上野鐵板燒專門店

营业中

休息中

難得放假可以同女朋友食餐好，一於帶佢食鐵板燒！侍應大大推介我哋食呢一個鐵板大蝦套餐，價錢係$658，我哋見到都幾多嘢食，就跟住叫。木魚絲蟹籽沙律夏天食一個沙律真係清新解渴之選！沙律醬唔會太多，配上蟹子同埋蟹柳，令人好開胃，我已經急不及待期待之後嘅主菜啦！活蜆雜菇麵豉湯麵豉湯清甜，冇平時嗰啲咁喊，飲一碗熱辣辣嘅湯令人好舒服。雙色刺身八爪魚刺身水份十足，味道爽甜。三文魚刺身肥美鮮甜，份量都唔少！香草三文魚扒三文魚平時好難煎，因為好容易變得老！呢度嘅三文魚扒真係煎得好好食。配上檸檬汁，更加帶出魚肉嘅鮮味。美國安格斯肉眼扒肉眼扒肉汁豐富，脂肪均勻！大家一定要趁熱食啊！老虎大蝦虎蝦非常大隻，啖啖肉，仲有好多蝦膏！「呢一碟蝦令人越食越想食！」「好耐冇食過咁好食嘅蝦！」呢兩句就係我一路食嘅評語！🤣🤣大蝦令人回味無窮，蝦頭都有好多蝦膏！我下次必定會再為咗呢碟餸而黎！牛肉炒烏冬烏冬非常煙韌，醬汁好入味，加埋牛肉同菜蔬，更加有口感！日式炒時菜食咗咁多肉，食返啲菜令人冇咁有罪惡感🤣🤣椰菜、芽菜好甜，炒得好爽口。🍮雞蛋布丁最後侍應送上一人一客雞蛋布丁，布丁好滑，配上蜜糖，清甜好吃。餐廳成晚都座無虛席，好多客人

同大學同學慶祝生日，喺旺角搵到一間好出色嘅鐵板燒！餐廳樓底甚高，富有空間感。的確在旺角很難搵到一間環境尚算寬闊嘅餐廳。餐廳推出了不少二人餐，我們簡直有選擇困難症。😂😂🙈最後我們點了鐵板大蝦套餐$658 點好套餐之後，侍應會將食材準備好，放到師傅面前。木魚絲蟹籽沙律🥗沙律菜新鮮爽甜，配上蟹子、蟹柳及木魚絲，味道更加清甜，更加有口感。活蜆雜菇麵豉湯麵豉湯用上多種香菇，味道較清甜，沒有一般麵豉湯的死鹹，蜆肉新鮮。雙色刺身刺身有八爪魚同三文魚，八爪魚清甜，三文魚厚身肥美。食完前菜，最令人期待嘅鐵板燒終於嚟啦！老虎大蝦餐廳侍應表示呢碟菜式係餐廳最受歡迎。蝦肉好彈牙，蝦味好濃！食到停唔到口！超級超級好食！美國安格斯肉眼扒美國肉眼牛肉味濃，充滿肉汁！用上簡單黑椒同粗鹽調味已足夠。香草三文魚扒三文魚扒煎得恰到好處，不會太老。牛肉炒烏冬炒烏冬非常有鑊氣，食到淡淡香醋味，配菜豐富，有牛肉、椰菜等等。日式炒時菜日式炒菜非常惹味！甜品🍮甜品是焦糖燉蛋，非常香滑，甜度適中，為晚餐畫上完美句號。

