影片
以上资料只供参考，请与餐厅确认详情
籠仔蒸飯套餐（$78，星期六/日/假期 +$10）・鳳爪排骨籠仔蒸飯，份量足，飯底尚算乾身唔會濕淋淋，鳳爪及排骨味道正常。・菜膽海底椰燉白肺，湯清唔油膩，材質足，味道可以。・白灼菜心，4大條菜心，還算爽口，唔老身。點心拼盤（$59）有六款點心（蝦餃、燒賣、魚翅餃、潮州粉果、菠菜餃、棗皇糕），款款味道都正常。蘿蔔千絲酥（$30），熱辣辣，即炸，無回油，外層酥脆，裡面蘿蔔蓉味道清淡。總括嚟講，屋村酒樓，食物出品正常，味道可以，收費合理。PS：茶錢每位$9，全日免收加一服務費。
继续阅读
今日去親戚屋企坐下，因為仲係飲食控制當中😂，想食得清淡d，就係附近揾到呢間點心鋪試試😋。去食個陣正值下午茶時間有特惠，60蚊就已經包左3個自選點心同茶位，價錢算抵👍🏻。一如所見，餐廳裝潢淡雅樸實，帶住一絲絲舊式茶樓既風韻🕰，座位方面有散位同卡座，任君選擇。今次我就點左3款都係蒸既點心，分別係棉花雞🐔，牛肉球🐂以及係鮮竹卷🎋。點心來講都係即叫即蒸既，所以落單後都需要d時間，呢個moment就嘆住杯茶包普洱睇下電視新聞先。點心蒸好之後一次過3籠來曬，熱氣騰騰🍲，分量十足，絕對無話因為下午茶將價就貨。首先講下籠棉花雞，雞肉滑嫩鮮美，豬皮彈牙厚軟，浸沒係濃濃既湯汁之中，口感上乘🙆🏻♂️！再來係呢款鮮竹卷，鮮嫩既腐竹包裹住林林種種既素材，咬開口湯汁洋溢，素菜爽脆鮮嫩，素食者必點之選🤞🏻！最後就係個個都會點既牛肉球，念住同出面都係一樣有普通發揮就收貨。結果食落出人意表有驚喜！牛肉彈牙爽嫩，說明打肉個陣落粉唔多真材實料🤌🏻，蔬菜餡料更加係清爽脆口，食落無軟柴既感覺，就算無gip汁之下已經非常鮮味🤟🏻！綜合來講呢間點心鋪下午茶既性價比算高，食物質素有中價點心鋪既水準不俗。但再睇返晚市價錢💸就同下午茶相比貴出一倍，CP值就跌W了，不過以社區內唯一一間點心鋪來講可以一試。
继续阅读
真係唔掂，我都好少寫負評的。蝦餃算合格，燒賣义燒包真係有餿味，珍珠雞除咗雞肉真係會吐返出嚟。小籠包又乾又膩。總之，好耐無食過咁唔好食嘅點心。與其攪咁多花款，不如認真做好點心。
继续阅读
晚市期間，自稱姓陳的女經理囂張自大，對客人極不尊重顧客，不但粗魯推枱，更高聲談論其他在場的客人，導致我們一家極度尷尬，其服務態度極差，永不光顧。亦會告知身邊朋友及附近街坊事件。此店舖屬於連鎖式分店，以為服務及味道有保證，午市及下午茶點心味道一般，只有一道藥膳雞味道為佳。極為失望。
继续阅读
天寒地凍唔出街，叫下外賣點心，都係隨意揀，睇外型唔錯試下，價錢唔算平，不過收到之後覺得水平唔錯呀~ 71蚊嘅點心拼盤，但係裏面有咁多款式又大件，都幾好味喎！ 我覺得蝦餃，燒賣，松茸餃同埋鮑魚餃我都喜歡呢個奶黃包都好味，同外面中環區啲酒樓差唔多， 包軟熟夠流心不會太甜。喺手打牛肉球同埋香菜牛肉腸粉間掙扎，最後揀咗腸粉。 中間夠料，腸粉皮就厚咗啲，正常發揮。可能因為佢送到啲點心仲係熱辣辣，所以食物味道和口感保持得很不錯 下次有機會會再幫襯～因為係外賣，原來要畀到整體評分要畀所有細項分先，所以環境同服務我就當係我自己屋企畀粒四粒星😂😂😂 特此聲明，因為冇得唔填
继续阅读