丼丼屋 (荷里活廣場)

营业中

休息中

同小朋友鑽石山玩完去左荷李活食埋晚飯第一次食丼丼屋感覺不錯環境企理整潔不過唔收現金？🤔只可電子支付 好彩有消費卷😂春之什錦海鮮丼定食 刺身有呢幾款三文魚腩、特大赤海蝦、吞拿魚、三文魚籽、燒鰹魚同鯛魚配料好豐富，比我想像中都鮮味除左海蝦有少少淋，感覺唔太鮮定食入面跟左有一隻 兵庫縣產湯霜牡蠣🦪 少少輕燙牡蠣表面，又幾好食燒雞肉三味丼燒雞肉滿滿濃味嘅醬汁 撈白飯一流蛋黃破黃再撈飯食真係唔錯甜品啫喱就唔識欣賞，冇味，佢有加類似黑糖？但都唔知自己食緊d咩

春之什錦海鮮丼🍱海鮮丼飯有燒鰹魚、鯛魚、三文魚腩、吞拿魚、特大赤海蝦及三文魚籽、新鮮甜美口感好好👍🏻飯係用咗日本產米飯，夾埋一齊食簡直 正.正.正。套餐仲有兵庫縣產湯霜牡蠣🦪好鮮甜，麵豉湯好足料，副菜同埋蒟蒻做甜品，食完好滿足呀🤩春之海鮮盛🥢三款刺身：燒鰹魚燒完更加帶出魚肉本身嘅香氣，同時多左煙燻味添。鯛魚食到其鮮甜味。三文魚腩油脂比較多，更加肥美好食😋兵庫縣產湯霜牡蠣🦪正值當造季節，佢地嘅牡蠣肉質肥厚，少少海水味，食落好甘甜。滑蛋吉列豬扒丼🍚厚厚嘅豬扒炸到脆卜卜，一啲都唔乾身仲好多肉汁，滑蛋撈飯真心正，我由細到大都係咁鍾意食😍

香港有不少深受歡迎的日本餐廳，令大家可以品嚐到正宗且優質的日本美食，如日式丼飯專家丼丼屋，在香港有機會當然要試一試，在購物之餘，也可品嚐到新鮮味美的正宗日式丼物！🍚丼丼屋選用日本產米及時令食材，製作新鮮味美的正宗日式丼物，務求讓顧客品嚐物超所值的日本地道滋味。🦐日式丼物專家丼丼屋隨著春季到來專誠增添期間限定春日海鮮餐目，「春之什錦海鮮丼」定食及單點等多道丼物及刺身佳餚。👩🏻‍🍳丼丼屋分店眾多，當中不少分店鄰近主要車站或位處購物集中地，如荃灣、沙田、青衣等，成為不可不試的人氣美食熱點！🍱春之什錦海鮮丼（$148）豐富的「春之什錦海鮮丼」集六款時令新鮮海鮮，包括燒鰹魚、鯛魚、三文魚腩、吞拿魚、特大赤海蝦及三文魚籽，鮮甜豐腴、厚薄得宜的刺身填滿丼物，風味各有千秋，配上香甜軟糯的日本產米飯，無與倫比的海洋滋味令味蕾著迷！單點以外另有優惠定食選擇，定食包括 「兵庫縣產湯霜牡蠣」日式湯、副菜及果茶，最後以甜品作結，豐富超值的定食組合帶來最圓滿的海鮮丼體驗！🐟春之海鮮盛（$50）延續春日魚鮮滋味，「春之海鮮盛」精選三款刺身，包括燒鰹魚、鯛魚和三文魚腩。鰹魚經過燒烤帶出魚肉本身的香氣和滋味，同時多了一

今次嚟到荷里活廣場搵食，想食返啲日本嘢於是乎搵到呢一間丼丼屋x鳥開假日過嚟都幾多人，所以拎咗飛都等左陣先有位。今次嗌咗個新出嘅春之什錦海鮮丼定食、春之海鮮盛同埋牛肉壽喜燒親子丼。春之什錦海鮮丼定食🌸🐟一份定食滿足晒我幾個願望呀有齊六款時令海鮮 - 燒鰹魚、鯛魚、三文魚腩、吞拿魚、特大赤海蝦同埋三文魚籽，另外定食仲包括一杯果茶，一份兵庫縣產湯霜牡蠣、日式湯、副菜同一份甜品。兵庫縣產湯霜牡蠣肉質肥厚，加上少少海水味，正呀。春之海鮮盛🌸有燒鰹魚、鯛魚同埋三文魚腩，燒過嘅鰹魚多咗份煙燻風味，另外鯛魚同埋三文魚腩肉質肥美鮮甜。牛肉壽喜燒親子丼🐮牛肉壽喜燒親子丼，份量都好夠喎，牛肉丼飯配上滑蛋一齊食，真係好夾呀😊

