九五至尊火鍋狗毛

营业中

休息中

今日黎到尖沙咀呢間門店好豪既火鍋店，見佢而家做金活動好抵，即刻入去試下！環境裝修好high class feel，坐得好舒服。而家follow 社交平台仲可以免火鍋湯底費、10點前仲有8折添，最最緊要係原來本身啲食材都唔會吊高黎賣，係咁高級既地方用平民價就食到好西，抵到爛！今日叫左鴛鴦火鍋湯底：胡椒豬肚湯、古法沙嗲。胡椒味好出好香濃，豬肚亦好多，仲有大大舊豬骨係到煲緊勁足料；沙嗲亦好夠咸，有少少花紅味，極之出色！麻煩鴨血同蜂巢豆腐係無限任食，等緊上菜既時候可以食住等，豆腐就索晒湯汁勁好味！其實野食都又平又大份，而且都好新鮮無雪味，半份雞都只係$28，都唔知邊到搵！其次係覺得最特別既係蝦滑腐皮卷，腐皮本身香煎過，入面包左生菜同蝦滑，放入火鍋滾一滾就食得，好有特色又好食，真係必試！

今日同朋友嚟到呢一間尖沙咀打邊爐，佢有好多唔同嘅優惠包括湯底如果喺社交平台發送貼文嘅話，就可以有免費一個雙拼嘅鍋底，呢個真係非常優惠，我揀咗麻辣湯同埋蕃茄薯仔，蕃茄薯仔真材實料絕對係餐廳自家製唔係用普通溝出嚟嗰啲味精，非常香濃，我哋都先飲咗湯再打邊爐，而家都好少餐廳會免費送鍋底我哋都真係喜出望外，另外豆腐同埋鴨血都係任食，10點前如果叫啤酒嘅話仲有買一送一，$88，仲平過喺出邊happy hour! 💡本地手切牛肉，呢個真係非常值得嘅，因為佢嘅牛肉色澤同埋賣相方便都非常靚仔，佢有少少乾冰效果，我同朋友都忍唔住即刻攞電話出嚟，牛肉嘅味道非常好食，而且口感極佳！睇得出餐廳係用高級嘅材料，而且佢嘅份量都唔少，我哋轉左一個中size 都非常大份！💡炸響鈴，餐廳係自家製即刻叫即刻炸，嚟到嘅時候仲係熱辣辣再加埋本身蕃茄薯仔香甜嘅湯底，成個味道非常好食，我本身都非常鍾意食響鈴，所以我同朋友都覺得唔差！💡炸午餐肉，打邊爐點少得午餐肉，呢一個亦都係即刻叫即刻整，可以放湯食有得即刻當小食亦都可以！非常香脆！正！💡牛舌，我哋叫咗一個細嘅份量，但係嚟到都有好多片。味道嚟講我哋都覺得合格以上，啱晒鍾意食牛舌嘅朋

香港真係一年四季都可以打邊爐，尋晚就同朋友去左九五至尊火鍋食晚餐，見到門口寫住有幾款湯底免費，好開心揀左個胡椒豬肚湯底，平時喱個湯底係其他餐廳都幾貴架。睇睇餐牌價錢，見到選擇唔少，海鮮既價錢出奇咁抵，一於試下，我地試咗嘅配料有：**本地手切牛**：好鮮嫩，肥瘦均勻，牛味濃，一啲都唔柴。**桶蠔**：最surprise喱個桶蠔，198有成9隻，大大隻新鮮好厚肉。**桂花蚌**：爽口，$68就有半份，我用嚟打邊爐口感一流，卡路里好低。**蝦滑**：蝦味香濃，外面有少少蟹籽包圍唔會太過死實。整體嚟講今次打邊爐都覺得餐廳有嘅食材新鮮豐富，大件夾抵食， 會特別推介食多啲海鮮。

