為食火鍋公司

营业中

休息中

放工一身疲累，想搵個地方慢慢chill食飯，無意中發現呢間火鍋雞煲任食餐廳，餐廳以狗狗為主題，很親切，而且也很寬敞 。餐牌上非常多食物，好特別既係食法要跟住順序，逐步逐步叫，但是不限時 。先來了兩碗湯，非常足料，鮮味十足，還帶點清甜 。第一輪點餐前小食，我們分別點了甜蕃薯條及鮑汁雞腳，蕃薯條熱辣辣又脆口，雞腳膠質濃厚，食完口感黏黏地，而且很入味，我們沒有叫太多，重點在後面 。第二輪便是五點刺身盛合，有三文魚，油甘魚，帶子，蝦及北寄貝，刺身非常新鮮，鮮甜，每一啖都清爽鮮美，雖然是一次，但是非常滿足，令人期待後面嘅菜式。第三輪便是任食雞煲，有酸菜魚選擇，但我們比較喜愛雞煲，雞肉嫩滑入味，醬汁濃郁，份量非常多 。最後一輪終於到重點，是火鍋，還有海鮮拼盤及牛肉拼盤，湯底我們選擇了沙嗲金菇牛肉面，超濃郁的沙嗲味，海鮮拼盤入面有鮮蝦，蠔，蜆，元貝、脆肉鲩同白鳝片，每款都鮮甜有嚼勁。牛肉拼盤有一口牛，黄喉，和牛牛五花，和牛肩胛，和牛三角肉，最愛便是牛五花，肉質嫩滑油香，入口即化，超級高質，仲有紐西蘭羊卷同豚肉可以任叫，肉味濃郁，丸類同菜品亦非常多選擇多 。最後，還有開心果味雪糕，開心果味十分濃郁，連

今晚目的有兩個，任坐同任食。觀塘(其實近牛頭角)呢間空間闊落，冷氣足夠有突，岩晒火鍋，飲品櫃隨便揀。賣點係 4 round 招呼你。Round 0.5 : 先有時令燉湯，湯料都滿滿。Round 1 : 有餐前小食，甜蕃薯條、唐揚脆炸雞、蟹籽沙律、酸甜炸大腸同埋鮑汁雞腳，過下口癮，建議蜻蜓點水，點到即止。Round 2 : 有五點刺身盛合(一次性)，大路既三文魚、帶子、赤蝦、北寄貝同埋希靈魚，先熱身再入局。Round 3 : 有為食酸菜魚(一次性)或者任食寵寵雞煲。既然之後火鍋都任食，呢度就食酸菜魚，魚肉都幾豐富，仲有埋粉。Round 4 : 主角火鍋有一次性既豪食海鮮拼盤同豪食牛肉拼盤。海鮮拼盤有晒鮑魚、蠔，聖子、大蜆，脆肉鯇同埋鱔片等等既海鮮，樣樣都好新鮮。豪食牛肉拼盤一樣陣容鼎盛，有美國 SRF和牛三角肉、SRF和牛肩胛肉眼芯、澳洲M8牛肩頸、澳洲M8和牛牛五花，熊本雪花一口牛同埋黃喉。和牛三角肉最正，肉同脂肪比例出嚟既口感最討好。另外也有黃喉這個爽口之選。基本上食到呢度應該都飽晒，如果你大食，仲有一系列任食既火鍋配料，食到幾多就食，最緊要唔好浪費，最後重有雪糕食。當然仲有數之不盡

