丸亀製麵 (悅來坊)

营业中

休息中

好耐無食丸龜製麵，見有團購都幾平就去幫襯下，今期有 d 新野，我就試下炭燒雞肉拌烏冬，同事就要蜆肉烏冬同埋麻辣烏冬。炭燒雞肉拌烏冬有 d 肉醬，有粒温泉蛋，自助區度拎左芝麻黎撒下，再撈埋一齊，好惹味，烏冬就好有質感，煙韌度適中。$44 都算幾抵食，再加錢買明太子飯團，但個明太子飯團好差，一來明太子好少，二來佢連埋紫菜包住，搞到紫菜都淋曬。炸鱈魚排以前試過熱辣辣咁食就係好食，但今次凍曬，口感就差左好多，脆變硬。蜆肉烏冬既蜆肉好鮮甜，試左幾隻都無沙，湯頭都正常，炸蝦餅同埋炸蟹鉗就凍曬啦。麻辣烏冬我無試，但同事話得微辣無麻，而個野菜魷魚就好差，又硬又凍又難食。整體黎講，佢既烏冬係好食既，但係 d 炸物一凍左就會差勁多！d 炸物真係要新鮮炸起先好試！扣埋 coupon, 人均 $54 左右，算係幾抵食既，收據仲可以留黎下次用減 $5 tim !店員既服務態度都好好，問佢問題都會耐心解答。以前試過熱辣辣炸物係好味既，再加上 d 烏冬次次都係美味既，好評係畀熱辣炸物 & 美味烏冬！

Udon was cold and portion was way too small even though I ordered the large bowl version. The waiter was very rude and impolite. He even refused to provide change for a $500 bill dispite clearly having sufficient bills. What a huge disappointment

忙了半日連lunch time都miss埋，攪到3點幾先有得食。。。唔知係咪餓過龍，唔想食禿飯咁單調，想食d濃厚味道嘅東西，又想濕濕地嘅感覺，就諗起去食烏冬! 呢間烏冬我鍾意之處係因為除了有普通烏冬外，仲有咖哩烏冬，蕃茄烏冬等等，還有多款炸物及飯團!適逢下午茶時間，佢有4個set揀，我想食酸甜咪嘅嘢所以選了$45蕃茄牛肉烏冬+鱈魚扒+$5買支茶 = $50餐我本身都鍾意食洋蔥嘅人，佢又加入唔少洋蔥係蕃茄醬入面，令我更開胃😋牛肉不過不失，薄薄幾片牛。烏冬保持到水準，爽口👍如果就咁食呢碗，份量就未必夠，幸好個餐配埋一塊炸鱈魚炸鱈魚: 唔會炸得過火而乾晒，入面佢都都keep到滑嫩口感，外面又脆口，好快就 殲滅晒一整塊🤣🤣加$5我選了麥茶， 雖然我係喺雪櫃攞嘢飲，但係成個雪櫃嘅嘢飲都唔凍嘅個仔就嚟放學，我加買多一個明太子飯團 $12， 新鮮製造暖笠笠🥰

去過n次都係最鐘意佢嘅烏冬， 屋企人食咖哩飯， 都覺得唔錯嘅。今次試咗個酸辣肥牛烏冬， 酸辣係加咗酸菜，但酸菜味蓋過咗辣味， 其實味道真係一般， 肯定唔會再試， 畀我嘅感覺似係失敗咗嘅酸菜魚味道。辣味噌五花烏冬保持一貫水準， 大size都真係幾大碗， 女士細食嘅細都夠。至於今次野菜天婦羅已經放涼了， 雖然冇影響味道， 但係熱辣辣食落去嘅感覺就真係滿分。另一個最喜愛嘅選擇就係魷魚天婦羅， 水準沒變， 都係咁香口咁彈牙， 小食之最！

