影片
开饭介绍
主打港式串烧的地区小店，供应多款海鲜、肉类等，设有川、日口味，选择丰富且定价相宜，是聚餐、宵夜之选。
继续阅读
营业时间
今日营业
18:00 - 06:00
星期一至日
18:00 - 06:00
以上资料只供参考，请与餐厅确认详情
有关奖赏计划
优惠
88折
地道串烧$100现金劵 (堂食/外卖自取) (只限登龙街分店)
$88
$100
食家推介
呢條街兩邊食店遍地開花，食麵或飲野都有。有時響應完夜繽紛想食D野，呢間串燒店可解我燃眉之急。店舖面積一眼睇晒，自行寫紙落單，辣度可選擇。點咗鷄軟骨 ($28/2 串)，雞腎 ($28/2串)，大墨魚咀 ($28)，免治鷄肉棒 ($20)，牛舌芯 ($38)，虎皮青椒 ($13)等，一次過變拼盤上枱。先食大墨魚咀，入口軟糯。比起牛舌，呢客牛舌芯來得更嫩滑，厚切帶來口感之餘唔會韌; 灑上孜然粉作調味，另一番風味。呢度嘅免治鷄肉棒，比起日式細碼D，無蛋汁點住食，入口外面乾身D，內裏鷄肉唔乾。原隻上嘅虎皮青椒，成支竹籤咁大隻嘅都少見，入口有D辣度，好彩都食到。友人點選鹽燒白鱔 ($55)，燒得皮脆肉仍嫩身，鱔肉帶點厚度，友人滿意。每次去食串燒必叫嘅一定係蒜蓉原條茄子 ($38)，切開鋪滿蒜蓉，未食已聞到蒜香味。用筷子一起就夾滿一注，調味岩岩好，軟身中食到蒜粒，再熱D就仲好食。友人唔食茄子，咁就叫客蒜蓉金菇菜 ($45)比佢。份量超多，以錫紙兜加上大量蒜蓉煮，熱辣辣都幾好食。就咁食串燒驚唔飽都無需擔心，呢度有飯粉麵作為主食類。叫咗其中一款錫紙花甲粉 ($65)一齊分享。 帶點麻辣味嘅湯底，麻香多過辣，有類似粉絲配湯都唔錯; 花甲細隻但無咩沙，仲多數都有肉。即點即製，要點時間等待，有加一服務費。聽到外賣落單嘅響聲響不停，店員及廚師亦忙過不停。
继续阅读
黎到銅鑼灣都要食串燒，叫左蒲燒海蝦🦞海蝦係新鮮撈上嚟，食落肉質香甜，係超鮮甜味，新鮮♥️ 燒雞軟骨，燒得好香脆，燒香腸，焦脆嗰香腸皮，🤝燒鵪鶉蛋，面頭脆卜卜，入面軟腍軟腍腍，真係十足串燒王銅鑼灣登龍街36-48號登輝大廈地下D2號舖
继续阅读
今晚喺銅鑼灣，睇完電影後，有啲口痕，好想食宵夜！知道行過幾條街，有間開凌晨嘅串燒店，一於去試試佢。😏入到舖頭已經聞到好香串燒味，食指大動！牆壁上嘅水吧牌，寫上每天特價嘅小食，再望吓餐牌，食物款式好多，價錢亦都非常相宜，食埋之後就知，直頭係性價比高！🤩🧡即開新鮮蒜蓉大生蠔 $35/隻生蠔肥美鮮甜，肚仔脹卜卜，好飽滿，入口好Juicy，生蠔頂層落重蒜蓉及帶有微辣，好正！🧡蒜蓉花甲 $58/份花甲新鮮，肉質鮮嫩，一份有好多隻，份量十足，配料用左蒜蓉及蔥去炒，香氣撲鼻！🧡鹽燒白鱔魚 $55/串白鱔嘅魚皮微焦，燒得好香脆，魚肉質地爽肉厚實，帶有魚油油脂香氣。🧡雞腎串 $28/2串大大粒，質地爽口，好有嚼勁！口感唔錯！🧡皇牌牛舌心 $38/串必點項目！牛舌心厚切，肉質嫩滑同淋身，強勁牛油香氣，面層微焦，以孜然粉及辣粉調味，勁邪惡！呢個下次必定要再encore！🧡五花腩肉串 $30/2串脂肪同豬肉分佈平均，一層一層。入口柔軟香滑，又唔會過於油膩，肉汁及油脂味道吸引又惹味，令人一口接一口。
继续阅读
串燒王有3間分店，分別位於炮台山 銅鑼灣 旺角，好耐之前食過旺角戈間覺得吾錯，所以今次試試銅鑼灣店。✿ 玉子燒 $28玉子燒比想像中大份，蛋味香濃🥚香甜可口💛✿ 芝士年糕 $28自己本身好鍾意食芝士年糕，芝味濃郁🧀年糕煙煙韌韌。✿ 司華力腸 $26好大條，充滿口感🐷富有港式風味。✿ 王牌牛舌心 $38王牌牛舌心果然名不虛傳，牛舌心厚實有嚼勁🐮👅✿ 免治雞肉棒 $20食串燒最鍾意食免治雞肉棒，食到一粒粒雞軟骨粒好爽口。✿ 蒜蓉大生蠔 (2隻) $70生蠔新鮮肥美🦪同蒜蓉向來系完美搭配。✿ 芝士扇貝帶子 (2隻) $75扇貝帶子大大粒幾新鮮，加埋邪惡芝士不得不喜歡💛✿ 蒜蓉燒活鮑魚 (2隻) $65鮑魚食材高級，充滿嚼勁，蒜蓉味雖然濃郁亦冇掩蓋鮑魚本身嘅鮮味。✿ 錫紙花甲粉 $65適合嗜辣人士🔥好惹味，花甲冇沙又肥美。✿ 海鮮炒飯 $75呢個十分有驚喜！鹹度剛好，裏面海鮮種類頗多，有蝦肉🦐魷魚🦑等等，中意食海鮮嘅朋友都表示滿意。
继续阅读
串燒｜串燒王 ｜銅鑼灣 凌晨銅鑼灣搵嘢食~入到去串燒王就聞到好香!! 串燒種類好多，價格一般合理，應有盡有。 服務人員熱情友好，並且上菜速度快。 —————————————————— 肉串: 雞肉牛肉串質地鮮嫩，經過燒烤後外焦內嫩，搭配香醬，更能提升風味。 海鮮串: 像是蝦和魷魚串，海鮮在燒烤過程中能保持原汁原味，鮮美可口。 蔬菜串: 不容忽視的蔬菜串，如香菇、玉米和青椒，健康又美味。 My fav: 🫶🏻 蒜蓉生蠔 好香～蒜蓉愛好者必食！！加上燒得剛好的生蠔，入面卻保持住蠔汁，嫩滑入味，食落滿足。 🫶🏻海蝦 新鮮彈牙，肉質緊實，帶有海洋的鮮甜味。 —————————————————— 📍銅鑼灣登龍街36-48號登輝大廈地下D2號舖 —————————-—————————- Overall 💗💗💗💗 #串燒#銅鑼灣串燒#串燒王#銅鑼灣
继续阅读
您可能会有兴趣的...