九份茶舍 (已結業)

難得去開旺角就緊係要飲番杯珍珠奶茶，本身想食芋圓多d，不過由於有d 渴，都係揀左飲嘢小店位置喺行去旺角東條橋既底，不算太當眼，不過門口有Pepe 同芋圓大poster ，都唔太難揾既因為趕時間，相片較矇，大家將就下😂😂😂見到有一碗碗既芋圓同珍奶由於想試下佢個烏龍珍奶掂唔掂，所以揀左依個配地瓜珍珠，店員收我23元大杯，心諗，點解咁平！？😅原來。。。。😂多謝店員！買完拎埋嘢飲先記得唔記得加最著名既芋圓😞😞😞話說我飲依杯嘢係幾個字之後，正常d冰溶左，會好淡。。。點知我飲既時候仲有淡淡茶香好surprise ,個地瓜珍珠好彈牙，甜甜地，好食！下次要再試下芋圓！其實佢個位都方便嫁，又幾好飲又唔貴，唔好飲x茶，行前小小幫襯下小店再行住睇金魚喇😂

在云云的台式茶飲店中，最近在網上平台認識了這間位置旺角連接Moko Mall天橋下的九份茶舍。茶飲店的店面不大，不時有食客排隊等候，挺受歡迎的～除了飲品以外，有別於其他茶飲店，九份茶舍也有芋圓甜品，芋圓全部自家手功製作，可見十分用心。【古早味黃金珍珠奶茶】平常一船的珍珠基本上都沒有味道，只有煙靭的口感。但地瓜珍珠就更有特色，仔細品嘗可以吃得出地瓜的香味，口感更像芋圓，不會頂胃。而且茶味香濃，值得加獎的是飲品的甜度更適合香港人，即使沒有特別要求甜度，飲品也不會過分甜膩～

身為芋圓迷一直都會周圍試吓唔同嘅芋圓有啲講到好好食但試過又麻麻地！食九份茶社係因為比pepe吸引入去之前成日經過以為只係飲品店，個人對台式奶茶唔會特別有好感所以一直都冇食但有一晚食完晚飯經過見到鋪頭好多pepe 所以吸引左入去全部都係Pepe最後我叫咗一個三色仙草芋圓外賣，因為時間太夜店員話冇咗紫薯芋圓，但個人覺得芋圓三隻味我都唔係覺得分別好大店員吩咐如果唔係即刻食都唔可以放雪櫃！芋圓都算煙韌，仙草我個人覺得好好食紅豆好甜好甜好甜（我覺得）如果下次再食我會走紅豆因為芋圓本身已經加入糖水再加埋紅豆就太甜，不過呢個每個人口味唔一樣

喺我十五十六，心大心細唔知飲咩嘅時候，收銀員主動提出建議，珍珠轉成小芋圓果然更合我心意。好早期已經得知”九份茶舍”係黃店，已經幫襯過葵芳店，原來旺角都有分店。凡穿黑衫者-$5【黑糖瀑布珍珠鮮奶$29】濃厚嘅黑糖配上鮮奶，加埋煙韌Q彈嘅小芋圓，又平又好飲，大家要多多支持。

今日行去旺角，想幫襯一d唔係連鎖式既飲品店，但就唔想飲野，想食下台式糖水，見佢又有賣西米芋圓糖水，心諗差極有個譜，咁普通既糖水，叫左外賣，返到屋企諗住慢慢嘆，食左一啖，吐番出黎，超級難食，d西米椰汁，難食到得甜味，冇椰汁味，芋圓咁普通既野竟然可以咁難食，真係好少有，一d都唔烟硬，成碗野食左一啖掉左，相都唔記得影。唔明點解仲有咁多人讚好食？真係為讚而讚？定係未食過糖水？未食過椰汁？未食過芋圓？？？？？仲要賣$37,送都唔會再食

平時真係好少飲手搖飲品，今次破例！九份位置方便，就係旺角新世紀一落黎對面，招牌頗大，一過去就見到！企係度諗咗好耐，都唔知飲咩好，掙扎緊仙草定珍珠！店員即刻，兩溝咪得囉！得咗！珍珠仙草古早味奶茶 （少甜走冰）：九份d茶底較淡，唔會飲飲下覺得好漏唔想飲！仙草好味，珍珠就偏淋，份量十足！咁大杯，都只係廿鬆d杯，有咩理由唔幫襯！依家珍珠奶茶店開到成行成市，若話味道，其實間間大同小異，咁不如搵間睇得順眼，想幫襯嘅黎幫襯！😏😏

老闆：「香港人，加油」叫左杯珍珠奶茶減五蚊好抵🤭店內仲播放「願榮光歸香港」Btw 叫中杯其實都好大杯幾好飲唯獨等真係耐左啲不過我知老細好忙好多人排隊小店要多多支持！

自從小茶堂結業後，一直搵唔返可以媲美得到嘅台式飲品店，但我今日搵到了 天氣有點悶焗，買了一杯水蜜桃四季春果茶(微甜少冰），一喝後清新微澀的茶底；如果平時其他店飲微甜，來到這裡宜選半糖，這裡真的做微糖給你👍👍隔天也試了烏龍珍珠鮮奶茶，坦白說珍珠偏冧，有黑糖味（但不是滿滿的黑糖味），但奶茶是有香濃的烏龍茶底香味，不會被奶蓋過。若你講究茶底，這間是不錯的選擇。下次要試這裡的芋圓，看別人購買是裝得滿滿的，很吸引

