東坡豬手麵

营业中

休息中

例汤有小动物，阿姐竟然讲句乜你咁好彩！云吞面送条毛都算！今日落单未谂到饮乜，阿姐极力推荐冻鸳鸯，单都未入厨房杯嘢就出，原来比杯冲多咗放到冰都溶咗一大半嘅冻鸳鸯比我，仲要有怪味，饮咗一啖仔同阿姐讲呢杯唔系冻鸳鸯，即时黑口黑面话呢杯唔系鸳鸯系乜？大佬！我鬼知你比杯乜嘢我饮咩！死死地气换个杯，走去厨房同入面大大声讲个客有问题，讲真我每星期都落去帮衬两次，都成日声到呢个阿姐讲事讲非，大大声同D客讲嘢，自己衰咗又入D客数，临尾仲要埋单找钱掉D银仔落收银枱度，无问题我有风度，唔需要同你嘈，我以后唔再嚟！我唔知餐厅脑细会唔会睇？如果有睇话声比个阿姐知！呢个阿姐系全楼面最老果个女人，把口无时停，口水多个浪花，你放假连你D同事都闹你，多咀程度连你D同事都串你，你脑细钟意用你嚟倒米系无问题的，睇下你每日得罪几多个客！间嘢几平民几好食都无用，一粒老鼠屎害死间铺！