丸亀製麵 (大本型)

营业中

休息中

腸胃不適需要清淡，專門係openrice睇食評過來賣點係即點即做，但基本都係現成執埋一堆再加碗湯味道不過不失，但湯唔夠熱大家前奇唔好加西蘭花🥦❌應該冇俾姜灼過，有「臭青味」，加上凍左味道實在唔好⋯

丸龜烏冬我相信大家都唔會對佢好陌生所以我都經常係午餐時候去食呢一間餐廳而呢一間餐廳嘅烏冬我見到係佢哋自己店舖製造嘅 可能因為咁嘅關係佢哋非常之夠味亦都好彈牙㗎 好正

一向都幾鐘意食丸亀製麵，鐘意佢地除咗質責好味之外，仲因為店員制作都好認真👍🏻加上逢星期一至五攞住之前喺度消費過嘅單就可以減五蚊，真係好掋呀😍佢地呢度係先點咗餐同攞曬小菜先再比錢嘅，同平時主流鋪頭有啲唔同😙地址：油塘高超道38號大本型1樓133-134號舖

我好少寫食評，但係店員嘅表現令我好深刻👍🏻星期四晚推住BB車一家大細入去試吓呢間烏冬鋪頭，第一次嚟唔知點叫，有個女店員好耐心咁講解購買流程，原來所有嘢都係自助形式咁叫，全程去到坐低都唔使2分鐘👍🏻唔知佢係咪估到我可能要比埋BB食仲問我使唔使幫你煮林啲，我冇乜點試過去食嘢有啲咁貼心嘅店員，通常我都自動波🤣🤣之後坐低咗比較近門口位置嘅枱，見到有個老人家叫烏冬，唔知係唔係唔夠力攞，我見到個女仔仲即刻沖出嚟幫佢拎，仲好貼心咁幫個老人家倒杯水比佢，好好笑容，嗰陣時都算多人架咁忙都保持笑容serve 人加煮仲咁有禮貌同貼心而家都少有👍🏻服務抵讚。不過啲男店員就差少少個個有啲黑面咁企晒喺度🤣🤣嘢食方面都幾高質好多滑溜又彈牙，個番茄湯超級濃郁，飲晒成碗都唔口渴冇味精👍🏻讚，值得再試

首先 入去睇餐牌嗰陣 會不期然挨到既嗰個木欄？好污糟有d好似魚咁既野。。。唔覺意hi到都死 好彩朋友見到提左我然後叫野食過程3個staff有兩個都黑口黑面又冇禮貌 講真 我都冇預期你做半廚房半serve客既要笑面迎人架啦 但未至於去到d語氣要咁衰掛👎🏻👎🏻👎🏻👎🏻👎🏻首先我去既時段舖係冇人既 我本身都唔該前唔該後唔係d呀太咁order野我都只係叫個烏冬食 個staff講野冇尾音 面又黑 黑客乞人憎 黑既staff都係架咋🤨🤨🤨烏冬係冇問題呀 但d staff真係好乞人憎lor👎🏻服務星星冇得唔俾或者俾負咋。。。佢真係一粒服務星都唔值嬲到爆炸

依家烏冬店一向都唔算平，係油塘黎講算貴貴地。但勝在上菜算快，一落單一分幾鐘就煮好。炸物方面做得幾唔錯，最中意食芝麻雞。另外個明太子飯團都值得一試。另一個優點是不愁無位，趕時間都算唔錯的選擇。

首先，係要同廚師講叫咩餐先！吾係係cashier 落order我試左新款式，酸菜肥牛烏冬！好多酸菜，好足料，令到個湯底好濃味，少少辣肥牛就普通貨式，麻麻地啦。啲烏冬幾滑，而且吾會碎濕濕，軟硬度適中，不錯。由於係即叫即煮，所以食物好夠熱。不過啲炸物，擺曬係度，就涷曬，而且好厚粉，仲要$13-$15，不值得！我食過炸雞，魷魚鬚，兩個都好大伏！難食。不過下午茶餐2:30後會送塊炸魚同汽水🥤吾知每日送嘅款式會否一樣，但menu完全冇show出來，比錢個刻先知。。。