最近迷上咗跳舞，所以收工上完堂之後先可以喺附近醫翻肚仔🤤 咁夜居然仲有日本嘢食😈1️⃣ 「鳥開牡蠣親子丼」定食（$150）🦪而作為生蠔嘅愛好者，當然都唔可以錯過有關於蠔嘅一切美食😆親子丼係日本「鳥開」嘅招牌名物，最近丼丼屋×鳥開新推出嘅「鳥開牡蠣粯子丼」就係選用咗兵庫縣產蠔去炮製😌呢款來自日本兵庫縣嘅牡蠣，粒粒形狀飽滿肥美，搭配嫩滑嘅日本名種地雞「名古屋交趾雞」雞肉 & 秘製半熟蛋🥚一層整齊排好嘅牡蠣鋪滿親子丼，用上「鳥開」自家製高湯烹煮，牡蠣吸飽湯頭精華，亦成功鎖住咗牡蠣嘅鮮味～ 一口一啖牡蠣，非常鮮甜美味😍 加上牛油、流心蛋汁互相融和，打造順滑口感，將親子丼滋味提升至另一層次👏🏻如果大家嚟食嘅話，都推薦由單點升級至豐盛嘅定食，因為只係加多幾十蚊，定食有埋前菜、自選小食（刺身或鳥開手羽先 ）、日式湯、沙律、果茶及甜品，一系列搭配實現滋味大滿足！2️⃣ 魷魚鬚因為定食嘅自選小食，我揀咗刺身，所以額外叫多個炸物👻 一小碟都有四、五條魷魚鬚，雖然我差不多閂門前先到店，但炸物咬落依然酥脆，食落似即叫即炸，並唔係一早炸定的🫶🏻

幾好食但有點貴，少去鑽石山唔食邊度有好食物，下次再考慮下，兩個人食四百元既下午茶，不過無法，入左餐廳才知☕️不過食物來說都算是好吃，座位也舒服，都感覺到日本🇯🇵

滑蛋丼啲蛋同滾水溝炒蛋無分別，又唔熱，飯亦係微溫，真係要好狠地用難食去形容，裝修前明明幾好，以前有個雜錦刺生飯我去襯都食，估唔到裝修完後水準降得咁緊要，真係無下次

途經此店，看餐牌轉了点款式便去試試， 自助手機落單是大趨勢。 服務員補茶水都快手。雞肉丼一味兩食，可試埋茶漬飯食法，味道不錯。滑蛋牛丼普普通通，D牛肉好似烚熟後加蛋便成， 可以不試。刺身丼有水準。麻婆肉醬雞肉丼都可以。

身為一間日式餐廳，台面壺水唔凍冇冰都算，但係你暖嘅會唔會過分左d。之後我叫左個鳥開芝士親子丼$88，味道十分普通，頭幾淡都ok嘅，但食到後面好膩同埋D雞沒咩味仲有D柴。最大問題係佢居然有加一服務費，單係自己手機落嘅，水係自己斟嘅，咁你都敢收加一服務費。不可取！……………………………………………………………………………….

喺門口見到佢有個“金賞受賞”嘅招牌諗住攞獎應該冇死啦叫咗個名古屋鳥開親子丼定食滑蛋吉列豬扒定食仲有加咗小食炸魷魚鬚和鳥開手羽先先講下攞獎嘅名古屋鳥開親子丼飯啲蛋汁同隻生蛋撈埋ok嘅但係佢裏面啲雞扒好似食橡膠咁（點解會攞到獎呢）跟住個麵豉湯啲海葵都未浸開仲硬嘅和鳥開手羽先非常油膩，雞翼本身是沒有味的只是靠外面落咗一點類似淮鹽的物體個沙律就普普通通，刺身三文魚有根有一嚿類似蒟蒻的物體，完全沒有味的，原來是浸住他的柚子蜜有味，可惜蒟蒻係不會索到任何汁，所以點食都係淡茂茂吉列豬外圍的吉列炸得非常硬，如果高速大啖食你應該會整損口腔真係唔好來試................

