麗聲餐廳 (已結業)

今日又出去太子聚會，聚會後，我跟小朋友去午餐。平時都樓下食，今日小朋友建議去另外一間餐廳食。我們走了一會兒，我見到對面有間五彩紛紛招牌的餐廳。所以我同小朋友就在此食午餐了。我點了星洲炒米及一杯奶茶。小朋友點了常餐及一杯朱古力。星洲炒米這當然是我的最愛，有旦，有虾，有义燒，還有米粉，不算辣，炒得幾乾，算是好食，小朋友的常餐還未到，我已經食完了。常餐種類很多，有豆，有蕃茄，有生菜，有煙肉，我加了8元轉雞扒，還有多士及炒旦。小朋友喜歡食雞扒，煙肉和多士。其他由我負責食。都是一般茶餐廳的食物。這裡環境靜，座位多而闊，食物味道也不错，在鬧市中都算不錯的選擇。

我就不嬲都麻麻地茶記因為茶記價錢貴材料差 性價比低不過原來我附近有間都有質素的茶記今晚就好累好肚餓 但又想平平地去到呢間茶記睇睇個menu 試下個常餐—羅宋湯牛腩通啦先上多士炒蛋 多士係蒜蓉厚多士大塊得黎係新鮮面包 炒蛋都好食係略嫌蛋味吾夠主菜出場 碗野都幾大 面頭好多羅宋湯配料 入面都有617舊牛腩 仲要都煮得幾淋好記得前排試過另一間太子茶記的羅宋湯牛腩通簡直係侮辱我條脷溝水再煲 溝還溝 都俾番d 茄膏呀 雜菜我啦臨時演員都係演員 俾d heart 好冇

香港食肆林立，要出位，真係唔容易；這間餐廳的招牌做到五顏六色，都係為咗吸引食客❗餐廳内環境簡約，餐牌則有點霉舊，印象分要打折；餐牌提供一般食物，唯有試點一份“星州炒米”加奶茶。星洲炒米賣相一般，基本材料齊全，鮮蝦、叉燒、火腿、蛋絲、牙菜、韭黃樣樣齊，沒有偷工減料；份量亦頗爲足夠，甚至米粉有點過多，所以我一般都會抽出部分米粉唔食；至於味道，跟大排檔差不多， 雪藏蝦沒有味，芽菜韭黃新鮮，咖哩味足夠，亦能與米粉混和，但油就過多， 看看碟底就知 ❗ 整體上沒有驚喜。價錢則偏貴，其他餐廳約收$45。

原本已經過咗馬路去對面間冰室，最後都行返轉頭試一試依間麗聲冰室(可能從小就住太子，比麗聲戲院影響)入到去普通茶記格局，靚女伙記們好有禮貌(可能仲係新手既關係啦)好啦，我就點咗個牛仔骨煙鴨胸拼薯條，我朋友就點咗個海鮮焗飯等咗15分鐘左右，牛仔骨先到，咁我就食先啦，味道一般般...點講呢，正常味道囉...至於朋友個焗飯，我只見佢食咗舊魚柳，話唔新鮮，我忍唔住話佢：大佬呀，焗飯梗係用雪藏魚柳啦，唔通同舊鯇魚焗比你呀！佢好似無食過咁，浪費哂

常餐C 忌廉火腿雞絲湯意粉 (配炒蛋及厚多士) $43這間餐廳的常餐比較特別，普遍都是提供沙嗲牛肉麵火腿通粉之類，這裡有少見的忌廉湯意粉。食物質素不俗，雞絲是雞脾肉較嫰滑那種，而且雞絲和意粉的份量也很足，忌廉湯底味道也挺香濃的。厚多士也帶來驚喜，沒想過是有兩塊那麼厚的，剛剛烘出來十分香脆，鬆鬆軟軟好好吃！而炒蛋雖不是炒至半熟很嫰滑那種，這份是炒到帶點燶邊的，但其實我覺得這種炒蛋是更能突顯蛋香味的，整體都蠻好吃。

今朝一早就去左花墟買花，買完心頭好，就要去醫下肚啦。行過彌敦道見到哩間茶餐廳，之前好似係先達嗰頭見過哩間啵，不過裝飾就唔同。入到去問下啲侍應先知原來同一間，太子嗰間執左嚕🤭🤭🤭🤭今日食A餐，忌廉火腿雞絲意粉，太陽蛋🤩🤩🤩點知有驚喜啵，唔係hea野喎，好足料，啲雞絲好多，睇得出係雞脾拆肉既，而且忌廉味道好夠，濃濃的😘😘😘😘😋😋😋下再試下其他先。。。。

昨晚叫咗豉椒牛河同葡國雞飯。牛河非常普通，部分牛肉係咬唔爛。食完牛河，雞飯仍未到。追完就十分鐘內到，根本就漏單。本以為係焗飯會耐D，所以遲D追單。但原來個飯係冇焗嘅，自己攪錯咗! 飯賣相一般，但係D雞同D汁都係冇味。食到一半有想嘔嘅感覺! 呢間嘢平均一個粉麺飯連熱飲係六七十蚊起碼，中等價錢但出D低等錯誤!以後都唔會再嚟! 服務冇水準! 食物冇質素!呢個位置出過唔少餐廳，冇一間有好收場，相信呢間都唔會例外!

韓燒餐廳結業之後就開咗呢間茶餐廳。雖然啲嘢食比附近餐廳貴少少（我諗普遍貴幾蚊左右）但係我覺得值得因為啲嘢食都唔錯同埋餐廳環境入邊幾好，可以坐得舒舒服服。啲員工服務都好好。我覺得個咖喱真係好好食，好有印度風味，唔似出邊好多茶餐廳嗰啲港式咖喱，亦都唔會好似日本咖喱咁甜。