東屋台 (龍門居)

营业中

休息中

踩單車經過，口渴就順便買杯嘢飲。同一個範圍其實有兩間茶飲店，但見依家係出名嘅黃點，所以即管幫襯。去到已經見到有人吹單，問點解咁耐都未有。我係cashier 企咗一陣，終於有人行出嚟。我就講咗聲《唔該我想要。。。》，句嘢都未講完，店員就用一個比較惡劣嘅態度，大大聲呼喝咗句<落單等等>。其實買$30嘢都唔係想要五星級嘅服務。但至少俾番少少禮貌。講返杯嘢飲芝士奶蓋白桃烏龍 $30 其實還好。好大杯但冇乜奶蓋。唔知點解個茶底個色咁濁，好似mix 左啲奶咁。。。唔係黃店嘅話，應該會俾劣評。

🐮🍚牛丼(大盛) $47🦑章魚大阪燒 $41好耐冇食過牛丼🐮🍚，調味幾好，可惜洋蔥只有一兩塊，識食一定係食入晒味既洋蔥🧅🤤女朋友鐘意倒勁多湯落啲飯到變泡飯🤧😂不過啲湯唔鹹，落多啲都唔會太鹹😂大阪燒好好食、好足料😋可惜食既時候凍左啲，如果唔係應該會更加好味🤤

屯門好食嘅餐廳點少得東屋台呢！佢簡直係我嘅飯堂(雖然無堂食)不論食物定係飲品嘅質素都非常之好今次就同大家講吓平時我叫開啲咩食啦(о´∀`о)𝐎𝐫𝐝𝐞𝐫:: ⧐ 海量海鮮大阪燒 | $45⧐ 牛肉飯 (大) | $45⧐ 粒粒香桃桃香烏龍 | $27⧐ 屋台牛肉炒稻庭烏冬 | $52⧐ 牛肉可樂餅 | $15@1東屋台最出名嘅係大阪燒同埋牛肉飯佢哋嘅大阪燒好足料配上醬料同大量木魚真係超香口好食的(〃ω〃)牛肉飯就非常juicy 多汁又多洋蔥其實我最鍾意食嘅係佢哋嘅牛肉炒烏冬佢哋嘅袐製醬汁再加埋牛肉同埋蔬菜一齊炒而且加上個麵底係用咗稻庭烏冬非常好食 味道好濃郁(๑˃̵ᴗ˂̵)佢嘅牛肉可樂餅都係即叫即炸加上沙律醬一齊食係非常之鬆脆香口再加一個小食鯖魚成餐就好完滿啦(〃ω〃)而佢哋喺飲品各方面都做得好出色我最鍾意嘅飲品有兩款分別係奶蓋茶類同埋粒粒香桃桃香烏龍(*´꒳`*)大家如果去屯門可以去食下啊！—📝評分味道 ⁵ / ⁵環境 ⁵ / ⁵服務 ⁵ / ⁵衛生 ⁴ / ⁵抵食 ⁴ / ⁵—

聽過好多人話東屋台係屯門必食之選！但係畢竟屯門好鬼大，就算住屯門既我，都可以兩間分店都唔就腳🙁今日咁岩有事要過黎龍門居就鎖定要一試！鋪仔細但係位置當眼 好易搵到！食物種類唔算多 當日所有豚類既都冇哂所以最後揀左個野菜黑咖喱+唐洋炸雞丼咖哩係偏甜既日式咖哩😋😋😋好鐘意！好驚喜係炸雞炸粉同肉比例好好！仲要隔左咁耐都冇焗淋到！係脆架！另外因為距離返屋企時間有啲耐 疫情又唔想係街飲野🤦🏻‍♀️所以冇試到飲品 但係相反見飲品種類反而比較多！

用心小店💛💛雖然只做外賣 但絕不馬虎即叫即做 所以等候時間略為長 但味道💯💯💯章魚大阪燒😋😋😋打開個盒已經好香雖然外賣到家已經一段時間外皮不脆 但仍然非常好味唔會剩係得麵粉 好足料！！

係屯門頗有名氣嘅東屋台今日3點幾行過 竟然唔使排隊咁就買返份先主打大阪燒仲有啲牛 魚 鰻魚 咖喱嘅丼飯我就鐘情佢嘅大阪燒海量海鮮大阪燒 $45即叫即整 所以都要預返少少時間等依個份量對於兩個人share嚟做下午茶就啱啱好面頭鋪滿木魚絲同紫菜而入面就係滿滿嘅海鮮 包括章魚 蟹柳 蜆肉 蝦依啲等等仲有好多椰菜同粟米每啖都係唔同嘅配料 唔會淨係得麵粉不過今日好似落得唔夠醬 食落感覺乾咗啲🙈overall嚟講 都係一個下午茶嘅好選擇

黑糖珍珠奶茶:很大杯！！！很多珍珠！！！特別之處是，有獨立茶包在裡面，茶味越來越濃，我初初以為那個黑黑的是仙草，原來是茶包😂但是我覺得少甜已經夠甜了！抵和正！

可能係全新界最好吃嘅大阪燒💛所長間唔時都口痕掛住東屋台，大阪燒呢家嘢好奇怪，明明lunch唔餓都會食得曬成個，然後又會可以飽肚到放工🤣可惜對所長嚟講比較就腳嘅龍門店冇位坐，如果唔係可以成日過去都得😍東屋台主要賣大阪燒，另外有少量飯麵選擇，純粹個人偏好，次次都叫呢個海量海鮮，食落啖啖都有料，唔會成口粉👍🏻之前亦有食過炒烏冬（好似係），都係最愛大阪燒💛之前有去過一兩次另一間分店，有少量位置可以坐，唔想外賣嘅可以去吓。海量海鮮大阪燒 $40