好好飲，啲料好好，服務態度好好，簡直係完美，呢啲良心企業應該多多支持，難得香港仲有呢啲咁有良心的企業，杯野真係好好飲，感受到一種人情味，呢啲係香港不可以缺少嘅精神

九份芋圓一向出名, 我都好中意食!!!所以每次經過都想試下~但每次都好多人就冇試, 今日趁人少少就試下雖然話想試芋圓但今次都係無試...試左奶蓋如果你唔中意食假既水果味,呢款唔岩你~個草莓奶蓋隻味唔太討好,有D似藥水味; 四季春茶就OK,有微微茶味,飲落舒服我相信其他的芝士奶蓋飲品應該就會無奇怪的藥水味因應6月至今的反送中, 舖頭都做緊"著黑衫減$5"的優惠, 但聽其他幫襯的人講, 其實唔著黑衫佢都有減, 可能係戴口罩都減?所以我杯草莓奶蓋四季春茶都係$21~衝住佢撐住香港!!!我下次都係會幫襯架!!!!下次就去食芋圓!!!

係太子行過見到好多人排隊買一間飲品店於是又去睇下有咩好食啦睇meun 原來唔止飲品 仲有芋圓食我叫左一個飲品 加一個芋圓拎返公司食我叫左回甘碳焙烏龍+黑糖珍珠佢原本係$18再加$5有黑糖珍珠但係講香港人加油/黑衫就可以減$5變左成杯都係$18 好抵飲呀茶加黑糖珍珠呢個組合唔錯無奶茶咁甜咁漏 但又有黑糖珍珠咬呢一杯茶味香濃珍珠黑糖味再多D會更好👍🏻另外叫左個椰汁西米三色芋圓芋圓好多 好煙un 唔會痴埋一舊椰味亦都好夠 好好味

天口熱 行經花園街口渴試支持下小店人唔多 好快就攞到野飲叫左半糖既水蜜桃四季春鮮果茶 幾好飲有茶味又唔澀 仲有大大塊甜橙😙 老板有heart 廿五蚊咁平仲要減五蚊👍🏻

窮遊香港-旺角掃街好去處.又講下一間支持香港人既小店如果著黑衣去會減$5用某團購買券仲抵 一間再講先講野食.⭐️四色仙草芋圓 （計下數用優惠 可平過$20）除左正常三色芋圓外 仲有特別既抹茶芋圓先講呢間既芋圓 比一般市面既大粒👍🏻但一樣做到軟熟既效果👍🏻而咬開都感覺到薯味😋表面有輕輕一層黑糖個人對呢間評分好高（🤦🏻‍♀️但店員賣哂 直接冇問我 換左蜜桃芋圓 黃色果粒 可能比較新煮 都軟熟 但偏硬小小 都幾香甜wo）.到講某團購優惠 叫外賣滿$40減$15或某團購買優惠券$80減$40（可睇圖）$90現金券 賣$75但唔夠$80要買多$5先平$40$150既現金券 賣$123 可平$40即係$83 就買到$150券計番點都勁抵 計下數啦.#九份茶舍 (旺角)地址：旺角弼街84號地下A號舖.⭐️評分：味道：4.5/5環境：-/5服務：-/5抵食：4.5/5.‼️想睇更多資訊‼️openrice： 歡歡增肥之旅

又係一間主打台式甜品同飲品既舖頭，一向中意食甜品配肥仔水既我就緊係即係去試下。由於係新開張，做緊免費送黑糖爆谷優惠，有著數唔執輸即刻睇叫咩野食先！（嗱嗱利申我唔知做到幾時架）叫左一碗芋圓同朋友share～ 幾大碗大件夾抵食,味道都唔錯好有咬口！朋友係芋圓既瘋狂粉絲!另外參加咗THE GULU App既宣傳活動，響App入面用DBS優惠碼 (DBS492103 )買現金套券，每次可以慳到$20！

#cassiegomk-今日天氣又焗又熱，撞岩係太子有活動，跑緊去場地嘅時候流哂汗，所以一轉角見到依間台式飲品店就即刻買左杯黑糖珍珠鮮奶中杯($26)。☺️-第一啖飲落去其實唔錯，黑糖溝鮮奶真係奶好飲，糖度適中，唔會太甜。雖然無得走冰，不過都可以少冰。我自己都係比較鍾情於珍煮丹，可以叫走冰或者熱飲！🤩-飲到後面就發現啲珍珠唔掂，一咬落去勁淋，無咬口都無黑糖味，去到最尾，我係後尾我放棄哂啲珍珠，真係食唔落！😭-味道評分▶️🌕🌕🌑🌑🌑 (2)抵食評分▶️🌕🌕🌑🌑🌑 (2)回購評分▶️🌕🌑🌑🌑🌑 (1)-➡️九份茶舍 (旺角)📍旺角弼街84號地下A號舖-IG: cassiecwy/ cassiegetfat