上海美華菜館 (已結業)

土瓜灣的上海美華菜館是罕見還存在這不停銳變的香港！賣的依然是舊香港的上海美食，對想找尋懷舊feel的食客，這地方絕對是來對了！菜館年前經過裝修後已比較光鮮和潔淨些。今早來到菜館時已是十時五十幾分，幸好還來得切點心儀的食物！😥因星期一至六的早餐只供應至上午十一時正。看過牆上的餐牌後，發覺食品已漲了價。這裡的粢飯是我必吃的，還有香港其他地方不能吃到的鹹豆漿。食物很快便送上。鹹豆漿滿佈油條和蔥花，其他材料包括有惹味的蝦皮、鹹爽的榨菜。還透著一股輕輕的麻油香！這漸漸消失的豆漿美味無窮，真會令人念念不忘！這裡的鹹粢飯份量不輕，蒸熟的糯米軟硬適中，內裏包著厚厚的肉崧、脆脆的油條和鹹鹹的榨菜。吃起來，味道多屬次，不其然令你一口又一口地吃掉整個！這個豐富的早餐，只是三十五元正，確實物超所值！

今日晚上八時揸車到土瓜灣試呢間上海食店諗住試下，看見內裏還有一張大枱，我兩個人等先，跟著有三個人到，大家都等緊，等咗十分鐘左右，有一張卡位離開，居然比三個人入先然後我坐之前張大枱，佢話一陣有卡位轉返比我，之後呢，我都諗住照嗌嘢食食完就走啦，點知個老闆娘仲走出嚟講話本來兩個客唔做㗎，今次特登做俾你。咁點解兩個客吾做，你又吾講,等完位坐低之後先至講,仲要大大聲聲同我地講我哋不嬲吾做兩個人㗎，而家咪做俾你囉。跟住都唔緊要啦照叫野食啦諗住。點知前後叫咗三個人幫我哋寫order 都冇人應我哋。結果我哋離開呢間餐廳唔食啦，奉勸各位只是二位就不要來受氣,唔係熟客唔做架。

土瓜灣人真的很幸福，一早起身，便可以到上海美華菜館，吃古早上海味的Brunch。鹹豆漿($13)應該很多人也沒有食過，它是用了油條、蝦皮、豆漿，結合而成。此豆漿帶著有趣的味道，因為它甜中帶點鹹，鹹中又帶點甜。不過鹹豆漿也只是前菜，因為它的粢飯($18)才是世界級，包裹在裡面的是超脆油炸鬼，每一口也是脆卜卜。另外的餡料還有咸中帶點甜的肉鬆、爽爽微辣的榨菜，配合上米飯，各種味道平衡得剛剛好。最後再來了一碗油豆腐粉絲湯($15)，吃完暖暖的、飽飽的。湯頭帶鹹，但有粉絲及豆卜伴著，很快便吃完。早上到土瓜灣，就是一定要吃它。

之前一直bookmark左呢間餐廳係openrice, 因為想搵間正宗上海餐館試下D蔥油餅同粢飯😋今日咁岩黎左對面既動物領養活動, 就入呢間餐廳試下啦! 大約3PM到達, 入到去先知原來蔥油餅同粢飯呢D食品只限早餐供應, 好失望🙁不過呢D咁歷史悠久既餐廳水準應該唔錯, 又反正肚餓, 所以同朋友就叫左個2餸1湯SET試下~~(白飯另外加)我地叫左個酸辣湯+糖醋班腩+蔥爆牛肉佢3樣菜式黎到都好熱, 即叫即整👍🏻👍🏻個湯好大碗, 絕對超出2人份量, 好足料, 個人認為酸辣程度剛剛好, 有水準!! 😁個糖醋班腩唔會太甜, 夠滑, 好味!! 😋蔥爆牛肉都唔會太咸, 不過牛肉份量好似少左D, 個汁就好似炒鱔糊個醬汁( 又係一樣我好中意既菜式之一)呢2樣餸都係好好送飯!! 呢間咁古舊既餐廳無令我失望~~👍🏻👍🏻 下次一定會搵個星期六日專登過黎試佢既早餐! 😌😌

