樂園麵家

营业中

休息中

今日星期日放假，諗住到酒樓嘆吓茶，點知茶樓好多人，要等位好耐，記起商場下一層，有一間食牛雜粉麵嘅餐廳，一去到又係坐滿人（因為店舖唔係好大），唯有買外賣回家吃吧！自從觀塘裕民坊清拆後，都好耐無食到碗好好味嘅牛雜牛腩麵；响油塘呢間，總算不過不失，牛雜牛腩都好稔滑，味道都唔錯嘅！我點咗一碗牛雜河、一碗牛腩米，如果加多七元，仲可以係一個套餐，有牛雜粉麵、油菜、一杯凍飲，都幾抵食！望吓仲有炸魚皮、炸魚骨，魚皮好香脆鬆化，好味！原來除牛雜粉麵，現在多咗茶餐廳嘅食品，多元化咗，迎合唔同嘅街坊口味喇！

外賣出單跳住出，又唔俾腩汁，落單已經講多汁，最絕係外賣醬料樽，唔整實就放落袋，你不如乾手淨腳唔好俾，開頭做都唔係咁，做耐左味道差小小都叫正常，生意多左伙計多左，包個外賣包到左漏右漏

琴日同同事講起，公司附近有間早餐都好抵食， 但我即刻諗起我屋企樓下嗰間，真係一個超值早餐， 無論係份量/味道/價錢都一流， 多士烘底 熱檸蜜 🍯唔使加錢，而且份量多都係31蚊今朝就好掛住佢嘅早餐， 點知一坐低見到換咗個餐牌， 價格上調， 要凍飲及熱檸蜜要加錢💸但早餐組合多了傳統早餐醒晨早餐自選麵餐三文治餐多士餐分量比以前少左少少😅但仍然合理嘅。。。今日揀咗自選麵餐沙爹🐂牛肉同🐖五香肉丁米粉仲有熱檸蜜🍯

難得朝頭早去油塘覓食，唔去大本營就過咗去鯉魚門廣場搵食。行到差唔多到天橋附近有一間叫樂園麺家嘅小店，試吓個早餐。早餐選擇比較簡單，好似得ABC三組餐。配合十數張枱既細舖，真係乜都唔好諗，最緊要係快。A餐B餐A同B餐都係常見嘅茶餐廳早餐，以30幾蚊黎講，已經交出應有水平。份量方面就好似子華神話合理化煙幕，其實多少少份量，已經令我覺得好大份又心滿意足。至少同樣價錢，同樣味道，下次我都行遠少少再幫襯下。飲品就差啲，啲冰都融得咁上下，淡曬。順便加張佢其他餐牌，食物份量唔欺場買少見少，未知其他食品是否一樣咁充足呢。