影片
开饭介绍
主打港式串烧的地区小店，供应多款海鲜、肉类等，设有川、日口味，选择丰富且定价相宜，是聚餐、宵夜之选。
继续阅读
营业时间
今日营业
18:00 - 06:00
星期一至日
18:00 - 06:00
以上资料只供参考，请与餐厅确认详情
有关奖赏计划
优惠
88折
地道串烧$100现金劵 (堂食/外卖自取) (只限登龙街分店)
$88
$100
食家推介
呢條街兩邊食店遍地開花，食麵或飲野都有。有時響應完夜繽紛想食D野，呢間串燒店可解我燃眉之急。店舖面積一眼睇晒，自行寫紙落單，辣度可選擇。點咗鷄軟骨 ($28/2 串)，雞腎 ($28/2串)，大墨魚咀 ($28)，免治鷄肉棒 ($20)，牛舌芯 ($38)，虎皮青椒 ($13)等，一次過變拼盤上枱。先食大墨魚咀，入口軟糯。比起牛舌，呢客牛舌芯來得更嫩滑，厚切帶來口感之餘唔會韌; 灑上孜然粉作調味，另一番風味。呢度嘅免治鷄肉棒，比起日式細碼D，無蛋汁點住食，入口外面乾身D，內裏鷄肉唔乾。原隻上嘅虎皮青椒，成支竹籤咁大隻嘅都少見，入口有D辣度，好彩都食到。友人點選鹽燒白鱔 ($55)，燒得皮脆肉仍嫩身，鱔肉帶點厚度，友人滿意。每次去食串燒必叫嘅一定係蒜蓉原條茄子 ($38)，切開鋪滿蒜蓉，未食已聞到蒜香味。用筷子一起就夾滿一注，調味岩岩好，軟身中食到蒜粒，再熱D就仲好食。友人唔食茄子，咁就叫客蒜蓉金菇菜 ($45)比佢。份量超多，以錫紙兜加上大量蒜蓉煮，熱辣辣都幾好食。就咁食串燒驚唔飽都無需擔心，呢度有飯粉麵作為主食類。叫咗其中一款錫紙花甲粉 ($65)一齊分享。 帶點麻辣味嘅湯底，麻香多過辣，有類似粉絲配湯都唔錯; 花甲細隻但無咩沙，仲多數都有肉。即點即製，要點時間等待，有加一服務費。聽到外賣落單嘅響聲響不停，店員及廚師亦忙過不停。
继续阅读
串燒王 📍香港 銅鑼灣.✨銅鑼灣登龍街 見到呢間新開嘅串燒店一問之下 原來有幾間 唔怪得知個名咁熟😂之前去過旺角食，但係呢間最好食🫢.🫶🏻雞軟骨 (份) $58雖然賣相冇咁好，但係好好食 超級薄粉.🫶🏻翠玉瓜（串） $15好多汁 好香 唔會燒到好乾.🫶🏻蒜蓉原條茄子（條） $38勁大條嘅茄子 調味粉份量十足，但係唔覺得鹹.🫶🏻鰻魚炒鳥冬（份） $75鰻魚同烏冬 調味味道好夾 不過比較油.🫶🏻美國特級牛小排（份） $85煎得唔錯 入邊係嫩紅色 好腍冇出血 大約七成到 .🫶🏻Stella生啤 買一送一 $48夠凍！個杯仲要特登雪咗 好有心.本人揀** 小辣..💫 #串燒王 #登龍街——————————————📍: 銅鑼灣登龍街36-48號登輝大廈地下D2號舖——————————————.#📸 #😋#香港 #米吃 #香港探店 #打卡 #打卡餐廳#跟米吃出瘦身材 #kumikofindfun #健身人士飲食 #管理體重 #飽住瘦 #蛋白質
继续阅读
繼續留港消費～ 試咗間銅鑼灣鬧市下的串燒小店，餐廳位於登龍街，喺附近行完街過嚟非常之方便，坐低唞一唞醫醫肚！🤭叫咗一堆串燒全部都燒得非常用心，調味適中好惹味：⭐️⭐️⭐️⭐️即開新鮮蒜蓉大生蠔 35 ⭐️⭐️⭐️⭐️⭐️蒜蓉粉絲大蟶子王 50 ～ 燒得非常香口，配上大量蒜蓉粉絲，完全係另一個Level⭐️⭐️⭐️⭐️牛板腱 28 ～牛味好香好淋身⭐️⭐️⭐️⭐️日本一口和牛粒 34⭐️⭐️⭐️肥牛金菇卷 28 ⭐️⭐️⭐️⭐️⭐️豬大腸 25 ～外皮非常之香脆，中間帶有少少油脂，一啲都唔騷，推薦⭐️⭐️⭐️雞中翼 36⭐️⭐️⭐️⭐️脆香雞皮26⭐️⭐️⭐️⭐️椒鹽牛筋丸 22⭐️⭐️⭐️⭐️⭐️鹽燒鯖花魚 40⭐️⭐️⭐️⭐️⭐️豆卜 15 x 2 ～真係好出色，所以encore，外脆內軟，鋪滿調味粉又唔會死鹹 ⭐️⭐️⭐️秋葵 16食串燒當然唔少得啤酒，呢度啤酒樽裝選擇都非常多，最開心係生啤都有三款選擇 stella / Hoegaarden / Suntory 啤啤佢🍻🍻！$48生啤買一送一，飲啖啤酒爽晒。環境始終係小店，座位唔多，都勝在坐得舒服，好有風味！服務員唔太夠，串燒用心製作，所以嚟到記得耐心等候～
继续阅读
提前book位，星期六晚放工後串燒，寫全單88折優惠。visa埋單後發現正價，詢問點解冇discount ，店主話你埋單時冇講，我話咁book位時顯示晚餐優惠，我以為自動，咁可否取消重新比錢，店主話，冇了，買左就冇。其實信用卡支付可以取消重新搞，只係店主唔想咋，我唔可以話欺騙，只可以提醒下其他人記得埋單時講。另外，餐廳環境的確好逼，不過試串燒都可以理解。但服務可以話完全冇，得店主同一個夥計，非常忙碌，入來冇人招呼，問野又唔答。有人入座後等十分鐘冇辦法落單，走左。食物質素來講，公道一句，唔錯，雞軟骨好香，唔會太重調料。花甲、金菇等份量都好足。
继续阅读
成日經過都好想食嘅串燒店，今次終於有時間可以食到😛舖頭細細，不過嘢食幾正宗又惹味😤大墨魚咀（串） $28好新鮮嘅大墨魚，保留了海鮮的鮮美😋大大粒，每粒味道好爽口蒜蓉原條茄子（條）$38經典串燒必嗌🥰整條茄子好大🍆搭配香濃嘅蒜蓉粒，一絲一絲😋口感滑嫩，正虎皮青椒（串） $13新鮮青椒，都幾辣下😝外皮微焦，內部保持脆嫩，搭配調味料，清新可口鹽燒鯖花魚 $40有醃製過再加上燒烤，魚味鮮香，口感鮮嫩日本一口和牛粒（串） $34細細粒，肉質一般，口感有啲韌阿拉伯羊肉串（串） $30羊肉串使用香料調味，香味十足，口感一般📍串燒王銅鑼灣登龍街36-48號登輝大廈地下D2鋪
继续阅读