世華餐廳扒房 (已結業)

世華位處淘大最旺最當眼之處，不論你是陌生人或是本苑住客，有時候想不到去那處吃飯，都會在眾多選擇中選這間，就是因為兩個字：就腳！昨晚去到，我和朋友想叫海南雞飯，誰知估清，唯有再叫其他，我叫了咖喱雞飯，朋友叫了兩拚扒餐，雞扒及火腿扒；我的咖喱雞飯，咖喱還可以，少辣及帶甜，但是，雞只有四件，加大件薯仔兩件，白飯少得可憐，找侍應添多些吧，男人怎夠飽？不過，添了的白飯加了料，有很多飯煲裡乾了的飯粒，難吃！餐茶叫了兩趟還要催單，這個柯打更是那位入門便向人笑騎騎像是好好招呼的男經理落的，竟如此不負責任！這個飯餐還要46元加一！我朋友的雞扒拼火腿扒，雞扒尚可，但那塊火腿扒，跟四分一張A4紙無異！薄如蟬翼，那可算是扒？火腿片都不如啊！大家下次到淘大吃飯，真要想清楚，要不要光顧那些服務和食物質素都不合格的食肆！

星期五晚, 去完九展睇讚美之泉, 之後在德福淘大搵食, 本來想去椰林閣, 點知收左, 再行都係間間都收左工, 剩番佢仲有九個字才收, 咁就入左去.小弟叫了海南雞飯, 隻雞竟然唔熟的, 飯係凍的, 唯一好只係杯飲品......一定冇下次.

個晚星期六，去到淘汏，好多人,想食既餐廳都滿人又肚餓，求其入了呢間我和老公選了2 個 2選配搭扒餐我選了羊扒配蟹鉗 ---羊扒不是羊扒, 好像是在凍肉舖20蚊 幾塊的急凍羊，且九成是肥羔，食入口 又沒肉味 蟹鉗剩係得粉味我老公叫了雜扒 ---一樣沒好野只有餐包食得下最憎D餐廳, 叫扒就拎去炸熟 呢間餐廳毫無誠意，希望快D 執

呢間野真係好難食呀~~!!個日其實係想同男友去唱lunch K既, 點知無位,又好肚餓咪求其諗住找間餐廳坐低食左lunch就算甘我地2個都唔系住呢頭既唔知道間野會甘難食架麻同埋睇拒個門面又好似OK又唔洗等位咪入去囉點知入到去就覺得賴野啦, 因為完全無人招呼甘好啦, 我以為係個D一般大眾化茶餐廳果隻所以自己坐低啦, 點之睇完餐牌後發覺要加一.....極唔gur囉有咩理由完全無service要加一呀我叫左個蜜汁局豬扒飯, 然後我男朋友叫左碟乾炒牛河我果兜局飯呢, d飯係勁淋, 成PAT野近乎粥甘架啦然後D豬扒全部都係肥既~d野遲黎拒又將兜飯局到濃晒..真係未試過食甘難食既野架~跟住我男朋友碟乾炒牛河仲耐過我碟局飯黎, 完全唔make sense, 無味既碟野..有幾可聽過人食乾炒牛河要落豉油先有味呀~真系唔知點解呢間野到而家仲未執!!!!!真係貼錢買難受~打死都唔會再去!!!!!

今日下午去左呢度食下午茶. 叫了:馬來炒貴刁: 唔算辣, 不過只係好多粉, 冇咩餸, 蛋炒得好火隆.豉椒牛河: 牛肉冇味又用左很多梳打粉! 好一般!白汁芝士雜菇長通粉: 白汁好稀, 芝士好少, 有d芝士又起粒粒; 雜菜好少, 只有五小薄片罐頭磨菇, 洋蔥重多過磨菇! 白汁芝士雜肉雜菜濶麫: 又是白汁好稀, 芝士好少, 雜肉只有幾片薄薄腸仔和蟹柳, 雜菜只有洋蔥, 超級唔得!!個餐茶重離譜, 熱檸水隻杯有漬! 杯凍奶茶重有枝牙籤o係入面!! 叫佢換左成十分鐘至有杯新既, 重對唔住都冇!!! 叫左埋單又唔理, 等等下等到覺得唔對路, 於是又叫埋單, 先發覺原來之前係白等, 因為根本冇理到我地?!! 地方又污糟, 成日有蚊滋飛來飛去. 咁質素咁既態度, 一定冇下次, 重要列入黑名單!!!!

