丸·茶手作 (葵涌廣場) (已結業)

🔎:⁣⁣ 《 #丸茶手作 》⁣⁣⁣⁣⁣💬：⁣⁣烏龍奶茶茶味好香好濃 ⁣建議簡半糖就岩岩好 ⁣⁣⁣而芋香奶茶就係平時飲開芋頭珍珠奶茶既味同有啲太甜 因為甜度固定 無得簡甜度 不過加左手作紫薯珍珠 食落都有明顯紫薯味而且有少少似食芋圓個隻質地 煙煙韌韌⁣⁣⁣⁣⁣⁣好味指數：⁣2 / 5抵食指數：⁣2.5 / 5推薦指數：⁣2 / 5整體分數：⁣2.5 / 5

每次嚟到葵廣都會飲丸作嘅奶蓋綠茶。今次都不例外，看到海報上有個新產品，奶蓋紅豆綠茶窩夫很想試！那個綠茶就不多說了，抵飲，好味。今次想講講埋個綠茶紅豆窩夫（ $26 ）新鮮即做需時大概15分鐘，應該沒有太多人叫，所以店員聽到我要窩夫都打了個突。窩夫質感不算很鬆脆，有點實，不過以這個價錢來說有3片是算抵食！我特別喜歡他的奶蓋，配上綠茶紅豆很有新鮮感，配搭上其實味道不錯。值得一試！

👍🏻👍🏻👍🏻👍🏻👍🏻/5分💛丸·茶手作 (葵涌廣場)Bubble Tea Work (葵涌廣場)葵芳葵富路7號葵涌廣場2樓2009號舖-蜂蜜綠茶加桂花珍珠🌼珍珠台式飲品飲得多😁桂花珍珠又試過未呢😃呢個配搭係perfect😊淡淡花香融入淡淡蜜糖味同ddd綠茶香😇仲要好足料好多珍珠🤗而且食落又無黑糖珍珠咁甜同heavy☺️有創意又好飲👍🏻-🚽(5🌟滿分)依家夜晚無堂食所以介紹多d甜品🤣所以沒有🚽喔

喺葵廣食下食下就食咗好多熱氣野，要飲番杯野清一清個喉嚨先得，呢排天氣又涼番啲，就揀熱野。相信大部分女仔都唔會抗拒紅棗茶，平時就算唔係出面買，都間唔中會係屋企沖下黎飲。丸茶既桂圓紅棗茶竟然只係賣$18！🔥🔥🔥估唔到係街可以可以買到咁平又咁大杯嘅嘢飲。飲落係屋企自己沖既味道，明明冇得揀甜度，但個甜味好自然，完全係黎自桂圓既甜味，冇額外既假甜味👍🏻👍🏻👍🏻好鍾意亦好驚喜係街搵到咁既自然味道，要翻焯！🥳🥳🥳

🇭🇰丸·茶手作·益力多綠茶$22因為個雞翼比較濃味 所以我哋就決定嗌多杯嘢飲解渴😈呢一個我自己覺得做得幾好 佢個益力多味真係好濃 而且嗌左半糖都好夠味 唔會太甜得黎個茶味都重嘅😋😋·📍葵芳葵富路7號葵涌廣場2樓2009號舖📍何文田勝利道12號地下1B號舖📍旺角通菜街121號地下3號舖📍沙田安群街1號京瑞廣場2期1樓101b3號舖📍紅磡明安街4號寶石戲院大廈地下I3號舖📍荃灣大河道91-97號天保大廈地下B號舖📍灣仔灣仔道150號明豐大廈地下D號舖·#rbyeat #rby好去處#rby葵芳#rby台灣菜 #rby甜品飲品

早前A先生最愛KPOP女藝人ᴅʀᴇᴀᴍᴄᴀᴛᴄʜᴇʀ 係丸作有應援 賢慧既R小編當然要陪佢🤗紫薯地瓜擂茶(💸$29)第一啖飲落去既時候 口感好奇怪😅感覺就好似飲緊湯圓啲餡一樣 不過又有啲𡁻口咁🙊飲多幾啖就覺得幾好飲🤓蕃薯味好出 雖然略嫌有點遮左其他材料既味😲但暖笠笠既感覺 適合最近凍既天氣下飲⛄️就好似冬天係街買燴番薯一樣 飲完個人暖曬🔥👅回味指數: 7/10丸作亦經常同一啲唔同既kpop fans club 合作 買野飲會有小禮物🎁適合一眾kpop飯又有得飲又有得拎

葵廣選擇多不勝數每一間嘅茶飲基本上都30起跳價錢上就間間咁上下啦不過好唔好飲就....今次叫左鐵觀音拿鐵加桂花珍珠一拎上手，都知伏左淡色到一睇就覺得唔好飲店員細心嘅，有提醒搖均先飲搖完一樣勁淡色，奶唔夠多茶味唔濃不過好在佢奶少，都叫飲到少少茶味不過叫我再飲就真係咪搞...服務態度都幾好嘅，不過飲品質素真係需要改善茶冇回甘就一定因為茶味本身就淡桂花珍珠咬落質地好好，好Q彈有咬口桂花味認真啲嗒都嗒得出嘅但就咁溝埋邊飲邊食就只食到甜嘅珍珠味冇乜桂花嘅味有選擇下..咪浪費金錢試