朋友大大推薦的鐵板燒餐廳🦑😁餐廳係旺角D3出口直行，行入通菜街巷仔就搵到，位置方便。全場只供應鐵板燒，menu上有不同款式既套餐可供選擇，有羊扒，龍蝦，大蝦，鮑魚等。一入去已經見到大廚好有氣派咁煮食，可惜吧枱太多客人未有位置，我地無緣欣賞煮食過程。我地最後揀左中位價錢的鐵板帶子皇套餐。豆腐和風沙律爽脆生菜加滑滑豆腐粒，酸酸的開胃。活蜆雜菇麵豉湯可能加左蜆肉既關係，呢碗比一般麵豉湯更有鮮味，味道更鮮甜唔會死咸。北寄貝刺身北寄貝肉質爽甜，得幾塊唔夠喉😭北海道帶子皇第一道鐵板燒係帶子皇，每人有三粒厚身帶子😍面頭有少少葱粒，更上燒汁唔錯。唧埋檸檬汁味道更好呀日本原隻魷魚筒鐵板配菜最愛呢碟燒魷魚😍❤️除左大大卷魷魚筒，仲有魷魚蘇，啱曬鍾意唔同口感既客人。我就當然推介魷魚筒啦，又厚身又彈牙，冇得輸呀❤️仲要有埋蟹籽作點綴👍鐵板配菜分別係冬菇同翠肉瓜，燒得juicy。美國頂級牛柳侍應一開始問左我地要幾成熟，仲以為佢就咁炒冇得揀添😂牛柳粒內裏紅粉嫩滑，juicy得黎肉質又唔韌👍可以點蒜粒或者蒜片一齊食用，更加香口惹味😋煙肉黃金炒飯原本跟餐既係三文魚炒烏冬，我地轉左做炒飯。炒飯粒粒分明，除左有煙肉，仲有蟹籽

高質鐵板燒之夜今晚朋友生日，約左佢嚟呢度嘆鐵板燒~ 可叫set or 單點，set都有平至2百幾至千幾都有，選擇非常多👍🏻我地就叫左個二人set. 先來頭盤北寄貝刺身，海水味濃郁，口感彈牙鮮味😋北海道帶子皇份量超大！廚師好細心切細細粒，一口一粒，醬油蒜蓉提升鮮味double up++ 🥳蜆麵豉湯味道濃郁，唔會死咸! 飲到啖啖蜆嘅風味😋😋美國頂級牛柳份量十足，可自選熟度，我地要求5成熟，制成品剛剛好👍🏻不得不讚廚師手勢💪牛柳質素高，juicy之餘更充滿肉汁👏三文魚炒烏冬唔會好乾身，又微微醬汁香，仲有啖啖三文魚肉~ 呢個價錢可嘆到呢個食物質素實在性價比高👍🏻我同朋友都非常滿意😁

雖然女人街攤檔林立，不過佢其實入面收埋唔少食肆，我有次誤打誤撞行咗入去至知🥴見到有間鐵板燒餐廳好多人幫襯，就已經mark咗佢名，趁今日早收工就去會一會佢先😆店舖雖不稱上光鮮，但整體都有一種小店情懷，相信已經喺呢度屹立不少時間🧐呢度主要食套餐為主，就叫咗個鐵板帶子皇套餐（二人前）$528，除翻開都係大概$260度，師傅仲要喺你面前整，簡直係抵到爛🤑🤑一開頭都係serve沙律同北寄貝刺身，中規中矩，都食得吓，份量啱啱好👌🏻食完之後就開始整鐵板燒了😚師傅運用純熟既技巧處理，簡直係視覺既享受，當你可以睇到佢既手法同心機，呢啲都令到啲野食都好味啲咁😳北海道帶子皇就好快已經搞掂，外表用鐵板辣過，就做成外焦內軟既效果，食到佢本身既鮮甜，再加上牛油香味，真係唔錯😀原隻魷魚筒師傅好快已經手起刀落咁處理好，因應唔同部位既分別，都有唔同既處理，燒得好香，魷魚啱啱好，唔會韌👍🏻👍🏻唔點任何醬汁都夠食之後就係美國頂級牛柳，一如鐵板餐飯傳統，會淋啲酒落去搶吓🔥，但真係睇極都唔厭，總係會😯咁😝而牛柳燒到五成熟，肉質鮮嫩多汁，加埋蒜片更加一絕😘😘主食就大概食完，之後就食煙肉炒飯，啲飯粒喺鐵板上不斷彈吓彈吓，就知道個炒