放題店越開越多，要脫穎而出真心吾容易😮為食火鍋公司晚餐每位300幾蚊，就食到小食，刺身，頭盤，海鮮同牛肉拼盤，仲有任食火鍋配料，CP值極高，難怪平日都咁旺場😳有部分座位更有狗狗壁畫，相當可愛🐶✿ 豪食套餐 $368/位✨時令燉湯 奉送時令燉湯亦絕不馬虎，系姫松茸螺頭湯，飲落都覺得好足料又滋補。✨餐前小食試咗甜蕃薯條🍠同埋唐揚脆炸雞🍗兩樣都香脆可口，炸雞肉質嫩滑。✨五點刺身盛合有三文魚，北寄貝，帶子，希靈魚，甜蝦。數款刺身同樣新鮮，個人中意北寄貝同帶子。✨任食雞煲雞煲任食呢個位相當回本！本身個醬汁都夠惹味，雞肉亦頗嫩滑🐔✨火鍋盛宴濃湯豬骨/沙嗲金菇牛面肉/藥膳高湯牛尾/ 櫻桃鮮茄薯仔/麻辣鍋（鴛鴦鍋+38/鍋）揀咗沙嗲金菇牛面肉，充滿港式風味。✨豪食海鮮拼盤蟶子皇，鮑魚，元貝、脆肉鯇，精選蠔，大蜆，大蝦，白鱔片。蟶子幾大條又新鮮，鮑魚比起平時戈啲易抆出黎，同時充滿嚼勁。大蜆冇沙，元貝亦彈牙。✨豪食牛肉拼盤熊本雪花一口牛，SRF和牛肩胛肉眼芯，澳洲M8牛肩頸，澳洲M8和牛牛五花，SRF和牛三角肉，黃喉。雪花一口牛油脂豐富，和牛肩胛肉眼油脂分佈均勻，澳洲M8牛肩頸牛肉味較重🐮✨甜品系開心果雪

餐廳提供多款餐前小食及刺身，並附送滋補燉湯。用餐結束更有甜品奉上，讓顧客享受一個豐富且滿足的美食體驗。今晚跟朋友享用"為食套餐"，整頓用餐體驗非常良好，食物多元化又高質素，下次有機會再光顧。現惠顧晚市火鍋每位奉送響螺魚翅燉雞湯一盅，鮮甜的響螺搭配濃郁雞湯，魚翅滑嫩，湯底滋味醇厚，入口溫暖滋補。 💙Round 1 餐前小食- 酸甜炸大腸炸得酥脆的大腸，外層酸甜，內裡Q彈，酸香開胃，口感豐富。 - 鮑汁雞腳雞腳吸滿鮑汁，膠質豐富，口感軟糯，鮮香濃郁，回味悠長。 - 唐揚脆炸雞日式唐揚雞外酥內嫩，肉汁豐盈，搭配香料風味，香脆多汁，誘人食慾。 💙Round 2 前菜- 三點刺身盛新鮮刺身切片細緻，三文魚、北寄貝及甜蝦口感滑嫩清甜，魚脂香濃，展現鮮美原味。 💙Round 3 頭盤- 酸菜魚魚片細嫩滑爽，酸菜湯底酸香濃郁，湯汁鮮美，酸辣開胃。 💙Round 4 火鍋盛宴- 湯底 : 藥膳高湯牛尾牛尾湯底藥膳香濃，滋味鮮美，湯底濃潤，暖心又滋補。 - 為食海鮮拼盤鮮蝦、帶子等海鮮，鮮甜彈牙，海味濃郁，鮮嫩口感令人滿足。 - 特級牛頸脊牛頸脊肉質細嫩，脂香均勻，入口濃郁香甜，滑嫩多汁。 - 牛胸腹牛胸

