東坡豬手麵

营业中

休息中

例湯有小動物，阿姐竟然講句乜你咁好彩！雲吞麵送條毛都算！今日落單未諗到飲乜，阿姐極力推薦凍鴛鴦，單都未入廚房杯嘢就出，原來比杯沖多咗放到冰都溶咗一大半嘅凍鴛鴦比我，仲要有怪味，飲咗一啖仔同阿姐講呢杯唔係凍鴛鴦，即時黑口黑面話呢杯唔係鴛鴦係乜？大佬！我鬼知你比杯乜嘢我飲咩！死死地氣換個杯，走去廚房同入面大大聲講個客有問題，講真我每星期都落去幫襯兩次，都成日聲到呢個阿姐講事講非，大大聲同D客講嘢，自己衰咗又入D客數，臨尾仲要埋單找錢掉D銀仔落收銀枱度，無問題我有風度，唔需要同你嘈，我以後唔再嚟！我唔知餐廳腦細會唔會睇？如果有睇話聲比個阿姐知！呢個阿姐係全樓面最老果個女人，把口無時停，口水多個浪花，你放假連你D同事都鬧你，多咀程度連你D同事都串你，你腦細鍾意用你嚟倒米係無問題的，睇下你每日得罪幾多個客！間嘢幾平民幾好食都無用，一粒老鼠屎害死間鋪！

#breakfastforlunch, #cheapeat, #tinhau, I come to this area a lot... but rarely alone so I dunno cone here often. my wife actually used to love this place much as she could order her favorite local noodles (wonton noodles sort of..) in the morning whilst I can still enjoy my local "western" breakfast.. this is definitely the cheapest option in the area, it could be the cheapest option in hk...

剛剛同太太經過砲台山 /天后， 有啲肚餓，望到對面馬路有間東坡豬手麵， 於是走入去試試。 太太叫咗個 梅菜扣肉飯，送上台聞到都好香，太太重潷 咗一啖梅茶放入口覺得有啲怪， 吐出來就發現原隻小強。 我們考慮咗一陣最後都冇報食環，畀次機會呢間舖頭。願各位繼續支持的食客放入口前望清楚每一羹。

公仔麵無益...我知，食完會口渴...我知，高鈉高熱量...我知，但每個月我都會口痕想咬公仔麵，因為...實在...太魔鬼了  在港島區想食一個最基本的餐蛋麵早餐點都要三十元起步，但這家東坡豬手麵只收$24，也是我近年唯一光顧食即食麵的地方，原因就是平宜。我愛吃它的肉丁蛋麵，不是罐頭貨，味道和份量算交足貨，嗰幾粒豬肉加埋隨時多過連鎖快餐店的早餐豬扒。比多兩蚊雞仲可以多樣餸多塊麵包，點都夠飽啦！ 一般港式咖啡奶茶，我滿意架！ 九時半後過咗繁忙時間，坐單人卡位嘆個早餐最舒服，還可以同啲亞姐吹水，爽  如果鍾意食早飯，這店十點左右就可能有飯供應，出聲問亞姐就得。 至於它的招牌菜豬手，我只覺過得去，不算太突出。

天后有間叫東波豬手丐的餐廳，有我最喜歡吃的蒸魚反，餐廳每天有不同的魚給客人選擇，有黃花，黄䱽，馬有等等，我就最鍾意吃佢地的鼓汁蒸馬有，好新鮮，好好味，還有飲品或湯，都係$68。除了蒸魚外，餐廳其他的蒸餸也很好，又平又好味，食完不會口乾。

一日係天后學完滑雪,就係附近搵間餐廳食晚餐啦。來到這家東坡豬手麵,一望餐牌真係嚇咗一跳,點解而家香港百物騰貴,竟然有啲咁抵食嘅餐廳嘅? !一碗麵都只需要$30 ,真係唔知去邊度搵啊。我叫左蕃茄薯仔通心粉,好有家的感覺,甜甜地,好好味,好快就食晒一大碗啊。雖然咁樣嘅通心粉通常都係做早餐，但係覺得晚上嚟食又OK喎。非常推薦其他朋友嚟食,咁嘅價錢,真係夫復何求啊。

今晚去咗東坡豬手麵食晚餐，我order咗蠔仔肉碎湯飯，拔兄叫咗至愛的東坡豬手飯……先嚟例湯，合掌瓜湯都幾好飲……蠔仔肉碎飯，大大碗，蠔仔脹卜卜又吾腥，啲飯又好食，所以成碗都好好味……而拔兄個東坡豬手飯，原來係東坡肉加豬手，oh I see……佢話豬手好腍好食，但東坡肉啲肉就有啲“鞋“，稍有不足……呢間除咗蠔仔湯飯、東坡豬手飯外，仲有好多其他選擇，有麵有飯，平至廿幾蚊都有一碗麵，即使招牌的東坡豬手飯都係30幾40蚊，包湯或飲品，以晚餐價錢，既合理又吾貴，平過連鎖快餐店啲晚飯套餐啊……而且你係睇得出啲食物係用心製作

