中華小廚

营业中

休息中

呢間野態度差到一個點!想知點差就試下叫外賣，聽下個位呀姐d聲氣， 喂 放個lunch輕鬆下食個野姐，仲要受佢氣既。 同埋堂食都系呀，唔知係咪風氣問題啦。老實講，食物過得去既，係服務態度有問題

一個人進餐,可惜過了八時沒有例湯, 下單時沒通知. 最可恨話事女仕像個官方律師：寫明送完為止。又早招了， 本來我多數花多一點叫杯茶, 這種的語氣，若早得知, 叫碗湯飯或去別處. 總之今時今日要受白眼. 食物一般, 貴！但重要是被人當文盲.

俾人捉住開會，開到過晒lunch time，為免餓到頭暈，唔理三七二十一出去食個tea先。行到黃埔，本來諗住食個大x樂茶餐，點知突然間好想飲杯好味嘅奶茶，慰勞下自己，所以去咗大x樂隔離嘅中華小廚，睇下有咩抵食下午茶。講到尾都係奶茶先係王道。坐低咗諗住嗌個下午茶，諗諗下都係想食個飯，結果叫咗咖哩牛腩飯，叫做平過lunch time嚟食少少。餐飲當然係最想飲嘅凍奶茶少甜啦。雖然個飯係下午茶餐，但係牛腩仍然足料，有筋又有腩，咖哩汁有少少辣，正宗港式咖哩嘅味道。凍奶茶算係唔錯 ，不過同區附近有更好嘅凍奶茶，詳情可以睇我另一篇食評。一個飯連凍飲41蚊下午茶嚟講唔算好抵，但能夠喺呢個鐘數食到一碗碟頭飯，對於作為打工仔嘅我已經係一個賞賜。

呢間茶餐廳，落單嗰個應該係老闆娘。 打親電話去落外賣order ，佢都好悔氣； 從來唔會同你重複一次訂單 ，亦都唔會話畀你聽收幾多錢 。如果唔係佢嘅地點近寫字樓 ，又或者 啲食客頂唔順大家樂 ，睇怕大家都唔會去食 。其實對人有啲禮貌 ，只係好基本嘅服務態度， 希望佢哋可以改善下。

星期五晚，約了好久不見的朋友來到黃埔行街，地鐵開通後都是第一次相約黃埔，真的方便了很多!👍🏻👍🏻👍🏻約左7點半，早到左少少就入去坐位先，都不用等位😊到齊就點了：1）乳鴿2隻乳鴿即叫即整，好香脆美味，必食之選，都好大隻多肉！2）涼瓜班腩煲到茶餐廳食飯，叫煲類都比較穩陣，但這班腩偏濃味有點鹹，配上涼瓜可以平衡番。3）羅漢齋樣樣都肉類，所以叫番個齋清清地，平衡番唔好食太多肉。4）燒鵝燒味都係隱陣我選擇，燒鵝色澤好美，味道都很好！5）椒鹽排骨熱辣辣煮好出來，急不及待品嚐一舊，掛骨十分香脆可口，外面有少少脆。整體：碟碟餸都好吸引，美味可口！

Happy Friday 🎉 😆放工後，相約好友去紅磡黃埔行街，黃埔有好多美食，而且地鐡開通後十分方便！大約8-9點先去食飯，去了這中華小廚，很熱鬧，沒有卡座所以我們等了一會，很快就有位。😊😊😊我們點了一隻乳鴿，薑蔥魚腩煲乳鴿，無論顏色及味道麵很有水準，香脆內軟，十分入味。熱辣辣的煲仔小菜，好正！薑蔥的味又唔會蓋左魚腩的味道，魚腩肉質細嫩又入味，賣相都很吸引食慾。整體來說，餐廳的服務一般，但食物質素很好，家常便飯都很迎合香港人的口味，相信我會再一次光顧的餐廳。

食物水準一般，價錢亦不便宜，態度服務差。叫左兩個燒味餐，本來話奉送例湯餐飲，點知最後連湯都無，店員原本話可以送野飲，到最後又話要比錢，覺得好兒戲。一句講曬，唔會再去

每經過依間餐廳,都被店外用小學生字體寫既餐廳名吸引停底讀下係乜,依啲咪marketing囉,會令人不期然停低望下.既然行得嚟依頭,就入去食啦.叫咗個啫啫豬肚雞煲,因為未試過咁既組合.見到招牌寫著冬瓜湯,但係湯裡面無冬瓜喎,而且都無冬瓜味.只係見到有啲雞腳既殘骸.點解叫做殘骸呢,因為只係見到腳甲果節仔,其剩部分唔知去咗邊.大約有3-4節,勉強都想像到係由一隻腳掌抽出來既.啫啫豬肚雞煲上枱時熱辣辣,真係有啫啫聲架喎.食依啲惹味既餸,配菜好緊要.蒜子好似分咗2批咁,一啲就又林又入晒味,另一啲就相反.雞就好黐骨同埋都幾韌,近骨既位置仲有少少粉紅.豬肚唔入味,同平時白烚既差唔多,食之前點下煲底既汁會好食好多,但同雞肉有相同問題,太韌.無論係蒜子,雞定係豬肚,都好明顥煮得唔夠耐喎,蒜子都算喇,雞同豬肚唔可以生架喎.無叫人攞返去再煮,雞就唯有盡量唔食最近骨既地方啦,豬肚咪擺去煲底慶到最後先食囉.歸根究底都係急著上菜,煲得唔夠耐.其實汁味濃郁唔錯架,煮耐啲應該會好味.順帶一提,侍應脾氣好,有客人不停用唔同講法叮囑侍應飯同餸要另上,講幾分鐘都係同一個意思,如果係大集團我會估佢係神秘顧客.侍應全程無脾氣,

雖然係茶餐廳，不要求極高服務態度，但最少都要有禮貌，問一句「非洲牛排」係咩汁，辣唔辣，員工答「牛未就係牛囉」我話我緊係知係牛，你冇事呀？問下咩汁洗唔洗咁惡？之後仲大聲鬧我

在母親節前間間酒樓一定Full booking ，walkin一定大排長龍 為左方便家居老人 只能近近的在家附近食晚餐不要看少這間茶記 6點半7點已經全院滿座 也有遊客來排隊 不是因為家人喜愛來食 我也很少選擇茶記來聚餐紅燒乳鴿 大大隻 好多肉 外脆內Juicy 肉質嫩口 梅菜扣肉 不是正宗的扣肉 比較甜 半肥瘦的肉 夠灑淋身辣子雞 夠辣夠麻 但想像是要乾身炸的 出到來就像雞煲 也好食 但失望了咕嚕肉肉的炸粉少 鎖定了肉汁 配上山渣整成的醬汁 配白飯一流3個小菜配3位例湯 紅蘿蔔豬骨湯配飲品加9蚊 3小菜1前菜3杯飲品 埋單都只是270蚊 食物品質 食物賣相 服務 衛生價錢