在附近工作完累了，之前在網上找到家不限時的火鍋，所以打了去訂位。因為早一天打來訂位，還有時令燉湯送欵，當天的是雞湯，用料豐富又滋潤😌。在牛頭角地鐵站過來較方便，這裡是地鋪所容易找到。雖然是簡約裝修，但充滿愛心的氛圍，在這裡有多個寵物照片在牆上欵。-豪食套餐 HKD$368/位這個價格還要是無限時欵，所以決定來試試看。還可以同時間吃到多款食物，包括：餐前小食、前菜、頭盤、火鍋盛宴、豪食海鮮拼盤、豪食牛肉拼盤、任食火鍋配料及無酒精飲品任飲。在這裡管飽吃到爽，不浪費就可以了。-餐前小食有5款選擇，點了唐揚炸雞、蟹籽沙律、酸甜炸大腸及鮑汁雞腳，按人數而定份量的。先吃沙律開開胃，再等待食物到來。炸物不會太油膩，炸雞口應酥脆，炸大腸挺有嚼感。雞腳質感軟糯，醬汁香濃味。-前菜五點刺盛盒，把當天時令海鮮給客人，所以款式有機會不同的。當天的刺身包括：三文魚、油甘魚、帶子、北寄貝及赤蝦。刺身色澤紅潤賣相吸引，還要是厚切欵，吃起來較有嚼感，吃起來肉質爽口鮮甜。-頭盤食物2選1，選了任食寵寵雞煲，原煲送上來再加熱一下。這個要2分鐘翻炒一下，以免雞肉燒焦。辣度可以選擇，不用怕太辣吃不下欵。雞肉大件份量多，肉質香

為食火鍋公司是一家位於香港觀塘的無限時任食火鍋餐廳，提供多款餐前小食、刺身盛合、雞煲或酸菜魚頭盤，以及多樣化的火鍋配料，更有新鮮海鮮拼盤和牛肉拼盤，整體環境寬敞舒適。一次性時令燉湯：燉湯足料夠火喉，味道鮮美且濃郁。餐前小食有甜蕃薯條、唐揚脆炸雞、蟹籽沙律、酸甜炸大腸、鮑汁雞腳。甜蕃薯條口感軟綿中帶點酥脆。唐揚脆炸雞外脆內嫩。炸大腸外皮炸得酥脆，內裡則保留豬大腸的彈性和油脂香。鮑汁雞腳非常入味且軟腍。一次性五點刺身盛合：刺身非常新鮮，三文魚口感細膩，油脂豐富。大赤蝦蝦肉鮮甜彈牙。帆立貝肉質鮮嫩甜美。北寄貝肉質鮮美。白身魚口感細膩爽滑。一次性為食酸菜魚：酸菜魚的味道酸中帶辣，鹹鮮香氣四溢，魚肉滑嫩而不腥。多款火鍋湯底選擇，揀咗濃湯豬骨，味道濃郁且鮮甜。一次性豪食海鮮拼盤：是日八款時令海鮮。蟶子皇味道鮮甜而爽口。鮑魚味道鮮美。扇貝的肉質細嫩。生蠔大隻好肥美。蜆鮮甜冇沙。脆鯇和鱔片爽脆。一次性豪食牛肉拼盤：熊本雪花一口牛味道非常濃郁且油香十足，肉質細嫩且口感鬆化。SRF和牛肩胛肉眼芯嫩滑帶油脂、肉味濃郁且多汁。澳洲M8牛肩頸滑嫩且油香濃郁，肉味非常濃厚。澳洲M8和牛牛五花味道清香，帶有甜味，油

2025年8月7日 星期四今晚難得約左兄弟食飯吹水，當然要揀間唔限時既餐廳先得啦所以就book左牛頭角呢間任飲任食火鍋，完全唔限時，又多野食，網上評價話性價比十分高，預早訂位仲有燉湯送添而且咁啱餐廳做緊四周年優惠，可以免費升級湯底同晚市啤酒四折優惠添餐廳好光猛，而且裏面好寬敞，枱與枱之間有足夠距離，火鍋嘅熱氣冇飄到周圍都係，抽氣做得好充足一坐低點完餐大約5分鐘左右，店員就已經立刻遞上每人一盅響螺魚翅燉雞湯，湯面清澈透亮，帶少少金黃油花，已經聞到陣陣鮮香飲落口第一啖就感受到響螺嘅鮮甜同雞肉嘅醇香，兩者完美融合，唔會互相搶味響螺經過長時間燉煮，唔腥唔膩，仲有少少回甘，而雞件燉到啱啱好，唔會散晒但又夠腍，吸收晒湯底精華，魚翅就提升整體口感，帶嚟一種爽滑嘅質感之後有餐前小食，分別係蟹籽沙律、甜番薯條同唐揚炸雞，蟹籽沙律用上青瓜絲同蟹籽，再淋上沙律醬，爽脆清新，清爽又開胃，啱晒打邊爐前墊一墊肚，而炸到金黃香脆嘅番薯條，外皮微微焦香，內裡綿密甜美，冇加糖都已經好甜至於唐揚炸雞，醃得入味，炸得酥脆，味道鹹香中帶微甜，仲有少少胡椒香，唔會太重口味但夠惹味然後係五點刺身盛合，視乎當日供應，通常包括有:三

