世界の山ちゃん

营业中

休息中

以前係日本做野 收工經常都會同同事去《世界の山ちゃん》食食雞翼飲飲啤酒吹吹水 調左返香港都差唔多兩年喇 今次係香港食返 d回憶返晒黎呀夢幻雞翼當然係必點！冇食到夢幻雞翼唔好同人講自己黎過呀夢幻雞翼真係做到同日本店100﹪相同既味道 真係好感動！雞翼好香胡椒味 炸得好香好脆 一個人食10隻簡直綽綽有餘 送啤酒簡直一流！坐得都算舒服 美中不足之處係餐廳係地牢 電話收得好差 不過都有好處既 可以暫時放低手機 同身邊既人好好相處 誠意推介俾各位愛雞翼既朋友！沙律+夢幻雞翼收穫豐富👍

一直都想食任食雞好耐㗎啦但係次次都搵唔到唯有食住呢間主打食雞翼嘅餐廳先入到去店員好快安排到位置但餐廳來講食物選擇唔算太多而且價錢都頗貴最後只揀到一個鐵板炒面芝士年糕同埋兩款雞翼雞翼食咗唔記得影相兩款雞翼我哋都食晒一隻比較鹹啲一隻比較香口啲個味道就係好似食緊薯片味嘅雞翼如果下次再想食的話可能會揀外賣雞翼買走食仲有個芝士年糕其實真係同元氣炸芝士年糕一樣味道雖然都明白尖沙咀始終價錢係貴少少但係佢食物嘅選擇真係有啲少

行尖嘴行到攰，當然啤一啤佢先。想搵一間日式既居酒屋，咁啱就比我搵到間主打雞翼既居酒屋，位於尖沙嘴金馬倫道既山哥雞翼。依種名古屋雞翼都係第一次食，不裹粉就直接落鍋炸既做潯同韓式炸雞唔同，加上秘製醬料同獨特香料，食起上黎皮酥肉嫩，一股胡椒香味撲面而來，味道上食落第一口唔辣其後胡椒既辣起口腔散開。一啖雞翼一啖酒，非常配搭!又基於唔飽既關係，叫咗咖哩飯同土手煮(即係味噌豬腸) ，咖哩飯無乜特別所以唔多講，但係土手煮非常好食，本身以為味噌會偏咸，但依個土手煮卻係偏甜，味道有啲甜既紅燒肉??名古屋風既鐵板炒麵，麵條彈牙，椰菜爽脆，配上醬油、雜菜、木魚碎，口感豐富，香味十足。鐵板炒麵果然係宵夜風味一流。最後當然都係用啤酒作為完美結尾!

呢間雞翼店係名古屋開第一間店直到日本多個地方都有開的店鋪佢主打係食雞翼居酒屋的野店入面所有的海報貼上日本文化，而我見到都有日本係度食飯仲有一位日本店長駐場先來一個刺身拼盤先，好新鮮再黎一個壽喜燒正呀呢個係15隻雞翼好正呀大家必食個味道其他地方未食過我個人感覺味道好似細個食（媽味麵）個隻粉的味道好特別好好食雞軟骨我一個人都食到一碟凱撒沙律呢張係佢有教你點樣食雞翼嘅呢間野真係一間好特別專門食雞翼嘅地方如果你鍾意食雞翼你一定要來試呢一間我決定比五星佢啊因為服務都係非常之好

呢間主打食名古屋雞翼嘅居酒屋，要落一層喺地牢下面，入到去都幾有日本嘅氣氛，格局同日本居酒屋都差唔多。叫咗個主食，⭐️味增烏冬鍋$78，呢個幾好食，湯底好濃，烏冬好彈牙，滑蛋超滑！夢幻雞翼$48 (5隻) 呢個係餐廳嘅招牌，不過我嫌佢比較乾身，肉質比較鞋，面頭係一啲紫菜碎。黑色雞翼$36（3隻）我覺得黑色雞翼比夢幻雞翼好食，可能因為我鍾意個醬汁多啲，比較入味。西柚汁燒酌$48嚟到居酒屋梗係飲番杯酒啦，佢嘅西柚汁果然係好酸，好彩我頂得住😂最後仲叫咗個甜品，有一球雲呢拿雪糕係中間，麻糬好煙韌，好食！

我本身好鍾意食雞翼🤤咁岩係尖沙咀行街，就決定晚餐去食山哥6:30 冇book 位，唔洗等位可以入座🙂同老公都唔太肚餓點了必點既夢幻雞翼 $48/5隻 👍🏻枱上放左張紙，山哥教你點食雞翼雞翼好惹味，外層煎炸到脆卜卜令人食到停唔到口但略嫌細隻左少少，冇乜肉食😅山哥咖喱飯 $58🍛好多咖喱汁，絕對唔馬虎有雞肉粒同紅蘿蔔粒冷扁麵 $68同冷烏冬差不多不過不失，如果天氣炎熱，食呢款一定冇得輸香炸竹輪海苔卷 $48有6條脆卜卜既竹輪，好香口仲飲左杯常夏姑娘 $38係芒果汁加橙汁，好fresh 🍹總括黎講，好味既但冇第一次食好驚艷既感覺😖

