樂膳餐室

营业中

休息中

閒日下午入座，一直都衹有兩至三格客，九成座位都是空的。食完下午茶後坐了半小時，便被店員寸寸的趕離座。1. 店舖沒有訂明限時一小時離座。2. 店舖尚有9成坐位空置3. 距離關店時間尚有3小時4. 我沒發出噪音也沒影響他人。店員偏要說：我就喜歡座位空住都唔要俾你坐。咁嘅態度，難怪整天沒生意。其實餐廳食物及環境不錯，衹可惜請錯左2個女店員，知道老闆請人難，但也有基本要求，或對員工有基本訓練，不然人人都北上食飯了吧。

其實呢間嘢有唔好嘅體驗唔係第一次，之前叫焗飯職員出現過落錯單嘅情況變咗唔係焗嘅飯 。而今次落單嘅咖哩焗雞扒飯係正確，但食到中途我發覺啲飯好苦，好大陣燶味 。起初只係認為可能係焗耐咗少少姐（因為肉眼睇又唔覺得有燶到），但陣燶味一直都冇散，係每一啖都食得到果陣燶味 ， 就覺得唔對路 。最後我只係食咗啲餸就冇再食啦⋯⋯之後我挖開個底睇，發現佢係連個錫紙底都燶曬嘅，真係好誇張，作為食物根本就係唔合格 。對呢間餐廳真係好失望呀，我以後唔會再食佢，負評！

大家可以看到圖片上嘔吐物一般的魚香茄子🍆🐟一開出來浸浸怪味變壞了的味道🤢🤢🤢🤢🤢🤮我和朋友吃完都立刻嘔吐🤮🤮🤮🤮🤮🤮🤮大家又可以看一看 這個蒸水蛋蒸得有多老 🫣🫣🫣🫣🫣我還在外賣平台上評分看到它有4.8 才被它誤導了 😤😤😤😤😤😤😤整個飯完全吃不到 🤬🤬🤬🤬🤬之後去外賣平台投訴 他們還說這是鹹魚的味道 所以才有這種怪味😢😢其實完全沒有屈佢 😭😭😭😭😭😭😭如果大家睇到圖片都知道整得有幾差 有幾難食 🤮🤮🤮🤮講太多都是沒有用 有圖片有真相🤯🤯🤯🤯大家一起來評一評理 這樣的小菜 真係好希望大家不要中伏 🙄🙄🙄🙄🙄🙄🙄

想不到現在還有價廉物美的餐廳！我們一家人與遠方來的親友一起共膳晚餐，每碟菜式CP值也很高！我們點了以下菜式：沙薑雞- 很入味，也很嫩滑菜膽雞-很嫩滑酸菜魚- 不錯不錯但是不夠辣，但材料十分充足咕嚕肉- 好好味 必食item梅菜扣肉-現時很多餐廳都不煮這個菜式，因為比較繁複。但這間有而且也不錯。椒鹽鮮魷- 可以啦椒鹽小蘇肉- 不錯呀佢哋其實如果可以喺海鮮間隔餐廳都有供應嘅，下次可以再去試多次。而且科學園人少冇咁多人感覺上冇咁侷促。

平日星期四下午一點多到科學園，原本計劃到的食肆排了長長人龍，轉身望向斜對面的食肆有位不用等，便直入試試吧。地方大，坐位多，環境衛生可以，服務一般，先要掃碼下單後得一QR code，再到收銀處付款後回座等餐到，價格在科學園也不算高，午市套餐連飲品約$58 至 $65，但食材好一般，味道欠佳。出餐速度好快，溫度夠熱。乾抄牛河$59 及 排骨抄河$65，牛肉和排骨都淡然無味，河粉夠滑，份量足，排骨抄河配菜有菜芯及椰菜，有點怪，鹹度適中。

同鄰居打完波，費事煮就過嚟食個晚飯。一過到嚟，超爆場。五個人坐四人枱，側邊加張凳，真心唔係咁好坐。上次16人食飯，佢夾硬拼埋啲枱，大家坐到好似俄羅斯方塊咁，已經覺得佢安排唔係咁好。不過佢真係喺科學園嚟講比較好食嘅一間，咁就屈就一下啦。但係今次可能人多，表現真係比較遜一點。平時個酸菜魚啲粉皮滿滿的，今次個個夾埋都冇飯碗一小碗。跟住個豉油蝦先離譜，差唔多成$100比幾隻草蝦hea我哋，比平日食飯仲要少起碼三份一，真係伏到不行了。不過今次個通菜牛肉都有少少進步，冇上次咁稀。另外個菜膽雞係幾好食，但係係冇菜，不如去改名叫白切雉會好啲。其實今晚最好食都係個斑腩豆腐煲，唯一一樣煮出嚟有鑊氣，同埋夠熱。奉勸一句平時夜晚食就好啦，禮拜六日佢真係唔多建議大家幫襯。

