丼家和食 (已結業)

係就係港式日式定食😂但真係幾抵食，係區內都幾受歡迎，依家晚上9點去仲有半價，真係可以當放題咁嗌🤰🏻—————————————————🔹滑蛋親子丼 ($45) 〔包味噌湯及沙律〕🔹角切魚生飯餐 ($58) 〔包味噌湯及沙律〕..好大塊滑蛋🥰，上枱仲熱辣辣，撩兩撩噴哂煙，入面加咗鮮菇同洋蔥，令口感提升，不過雞就唔夠嫩、蛋嘅味道亦都可以再香濃啲，整體撈埋飯食都唔錯嘅！但俾我一定會食寶島哈哈～.魚生飯都幾新鮮，但得一邊有魚生就略嫌孤寒左少少🤔不過算啦50幾蚊算係咁..🤙🏻: 晚市去應該會叫得好爽

夜晚經過，見到門口牌寫9pm後壽司、手卷、卷物及無酒精飲品半價，加埋有加油話句，就諗住支持試下。坐低店員比張舊單紙，由食客係背面自己手寫食物編號落單。由於未食過呢間，坐低search 下open rice，發現上一篇有寫店員態度差、份量細、食物內冰冷，估唔到今次都中曬🤯🥶今次叫左炸蟹卷、壽司、雞串同日式炒烏冬。最先黎嘅係烏冬，竟然烏冬快過壽司上😧......店員有主動拎兩個碗比我地，加返分。烏冬偏淋身，油油地；有落蕃茄炒呢點同其他食開嘅唔同。跟住壽司一次過成碟上，黑松露帆立貝壽司漏落黑松露，同店員講，店員話「我地師傅係有時會唔記得落黑松露，幫你加返」。店員拎起盆壽司加返黑松露，放返落枱時撞到豉油碟倒瀉左豉油，講左句唔好意思就走左。以為佢去拎紙巾黎，原來係真係走左，要我地自己拎紙巾抹......😤食火灸左口魚背，明明樣係有火灸紋，但一食都係凍左，仲要入面係冰凍嘅未解曬凍咁硬嘅......極失望🤢🤮三文魚腩就正常，有油脂，算大塊，比預期好。😯鰻魚壽司意料外地幾大塊，幾好食👍🏻講返舊黑松露帆立貝，帆立貝比平時食係偏凍嘅....🤭再黎上芒果天婦羅蟹卷時，店員一放低就跌左其中一舊芒果落碟，但完全

上星期六夜晚出去買外賣，想食壽司，行到千之壽見佢開始收擋，咁行返去酒泉，路過呢間見到個牌支持香港人咪打算試吓，入到去個店員態度已經麻麻無咩禮貌，叫咗個芒果軟殼蟹卷$59外賣，等左10至15分鐘有得拎，拎上手極輕，睇睇原來得三小粒，味道一般水準⋯⋯呢個價錢咁嘅食物唔值，以後都唔會再幫襯，黃店都咁話，其實佢可以參考下附近嘅壽司店，同樣嘅食物咩質素，我唔知佢其他丼食係點都唔會想試了，大家唔信可以去試吓！

其實唔係太多好評 但當晚宵夜時間見佢有半價 反正打算食少少充飢咪試下叫左幾款食物 唔知係咪宵夜時間無咁忙 我覺得食物唔係太差wo 反而唔鍾意前面叫間鋪個d勁多飯 不過唔係半價又確實元朗仲有好多選擇

一直唔肯確認訂單。甚至會要你等一大輪，最後取消訂單，浪費你既時間。D飯比唔上元氣。雖然無乜大問題，不過真係唔算好…調味不足，水份過多，略為細件咁囉。三文魚原來可以有草腥味既!?未食過真係唔知﹗D豉油質素差劣，咁啲wasabi再靚都無用!  三文魚壽司 一件就要11蚊，但元氣14蚊已經有兩件啦!食完又唔會話唔舒服既，不過…唔會有下次。

一間很過分的餐廳，本人中午食飯時段入去，當時12:11入到餐廳沒有其他客人，只有我一位，我落了一個鯖魚定食，雖然侍應話燒物要耐d，但客人只有我一個，個鯖魚飯等到12:38都未有，侍應話要仲要等多2-3分鐘！！一個鐘食飯時間，真的接受不到不計等位、得一個客人，都要等差不多30分鐘都無得食，最後我真的不夠時間食了，只能放底$70食了一個前菜和麵豉湯就走了！這樣的待客之道太過分了！極力呼籲中午沒有兩小時用餐時間的人都不要去幫襯！！！

叫左個熱玉子燒，點知一食玉子燒個心凍到好似雪櫃拎出泥咁！日式蒸蛋完全沒有味道！定食是先上主食，後上沙律，次序錯晒！店員不停在巡視台上食物，把客人長期滋擾！食物，服務，價錢完全不成比例！不會再考慮光顧！！！ 最重要同職員講有野未上，佢地就哦一句就算！到我食晒啲野都未排一個蒸蛋，我見佢儲埋幾張單先蒸，時間完全唔岩，有幾個客係我食完主食入泥落單後，等佢地落左order睇下要幾多個蛋先蒸蛋， 搞到食完都未有。

