九五至尊火鍋狗毛

营业中

休息中

呢间餐厅打边炉好正，大蚬海鲜锅真系不得了，蚬好大只，份量好多，汤底好清甜，蚬肉鲜甜。🌊我地叫咗好多配料，首先上枱嘅系美国精选封门柳，非常鲜嫩多汁，入口𠮶阵好似会溶化咁，牛肉本身有啲微微嘅油脂，但唔会过腻，食落口感一流，充满肉味。🥩再黎就系黑豚肉片，色泽靓丽，油花分布均匀，肉味浓郁，肉质比较扎实，煮过之后，肉片依然保持住佢应有嘅鲜嫩。🐖沙巴龙趸真系非常推荐，呢条沙巴龙趸鱼肉厚实，肉质结实而弹牙，每一啖鱼肉都充满住鲜甜味道，肉质够结实，唔会轻易散开，煮几耐都依然保持住佢嘅弹牙感，龙趸鱼肉吸收咗汤底嘅精华，真系冇得输。🐟最后，脆鲩腩肉质细致，带有微微嘅脂肪，最特别系佢嘅脆口感，非常适合打边炉。🐠