成日行過都見到好多人, 今次終於試飲到草莓多多唔同平時啲珍珠奶茶, 雖然冇平時丸茶手作啲特別珍珠, 但係入邊有甜甜嘅士多啤梨果肉😽😽雖然佢個名叫多多，但唔係好重益力多味，反而好似果汁咁 如果成日飲珍珠奶茶飲到厭，都可以試下

全日心思思想飲台茶, 所以放咗工之後走咗去葵涌廣場, 過過口癮之餘, 順便行吓街 😌 商場入面有好多台茶鋪頭, 大部份都要 $2x - $3x 💰最後見到這間嘅鐵拿系例做緊半價 , 就決定試試佢 🔻 鐵觀音拿鐵 ($12) 茶底香, 味夠濃, 就算叫咗微糖, 飲落都無苦澀味 奶的份量較得幾好, 可以飲到淡淡的奶味唯一缺點係冰量無得揀, 所以杯茶好凍, 飲完打冷震.. ⛄ 整體飲品質素幾好, 加上半價, 真係好抵飲 職員都幾細心 落單同攞嘢飲時, 有問需唔需時少甜同提醒要搖均再飲

當然又係為食戰友我明明話唔飲又飲🙈本身諗住飲珍珠奶茶嘅但係見到個奶蓋🙈仲要係限量😱嗱嗱聲試吓先因為奶蓋已經好肥，所以唔飲奶茶就改咁飲烏龍茶啦而家都唔算貴喎一杯大杯烏龍茶只係$17 😯加八蚊奶蓋，都只係$25，其實都算好抵然後我覺得個奶蓋好滑👍🏻好好味道雖然個茶底就普通咗啲但係個奶蓋就令成杯野加好多分👍🏻👍🏻本身諗住拎去同戰友開會時飲嘅點知見到個奶蓋忍唔住即場飲左大半先🙈🙈🙈

之前係台灣已經試左黑糖珍奶加上近排不斷搵緊香港有冇手搖飲料店嘅布丁係接近台灣味道😋思鄉嘅時候可以解愁😂所以就叫左「皇家奶茶➕布丁🍮」奶茶調配得好台灣味👍🏻布丁口感正👍🏻但布丁味唔太濃，唔通係俾奶茶蓋過了🤔

喺葵廣掃街一定會好口渴🙈唔想浪費quota再飲啲甜野 所以就黎咗呢到買野飲🤫周圍嘅手搖飲品店 一杯野價錢都差唔多$30🤔呢間都算幾平 仲有好多無糖選擇 都唔錯😎.茉香奶綠🍵 $21搵佢黎同天仁茗茶比就冇得比㗎喇🙈可能因為嗌咗小糖 所以味道就淡咗🤔不過我喺天仁係飲開微糖😳都有淡淡嘅茉莉花香味嘅~但係奶味就唔太濃🥛整體味道真係偏淡🤫.水蜜桃烏龍茶🍑 $23呢杯揀咗無糖 店主已經講咗話咁樣會冇咗水蜜桃糖漿🤣但係神奇地佢又有蜜桃味喎😍不過就真係好淡好淡~飲落似係帶少少果香味嘅烏龍茶🧐都夠解渴✨

#古早紅茶桂花珍珠 ⭐️⭐️⭐️⭐️#鐵觀音拿鐵經典黑糖珍珠⭐️⭐️⭐️⭐️雖然我係#奶茶控 ，但我平時飲奶茶好少選擇珍珠，一來唔健康，二來唔係間間好味，話說呢間手作珍珠令我改變左主意。⭕️珍珠有咬口，而且唔會一舊舊⭕️桂花珍珠香而且不太甜⭕️茶味香濃唔會得奶味⭕️有多種茶選擇⭕️多種珍珠選擇好吸引，全部唔同味道唔同色⭕️熱飲珍珠都keep到個咬口好難得總括來說，價錢係正常，而且係值得飲完再飲既珍珠奶茶店！

平時加珍珠會叫無糖茶，但今次同人share，叫左半糖，已經好夠味。佢啲珍珠係會即場搓，但今日見唔到。白豪烏龍茶 (半糖)+黑糖珍珠 $23黑糖珍珠嘅黑糖太岀，竟然飲唔到烏龍茶味。珍珠夠Q，好香黑糖味。極品鐵觀音（半糖）+黑芝麻珍珠 $23鐵觀音茶味重啲，同芝麻珍珠好夾丫！黑芝麻珍珠除咗Q外，仲有芝麻粒可以咬。瘋芒畢露 $32哩個係有奶蓋㗎，連小朋友飲完都想再飲。#珍珠奶茶 #bubbletea #黑糖珍珠 #黑芝麻珍珠

4月8號，和男朋友放假去了葵廣閑逛，終於渴到我想渴的丸茶。而我點了一杯抹茶拿鐵。 抹茶拿鐵 $25由於我沒有加任何配料（布甸或紅豆都沒有加），所以只需要$25。另外現在葵芳店做優惠，六點後下單都有八折，所以這個份量的抹茶拿鐵，都只是$20。 言歸正傳，抹茶拿鐵並沒有因為減價而降低質素，我點了微糖這個甜度，所以抹茶的味道並沒有被甜味完全遮蓋。抹茶不會苦，有點澀，這我渴抹茶所追求的。 這間分店是採取開放式的廚房，眼看着店員細心地弄抹茶和鮮奶，更顯出抹茶拿鐵一絲不苟的味道。