平時都好少行入女人街，因為好逼好多人，朋友推薦呢到有間好好味嘅鐵板燒，而且價錢唔算貴，叫我得閒過嚟試下！我早幾日就去咗呢間上野鐵板燒！因為我哋六點幾去到都算早，所以有bar枱坐，可以近距離欣賞師傅嘅廚藝，我同朋友揀咗個「鐵板帶子皇套餐」，一共有十道菜，$528一set，係二人份嚟！先食豆腐沙律，味道都幾清新，作為開胃菜唔錯！再食新鮮爽口嘅北寄貝刺身之後就上主菜北海道帶子皇，叫「皇」真係唔過份呀，因為真係好大粒，呢到係一粒帶子切咗四件，唔原粒上嘅原因除咗因為太大隻，切開上可以索多啲汁！跟住呢個係原隻魷魚筒，仲有啲時蔬~因為當時唔算多客，師傅擺盤真係好有心思呀，勁整齊！魷魚質感唔會太韌，魷魚鬚部分就燒得好香口！全晚我最鐘意嘅菜式，就係呢個美國頂級牛柳，一路整嘅時候都聞到香氣十足！牛柳五成熟，入面滲住少少肉汁，加埋蒜片食真係一流嘅享受炒飯粒粒分明！日式炒野菜，入口有淡淡嘅鹹味！麵豉湯正常味道~~甜品係雞蛋布丁，略嫌冇乜蛋味，稀咗少少~埋單$600左右，食到呢個級數嘅嘢都相當唔錯！

早前經過女人街呢間店，見到門外嘅餐牌幾吸引，於是今日就來試吓。今日有嘢要傾，所以唔坐吧枱。叫咗鐵板帶子皇套餐 $528(2人前)套餐有沙律、配菜、帶子皇、魷魚筒、牛柳、炒飯、麵豉湯及炒時菜。呢期戒牛肉，我嗰份以豬頸肉代替。先叫嘢飲先，提子果汁梳打，提子味香，氣感十足，解渴一流。豆腐和風沙律，沙律菜新鮮爽脆，豆腐嫩滑，加埋特製沙津醬，好開胃。北寄貝剌身爽口鮮甜主角出場啦 ~北海道帶子皇，原隻帶子皇夠大隻，師傅對火候掌握得剛剛好，口感爽軟，味道鮮甜。日本原隻魷魚筒，魷魚爽口又惹味，正！師傅好有心機切花鐵板炒豬頸肉豬頸肉口感爽脆，醬汁惹味。美國頂級牛柳牛味香濃，肉色粉紅，肉質非常軟腍。煙肉黃金炒飯，顏色吸引香噴噴， 好多蟹籽响上面，仲有蔥花、蛋花、煙肉一齊炒，炒飯粒粒分明，好味﹗日式炒時菜係椰菜+芽菜，加埋黑椒調味，口感爽脆又清新。活蜆雜菇麵豉湯，湯料有蜆肉、雜菇、豆腐，睇落有啲油，飲落又幾鮮味。雞蛋布甸又香又滑，唔會太甜。呢個價錢食一餐鐵板燒，食物又唔錯，係幾抵喎。

去上野鐵板燒食飯，家璇來說並不是很貴，叫了一個套餐，足夠三個人食，價錢也是800多元。特別想提呢一間餐廳嘅師傅，呢間餐廳嘅師傅非常健談亦都會樂於去介紹每一種食物嘅食法，服務不錯。