年三十跟朋友初嘗名古屋過江龍餐廳，可能是年三十和最近肺炎影響，餐廳人流不多，不用等位。夢幻雞翼點了5只夢幻雞翼，雞翼細細只，既入味又香口，好吃🤤牛肉壽喜鍋 細細的一鍋，食物種類不少，包括：牛肉、豆腐、大白菜、紅蘿蔔、鮮冬菇及韓式粉絲。壽喜燒湯底甜甜的，豆腐、大白菜和韓式粉絲吸收了湯底，令人吃不停口。😋 名古屋咖哩烏冬鍋 因為隔離台點了咖哩鍋好香，朋友好想吃，於是我們又點了一鍋。的確沒有令人失望，鍋物最重要夠熱，咖哩味好香但不會過濃，豆腐皮好似海綿吸收了咖喱湯底非常好吃，烏冬口感煙韌，值得一試。鰻魚玉子卷

今次介紹一間名古屋嘅過江龍，專食雞翼嘅專門店，喺當地仲好出名有好多分店添，環境坐位舒服，乾淨，服務員態度正常關東煮🍢個湯底好正清甜同日本食差唔多，如果濃啲會更好，配料有蝦餅，雞蛋，蘿蔔，獅子狗同埋蒟蒻，蘿蔔完全吸收湯嘅精華，好淋同入味，獅子狗同蝦餅就正常，唯獨欠缺麵筋，有啲扣分。夢幻雞翼🐥🐥🐥雖然細隻，但外皮煎到脆卜卜，裏面雞肉竟然仲可以咁嫩滑😂，再配合自家醬汁同埋孜然粉，果然好夢幻，未食落口，已經聞到好香🤣（好適合一邊飲酒一邊吹住水慢慢嘆）鐵板蛋配蝦餅🦐🦐🦐蛋炒到勁滑，加上海苔，少量半溶嘅芝士，將滑蛋放蝦片上面再入口，又脆又滑，依個小食非常簡單又好味，係屋企都可以整黎送酒壽喜燒全部材料都好新鮮 ，大白菜菇豆腐全部都吸晒湯料嘅味道，壽喜燒既湯又甜又濃郁，令人想一食再食，個湯另普通嘅牛肉增添一份日本味道估唔到最精彩係柚子醋豬肉，雖然外表平凡，但入口真係無得彈，柚子醋中和左蔥既辣味，味道甜甜酸酸咁又醒胃，你可以攪勻之前，先試豬肉嘅鮮味先，之後將洋蔥攪勻，再一齊入口，食到豬既鮮味，加上柚子既甜味，底下有醋既微酸，配合埋洋蔥絲吸收所有汁醬精華，回味無窮🤤🤤過江龍黎講值得大家試吓👍🏻，尖沙咀黎講

依間餐廳既枱好細，肥小小或者攞得太多野都好難坐，我地兩個人叫兩個煱（每個份量唔算好大），佢都已經唔知點放，好采餐廳既店員都好識做，同我地轉左張4人枱，咁我地D 食客先會再反黎傢麻雞翼同雞翼尖中間舊骨好輕易就可以扭開，好方便女士們進食份量略為少咗D, 加多少少鹽會更出色個煱好淺， 好快就滾瀉， 要小心翼翼先可以攪得 勻， 唔係面頭既餸會冇味，底下既餸又會太鹹唔係太重既咖哩烏冬依個本身餐牌冇得叫，要另一個手寫餐牌先有，不過魷魚好韌， 好似炸完留左氣咁…

以前喺尖東呢頭返工，都會經過呢間日本野鋪頭，但成日啲人我都排到上地面，今日見唔使點排隊，就去試吓啦😍😍佢入邊嘅餐具都好有特色，筷子圖上面都有漫畫教你點樣去食雞翼，睇唔明唔緊要，餐廳有另一張用中文寫嘅雞翼說明書，好貼心啊！😆😆我哋唔係話特別肚餓，所以就嗌左少少野，夢幻雞翼五隻$48 ，炸芝士$48 ，同埋一個豬肉鐵板燒$108首先雞翼好快上枱，唔好睇佢細細隻，都幾多肉，而且佢打得好好，調味又好味，唔經唔覺好快就食晒，有少少醬油味加調味粉，真係幾好味😋然後上枱嘅咋芝士就不過不失，都炸得幾好，唔會話好油膩，芝士就無乜拉絲效果臀肉鐵板燒上枱嘅時候有大約五六片豬肉，加上好多好多好多嘅蔬菜，雖然佢話鐵板燒，但其實個底係有湯汁嘅🤪大概煮左5分鐘之後，菜都開始軟身啦，我幾中意佢個湯底，少少辣，好啱送飯，而且佢嘅豬肉應該係日本產豬肉，食落都特別好味啲🥳🥳