餐廳位置好近地鐵站，牛頭角一出過條天橋就到唔使５分鐘今晚同老公去試咗間新開嘅火鍋店，個餐牌幾得意，可以一次過食齊雞煲、刺身同打邊爐，啱晒我呢啲貪心鬼！自助區有菜類、丸類飲品等等自取＊ＲＯＵＮＤ１（前菜、小食及時令靚湯水)＊坐底先嘆個時令靚湯勁足料有雞件雞腳，螺片燉出嚟個湯好清甜，飲完唔口乾，真才實料餐前小食拼盆甜蕃薯條、唐揚脆炸雞、酸甜炸大腸 鮑汁雞腳炸大腸脆卜卜冇異味，炸甜薯條甜甜地好開胃，炸雞幾juicy。蟹籽沙律＊ＲＯＵＮＤ２刺身拼盆＊三文魚、帶子、赤蝦、油甘魚、北寄貝刺身非常厚身夠肥美又新鮮，絕無欺場＊ＲＯＵＮＤ３頭盆＊ 可以選擇雞煲或 酸菜魚，因為老公鐘意食雞煲所以就揀左雞煲上枱就聞到好香，啲醬汁唔會太鹹，雞肉夠晒彈牙，最正係啲雞皮，索晒啲汁好入味。＊ＲＯＵＮＤ４火鍋盛宴＊入正題打邊爐，海鮮拼盆 ：（蟶子皇、鮑魚、元貝、脆肉鯇、精選蠔、大蜆、鮮蝦、白鱔片、BB象拔蚌、紐西蘭刀貝、鮮帶子、紐西蘭鮮青口）牛肉拼盆：熊本雪花一口牛、SRF和牛肩胛肉眼芯、澳洲M8牛肩頸澳洲M8和牛牛五花、SRF和牛三角肉、黃喉其中私心最鐘意澳洲Ｍ８牛肉味最濃，油花分佈好均勻，一口牛都好唔錯勁有咬口，

夏天很少食火鍋，因為天氣太熱，但最近在官塘發現了間火鍋半放題，這裡冷氣充足，坐位寛闊，非常舒適今次選了個為食套餐，非常抵食，分小食，前菜，頭盤及火鍋，每款都很美味，適逢店舖5周年，每人送迷你佛跳牆，用料充足，味道香甜◇小吃~選了清新爽口的蟹籽沙律，鬆化入味的鮑汁雞腳及啖啖肉的唐揚脆炸雞◇前菜～刺身盛合，三文魚，甜蝦及北寄貝，非常新鮮甜美◇頭盤～選了為食酸菜魚，魚片很嫩滑，湯底酸酸甜甜，配搭芋絲，味道很好◇火鍋～選了櫻桃鮮茄薯仔做湯底，非常清香～海鮮併盆，鮮蝦，大蜆，半殼元貝，脆肉鯇，鱔片，款款都很新鮮～其餘的配料都可以任食，特級牛頸脊，牛胸腹肉，美國和牛板健肉，和豚等，款款肉味香濃，新鮮好味還有新鮮的蔬菜及飲品都可以任飲任食