係狗毛第五間❗️望落咁高級😽咁識嘆得唔得㗎？凌晨口痕想搵啲野咬下🥹🥹好過份！竟然酒吧隔離就係打邊爐🤯真係唔過黎食都唔得拉 呢到閂6點今次叫咗個鴛鴦湯底 冬陰功x胡椒豬肚冬陰功係幾特別嘅 佢又唔會話太辣但係又起到戈味！胡椒豬肚湯 好在個湯唔係太大黑椒味 個桂花蚌真係好surprise好爽口❣️同埋竟然仲有泰式生蝦💕趁佢新鮮即刻食費事擺耐咗食完真係滿滿既罪惡感 真係好鬼正呀間嘢🥹個環境好舒服 如果一家大細嘅可以揀坐房 打邊爐之餘仲可以唱埋K 咁鬼抵玩 一定要嚟encore啦🤟🏼🤟🏼

如果你和我一樣喜歡麻辣火鍋，那麼這次的火鍋體驗絕對是不得了！麻辣火鍋的獨特風味，總是讓人回味無窮，鴛鴦鍋的設計滿足了不同口味的需求。在這裡，麻辣湯底的辛辣和香氣絕對是重點，豐富的香料和辣椒讓湯底充滿層次感，每一口都令人感到刺激和滿足。而另一邊的清湯則讓人可以隨時調整口味，適合想要稍微減輕辣味的人士。食材方面，無論是新鮮的肉類、鮮嫩的海鮮，還是各種新鮮的蔬菜，搭配著麻辣湯底，簡直就是一場味蕾的狂歡。特別是將牛肉或羊肉在麻辣湯中涮煮，瞬間吸收了湯底的精華，口感鮮美，讓人忍不住再來一片。

約朋友去食高級湯底火鍋🍲期待已久的花膠螺頭老雞鍋果然冇令我哋失望，強烈推薦🙌🏻雞湯非常濃郁，有好多塊花膠兩個人食，每人都食到4-5塊大癲🥹Follow 社交平台及repost story 湯底有半價😍非常抵食🙌🏻Sapporo buy 1 get 1 free🍻仲有麻辣鴨血蜂巢豆腐無限添加麻辣鴨血係即食，超級好味🤤一定要試！另外最鍾意食嘅火鍋配料有桂花蚌、竹笙、萵筍片全部非常好質👍🏻下次再黎食！

貌似酒吧，實則係泰國菜嘅「狗毛」係尖沙咀寶勒巷開左間泰式火鍋店，除左繼續提供超惹味嘅泰式串燒，除有泰式生蝦及泰式冬蔭功湯底等等。座位闊落舒服，感覺大氣，人多仲可包VIP房打住邊爐唱K，低消好似$500/位左右，價錢合理。Sapporo Draught 500ml ($88/買一送一): 晚上十點前Sapporo生啤買一送一，非常划算 （須店員協助人手落單)。鴛鴦鍋 (免費 - 麻辣鴨血鍋大辣拼泰式冬蔭功鍋): Like & Share 狗毛ig Post仲有送免費湯底，雙拼揀個鴛鴦鍋都仲得，大癲！冬蔭功鍋湯頭超濃，鮮辣酸甜，椰汁及香茅味突出，與狗毛酒吧午餐時段嘅冬蔭功湯麵味道如出一轍，好好味；麻辣鴨血鍋都幾濃，但大辣級別只達譚仔中辣左右……已經額外加辣加到好油，再加辣就太油膩了，但普通人食應該足夠，底料都幾香辣惹味。麻辣鴨血及蜂巢豆腐 (免費無限追加): 三大優惠最後仲可以免費任食麻辣鴨血及蜂巢豆腐，抵到唔識講！鴨血香滑，質感爽實唔會一夾就散，而且幾香麻辣味（唔會太辣）；蜂巢豆腐口感綿密細膩，吸曬湯汁超Juicy惹味，膩唔膩就視乎你揀咩湯底啦。手切本地牛 ($268/小份): 塊塊幾厚