上海菜價錢一般唔平都係聽朋友介紹先嚟，店舖舖面唔起眼，自己一個未必會揀入到嚟，同一班上年紀嘅姨姨級店員落單，唔知點解同佢哋溝通好困難，最後換個個後生嘅哥哥，即刻幫我哋搞掂一個排骨菜飯，菜飯嘅份量極多，大碟過碟頭飯，有薑同菜絲，好入味豬排係酥炸嘅，外皮好薄帶脆，不過食落略嫌太油膩，唔知係咪因為本身舊豬排已經好肥小籠包係我同朋友嘅摯愛，一籠8粒，新鮮蒸好，場面好「盛大」小籠包皮都幾薄，入面包滿肉汁擔擔麵都好有驚喜，麻醬味道十分重，湯底好濃稠，重口味人士真係要試下如果間舖執下門面，店員再訓練下可能生意會好啲不過又好矛盾，老店如果唔係咁嘅樣，仲有冇老店嘅風味呢

昨日去到土瓜灣食午飯, 朋友是老街坊住了幾十年, 佢帶我去呢度食, 話森美曾經都喺電台推介過我和朋友點了2個午市客飯套餐和1份小籠包, 客飯套餐可以選擇可選白飯或者加$5要菜飯, 每個餐跟碗例湯湯大碗, 有白菜, 飲落有加少許味精, 但不會太鹹 呢碟係紅燒獅子頭客飯套餐$42, 有津白和雲耳相對健康, 食落好惹味, 獅子球就比較易散, 但配飯食一流呢個係回鍋牛肉客飯套餐$40 , 有椰菜和青紅椒一齊炒, 都係好濃味, 食落有少少辣, 都幾好味, 但就比較油膩最後小籠包$42 , 大件抵食好多肉餡, 但裏面就冇湯的

曾經有人最愛小籠包，我就周圍搵同佢去試。上海老店好有自己一套，服務唔算特別好，但勝在平靚正！第一次嚟果時係朝早，可以食到最愛既粢飯，粢飯啲肉鬆多到見唔到條油炸鬼，仲大大件，一件頂到上心口之後再嚟過幾次，因為有人最愛小籠包，呢道亦成為我地既拍拖開飯勝地，佢必定成籠隊，小籠包皮薄多汁，平民價錢，係唔錯既選擇。另外我有食過上海粗炒不過不失，菜肉餃一碗起碼8粒，大大粒好足料。但呢道亦成為回憶，應該唔會再去！

讀書時候會經常來這裏幫襯，晃眼幾十年 裝修有簡略翻新過，不過味道還是懷舊的；老闆娘依然聲大大，態度仍然親切偶然早上路過，奢侈的可以坐下食個早餐，香港還有多少老店仍有咸甜粢飯？兩三年前連旺角的甜品小館也放棄了鹹的一邊有榨菜、油炸鬼，甜的一邊肉鬆與沙糖不能少，飯團超大餡料滿滿，新鮮即製的，放在手裏燙得拿不起來，但這種風味在香港買少見少，感覺反而更加珍惜豆漿仍然保持味道，不過曾經晚市來幾次，也點不到拔絲香蕉，未知是否也已經消失於歲月裏

美華係土瓜灣馬頭圍區剩下嘅唯一舊上海舖我同老媽老爸曾經留下不少腳毛今次我地驚覺 好肯定廚房換左師傳？！變到不知所謂 乜呢D係上海菜咩？！糖嘈排骨變成茶記京都豬排！仲要收$88碟落單時個亞姐係咁sale我叫黑嘈金沙骨$98乜上海菜有金沙骨嘅咩百葉抄菜 碎濕濕 衰過我自己煮蝦仁年糕個汁濕到呢 本應老派上海菜係濃油赤醬最伏係個煎鍋貼！ 乜老闆娘咁鬼hea 求其蒸番熱就算呀！濕濕淋淋 以前嘅高質即煎脆皮一去不回！難食吾平 性價比低我地一家心碎black list 這附近唯一嘅老上海飯店 失望失望十分失望

站在巴士站search 附近的餐廳, 見到呢間上海菜館. 其實今次只係想醫飽個肚就搭巴士返屋企, 冇咩要求. 點知有驚喜. 係一間舊式小店, 環境一般不過光猛闊落. Menu 好多選擇, 價錢實惠, 幾十蚊已經有個燻魚麵. 雖然平時成日會話重質不重量, 不過呢個麵係有質又有量, 燻魚好好味, 炸得香口又唔乾, 連入面都入味有色就知係好野. 品嚐到上海菜的濃油赤醬. 另外叫咗個上海雲吞, D餡好滑, 肉質很好, 味道濃. 好正宗的上海菜睇吓menu 原來有早餐, 下次要早D嚟試吓!