五位朋友周末到為食火鍋公司（觀塘）聚會，本來想開心打邊爐傾下計，可惜整體體驗只屬一般。環境算寬敞，坐位舒適，服務速度亦合格，但關鍵係食物質素未達預期。最失望係牛：無論雪花或手切，纖維偏韌，油花唔平均，落鍋後容易散，入口欠牛香，口感乾柴，完全唔抵其定價。部分丸類同拼盤亦只是過得去，鮮味不突出；湯底香氣有，但味道偏鹹，煮耐咗更顯重口，掩蓋食材本味。蔬菜與配料尚可，供應新鮮度接受，但整體稱唔上亮點。以朋友聚會角度，聊天氣氛尚算不錯；若以食物為主打，難言推介。建議店方提升牛肉等主打食材的等級與切工，調整湯底鹹度，否則性價比難以服人。

服務差勁，要求奇怪：要按佢順序食，不能收回上一輪的食物；同枱有兩個鍋，都要點同一湯底，要兩款都要加$30鴛鴦湯費用；同行有老人家不能飲凍飲，問侍應有冇未雪凍既野飲，諗都冇諗過，直接同我講咗一大輪，又話咩攞出嚟俾人偷又盛，問佢咁你個後房仲有冇未開出黎雪櫃既野飲，淨係識答冇，乜都冇，轉個頭去洗手間時，洗手間門口好幾幢未雪嘅嘢飲，真係一啲服務態度都冇。食物質素差勁，海鮮有陣雪味，雞煲啲雞全部都肥騰騰，仲要係全生既雞攞上枱要你自己炒，完咗成煲剩係得油，都冇幾多件肉食。見到佢轉gimmick搞無限時放題，只係生意差到，成晚都坐唔爆曬個場，真係劣食，唔好再俾生意佢搵啦。

話說我同班麻甩友喺觀塘搵食，搵到呢間以狗狗為主題嘅火鍋店，見佢無限時放題，仲有刺身同期間限定嘅新菜，$368嘅豪食套餐好似好抵玩，於是決定試一試！餐廳環境闊落，牆上滿滿哥基同其他毛孩畫，連火鍋爐都有狗狗圖案，狗奴如我即刻畀個環境加分！🐾不過網上話佢服務麻麻，我試完又有咩真感受？等我同你逐樣講！🌟 餐前小食：一入座有五款小食任揀，唐揚炸雞同甜蕃薯條係MVP！炸雞外皮脆卜卜，咬落啲汁流出嚟，蕃薯條甜得來唔膩，開胃一流！但酸甜炸大腸偏油，鮑汁雞腳略硬，食落有啲失色。 🌟 五點刺身盛合：三文魚、赤蝦、北寄貝、油甘魚同帶子，賣相靚仔，厚切得來有咬口，三文魚同赤蝦鮮甜Juicy，但帶子同北寄貝略為普通，唔算驚喜，仲有進步空間。 🌟 和風昆布卜卜蜆鍋：新出嘅期間限定鍋真係全晚亮點！湯底用昆布熬出鮮甜海味，蜆多到數極都數唔晒（目測超過50+！），隻隻飽滿Juicy，仲有兩個福袋，入面有蝦同蟹子丸，咬落啲湯汁爆出嚟，鮮到飛起！😍🌟 火鍋盛宴：揀咗沙嗲金菇牛面肉湯底，沙嗲濃香但唔搶食材風頭。豪食牛肉拼盤六款，SRF和牛三角肉同澳洲M8牛肩頸牛香爆棚！不過最正係*千歲米豚*，肉質嫩滑得嚟帶獨特米香，食落