朋友好鍾意食鐵板燒, 但香港食鐵板燒既店舖唔多, 好開心俾我搵到間係旺角好就腳既鐵板燒帶朋友黎食地點真係超方便, 就係女人街旁~~我地6點到時人唔算多, 之後就愈來愈多喇...牆上有店長推介~餐牌非常多選擇!有SET有散叫~ 仲有定食添~SET都分好多款!我地簡單D, 叫左個2人餐~鐵板帶子皇套餐 $528北寄貝刺身爽口鮮甜美國頂級牛柳師傅好犀利, 即場表演火焰牛柳, 好精彩!!火光紅紅, 刺激又興奮丫!!成品出黎喇~~~~~~牛柳5成熟~牛味香濃, 肉質非常軟腍日本原隻魷魚筒師傅又一巧手製作~今次係幫魷魚筒雕花見住師傅咁有心機整已經好感動!!!整完出黎仲要咁靚, 真係冇得頂~~食材靚, 又整得好好味, 冇得頂呀!!!煙肉黃金炒飯呢碗黃金炒飯材料好豐富!!師傅將飯炒到粒粒分明真係少d功架都做唔到~上枱後既炒飯香噴噴, 顏色鮮艷好吸引!!味道都好正, 必點之選!!!

之前行開旺角通菜街經常都經過呢間鐵板燒，次次都冇試過今晚就同好友一起去試下，我地兩個人坐Bar枱，師傅即場炮造熱辣辣的美食。點左鐵板燒帶子皇套餐（二人前）$528北寄貝刺身好新鮮又鮮甜又爽脆。和風豆腐沙律沙律菜好fresh,活蜆麵鼓湯又不會太咸幾美味。女師傅跟我地進炮製鐵板燒又熱騰騰。原隻魷魚筒用鐵板炒到好香，魷魚又炒到好爽口又入咪。帶子皇煎到好香肉質又爽又鮮甜。美國頂級牛柳，牛柳煎到好軟熟，又香牛味又濃厚肉質又不鞋。鐵板配菜，脆肉瓜和冬菇煎到好軟熟。煙肉黃金炒飯，飯炒到粒粒分明，煙肉又好香又炒到好入味。日式炒時菜炒到好爽脆。甜品

夜晚嚟呢度食好嘢，地方就近，係旺角鬧市搵到一個寧靜好地方吧檯嘅位置檯面下方有位擺袋，又有腳踏，坐得都幾舒服鐵板燒最正係望住師傅煎牛扒，不禁令人想起係日本食和牛嘅美味回憶師傅首先問咗我哋要幾成熟，我哋揀咗medium，之後佢手起刀落咁切開牛扒手勢十分純熟，先將牛扒連住根嘅部位切開，切成細粒，先煮熟之後再將牛扒切大塊，大塊嘅牛柳條外層好crispy，入面好juicy，食落出奇地淋，而且火侯控制得宜，真係有5成熟嘅肉汁骰子牛肉粒旁邊放蒜片，加上少少鹽作調味，牛味濃郁香口三文魚炒烏冬都幾大份，係二人份量一邊香煎三文魚，一邊係雜菜上面放上烏冬，等煮熟之後再撈醬汁均抄魚肉彈牙肥美，食落有魚油香，加上日式醬油同芝麻，係幾特別嘅配搭活鮑魚係識郁嘅，師傅係我哋面前剖開，切除內藏等佢熟咗之後切薄片，食落彈牙唔會韌最後甜品係雞蛋布丁總括黎講，食鐵板燒嘅時候，師傅會按照你食嘢嘅速度去料理下一道菜，務求令你食到嘅都係啱啱煮好嘅食物不過就係因為咁，如果你係趕時間嚟，就未必能享受到其中樂趣

鐵板燒好介紹，生日飯！五人餐，按人頭份量。首先前菜刺身，夠厚夠新鮮既三文魚。一Set的有蝦，鮑魚，牛扒，菇，蔬菜。鮑魚成隻煮，師傅當場系你面前為你服務，新鮮熱辣，仲切埋再炒下，調味，靚靚擺盤，擺系你面前，彈牙爽口既鮑魚，切左仲易入口。惹味無骨嫩口的魚。配蔬菇。蝦好有鮮味爽口，服務為人有心細。呢個牛肉卷超讚，不過油左啲，但好好味！之後有炒飯，師傅用蛋液寫岀生日快樂字眼為客人慶生！每款份量少少一兩件，但食埋食埋就好飽！仲有一啲高質啲既日本海鮮定扒類會額外寫系板上，任君選擇！