餐廳好大，座位闊落，坐得舒服，就算多人都唔會特別迫，而且多人黎仲可以book房，夠哂私隱度呀。依家做緊優惠，只要follow店舖IG就可以送湯底,仲有6款選擇添。而且仲有麻辣鴨血同蜂巢豆腐任添呀。自助醬油區乾淨企理，仲有檸檬水添飲。湯底揀左冬陰功湯拼胡椒豬肚湯。冬陰功湯底唔會好辣，酸味唔錯，蜂巢豆腐吸哂冬陰功湯，超正。胡椒豬肚湯好足料，大大舊豬骨，男待應仲好細心，遞上飲管，方便食豬骨內嘅精髓。海鮮拼盤真心推介，有5種海鮮，擺盤精緻，又夠新鮮。蟶子好大隻，又鮮味鮑魚花，方便又易熟大蜆脹卜卜，肥美飽滿手打墨魚滑爽口彈牙，男待應仲主動幫忙放入火鍋，態度友善。珊瑚蚌半份份量啱啱好，爽口。餐廳除左主打火鍋外，仲有泰菜，叫了燒露荀串和燒雞皮串，味道唔錯，香脆可口 。但我地都相當飽了，還有很多其他款式泰菜，要留待下次再試了。不得不讚一下，男侍應態度友善細心，主動加湯換碟，服務一流，令今餐晚餐感到賓至如歸。

佔地面積夠晒大 而且有VIP房可以唱埋K成個間隔設計大方得體 空間感十分充足環境設施都keep得幾好店員都好留意顧客嘅反應 以及上菜 收碟速度非常快Follow 『The Hair of the Dog』 社交平台 並且share post可以送湯底 鴛鴦鍋都得 咁就慳咗$148雙拼火鍋湯底古法沙嗲湯 ＋ 冬陰功湯服務高質 食物同樣屬於上品叫左份 中SIZE美國精選封門柳 $238肉味濃郁 10秒之內夾上嚟食嫩滑無比 鮮海蝦 彈牙大大隻 厚切沙巴龍躉 泰式一口牛柳 鐵板形式上 兩串青花椒 麻香惹味另外一份海鮮炒飯 超大份 有魷魚 有蟹柳 有鮮蝦蔬菜系列 首先揀咗用咩形式去煮 然後揀菜嘅款式摸住大肚腩離開 食到超飽

平日打邊爐好少會去單點嘅鋪頭驚胃口太大會破產比起放題原來單點鋪嘅食材的確高質唔少侍應哥哥超級好服務又好笑容一坐低就話follow 社交平台送湯底又話任食鴨血同蜂巢豆腐🥹收工去食令人特別開心湯底揀左古法沙嗲湯拼胡椒豬肚湯鍋胡椒豬肚湯會食到唔少配料成條豬骨咁上，豬骨髓仲可以攞飲管吸😂好足料牛肩胛肉相對封門柳口感比較扎實，厚實但又帶軟嫩我地落完牛唔記得撈返上黎都唔會硬到橡筋咁，牛味好濃而且加上自己揀嘅調味料勁好食推薦XO醬，非常香口美國精選封門柳更加唔洗講肉質有幾鬆軟個人認為呢隻淥一淥，粉紅色就已經可以擺入口口感一流炸魚皮魚皮好值得表揚脆口，擺足1個鐘都仲係好脆半份已經好大份，夠兩個人食有突新竹米粉有個網篩俾食客裝住淥，覺得幾貼心米粉都係10秒左右就食得，已經吸曬湯底嘅精華凍龍眼蜜同罐裝飲品相比更鍾意呢種一大壺龍眼好甜好解渴甜品仲有楊枝甘露！推薦一大班人黎食！因為兩個人打完邊爐已經無胃試佢地嘅泰國菜