餐廳位於牛頭角站行5分鐘就到，交通方便。好難得仲要係不限時的火鍋店！前菜一入坐，餐廳已奉上時令燉雞湯，雞肉嫩又滋潤。然後再奉上小食，包括：甜蕃薯條、唐揚脆炸雞、蟹籽沙律、酸甜炸大腸、鮑汁雞腳。沙律開胃，炸物新鮮而不油膩，雞腳肉質新鮮。三點刺身盛合，有三文魚，帶子及赤蝦。刺身賣相吸引，新鮮爽口。頭盤可以選擇為食酸菜魚或寵寵雞煲，我們選了雞煲。簡單落手炒數分鐘，雞煲就食得，好方便。雞肉大件量多，醬汁入味，肉質滑而不韌。仲有辣度供客人選擇，十分窩心。火鍋盛宴有好多湯底，包括濃湯豬骨/ 沙嗲金菇牛面肉/ 藥膳高湯牛尾/ 櫻桃鮮茄薯仔/麻辣鍋。我們選了濃湯豬骨。湯底有大大塊豬骨，材料豐富，又充滿豬骨的香味。為食海鮮拼盤 包括鮮蝦、大蜆、半殼元貝、脆肉鯇、白鱔片、鮮帶子、紐西蘭鮮青口。海鮮多元化，肉質新鮮，食落爽口。任食火鍋配料肉類都有好多款，又薄又大塊。有特級牛頸脊、美國Prime牛胸腹肉、千歲 米豚（和豚）、美國SRF和牛板腱肉和紐西蘭羊卷肉。仲有大量任食火窩材料，樣樣新鮮。蔬菜包括各式菇樣、粟米和田園蔬菜。仲有香脆炸魚皮、鵝腸、 手工一口雲吞、手工一口韭菜餃•蟹籽沙律丸、芝士腸、和手打烏冬等

在觀塘有間無限時的火鍋放題，位置較近牛頭角站。為食火鍋公司地方寬敞，裝潢以狗為主題，這個$288 套餐有小食+刺身+鍋物+海鮮拼盤+任食的火鍋料。前奉上滋潤螺肉雞腳瘦肉燉湯小食有開胃的蟹籽青瓜沙律、香脆的炸大腸、蕃薯仔、炸雞，可以再添。刺身拼盤，有三文魚、北寄貝、赤蝦，新鮮可口。鍋物可以選酸菜魚或雞煲，今個月可以免費升級 和風昆布卜卜蜆鍋大量蜆肉，又有福袋，內裡是蝦仁蛋。海鮮拼盤鮮蝦、大蜆、半殼元貝、脆肉鯇、白鱔片、鮮帶子鮮蝦彈牙、魚肉嫩滑，全部海鮮都新鮮有濃郁牛味的和牛板腱肉特級牛頸脊、牛胸腹，半肥瘦入口鬆化軟腍。還有濃汁澳洲牛肉丸多汁彈牙。甜品有美味的開心果雪糕，滿足。

週末即將有颱風襲港，所以提早幾天和老朋友相約飯聚，這家餐廳以無限時放題作為主打，而且是一間非常支持救援流浪貓狗寵物的餐廳，所以場內裝修都是以可愛的狗狗為主餐廳主要供應兩個級別的放題，分別是$288的為食套餐和$368的豪食套餐，主要差距在牛肉的質素，今天就選了$288已經很足夠，而且有非酒精飲品任飲，各式啤酒特價有4折相當實惠這裏的放題形式是較特別分了4輪，由餐前小食、前菜刺身、頭盤到重頭戲火鍋盛宴，分段式的品味一次過滿足我多個願望首先餐前小食有蕃薯條、唐揚炸雞、炸大腸和鮑汁雞腳等，入座未齊人已經可以先下單一邊吃一邊等，其中唐揚雞尤為出色，外層脆口薄身，內裏多汁嫩滑；另外雞腳入味易咬，大腸彈牙香口，全部都是新鮮出爐前菜是三點刺身盛合，包括牡丹蝦、北寄貝和三文魚，牡丹蝦刺身入口清甜漿口；三文魚刺身相當厚，咬口十足；北寄貝口感彈牙有爽甜，之後原來4週年再送一盅響螺魚翅燉雞湯，味道神似家的味道，鮮味有回甘緊接頭盤是3選1，除了慣常的雞煲和酸菜魚，現在更有春季限定的卜卜蜆煲，不過敵不過酸辣交融的酸菜魚的吸引力；酸菜魚的魚片爽滑無刺，口感真正爽彈，酸菜酸度十足，馬上開胃，加上掛湯薯粉形成絕配，單