到晚餐時間突然想食冷烏冬，於是突然諗起丸龜，所以即刻同老公坐小巴落去悦來坊。今日因為是假期，反而吾算多人。因為今次吾係午餐，所以我叫左加大，另外加件竹輪卷。老公都係叫冷烏冬加件炸物及小食。整體都吾错，就黎夏天啦，一定会再黎食冷烏冬

由细刭大都喜歡吃烏冬嘅我，自手打烏冬普及，我更加超愛吃。今日一個人要去悦來坊，所以就揀左丸龟製麵，叫左個大酱油冷烏冬加温丸蛋，一碗简简單單烏冬已好有鲜味，而且烏冬好弹牙。另外加左件竹輪卷。炸物當中我至愛，粉浆吾會好厚，又吾會感覺好油。環境吾會太迫，但今日可能有d小學生放早，所以好嘈。

大家如果唔想自己煮烏冬都得有咩方法呢 咁當然係出街食啦咁呢我上次呢就去咗位於荃灣嗰度嘅一間丸龜製麵 呢間面嘅嘢烏冬呀真係好日式咁樣我喺入面呢就叫咗個蕃茄咩嘢烏冬另加一隻溫泉玉子蛋佢呢個烏冬係好有牛肉味而且得啲蛋呢一登入個口度即刻用唔用簡直個味道係冇一樓都有二樓冇二樓都有三樓呀 完全值得一試然後我對面嗰日朋友呢就叫咗個湯嘅烏冬咁佢呢如果鍾意食清淡嘅朋友呢就應該叫返類似嗰啲個湯烏冬啦因為呢佢呢個烏冬呢唔會太鹹唔會太甜亦都唔會太辣個味道呢係啱啱好嘅有日本嘅味道

🍜冷烏冬(大) $35烏冬彈牙有咬口  偏硬 冷麵汁有好香嘅醬油味同鰹魚香🐠  唔會太鹹啱啱好 兩樣夾埋一齊好清爽⛄🥚溫泉蛋 $9蛋味濃郁 食落好香甜 半熟度啱啱好 同啲冷烏冬撈埋一齊食好香滑三款炸物都係凍咗嘅🐟鱈魚排 $15好酥脆 塊肉比較薄同乾身 應該係雪藏肉🐥胡麻雞柳天婦羅 $14外皮唔脆 又粉又厚又韌唔似一般天婦羅 雞柳乾爭爭 調味亦都唔太夠 伏👎🏻🍆茄子天婦羅 $7外皮唔脆 唔會炸到油淋淋 茄子肉幾Juicy 好厚身

丸龜係自助形式可自選想食既餸就大家都知，今日想同大家簡單分享佢嘅新產品：蓮藕天婦羅！今日食咗醬油烏冬（熱，大，$35）加咗胡麻雞柳（$14）同埋今餐highlight 蓮藕天婦羅（$8）每次去丸龜製麵都會食番薯天婦羅（$7），但今日見到有新產品，又夠晒特別，一於就試吓蓮藕啦。真係令人喜出望外，爽脆嘅蓮藕一咬落去拉出嚟就有100條藕斷絲連，大家一定要試吓。另外醬油烏冬當然好味啦，每次必叫，唔使講胡麻雞柳都一樣，但今日冇之前咁好彩，係佢炸完果一刻即刻拎到，但係都好好味

丸亀主打烏冬，所以鍾意食烏冬嘅人一定有幫襯過，不論冷烏冬還是湯烏冬，都係由鋪頭即場自家製出嚟，絕對唔係外購烏冬，所以保證到烏冬水準同親民價格👍🏻蕃茄牛肉烏冬(中) $47🥢🥢🥢🥢================中size係女仕份量，烏冬煙韌口感一流，牛肉份量略少但好味，似吉野家肥牛質素，蕃茄湯底超郁濃，睇得出食得出有大量新鮮蕃茄，成個湯我忍唔住飲晒🤤野菜魷魚 $14🥢🥢🥢🥢==========新鮮炸起，熱辣辣超好味，口感似燒獅子狗卷帶點煙韌，食得出淡淡魷魚味，野菜唔突出，我下次都會再食呢個😋一人共消費：$56 (用之前票尾可減 $5）