星期日下午,同一班朋友去食lunch,簡左d度食,入到去,環境尚算不俗,我叫左個長闊通粉黎食,係精選午餐之一,而其他人叫左d炒公仔麵,牛扒腸仔飯咁,有湯同野飲送,不過羅宋湯係辣o既,唔食得辣就飲白湯啦,仲有個麵包送o既...野食都幾好ga服務方面因為我地有個靚仔坐鎮的關係,阿姐竟然係肯幫佢免費添飯仲有汁送添,不愧為阿姐殺手我地aa制無散紙找贖而佢地仲肯幫我地唱散紙添,都唔係好似你地講到咁差姐,總括都可以再黎ps:這裏要收加一

一家人星期日去食晚飯, 我食在龍脷+火腿扒(即係火腿乙塊)飯.有湯, 不過食個時都係.....無味!最好是凍華田, 最正宗!食完反家企即爆石!爆左半個鐘! 所以我建議去M記食算, 一定有保證!

三個人晚飯:凍芝麻珍珠奶茶: 竟然是溫的，沒有放珍珠...問經理，回覆是珍珠賣完了(姑且算了)...味道:十分難飲!(如何難飲不細表)西蘭花炒帶子: 百多元的二人餐，帶子竟只有小貓三四隻，size真的很小.... 西蘭花味道奇怪，只有蒜味沒丁點西蘭花該有的味....難道變壞了?其他食物沒那麼恐怖，味道不值一提。奉勸大家不要去!

今晚同八個同學係附近考完試,行行下就見個門面唔錯就入左去...無錯呢間真係黑店...個冷氣好大風,吹到枱上既餐牌都左擺右擺,叫佢熄細d,個個好似大陸人既staff話無得較wor, 叫我自己調去枱尾,枱尾都係出風位law...首先叫左個$50既雙拼扒餐,羅送湯來到,凍既,味道係好似落左兩匙糖,無其他味,我只係飲左兩啖,實在飲不下去了...個包我冇食到,好似神枱橙咁大個(我個同學講既)...跟住我叫左個鴨胸加雞翼薯菜,當朋友的主菜先到,看到炸到變深啡色的薯角已經唔開胃, 到我個個碟黎左,鴨胸係凍既仲要d肉係霉既,炸雞翼係至好ga la...因為冇得揀...我個同學叫七成熟既牛扒得三成熟, 食到一半又叫我地埋單。佢d刀叉其實都好dirty,要拿杯水洗洗佢...食左幾啖有同學話驚我地一齊食物中毒,但係真係好垃圾,真係垃圾不如...食到一肚氣仲要五十五蚊law...我地全枱人連最大食個個,都食唔到半碟,根據那無乜要求同學講,佢跟餐個沙律唔明生果都可以比佢撈到無味。考完試已經好肚餓,我只係食左三隻雞翼同飲左杯熱檸蜜就要$55,食到一肚氣,全部人一致認為如此...返到家即刻上網看它的食評,無錯...

24/5 路經淘大見呢間野d座位幾濶落咪試吓囉...叫咗lunch st, 味道普通啦... 最慘就係碗西湯有玻璃碎片(個碗係"崩咗")!!同個waiter講叫佢話比經理知, 但佢只拎走咗就算!!奉勸大家味去!!

話說情人節當日打算同女友來一個難忘的情人節lunch,來到了這個世華,果然給了我們一個很難忘和極不快的情人節lunch....一坐低order完一個焗海鮮意粉同西冷牛扒,諗住一次過叫埋兩杯凍飲,怎料就出事了!!粗心大意的伙計送來兩杯凍飲時,一跣腳將兩大杯凍飲倒在我們的坐位裡面!!女友的西裝褸即時變了"凍檸衫"!!大意雖是不對,但意外的事大家也不想發生.不過最令人髮指的是總共三個經理見到我們被他的伙計"淋凍飲"居然也事不關己,視而不見!!氣憤之餘立刻找來最大的經理理論(應該是老闆).但他態度囂張之餘更沒有道歉,還說"咁你地想點丫?" 做錯事居然還這樣狂妄,也沒有任何建設性的說話,可惡!!最後一番吵鬧之後才勉為其難地給女友的"凍檸衫"免費拿去乾洗.但一洗便是一星期.... 還要我們親自去洗衣店取回.這種服務根本要給消委會來個大審查啊!!食物方面,不過不失,但在情人節遇上這種噁心的服務,就算是御用美宴也沒有心情去吃了!!