這間位於地牢嘅餐廳一入門口就很有氣派，地方好大裝修豪華有格調，是一間可以唱K嘅火鍋店，大約有八間獨立VIP房間可預訂作打邊爐和唱K,而大堂有很多卡位，卡位特別大坐得好舒服。👍💯這間火鍋店除了打邊爐🫕唱K🎤外仲有泰菜選擇好特別。😍凡follow餐廳IG post可享6款火鍋湯底免費，全日火鍋免費任添麻辣鴨血或蜂巢豆腐，晚上十點前Sapporo 生啤買一送一，超抵！👍💯💯💯💯💯💯免費火鍋湯底有：胡椒豬肚湯鍋、冬陰功湯鍋、蕃茄薯仔濃湯鍋、麻辣鴨血鍋、皮蛋芫茜湯鍋和沙嗲湯鍋，單拼或鴛鴦都得。既然這間火鍋店有泰菜供應我哋就點了胡椒豬肚湯鍋和冬陰功湯鍋試一試。😋胡椒豬肚湯鍋超多餸，有好多豬肚、酸菜、豬骨一嚿，胡椒味濃飲了一碗味道相當惹味，豬骨大大嚿骨髓可用吸管吸食超正。🤤💯😍冬陰功有好多草菇和車厘茄🍅，飲落酸甜辣椰汁味不是太濃，飲完好開胃。😋😍💯麻辣鴨血作為前菜，食落不是太辣質感軟淋唔硬，蜂巢豆腐吸收了胡椒豬肚湯和冬陰功湯的味道，食落超正，我們都order了三次。🤤😋😍👍💯手切本地牛🐮（中）$268牛肉🐮份量很多，厚薄適中肉質嫩滑很有牛味。👍💯其他配料：雞子$58、桂花蚌$68、鮮鮑魚仔2隻$3

最近有朋友同我講尖沙咀開咗間新嘅火鍋店幾好，今日咁啱同朋友一齊嚟尖沙咀食嘢就順便試吓呢間新餐廳！環境都非常唔錯，座位好闊落，而且好舒服。中間有一個好大嘅調味料自助吧，另外仲有好多卡位甚至係包廂比唔同嘅聚會～最近仲做緊優惠，喺社交平台度follow佢哋嘅Account就可以有免費湯底，仲可以揀鴛鴦鍋！我哋就揀咗麻辣鴨血鍋，同埋胡椒豬肚鍋做鴛鴦鍋。麻辣湯麻辣味都幾出！越食越辣好惹味～另外胡椒豬肚湯就有好多豬肚！另外呢度嘅食物係散叫嘅，不過價錢都唔會話好貴，而且有啲份量太大嘅可以嗌半份，就算兩三個朋友嚟都可以試到唔同嘅嘢食～手切本地牛份量都幾多，而且牛肉望落去都好新鮮，食落都好有牛味又唔會韌～ 特級毛肚香港唔係好多火鍋店有毛肚！呢度嘅毛肚都幾新鮮，用麻辣湯底煮熟就最夾！食落口好爽脆。鮮鵝腸（半份）搬份嚟講都有啲多lol 鵝腸都洗得好乾淨，食落口好爽甜。桂花蚌（半份）桂花蚌都好推介，大隻又爽甜。冰菜個人好喜歡食冰菜，就算自己去街市都唔係成日買到嚟食，呢度嗌一份冰菜份量真係好抵！而且菜都好新鮮。鮮鮑魚仔同鮮海蝦（半份）值得一讚呢度嘅海鮮都係幾新鮮，鮑魚同海蝦食落口就會感受到嗰種鮮甜味，而且肉質都