打完波，一行15人去食飯。多人食飯嘅好處就係可以一次過試好多唔同嘅餸。其實樣樣表現都唔錯，好難逐樣去講，最後都係自己親身去試啦。不過都簡單講講～其實雞算得我主食，但係呢間嘅雞我係有少少保留嘅，之前食午餐嘅時候海南雞係連骨，仲要俾雞胸係完全冇肉食嘅，嗰陣時game唔好經歷，都有少少偏見。但係今次個醉雞有少少驚喜色鄉都夠，係爭少少唔夠入味。其實樣樣表現都差唔多，好難逐樣去講，最後都係自己親身去試啦。不過都簡單講講水煮魚，酸度係夠嘅，不過個人就食得好辣嘅，如果可以再辣少少就更加好。水晶粉同埋芽菜都好吸味，魚肉都好嫩滑。菜甫蠔仔煎蛋，我幾鍾意呢隻唔算係潮式嘅做法，因為出邊如果去潮州店食嗰啲粉實在太油，反而呢個感覺上冇咁油膩。雖然係蠔仔肉但係都好飽滿。薑蔥魚腩煲，魚腩冇泥味，外脆內軟，油豆腐都如入味。椒鹽魷魚，個脆漿唔厚，個魷魚亦都唔會太乾，食完都唔會覺得好熱氣。西蘭花斑球，同埋金銀蛋小白菜，一嚟已經被搶購一空，下次有機會先再試。我自己就點咗中式牛柳，真係冇點錯。個牛肉完全唔覺得佢被嗱過；同咕嚕肉一樣，酸甜適中，好好味。招牌菜南瓜豆腐，有鄰居投訴點解用玉子豆腐，如果要有夠企身效果，佢好難用其他款

這家餐廳真的值得介紹小菜選擇不少，今晚選了的，味道也不錯其中有些值得推介：金銀蛋莧菜，好味兼且份量唔細咕嚕肉，外皮並不是很厚的，味道好入味鹽焗雞，上枱時還是熱的，而且是完完整整的半隻，並非坊間那種少了幾件粉絲蝦煲，粉絲好多，好入味，還有不少蝦粉絲蒸班塊（還是龍躉唔記得）我哋加$10，要全部都是肉，好好味麻辣豆干，份量唔細，兼且好味椒絲腐乳西生菜，熱辣辣，好味還有一個忘記影相，就是椒鹽鮮魷，份量都大人均唔使$150，超值

環境舒服，裝修又好。可能位置比較偏僻所以人流唔算太多。今次行過快食個下午茶。炒粉炒麵都好有鑊氣、味道好又唔會好多油。另外食咗個排骨飯都唔錯。下次試下午餐或者晚飯👍🏻

嚟過食幾次，幾次都冇失望同keep 全有驚喜，要寫下食評令到呢間科學園嘅餐廳更加多人知道。下午茶價錢實惠，份量大，出餐快但係味道好過好多連鎖餐廳。晚餐嚟過兩次，2次都有新菜式，味道比出邊茶餐廳好，拍得住酒樓，坐得舒服，服務又nice, 一定會再嚟This restaurant change their menu quite often, can check with the staff for new specials, staffs are friendly and will make recommendation

今晚一行五人試吓科學園新店- 樂膳 餐室， 地方ok, 但只有一張圓枱。 店員有禮很細心推介食品 豉油王炒蝦 很美味， 咕嚕肉也不錯， 南瓜豆腐很精緻，檸檬烏頭魚很鮮味 各款食品都有很水準， 價錢便宜性價比高， 一定會再來

行過見到有新店開，睇下餐牌原來都幾多選擇 試一試原來有驚喜，鑊氣夠味道好仲要幾抵食，又多一間飯堂之選👍🏻👍🏻椒鹽鮮魷，少粉之下鬆脆唔油，入面鮮魷爽脆無比椒鹽搶味，好有大排檔風味！另一個小炒皇，魚仔腰果香脆，送酒一流開胃菜😋涼瓜炆班腩 平時涼瓜麻麻，不過朋友叫就陪食 估唔到涼瓜係甘甜，我都食左好多再加拍青瓜同牛𦟌，整體有驚喜，又抵食又好食下次一定再黎，因為好多菜式都想試，又多個飯堂👍🏻👍🏻推介

早兩晚來科學園新食店試吓，之前見佢哋圍板，一於試吓。性價比好高，嘢食質素又好，唯一唔好嘅係暫時只收現金，特別我覺得個椒鹽鮮魷，好抵$88 、涼瓜炆魚都超好食！最緊要係咩啊？科學園有晚市，以後唔使怕夜晚冇嘢食😌🥳🥳