平價日式料理🇯🇵🇯🇵.元朗半天遊既最後一站🤓見到呢間日式料理人流源源不絕就決定幫襯了！四人飯點左五樣食物🍣🍱🍲🍢🍙.🐮牛肉壽喜鍋-鍋物係所有食物最正常的，肥牛份量多，蔬菜都多種類，有娃娃菜、冬菇、蘿蔔、金菇，加埋隻生蛋🥚，壽喜燒湯底都清甜，$18追加追冬覺得有點貴因為份量唔特別多，係另上然後自己放落鍋煮。🐟🍚特上海鮮丼-上枱時即時覺得實物與圖差勁遠....所有刺身都好薄片，色澤暗啞感覺唔新鮮。三文魚同呑拿魚都無乜魚味，油甘魚同魚籽就稍為好少少啦。飯又唔多，咁都要過$100真唔合理！🥭🍤芒果蝦卷-$48竟然得三小件！太過份了！芒果算鮮甜，上面加上沙津醬同蟹籽，但壽司飯好硬裡面蝦肉得少少，好失望🙁🐮鹽燒牛舌-串燒都還好，牛舌調味幾正黑椒同鹽剛剛好👍🏻🐔🍚溫泉蛋燒雞排丼-燒雞做得唔錯，真係照燒又有脆皮個汁都可以，而且仲有好多件！灑上紫菜同蔥粒，加埋隻溫泉蛋撈飯，呢個最抵食。.其實都要每人$100，質素卻好麻麻，永遠無回頭了🥶

貴又唔好味，好不忿.. 要"齒”開嘅拖羅 價值238拉麵都好差，叉燒好...流..，啲湯同黑蒜出前一丁同級，但價錢....最出色係凍朱古力 expensive yet doesnt taste good.. the supposedly high quality Toro that requires much of your teeth strength to chew it...$238 down to the drain..not a place I would go back again. service was very basic..the waiter was not helpful with your request and just turned us down coldly

元朗而家真係多左好多大大小小既日式料理餐廳，但質素都幾參差不齊😅呢間lunch set 我覺得性價比幾高🍤🍱選擇都幾多，拉麵、烏冬、便當、丼飯、定食，樣樣有啲咁！·Lunch Set什錦天婦羅配胡麻醬冷烏冬💰HKD68(大蝦、蕃薯、南瓜、蟹棒）吉列蝦兒有三大件🤤我見平時食日本野，單點一個天婦羅拼盤都起碼幾廿蚊，呢個餐又有幾件天婦羅，配埋冷烏冬，仲有湯同沙律，感覺幾抵食，所以放棄左原本想食既吉豬🐷😆·下雨天客人唔多，即叫即製上枱都係岩岩新鮮炸好，炸粉唔厚👍🏻👍🏻質素正正常常但係抵食，反而係烏冬！超彈牙超好食😍😍😍唔係平時好易淋果隻烏冬，係好煙韌彈牙果種，正！

還記得初開張時 份量同質素都很不錯但有次lunch 點了三文魚親子丼三文魚和三文魚子都縮哂水當時心想 或者係lunch menu套餐 份量少一點吧今晚再試點了三文魚親子丼 鰻魚丼三文魚子極少 比起一粒軍艦壽司的魚子份量都唔夠！完全感覺唔同「親子關係」！鰻魚更加冇heart 88蚊 瘦瘦乾乾的鰻魚.....如果俾我再揀過 我下次會去同一條街的另一家食店吃鰻魚飯 有心機好多 起碼肥美多汁 仲有滑蛋拌飯....😭希望佢地改進番！如果唔係難以留到客人的心🙈

雖然元朗一向小店多，但黎到元朗都係唔知食咩好，本身諗住食米線，經過見到依間就日本料理，未食過就諗住試下新野，雖然午市套餐都幾多選擇，但又唔想食生冷野，見到隔黎台個個都叫三文魚親子丼，睇落都幾新鮮，飯上面放滿三文魚，但因為隔離唔識既，比唔到相大家睇，我自己最後無簡到午餐，點左個石鍋泡菜牛肉飯。有蔥洋蔥牛肉雞蛋泡菜大豆芽同菜，佢洋蔥無咩洋蔥味，幾好，因為我本身唔太食洋蔥，材料都幾多滿滿一大碗，黎到既時候仲熱騰騰，最鐘意食夠熱既野，因為成個煲都好熱，慢慢食都唔會凍哂。味道都唔錯，有泡菜味，有小小飯焦好香口，鐘意食拌飯既人都可以黎試下。比埋午餐餐牌大家參考下，都幾多選擇架。

隨機選擇了這間丼食，以丼食為主打，其丼食不是特別突出，我又再次叫了豚肉生薑燒，係我食過咁多間，最不為動人的一即間，完全沒有薑味，豚肉比較乾身，飯還可以，伴碟的蒸蛋都幾滑，這個值得一讚，但生既野我就我信心，所以無食個沙律，另外點了兩串串燒，牛舌和蟹膏帶子，帶子非常腥，牛舌尙可，但略嫌無乜肉汁。老公叫左叉燒拉麵，不過不失的，麵沒有煮過火，都是可以的。重點來啦，呢間店居然無女廁，🙄🙄，我要行到老遠去，但又有尿兜，只是呢個point 我已經吾來想再光顧。因為元朗好味既野多的是，吾進步的話，同一個位置，好快會轉另一間了。

前一天已決定要來食魚生飯，因為真係好想食。記得上次叫過的雙包角切魚生飯唔太好食，今次叫了這個實好食的三文魚親子丼。雖然三文魚都夠厚，但三文魚子太少了，如果多D就好喇。三文魚都算多架喇，又厚厚地，有一，兩塊仲好肥美添，真係好食到唔想甘快食晒。不過 個麵使湯就鹹到不得了，有幾粒豆腐甘啦。沙律就一般啦，叫做好過無。

座位空間已經不是很大進去了然後, 叫完之後跟我說沒有那麼快我預計可能在幾個字之內會有,誰不知我朋友點了的餐等了半小時 我的那個飯等了45分鐘還未有 ,待應態度又差, 總結 廚房行政很有問題可以檢討一下, 已經唔係乜嘢西餐店都要人客等咁耐.....最後我個飯係取消左然後去左第二道食😉有史以來第一次等咁耐都未有野食