呢間豬手麵真係無得輸，平靚正！先講環境，確實係有d迫，不過都可以接受！lunch time人多係正常嘅我order左豬手麵，碗麵唔算大，有兩大舊豬手！豬手好入味，炆得好淋，即使係豬肉位，都勁淋，個皮都好好味，好鬆，入口即溶。埋單，每碗麵都係$26咋天后呢邊，邊有咁平嘅粉麵喎，仲要好食，真屬難得！加$7有熱飲，$30幾落樓，平靚正！

呢間餐廳lunch time已經食過幾次無論豬手 蒸飯 湯麵都不錯性價比高 價錢親民👍🏻 蒸飯$36已經有即叫即蒸 蒸鯇魚同蒸雞飯 岀面絕對可以賣貴$20 我就偏愛蠔仔肉碎湯飯啲蠔仔絕對無hea你 超多 真係每一啖都可以有2-3隻蠔仔！仲要有3份1都好大隻已經算係巨型蠔b蠔仔超級飽滿咬落去就有鮮味爆開嘅感覺湯底比起岀面潮州舖偏濃味岩哂我呢啲濃味怪有大量嘅葱同芫茜😍我另外我好鍾意佢哋個辣醬食落好似XO醬咁但係冇瑤柱嘅少少辣加少少鹹香撈落個蠔仔肉碎湯飯到好好味

睇下佢啲肉碎同蠔仔嘅澎湃感😍😍 流曬口水laaaaaaa😱😱仲要好大碗😆😆wootwoot 個湯巧濃味 and 鮮味👍🏻👍🏻啲蠔仔好大粒超肥美兼鮮甜derrrrrr leh🌼🌼啲肉碎明顯地係調味十足🤩🤩湯啦 蠔仔啦 肉碎啦 飯啦 all together 一啖食曬真係 動魄驚心ohhhhhhhhlalaa💃🏼💃🏼仲要好貼心有一堆薑絲 俾啲怕腥嘅闢一闢腥味 不怕不怕🙊🙊但係坐嘅地方真心有啲迫gip嘅 所以快食快走吧👽👽味道：6.5/10東坡豬手麵肉碎蠔仔湯飯$42📍天后

我媽媽本身好喜歡吃豬手，平日亦不會特別試新野，今日有機會吃試試。抱著期待的心情，買回家後，豬手骨頭很大，肉不多，皮下脂肪厚。豬手係好入味，不過今次米飯就係生既....搞到我媽媽食唔到....外賣都算快。希望之後有改善！

午餐時間周圍都咁多人，試下呢間小店，位置不多，坐得有啲逼，不過食物性格比高。今次再點呢度嘅招牌菜 - 東坡豬手麵。揀左粗麵因爲有咬口啲，嘢食好快到，豬手好入味，同麵一齊食就冇得頂！

呢間東坡豬手店 係鰂魚涌同天后中間 平日午餐時人頭湧湧 今日咁啱公眾假期去無咩人 就入去試下招牌菜 豬手飯 豬手個汁其實還可以 不過唔係好夠汁 而豬手就煮得硬左小小 骨多過肉 食到最後要用枱面的xo醬送飯 ⋯⋯順便讚下個xo醬 幾香！同行友人就叫左梅菜扣肉飯 試左啖 反而仲好食 可能因為個醬汁比較有味同夠多！ 價錢呢 係呢個區都算係無得彈架啦 36元仲送熱飲 凍飲只係加兩蚊啱哂我呢啲無凍檸茶不歡嘅人！ 現場見比較多人叫湯飯 都係貴幾蚊 下次可以試試！

又到食晏嘅時候，又要周圍搵下有乜食，行下望下，比我見到間門面細細，招牌寫住東坡豬手麵，門口餐牌食物選擇唔多，不過都支持下啲小店，入去試試。店內座位可容納30人左右，客人一食完就走，又有客人入，不斷都好滿座。我諗招牌係東坡豬手，所以就叫左個東坡豬手飯試，順便可以補充下膠原蛋白質😂既可填飽個肚，又可美容一舉兩得。豬手炆得好腍，由其豬皮好滑好好味（唔怕肥既話😂）加埋杯熱檸茶先$38，真係掋食。

今日中午同幾個朋友去了天后一間新麵店食lunch，我們進店內坐下先看看餐牌價錢好經濟喎，基本上大部份係四十蚊有找，我們當然點主打東坡豬手麵，豬潤麵，梅菜扣肉飯，豬手炆得好腍，麵也彈牙，再試一試豬潤，有咬勁不錯，最後試埋梅菜扣肉，不過扣肉就肥了少許啦，未必人人喜歡，我就普通啦，所以我見店內好似冇乜人叫，反而大多數客人都係order 東坡豬手麵為主，整體來說味道都係十分好，所以下次我一定會再來幫襯，要試埋個陳皮鴨腿湯飯