有日同女朋友去了淘大行街搵食，淘大樓下有條食街，我地揀來揀去，有euro go go 唔去，有stage cafe 唔去，鐡匠又話唔好，我想食扖，於是入了這間- 黑店! 茶餐廳格局，又有煙味，心想若然有餐好野食，都會"忍氣吞煙"一下，但...第一:阿姐專登反應慢，三催四請先來到，我地叫了個牛仔骨+牛扖鐡板餐跟燒汁和雞扖+豬仔骨鐡板餐跟芝士香草汁。個芝士汁都ok，不過雞扖就用美極醃的，真的"美極"得鹹到死，豬仔骨就好乾，都有肉食，但已是4款食物中最好食的了，牛仔骨和牛扖有濃郁的梳打味，d牛仔骨更是肥美和精巧，4款食物質素統一，都係唔掂，女朋友覺得最好食的就是那些薯角和西蘭花配菜。第二，談到個甜品，有什果啫喱涼粉同沙律揀，本身我地想一人叫一樣試下，但見到隔離枱的什果啫喱涼粉後，2人有默契的一齊叫了沙律，但最終也只是食了面頭的什果，一方面飽，另一方面見到佢地的衞生環境，還是少食點。全餐唯一最好的，就是份量足，垃圾都仲咁大堆頭，女朋友有想過餐飲試咖啡，但我亳不考慮的叫佢唔好試，改叫凍檸茶吧，而我，一睇個格局，就知可以叫凍華田啦，兩杯都少甜，但仍然係甜!

我冇入去食, 食物果度唔評論住有晚想同男友去食,去到出面冇知客,(定係佢根本冇?). 真係冇都唔緊要, 咁咪自己入去囉. 環境同個格局都有D似花園餐廳, 都係黑黑暗暗咁. 因為食飯時間, 間餐廳都full house. 諗住點都有人幫我地搵位卦? 點知又係冇.我同男友傻更更企晌門口5分鐘都係冇人理我地. 最終係點? 咪自己行返出去過大快活食囉! 係咪因為小妹個晚著得有點寒酸(即係牛記笠記)所以間餐廳覺得冇必要serve我呢?

今日下午同傻鬼去食lunch....見咁多人食應該都唔會太差啦. 點知....2個人叫左焗芝士牛脷薯菜- 心想以為係薯容底加牛脷上面再有芝士啦...點知見到就知同想法完全唔同...我實在太一廂情願去想. 原來係...幾小塊牛脷係面底係2大塊薯仔加3片翠肉瓜加一大pat所謂既白汁上面落小小小小芝士粉焗. 望到都知有幾好味啦. 仲要有d水係個碟旁邊, 就知係d瓜出水啦. 食落就同個樣一樣唔好味啦....差, 極之差. 好...到芝士肉醬意粉- 之前個菜已經嚇一跳對這個就更加唔會有咩期望. 但估唔到普通一碟意粉都可以煮得唔好食, 真係有d難度. 成個碟已經一大pat油, 個sauce既味道有怪怪...總之全部野都好難食, 去大家樂/麥記都好過.又無service, 又迫環境又差以後都唔會再來食.

佢地o既埋單計數方法真係好令人質疑,當晚我地6人去晚飯,到埋單時候佢地比左一大堆單.我地check,當然我地每人叫咩餐什麼價錢,大家心中有數,但佢地d數亂七八糟,我明明叫個海南雞飯係$40,但我睇單佢地既然打$43,照道理我緊係會問佢點解係$43呢? 但佢地員工又答我話係有野飲所以+3元.但其實我個餐又冇野飲個喎!咁同佢問清楚啦,突然間有個女待應走埋o黎答傘.又話咁總數岩唔岩先,喂,大佬呀你比大埋單我check,個小數已經唔o岩,我點知個大數o岩唔o岩先,結果,原來攪清楚,佢地計數方法係計總數,所以佢地比大堆單你,你唔駛理.佢地咁做法係咪好誤導d客人,佢地計錯數先,但佢地既然唔認錯,重話佢地公司一向都係咁做,冇問題.態度輕挑,不知所謂,所以我已決定唔會再幫襯,其實之前我去過好幾次已發現佢地d服務態度有問題,經過今次之後唔會再有下次.你地都唔好再幫襯,因為佢地而家己經慢慢咁加價,冇以前咁低食!