土瓜灣多便宜又好味的食店，今晚我同老公本想第一次去試下這店，但去到門口個老闆娘立即大聲喝我們，她話“冇訂位冇得食，走!”好像喝乞丐亂衝入去咁，勁串!員工染晒金毛，冷氣勁凍，其中聽到有個客叫他們調下，但他們話調不到，仲叫個客去第二度食，好像不想做生意咁，係我們後面有對年老夫妻話想入去食，老闆娘又話唔休賺您們幾十元，走啦，冇得食呀！對老人家完全冇愛心，我們未食已想像到真是入去食更會受氣!入面只有一枱大陸人食緊!土瓜灣好多有人情味的小店，大部份靠街坊支持，例如哥登堡扒房做左幾十年，我們都食左好多次，員工待客為先，食物水準又保持到，但這間小店真是好特別，未食已趕客走了!大家不要去食這店，我們把這店已列黑名單!

第一次老闆請我來這間，食後感覺很好味，估不到這裡有這間好味食店。第二次專登帶朋友來，他都說好味。今次第三次順路來了。三次來吃都是好好味。Total 342元，老闆收少2元，齊頭340元，但我們出門後不知其中兩碟是多少錢。估計他們收少了十元吧。黄韭芽鱔糊，應該是98元。上枱時最上層加了生蒜蓉及熱油，撈好便食，很有蒜香味，鱔超爽口又彈牙，好新鮮。熱油可保温，好熱啊。蔴醬茄子，應該是78元。他們稱涼菜，原來一點都不涼，也不是用日本的蔴醬，而是用無粒粒的花生醬造的，很特別，味道我覺得都okay.醬鴨，應該是98 元肉仍然都是軟軟的，一點都不乾，也不太油膩，雖然皮下脂肪厚，但脆。草豆菜，應該是68元。是上海來的。清炒。樣子好像溫室菜苗，很嫩但纖維高，味道很特別，還帶有苦苦的。服務好，聲線柔柔的。感覺他們是做街坊生意，我們不是街坊，他們還送我們荳漿兩杯，很好啊。

沒記錯的話我是在這裏第一次早餐吃到鹹豆漿和油豆腐粉絲，所以就點了這兩個，再加一份鍋貼。以前的鹹豆漿和油豆腐粉絲比較大碗，現在縮水了。油豆腐粉絲有點太鹹。鍋貼的皮做得不好。隨便吃吃可以。

簡直不是正常的待客態度會胡亂向客人發脾氣她的伙記錯誤地將花生（是酒樓晚市那種有鹽的花生）放在餐桌，我們以為是給我們的，便拿起來吃。她看到後竟大發雷霆，不僅大駡那個員工，還質問我們為什麼會吃，這些不是給你們的。天哪！是你的員工出錯，我們怎會知道，然後老闆娘繼續駡我們，又説桌上的調味料，豉油等等都要問過她才可用。簡直無理，最終我們沒有吃就離開了絕不能接受這些服務質素大家不要盡信這裡的正評！垃圾餐廳！！

美華一間位於土瓜灣的老牌上海店，店內裝修跟70-80年代差不多，蒸制的小籠湯包也用上舊款的竹籠，很有懷舊feel....但是價錢比一般小店貴，小菜約$80-90碟。懷舊是要付出代價啊⋯⋯小籠湯包，舊式做法，但皮厚，味道一般。推介指數：4/10糖醋排骨，老師父煮法，酸甜剛剛好，好味。推介指數：5/10煎鍋貼，普普通通，不過香味好夠。推介指數：5/10土瓜灣區的上海老店極少，好味的更加少。需要這種舊式味道嘅上海，可來試下。