呢間餐廳打邊爐好正，大蜆海鮮鍋真係不得了，蜆好大隻，份量好多，湯底好清甜，蜆肉鮮甜。🌊我地叫咗好多配料，首先上枱嘅係美國精選封門柳，非常鮮嫩多汁，入口嗰陣好似會溶化咁，牛肉本身有啲微微嘅油脂，但唔會過膩，食落口感一流，充滿肉味。🥩再黎就係黑豚肉片，色澤靚麗，油花分佈均勻，肉味濃郁，肉質比較紮實，煮過之後，肉片依然保持住佢應有嘅鮮嫩。🐖沙巴龍躉真係非常推薦，呢條沙巴龍躉魚肉厚實，肉質結實而彈牙，每一啖魚肉都充滿住鮮甜味道，肉質夠結實，唔會輕易散開，煮幾耐都依然保持住佢嘅彈牙感，龍躉魚肉吸收咗湯底嘅精華，真係冇得輸。🐟最後，脆鯇腩肉質細緻，帶有微微嘅脂肪，最特別係佢嘅脆口感，非常適合打邊爐。🐠

正直係寶勒巷地鋪，地點十分方便，環境裝修別緻，大部分都係梳化位，仲有獨立房間可預定餐廳現時做優惠，只需Follow and share IG 即可免費湯底，雙拼湯底亦可!!超級抵食店鋪有多款配料，亦有各類泰式食物，絕對適合心大心細之人，一間餐廳可滿足你多種菜式所有配料都可點半份或一份，今次只得2個人食，所有都只點了半份，但也十分夠飽🥢胡椒豬肚湯拼蕃茄薯仔濃湯胡椒豬肚湯帶有濃厚的胡椒香氣和豬肚的鮮美，而蕃茄薯仔濃湯則帶來清甜的蕃茄味和濃稠的口感🥢刀貝蜆新鮮大隻，有半個手掌大，蜆肉香甜多汁，沒有沙，十分鮮味🥢脆鯇片魚肉鮮甜，帶有香脆的口感，切的厚度適中，有咬口🥢鮮海蝦新鮮彈牙，肉質細緻，與蕃茄湯或豬骨湯亦一樣相配，能帶出鮮甜的味道🥢手打牛肉丸肉質鮮嫩多汁，嚼勁十足，帶有微微的彈牙感，口感細膩🥢自家鮮蝦雲吞鮮蝦雲吞外皮Q彈內餡鮮美，有完整一隻鮮蝦，用料十足🥢台灣蘭花乾串還有台式配料，一大驚喜，乾串吸滿湯汁後十分惹味，亦沒有任何油膩感🥢燒牛肉串泰國的各類食物選擇亦非常多，是次試了燒牛肉串，肉質鮮嫩多汁，外層的醬汁帶甜，十分可口🥢龍眼蜜邊爐好配搭，清甜下火，甜度剛好，龍眼肉份量多，飲完亦可食果肉

係尖東行過見到呢間打邊爐做緊開張活動，有好多湯底選擇，而且環境好高級，決定入去試下係店員推薦下揀左野生菌老雞湯底，比較特別係香港其他打邊爐無試過。湯底應該係新鮮製作，需要等待15mins左右。店員幫我地一邊落野菌和雞肉，一邊介紹啲野菌係係雲南運過黎。並且教我地野菌淥嘅時間，令食材係最佳口感湯底煲熟後，第一啖一定要飲湯先。湯底非常鮮甜，飲得出係無任何味精，食材新鮮。絕對係清淡養生之選，雞肉好嫩滑，並且幾款野菌嘅口感都各不相同。配料我地揀左 🐮美國特級牛小排（中）比想像中大份，大約有3-4人份量。油脂分佈好靚，口感軟嫩，唔需要特別點醬都好食。另外叫左一份🐚大蜆，粒粒飽滿，無沙，好鮮甜，份量都好足夠總結，呢個價錢有咁嘅環境、食物質素、服務，係香港黎講絕對超值。餐枱好寬闊，圓檯設計有私隱度。好適合一般朋友一齊enjoy dinner，邊食好野邊敘舊