病左勁耐，但都要出去覓食，但又唔想食粥，咁岩路過見到呢間烏冬，就入左去。其實都食過幾次，佢地湯底啲味都幾清淡，係比錢加個啲天婦羅重口味，不過我就次次都無加既。叫左個最清既腐皮烏冬，然後加左個菜。埋單差唔多50蚊左右。個店員話可以送個野飲，但病左乜都唔飲得，我話唔使，佢主動話咁當下午茶餐，烏冬2x蚊，再加菜，埋單35左右咋，咁好既店員邊度搵，真係佢唔講我唔知有下午茶餐，好抵！其實老老實實，平時我都係無胃口，或者病先會黎😂。因為真係太淡，雖然係感覺好健康，但烏冬店係香港都唔算普及，可能真係唔太岩香港人口味，我見到呢間店就算係繁忙時間都一定有位，但味道唔難食既，同埋唔覺得有味精，因為真係淡味。如果可以加多啲迎合香港人口味既餐單，可能會更好。

入到去 完全聽唔到職員講乜嘢,問幾次佢哋先識答我 仲要好晦氣咁講, 最後 我先知原來佢話問我要乜嘢 size嘅 飯 碗, 叫牛肉烏冬牛肉冇牛肉味,咖哩冇咖哩味,湯淡而無味,成本嘢都冇味 ,完全唔值四至50蚊嘅價錢, 唔會再幫襯.

這店鋪是自助形式，自己點餐、取餐、找座位。試了和風蜆肉烏冬（中份量），店員是即叫即煮的，所以不會話唔夠熱，蜆肉的份量也很多，亦沒有沙，而烏冬很彈牙，非常有口感。

今日又冇出街又唔煮飯,就落咗嚟試吓呢間勁多分店嘅丸亀製麵,店舖面積都幾大不過到咗晚飯嘅黃金時間人流亦唔算多,得小貓三四隻,話哂都叫做新開冇幾耐,不禁都替佢有啲擔心。店舖採用大部分為自助形式,除咗主要揀好麵食之後向店員說明後,佢哋會即叫即整隨即送上食物盤,環顧兩邊仲有一堆炸物任由客人揀選夾取,再一次過去收銀處直接俾錢然後搵位坐低。我點咗呢個牛肉麻醬拌烏冬($43蚊),牛肉係類像吉野家嘅肥牛薄片,不過醃過之後咸味很濃,略伴少許洋蔥,烏冬麵條質感確實彈牙煙韌質素唔錯,不過麻醬汁實在太咸整體扣了不少分數,不過醬汁亦帶有點點辣味其實底子唔差,如果可以冇咁咸就應該好好多啦。呢度嘅好處就係麵類有中型或大型俾客人選擇,如果女士們好似我咁唔想食得太飽或怕肥,叫個中size就啱啱好。阿肥叫咗個日式燒豚烏冬麵($43蚊),佢同我嘅感覺一樣覺得烏冬幾好,豚肉眼見都有三圓片亦還可以,另外仲有半隻熟蛋同埋兩舊西蘭花襯托吓冇咁單調,中size嘅話對阿肥嚟講就唔係好夠飽喇。執咗啲炸物試吓：有炸蝦餅+竹輪天婦羅+南瓜天婦羅,三樣嘢加埋要$35蚊好似貴咗少少,最唔好食就係個竹輪天婦羅因為口感好硬,同埋只係微暖唔知係咪擺放