暫時仲未可以安排到去旅行🧳，仲係非常掛住日本🇯🇵嘅美食，如果有一碗豐富嘅刺身丼，兼且夠多魚生種類同夠新鮮，就可以暫時滿足到心癮🫶.喺荷里活商場路過丼丼屋見到佢哋出咗個期間限定嘅丼飯「鮑魚五色貝類丼」，畀佢吸引咗去試試🫶———————————————————————————🇯🇵鮑魚五色貝類丼💬揀選咗升級做定食，端上枱感覺超豐富，多款時令海鮮食材，除咗主角原隻日式磯煮鮑魚超入味，當然仲有五款刺身，包括帆立貝、北寄貝、馬刀貝、小柱貝同埋三文魚籽，都真係幾鮮甜肥美，滿滿蓋著飯面，用料非常十足，啖啖海產鮮味。定食仲有包括炸廣島蠔🦪、大蝦🍤同南瓜🎃嘅吉列拼盤，加埋麵豉湯、副菜、甜品同果茶🍹，超級滿足😋.🇯🇵清酒煮蜆、鳥開手羽先💬原來只要以優惠價就可以加配多款食物，揀咗清酒🍶煮蜆，一樣份量十足，$35 可以食到平時嘅正常份量，非常抵食。另外仲試咗鳥開手羽先，香脆又夠味，絕對有水準😋

丼丼屋平日嘅午餐同晚市套餐價錢都要$100或以上今日路過丼丼屋發現原來平日星期一至五下午三點至六點有下午茶供應價錢相當吸引！迷你丼+小食+果茶 $68什錦刺身迷你丼有一隻有成隻手掌甘長的大頭蝦，好彈牙爽口！三片三文魚刺身+兩片厚玉子燒+5-6 粒帶子刺身。應該有兩碗的刺身飯。呢個價錢+份量+質素！性價比極高小食選了吉列豬排半份都有4 大塊，炸得香脆同肉質都保留到肉的味道。另一個餐選了吉列蝦 （3 條），蝦都有10 cm 以上長，非常彈牙。再加杯果茶！荷里活廣場$100 消費有3 個鐘免費泊車！呢個下午茶絕對要encore ~

滑蛋吉列豬扒丼🤌🏻豬扒炸得通透，肉質夠軟身。雞蛋有蛋香，食落去真係滑😛，唔係變左煎蛋咁，而味道都有調過，好香既洋蔥同醬油味。吉列豬扒正常size，食落熱辣辣幾鬆化，唔係用左鬆肉粉個種感覺👍🏻炸完出黎仲係好juicy，炸皮唔算太厚，皮肉比例幾好，日本米就係一如既往高質👍🏻如果叫定食就有碗湯同沙律，不過價錢比坊間略貴雜錦魚生丼🤌🏻突然想食刺身但又貪心想食幾款，所以最後叫咗雜錦魚生🤣魚生算係新鮮，加埋豉油同Wasabi落日本米飯到撈一流👍🏻 仲有切粒嘅玉子同青瓜，口感豐富😎🚩 丼丼屋 (荷里活廣場) (鑽石山)鑽石山龍蟠街3號荷里活廣場3樓371號舖#addifoodie #addifoodie鑽石山#foodie #hongkongfood #drawing #香港美食 #吃喝好去處 #週末好去處 #goodfood #周圍食 #香港插畫 #情侶美食 #HKcouple #hongkongdraw #foodiecouple #愛情插畫 #滑蛋豬扒飯 #魚生飯

好耐都冇黎食，行話過荷里活見到有分店就食下啦，平日晚市都算多人，但座位多唔洗等位就可入坐。以前成日食呢到嘅滑蛋豬扒丼🥢$98咁耐冇今次就叫下啦。岩岩炸好熱辣辣食，豬扒好脆又厚，同幾年前食嘅味道一樣依然冇變，仍然好食。跟餐道加多20幾蚊，有配菜野飲同果凍，不過啲野我覺得唔太吸引，所以只單點。另一份叫咗特上盛大蝦海鮮丼定食🥢$170比想像中差，啲刺身一食落去就覺得唔太新鮮，初頭以為只係大蝦先咁，點知舊舊食落都腥腥地，完全唔會想再係到食刺身。🤢另外，定食仲有跟個唐揚手羽，呢個就好食嘅，啲汁分量岩岩好唔會太多搞到雞翼外皮淋晒，仲係脆卜卜。如果黎食，我覺得都係食熟食比較穩陣👌🏻👌🏻刺身真係不了不了🤭

丼丼屋之前食過好幾次都維持正常水平。今次黎到鑽石山分店，本身沒有食評的慾望，但最後都按奈不住要出呢篇食評。這一間分店，質素大不如前。尤其是刺身類別，令人覺得絕望。蝦刺身，食落有少少腥臭，食咗一啖就要掉落檯度。其餘刺身比其他分店薄咗一半，整體用餐體驗：很差囉！為什麼一碗丼飯可以做得那麼的失敗？兩碗丼飯都有一個共通點：壽司飯嘅質感爛溶溶。只是個別分店還是整體水平下降，就不得而知，反正呢次係我最後一次。完。