食👍上海排骨炒粗麵唔油膩，排骨有醃過。涼拌泡椒魚皮，好醒胃，好啱悶熱天氣食，怕辣就唔好食嗰條黃椒啦～會辣到high high。最後飲返杯回魂啡，滿足！飽飽～上海排骨炒粗麵😋 涼拌泡椒魚皮，怕辣就唔好食嗰條黃椒😝 估唔到杯熱咖啡都有港式風味🥹 飲完先記得影相🤣

今日去旺角買波鞋，買完波鞋有少少肚餓行過一間叫上海小籠皇，見到下午茶套餐＄46-＄52蚊有飯麵有小食有野飲，都幾扺食即刻行入去試吓，我叫左上海炒粗麵，小食叫紅油抄手飲熱咖啡。上海炒粗麵有醬香味濃郁，紅油抄手雲吞豬肉餡料新鲜，咖啡有茶餐廳水準，會再來幫襯。

我在旺角返工平時午飯都會嚟幫襯上海小籠皇，因為五十幾蚊有飯有餸有嘢飲味道好又低食，今日假期同老公行旺角專登黎試下食自選優惠套餐(二人)冷盤叫咗麻辣粉皮，非常開胃。 小菜叫咗秋葵豬腩肉，因為唔想食秋葵侍應好細心幫我轉咗萵筍👍招牌酸菜魚，魚片份量多口感爽滑啖啖肉，另外碗湯味道酸辣平均得宜魚有鮮味，薯粉又吸曬啲湯非常好味😋 干鍋叫咗牛肉片，排骨，湖南花菜，我哋揀咗香辣味道嘅bb辣， 牛肉嫩滑，排骨入味 ，菜花軟硬適中，干鍋爆得夠乾身非常惹味， 仲有兩個白飯兩杯嘢飲，飽飽😊

今日行旺角途經上海小籠皇見入邊環境幾靚，同埋俾宣傳照片上面嘅食物吸引入去，中間有個小插曲，突然聽見有個職員講上錯菜，我即刻見到隔籬枱個食客已經夾緊碟回鍋肉，收銀講上錯菜，食客先放低啱先夾起嘅菜，佢即刻拎起碟菜返入廚房，轉頭拎返碟回鍋肉同個白飯俾另一台客聽見該台客即刻講人哋夾過仲俾佢，聽見收銀員講頭先個碟冇辣椒呢碟有辣椒，其實回鍋肉點會冇辣椒佢講唔係同一碟可能仲有說服力見到咁嘅情況下次唔會再幫襯最後食完覺得食物一般但見到員工衛生意識薄弱，大失所望！

我叫左個4餸嘅乾鍋懷疑係個薯仔絲壞左我食完個半鐘嘔左幾次🤮🤮腹瀉左5日都未好🤢仲要發燒加發冷左兩日醫生話係腸胃炎 係食物有菌🤢我食呢間餐廳前後都無食其他野一食完就唔舒服，搭搭下車就嘔我睇完醫生證實左係腸胃炎後即刻打比餐廳反映結果佢哋態度差劣😡話一定唔關佢哋事，完全不負責任，仲好惡死我都試過唔好彩食到啲唔乾淨嘅餐廳但至少啲餐廳都肯負責任，食到顧客腸胃炎又有曬證據，賠償餐飯嗰百幾蚊都合理但佢哋態度非常差劣，仲cut線我工都返唔到，腸胃炎咗三日都仲未好呢間餐廳嘅衛生程度真係…🤦🏻‍♀️想幫襯嘅真係要三思，係咪值得

今日由油麻地行去旺角搵地方食午餐，如果要食經濟中餐都系茶餐廳，但都系$60以上，經過哩間上海菜館，雖然細過茶餐廳，但座位寬敞過大部分茶餐廳，燈光感覺舒服，又靚過傳統的上海鋪，午餐價錢有部分便宜過茶餐廳，仲一定系即炒，梗系試哩間啦！有卡位雖然清潔緊，但都有禮貌咁叫我等，另外要熱水有熱水，無黑面。香港就系要哩d有進步。叫左兩個餐都5,6分鐘就有銀芽炒鱔糊($66)3分— 哩個肯定茶餐廳無啦！所以可以加分— 分量幾夠，包括銀芽和鱔魚— 味道同以前上海鋪差不多— 可惜鱔魚無乜鱔味黑醋排骨($58)— 排骨幾脆同真系新鮮同熱辣辣— 黑醋味放系檯都搵到— 排骨都好鬆吾硬。餐茶鴛鴦就真系吾得啦，得個苦味。