工作需要，成日要周圍走，今日黎到油塘。做完野就一個人係附近揾食。唔想行太遠，想食完再快D開工，所以揀左間簡單嘅食店。大本型大部份餐廳都試過，今日又來吃個晚餐，這是自助式的餐廳，食店佈局簡簡單單的日系和式為主，感覺舒服，食店主打烏冬，有凍食和熱食，各有不同的口感。我食過幾次感覺不錯，所以今次再來。因為見到有人食嘅湯烏冬係用大木桶裝住， 咁特別 ，就試下啦，釜揚烏冬(大)$35 。其實真係齋湯烏冬， 冇餸， 冇咩味道 ，得 一碗豉油，另外可以喺自助bar 攞薑同葱，普普通通啦。 而個牛肉烏冬都係普普通通啦，牛肉可惜有Ｄ少，大食既人未必飽，另配一碟魷魚鬚，略為凍了不鬆脆，需要控制出爐時間，但整體來說是不錯。

落街走到大本型，大部分餐廳都試過，唯獨這間丸亀製麵，適逢下午茶時段，見門口有牌寫住下午茶大割引，惠顧正價烏冬即送汽水和鱈魚，計起來汽水和鱈魚本身都23元，這樣計真是非常抵。我點了大的釜揚烏冬，額外加了胡麻雞柳天婦羅和免費的鱈魚排，大烏冬絕對適合男士份量，用木盆盛載亦非常有趣，坦白講，我都是被這個盆而吸引我選擇它。烏冬彈牙兼煙韌，麵是較粗身，但不會覺得難咬或太硬。湯的方面，雖是清湯，只帶一點鹹味，但隨烏冬附上的醬油帶點甜味，將每口烏冬浸在醬油之中，烏冬隨之變得夠味道。除了烏冬，它的炸物一排整齊地放在收銀處旁，歡迎每位顧客點烏冬的同時，亦可選擇炸物，相信亦是店舖的重點推介吧。我選了15元胡麻雞柳天婦羅，始終我比較鍾意食肉，不過相比之下鱈魚柳就比較好，因為鱈魚是新鮮炸好，而雞柳相信已放了一段時間，皮已經變軟，亦已經不再熱。鱈魚的皮脆之餘還很香，值得一讚；雞柳其實味道不錯，皮的表面有胡麻，幾特別，可惜是放久了時間，相信下次應該選剛炸好就可以了。朋友外加了一碗西蘭花和炸蕃薯，他對炸物的評價亦算中規中矩。有趣的是，店舖有返卻口，讓客人將食完的整盆碗碟都放於此，節省店員收碟時間，從而提升店舖的效率，

一路苦無機會試下丸龜製麵，今日有幸一試。呢間鋪好企理，係一種日式部屋的感覺。係門口揀左大份麻辣烏冬，師傅收到order即刻熟練甘拎起個碗係鍋邊熱水槽洗涮，可能想令瓷碗受熱？跟住佢將一大舊烏冬浸於鍋中大約１５秒鐘拎起，放入湯汁同辣醬後，一碗看似美味的烏冬就置於眼前，我快速拎左個托盤，珍而重之甘將美饌放好，埋單42蚊。好快速有得食！急急腳埋牙大食起黎。總括而言，辣醬吾夠辣，味道尚算可口，烏冬彈牙，如果可以俾我揀大辣就爽歪歪啦。我諗呢間仲有進步的空間！

丸龜製麵唔覺唔覺已經開咗好多分店，2018年3月全球已經有一千間達成香港的丸龜製麵跟返日本都是採用自助形式, 選好烏冬 可揀配菜或野飲 然後結賬,之後自己去調味吧加調味或裝水。今日揀左「釜揚烏冬」意思是烏冬煮好後連湯撈進木桶裡，之後客人沾汁進食 。我之後揀咗炸雞件做配菜。烏冬彈牙有韌度，不會粉感重，再配合蔥同薑沾汁食，味道唔錯!炸物方面有少少失色，有幫襯過嘅朋友都知，烏冬係即叫即整，但炸物係預先炸起，所以放上桌嘅時候已經凍咗一半，除非你等到佢岩岩炸起果一刻咁就正喇!個炸雞其實都可以接受，雞肉都算滑就係凍食冇咗個感覺...食完自己個餐，顧客可以跟返日本規矩，自行將托盤及餐具送回 「返却口」喔!