好耐冇嚟龍門居呢邊買嘢食，突然間諗起呢間鋪嘅大阪燒，咁啱今日又路經附近，即刻買個嚟食。呢度嘅大阪燒，依然保持水準。大阪燒有6款選擇，點選嘅係海量海鮮大阪燒。一打開個盒，就見到大阪燒上面鋪滿木魚呢個大阪燒，食落唔會覺得好粉，反而以椰菜及少少粟米做底裡面夾住蟹柳，章魚，蝦仔同蜆肉仔，加埋個醬汁，真係好食到停唔到口。試埋個飲品，檸檬配四季春茶，裡面嘅檸檬唔係得幾片而係成個所以好夠味，天氣咁熱，飲完好解渴。

無人講我講😄第二次幫襯, 短期內食過返尋味😋🌄又係未開舖就等到開舖落單, 咁多捧場客會否考慮做早市呢❓大阪燒當早餐一流👍今次點了章魚大阪燒$35, 食到🐙好有口感啊！仲有勁多木魚, 偏咸但香口上次食咖哩豬扒飯$48, 大風吹跌左塊炸豬扒😭今次encore終於完完整整食到成塊。日式咖哩, 同中學時代嘩鬼拉麵的香甜咖哩味一模一樣。咖哩雖是預製品, 偏厚身, 但配料豐富, 蘿蔔、薯仔粒粒分明, 仲有超多雞肉粒😍

龍門居宵夜不嬲都好出名，但lunch去都只係得一半左右嘅舖頭開左😂東屋台-芝士奶蓋($28)一直想試好耐，天氣熱更加想飲杯凍野😂呢度可以自己揀茶底，有桂花烏龍、茉莉綠茶、四季春茶、桃香烏龍、玫瑰烏龍，我揀左四季春茶，因為唔想飲太重花味🙈🙈第一啖要試下佢嘅芝士奶蓋，好香芝士味，又唔會太甜，之後先攪勻連埋茶一齊飲🤤😆攪勻之後，芝士奶蓋同埋茶完美融合，芝奶味唔會蓋過茶味，幾好飲，性價比高👍🏻🤪不過都要等15分鐘有啲耐🤣都幾多人買外賣，佢仲有丼飯、大阪燒，遲啲再試下😚

龍門居🚲屯門踩單車必經之地, 門口等外賣的人永遠多過餐廳的座上客👯👯立食亭奇多, 種類層出不窮。一盒厚燒玉子鰻魚飯, 盛惠$78🍱外賣的話, 不計服務評估一下食物定價, 玉子名符其實大大舊, 厚如白板刷，可惜味道、口感一般, 實的的又凍冰冰, 除了甜還是甜🍬🐛鰻魚是有骨的, 微微焦香, 除了魚皮極其厚滑外, 跟凍肉舖六十幾蚊的鰻魚, 在大小和醬汁味道上均無太大差別。 ✨加分位是用上份量十足的珍珠米(夠二人份👯)和兩棵大西蘭花🌳伴菜, 西蘭花可是煮熟後不會縮水的綠色蔬菜😉

相信講起宵夜大家對於龍門居都唔會陌生，成日都會有人介紹去龍門居食宵夜，去到龍門居不得不食嘅係呢一間良心小店，佢哋嘅大阪燒相當出色，具有日本嘅風味，雖然而家冇得去日本，咁就食下呢間餐廳止下癮啦！今次我叫嘅係煙肉芝心大阪燒，佢嘅大阪燒整得相當正宗，同埋仲有超邪惡嘅芝士再加埋煙肉，呢個配搭簡直係冇得輸，之前成日唔明點解咁多人排隊，我終於明啦！ 因為係一間又好食又足料又有良心嘅小店💛💛

今日黎到龍門居啱要食午餐，又想買一杯台式嘢飲，所以揀咗呢一間！我叫咗一個玉子鰻魚丼，同一杯桃味嘅嘢飲呢個玉子鰻魚丼，相當有驚喜喎可能係因為$7x 唔包嘢飲！個鰻魚相當之厚肉！而且佢個飯係撈左一啲味粉！我兩個仔都爭住食尤其個飯！佢有味粉之餘又有鰻魚汁另外嗰杯嘢飲我唔記得影相，係$25到！但味道就一般啦

星期五同朋友喺附近食完野，食到有啲口渴，於是喺朋友推薦下去咗呢一間飲品店買嘢飲。睇真啲，呢間舖頭除咗賣嘢飲之外，仲有小食（包括大阪燒）我同朋友都叫咗芝士奶蓋土味烏龍茶，呢間舖頭嘅芝士奶蓋偏甜少少，不過好啱我自己嘅口味。要烏龍又真係做到有淡淡嘅土香味，解濟嘅烏龍茶加上濃郁嘅芝士奶蓋，真係100% Perfect match。