「丸亀製麵」其實都幾多分店，不過藍妹係第一次食，次次見到都冇入去。—藍妹幾鐘意佢係自助形式，叫左餐之後，店員會整好個麵比你。然後推住個盤一路向旁邊掃，可以揀自己鐘意食既炸物，最後先一次過埋單比錢。—比完錢揀好位就可以坐低食啦。豚軟骨高湯烏冬麵（大）豬軟骨略嫌少左啲，肉質軟熟。湯底唔會太咸，清淡但夠味。😊—炸雞塊天婦羅+咖哩薯餅炸雞塊天婦羅，咬開都仲有少少肉汁，唔會太乾，唔錯唔錯。😉 咖哩薯餅，呢個好難難食，藍妹好鐘意食薯餅，所以食得好開心。—一個人食既話有少少貴，好彩我地係兩個人share😂。呢間分店好少人，完全可以包場，寧靜咁食個lunch。😜

突然想食烏冬又見到悦來酒店下面新開左，於是就入去食。大概有十幾款烏冬選擇，每款都可以揀size。聽店員講中size同大size都差半個麵底，所以都係加幾蚊食個大好d。其實大都係正常份量咋，除非真係好飽，否則唔建議叫中。豬軟骨高湯烏冬$51湯底普通，豬軟骨都幾淋同入味，烏冬質地都普通，不過不失胡麻雞柳天婦羅$14個炸衣雖然脆但係都幾厚，雞肉不算乾，如果有醬汁搭配會好d，一般啦期間限定新品，京蔥牛肉拌烏冬$46我揀左凍烏冬，好食過熱好多！烏冬可能因為凍所以好彈牙煙un，好好食。牛肉略少味道普通，下次可能食淨烏冬算了

一向都是烏冬粉絲😋😋 麵類中的至愛😍😍烏冬彈牙、 所以是此店的常客、 喜歡自助式的餐廳、 環境坐位舒適。除了烏冬好味之外、 這店的炸物也不錯、 不油而且香脆😋😋 特別喜歡這店的炸魷魚酥。 另外、推介炸野菜球、 份糧超大、 好清新 (今次沒有點選、因一個人吃不下🙈)

由於夜晚要去超市入貨, 所以晚餐去左悅來坊搵食, 見呢間仲有位, 所以就入左去｡ 呢間烏冬店係自助式, 要自己去前檯拎要食嘅野, 食完亦都要自己張D食具拎番去返却口, 其實我都好Buy 呢種方式｡ 兩個人叫左兩款烏冬、兩款炸物、一枝飲品｡蕃茄牛肉烏冬(大)每次黎親必叫嘅烏冬, 貪佢個蕃茄湯底夠晒濃郁, 而且D牛肉又好入味, 每次都差唔多清埋D湯｡ 可能係湯烏冬嘅關係, D 烏冬俾我浸到有D淋｡京蔥牛肉拌烏冬(大)見佢係新產品, 所以試試, 可以揀辣同唔辣 (我揀左唔辣)｡ 同樣, 牛肉非常入味, 撈埋D京蔥 & 青蔥一齊食真係好好味, 下次可以試試加辣｡炸物星期一至四可以以 $22 order兩款炸物, 今次叫左胡麻雞柳 & 炸蝦餅｡ 雞柳好滑, 但已經唔脆, 仲有D淋｡ 炸蝦餅剛剛炸起, 熬辣辣, 好香脆, 啖啖蝦肉,  ｡自助區仲提供天婦羅脆脆、薑蓉同青蔥俾你任加, 建議可加多D脆脆 & 青蔥落烏冬度食｡

夏天……好熱呀。諗到去食個涼浸浸烏冬。冷烏冬都幾好味，同烏冬都好煙韌，醬油配山葵，辣辣地幾開胃。炸物蝦餅，新鮮熱辣，蝦味十足，每次我都要必食之選。烏冬味道尚可，可惜服務態度，有所改善。