鐵板帶子皇套餐 (二人前)，連加一大$600，就有下列10道款式，既抵食亦好滿足，仲有店員服務好好，經常幫忙倒茶，又有禮貌。套餐包括豆腐和風沙律, 北寄貝刺身, 鐵板配菜, 北海道帶子皇, 日本原隻魷魚筒,美國頂級牛柳, 三文魚炒烏冬, 日式炒時菜, 活蜆離菇麵豉湯, 甜品，十分豐富。帶子皇超大粒, 炒到剛剛好熟，唔會太乾身。廚師燒完後切成小粒，方便進食。帶子皇伴上葱花、蟹籽增添口感及味覺, juicy!師傅將牛柳燒到剛剛好5成熟，可以煮到外層熟透，裡面依然粉嫩肉色，鎖住肉汁，牛味亦好香濃。日本原隻魷魚筒很惹味，不需點任何醬汁，伴隨有冬菇同脆肉瓜，每款一片，燒完都仲好多汁, 好煮功!豆腐沙律新鮮爽口&活蜆雜菇麵豉湯幾鮮甜北寄貝刺身，較為鮮甜、彈牙三文魚炒飯，order時候，店員問選擇要炒飯或是炒烏冬。

店員熱情招待。介紹不同款鐵板套餐，最後order鐵板帶子皇套餐(二人前)$528。店員隨即奉上麵豉湯及豆腐和風沙律,麵豉湯入面有蜆肉&雜菇，麵豉湯又唔會太濃味，鮮味十足﹗沙律方面，新鮮的沙律菜和滑嫩豆腐，加上特製沙津醬，口感非常豐富﹗北寄貝刺身，新鮮又爽口﹗帶子燒到好香口，落醬汁都入哂味。原隻魷魚筒，師傳姐姐精細刀功，切魷魚每條size均等，加上秘製醬汁鐵板燒，惹味香口。燒牛柳粒時侯，師傳姐姐已經預告有燒火表現。鐵板上倒酒，好在團火燒起，好刺激！我們點了7成熟燒牛柳粒，牛味郁，易咬﹗炒飯入面有蛋、煙肉＆蟹子，炒飯炒得粒粒分明，香氣十足﹗炒椰菜，配有豆芽，好爽脆﹗最後就係鮮奶雞蛋布甸，軟滑香甜，心滿意足﹗

可能walkin 既關係, 性價比無想像中高.入席時候餐廳都未坐滿, 但係上菜速度特別慢同次序亂, 刺身>沙律>鮑魚>湯>銀雪魚>安格斯牛>炒飯>炒時菜>甜品(煉奶雞蛋布丁)仲要每道菜都係食哂等好耐先有下一道結果最後先食菜, 同無野送飯真係好奇怪...三文魚刺身 (雪得太耐, 未解凍)鐵板活鮑魚 (味道尚可, 但無咩鮑魚味)香煎銀雪魚+翠肉瓜 (銀雪魚比較多骨)煙肉黃金炒飯 (最正路,但其實好細碗)美國安格斯薄燒 (入面包住大量炸蒜同蔥, 炸蒜味蓋左肉味, 都埋比較乾身)其實呢餐食完都係7成飽左右, 以咁既價錢值唔值呢個價真係見仁見智, 眼見有熟客仔既, 坐係BAR台同師傅一路吹水一路睇住燒係幾有人情味但係如果又睇唔到師傅燒, 份量又唔夠兩個人食, 就未必會再揀lu只能說係一間親民版鐵版燒