自名古屋回港，久久未忘雞翼的味道， 辣辣刺刺嘅味道，很刺激， 去到東京也再光顧，回港再吃，也是相同的味道，很是驚喜! 一口氣吃完5只雞翼，很是滿足，味道濃郁，一定再次光顧

喺香港都可以食到真正嘅名古屋雞翼食完當去左轉名古屋啦首先黎10隻夢幻雞翼先每張枱仲擺左張紙教你點樣食隻雞翼一啲肉都唔好嘥雞翼個皮好香脆而且黑椒味好濃 好惹味然後啲肉又好鮮嫩如果啲雞翼大隻啲就好啦之後點左牛肉壽喜燒香煎鰻魚雞蛋卷同埋雞肉蛋飯餐廳除左雞翼出色其他菜式我就覺得一般啦壽喜燒個汁都夠濃 不過食材就一般啦雞蛋卷都算滑嫩 但有啲太濕同埋冇乜好綿綿嗰個感覺親子丼冇咩特別蛋味都夠香 但可以再多啲蛋咁樣會冇咁dry不過名古屋雞翼又值得試嘅個味係真係好出色嘅

開了那麼久還在一於吃這家先來一杯柚子サワ原半粒柚子給我自己弄看到時還滿開心的因為一定不會是甜的不過酒精太小了像飲柚子soda之後這豬不得了好好吃，不只沒有臭臭豬味夾著點汁入味的洋蔥絲簡直令人回味無窮難怪會有一道單點洋蔥吃過就明白了之後是這土佐豬對在下而言確實過甜但我家老闆卻吃得津津有味來一客山椒雞翅這種雞配合這炸法入味非常相信其他品種的雞翅不能做出這種味道自家制的漬物就是與別不同每次都是1/2的賭博自家製還是買回來今日就是在下好運能嘗到自家制的美味炸池魚仔雖是急凍但異奇好吃沒骨香脆炸魷魚一樣吃不止口青瓜雞絲清淡的菜色也有一番風味韮菜蛋這大概是一個兒時回憶家裡不富有就吃這些小東西過活還記得以前很害怕吃韮菜咬不斷的粘在口腔和喉嚨中間不上不下的滋味讓韮菜的味道逗留下來小時候看見就害怕長大了居然會點來吃哈哈最後再點一客不同口味的雞翅個人還是覺得山椒的比較野味吃到這開始有飽感囉乖乖控制食慾所以結帳鬆人

來自名古屋的名物「夢幻雞翼」，對名古屋的雞翼一直念念不忘🤤好彩香港都有這間😍🤭2個人，叫咗好多野食添🙈「夢幻雞翼」必必必叫之選！滿滿的名古屋味道。叫了10隻，好想繼續食落去，但肚皮唔容許了😂「名古屋咖哩」同時有咖哩飯及土手煮飯，土手煮飯即是味噌豬腸煮，第一次嘗試，原來好好味！配飯一流！「名古屋咖哩烏冬鍋」我好喜歡食烏冬😂所以見到咖哩烏冬又叫埋，這款烏冬稍為遜色，咖哩湯比較淡及稀，可能我個人比較喜歡濃味的咖哩吧😉仲叫咗個おすすめ炸物「酥炸八爪魚」，日本的炸物簡直是我最愛！由我評審一下，這個水準不錯👍🏻😆

餐廳食物當中有不少是名古屋的名物，除左有鎮店炸雞翼外，咖哩飯同烏冬等飽肚主食都有提供，算喺幾多選擇。店內充斥住餐廳老闆的卡通公仔，是雙手長成了雞翅的山哥，一睇就知道喺主打食雞翼的舖頭。每張枱上都附上說明書，圖文並茂地教授食客進食雞翼的正確方式。📍夢幻雞翼 $48/4隻雞翼比想像中細隻同埋瘦削唔多肉，不過調味就幾岩我呢啲重口味人士，因為佢嘅表面沾滿了胡椒同鹽巴，食落非常之惹味。雞翼嘅外皮亦炸得香脆可口，用嚟做佐酒小食確實不錯。📍名古屋咖哩烏冬鍋 $烏冬口感煙韌，不過咖哩湯底味道令人失望，味精味很重，餸料亦都唔多，質素平平。📍鐵板炒麵 $68炒麵嘅醬汁唔錯，食落幾開胃。不過麵中的豬肉片同其他配菜嘅份量就比較少，唔算太抵食。兩款主食嘅味道都好一般，只有炸雞翼比較有驚喜。餐廳裝修成日式居酒屋風格，周末都有唔少人前來飲啤酒傾計。