丸亀製麵 (Mikiki) (已結業)

初四係附近搵食見到呢間丸龜製麵 我以為係食拉麵 點知係烏冬黎 但都試下啦叫野食既方式係有d特別總之 就係叫左你想要既烏冬 揀埋另外計錢既炸物 之後先去比錢烏冬可以在上圖左方 「自助調味區」加想要既調味料 種類都算多我叫左個辣五花肉烏冬（大）$51 送罐汽水扇貝餃子$17鱈魚排$16（係送既）烏冬🍜：爽口彈牙 仲有西蘭花🥦 秋葵粟米做配料 湯底都辣辣地 幾入味冇咩味精既感覺扇貝餃子🥟：都炸到好脆 餃子餡只係扇貝 都足料既但炸左陣 食落唔算好熱 鱈魚排：就係岩岩炸起 外面好脆 我略嫌油有少少多食完野，記得自己收返餐盤啊：P整體上，唔錯既，價錢合宜，值得一試

$69一客蕃茄湯底的打邊爐，蕃茄湯底直得加分加分再加分，色香味俱全。番茄湯底不是普遍食到的，因為他是把蕃茄絞碎到蕃茄肉來煲出的。直頭覺得可以直接飲。這個餐的餸菜有一碟牛肉大約五至六片、一隻青口、一粒龍蝦丸、一粒牛丸、一粒福袋、兩舊冬菇、二至三舊西蘭花、一舊粟米、一些金菇和一些娃娃菜。全食當然是一份烏冬。首先牛肉方面，不過不失，已經好過大多放題打邊爐食的中級牛肉。青口還可以的，但提提大家要把它起肉後才入爐。可以提一提的是牛丸，都十分有牛肉咪的，沒有根，又爽口。粟米又是甜甜的。而福袋不再是舊式的入面是黃色的，口感像魚子。其實這餐廳是烏冬做主打的，烏冬比平時的有咬口。

新蒲崗區大多的食市是舊式的，雲吞麵、煲仔飯、快餐店等，傳統的裝修，先入座後上菜，繼而飯後結帳。今天來到這家"丸龜製麵"，日式裝修，一排排整整齊齊的桌椅，令人倍感舒適。先走進店內，不難發現所有的食物照片及價錢已經放在當眼的位置上，經厨師及服務員詳細解說下單流程後，即時點下豬軟骨高湯烏冬、日式燒豚烏冬各一碗，厨師即刻在我當前泡下熱騰騰的烏冬，在等候期間，可自行挑選小食，當中有炸雞瑰、炸蝦餅、炸鱿魚鬚、炸南瓜和炸天婦羅等等。再在六、七款飲品中選下一支我喜歡的飲品。所有購買程序已到尾聲了，便向收銀處付款。完成，開始進餐了先說說我揀選的小食: 炸雞塊，色香味俱全，没有下太多味精，但感覺香口美味。豚軟骨彈口不肥膩，加入雞蛋及蔬菜，既健康又美味，用上讚岐烏冬，每一口都感到彈牙，口感一流，濃濃湯底更要一下子K O。另一碗燒豚肉，一片片的，爽爽的，肥肥的，渗滿了湯的味道，简直難捨難離。怎可能不再次光顧呢。還有是，收據還付上5元優惠劵作下次使用!

同亞女去咗Mikiki Play House玩之後好肚餓,我哋就去咗搵嘢食,睇過商場最適合小朋友食嘅就係麵，所以我哋揀咗呢間主要食烏冬嘅餐廳佢哋嘅款式都算多，有咖喱烏冬，冷烏冬，湯烏冬，同熱撈烏冬面，我自己就揀咗明太子烏冬，首先個烏冬係得啲熟嘅明太子醬，同少少紫菜加雞蛋，撈起一齊食落味道偏喊烏冬質地較硬。然後我叫咗個魚蛋醬油湯烏冬俾工人姐姐，連我姐姐都話好鹹同埋啲麵質地好硬，連我姐姐都食淨我記得之前喺iSquare食過呢間野係好好食，直情係兩回事唔知係咪因為Mikiki人流少,所以冇咁新鮮不過咁嘅價錢還可以啦

過晒lunch hour 先有得食飯，一個人的午餐唔想食太heavy. 行過丸龟好耐冇食，入去食個中size烏冬剛剛好! Mikiki間丸龟同其他分店一樣，都是自助形式，點了烏冬之後店員即製，自己端上餐盤，再加配自己喜愛炸物，但係我感冒未清，今次就試唔到炸物好唔好食了～ 呢個期間限定的麻醬牛肉烏冬味道唔錯，唔太辣亦唔算太油正！ 一個女仔食中size已經足夠。 如果唔想坐在店內，大家亦可以坐係店外既戶外座位，涼風陣陣，都是不錯的選擇