九町屋

营业中

休息中

九龍灣果頭食野一向都係以貴命名，有時想食平啲啲選擇都唔多🥺果日無意中發現得寶商場新開咗間性價比唔錯嘅日式餐廳，人均HK$100就可以試齊壽喜鍋、拉麵等，見咁抵就即刻約埋frd子去試下啦😌🍲牛肉壽喜鍋 (轉配烏冬)麻雀雖小但五臟俱全，以HK$78呢個價錢就有齊牛肉、娃娃菜、金菇、冬菇、粉絲等，可以話係相當足料💁🏻‍♀️湯底食落甜甜地，好容易入口，每條烏冬都吸哂啲湯汁，我哋係連啲湯都飲哂lol🤣🍜醬燒雞扒拉麵有豬骨湯同地獄湯底兩款揀，因為怕出到嚟太辣食唔到就order咗豬骨湯，但拉麵湯底略淡味，不過不失🙂雞扒反而有驚喜，佢係燒得好入味，但又唔會太濃，剛剛好～🍢雞軟骨小丸子串醬汁調得岩岩好，食落脆卜卜，加埋木魚絲層次感即刻豐富咗好多，呢個推👍🏻🥟炸餃子餃子皮相當較厚，比較有咬口，但又唔會話炸到好乾，一咬開粒餃子係有肉汁噴出嚟，jengss🤤～

芝麻蝦多士（配威士忌汁）🙌🏻🙌🏻🙌🏻即炸所以會耐少少先上菜，芝麻好香口，咬落好脆。個汁味道幾特別，會想不停點黎食。荔枝煙肉卷荔枝幾甜，煙肉鹹鹹地，一鹹一甜啱啱好。雞軟骨串辣辣地，燒得幾脆。鹽燒牛舌牛舌好嫩滑，燒得剛剛好，黑椒同鹽做調味都好夠。餃子拉麵餃子炸左，外脆內軟。拉麵有糖心蛋，配埋海帶增添風味。葡萄梳打跟拉麵加$15就有飲落去好似日本UHA味覺糖提子味，好好飲而且好大杯好抵飲！原來呢間餐廳喺北角搬過嚟，門口隻狸貓好得意。

餸份量偏少但係白飯超級多😂味道一般 唔會encore***🥢溫泉蛋雞扒飯 $53一碗丼得三塊小小小嘅雞扒份量未免太少了吧😂醬汁酸酸甜甜我食左一啖覺得不錯 不過如果要成碗食嘅話應該會太濃***🥢九町屋咖啡(凍) 跟餐+$10呢杯就好抵飲超級大杯起碼係平常嘅2倍🤣***🥢芥末脆魚柳 $36魚柳點芥末醬意外地夾中和左油膩感***🥢牛肉壽喜鍋 $68牛肉一般菜都一般😂可能因為係我冇咁鐘意嘅黃芽白而且葉嘅部份少😗尤其是呢幾日食左好多餐壽喜燒有比較之下心目中嘅評分更加低😗

喺九龍灣呢頭食晏晝 唔一定要去工廠區嘅樓上餐廳先搵到隱世美食✌🏻 呢日我就嚟咗得寶商場搵到呢間lunch性價比幾高嘅日式餐廳😌牛肉壽喜鍋壽喜燒一大鍋咁上檯🍲 入面有好多片牛肉 仲有娃娃菜 金菇 紅蘿蔔 粉絲 真係非常豐富☺️ 壽喜燒仲跟一個飯 我就喺個壽喜鍋一嚟到就𢳂起面頭隻蛋撈飯食 好彩揀咗少飯 唔係一定食唔晒🙈辛味軟殼蟹煎飯 咖喱汁對煎飯係咩口感非常好奇 所以就叫咗嚟試吓佢😂 煎飯面有少少煎香 食落有少少似飯焦嘅口感🍚 入面就好軟熟 食得出係日本米 軟殼蟹就炸得好脆 都算幾多肉吓 特別要提吓餐廳用辣蟹籽醬畫咗個樣出嚟 真係睇見都覺得賞心悅目🥰芥末脆魚柳呢個係額外附上wasabi汁🤪 個炸魚柳有成五大塊 炸漿薄薄一層 咬入口魚肉仲好嫩滑 點埋芥埋沙律醬就更正 本身以為會係冷藏嘅嗰啲炸魚柳手指 冇諗過竟然唔係 所以覺得好驚喜🤩飲品兩杯凍飲都非常大杯 好適合夏天消暑 叫咗芒果綠茶同九町屋咖啡 特別覺得咖啡嘅咖啡味同奶嘅比例唔錯 又唔會好甜🧋可能餐廳仲係新開 所以平日lunch time都未有太多人 但係佢值得更多啊 趁佢仲係隱世小店 就要過嚟支持吓啦😄

最近去左九町屋，呢間以日式料理聞名的餐廳，令我印象深刻。入面有好多美味的菜式可以揀，其中我最推薦ge系炸芝士、炸雞拉麵和炸軟殼蟹飯。中意芝士既人，炸芝士絕對必點！芝士的外層酥脆，內部濕潤融化，會拉絲，仲有兩種芝士，每一口都讓人愛不釋口。搭配上店家特製的威士忌醬料，好食！他們的炸雞外皮酥脆，內部嫩滑多汁，啖啖肉！與烏冬的配搭相得益彰。配料豐富且份量十足。這絕對是一碗讓人口中回味無窮的美味拉麵。除了以上兩道菜，我也強烈推薦炸軟殼蟹飯。軟殼蟹外脆內嫩，勁多蟹黃！絕對是海鮮愛好者的最佳選擇！加上餐廳自家烹調的特製醬汁，讓整道菜變得更加美味可口。除了菜色令人驚豔外，九町屋的價錢也相當實惠。性價比相當高。餐廳的環境舒適，裝潢充滿日式風味，擁有很好的用餐氛圍。工作人員態度友善，待客熱情有加。不僅在點餐過程中有熱心的建議，還能即時回應客人的需求。他們對待客人的態度絕對值得稱讚。

無意發現喺得寶商場新開有間隱世餐廳抵食又價錢親民個芝士波簡直令我出乎意料之外 配埋他他醬 味道好夾好多芝士兼且外脆內暖 點左個京都原味奶茶同沖繩黑糖奶茶🧋本身飲品我都冇乜太大期望飲落去之後直情想嗌多一杯外賣 勁好飲而且好大杯$54蚊豚肉地獄烏冬同$56炸豬扒拉麵🍜真係超水準👍🏻我仲飲埋地獄個湯底仲有唔好睇少果半隻溏心蛋你食落去之後都好想再另外嗌多一隻😋炸豬扒一定要試 炸得好鬆化 咬落去粉唔會太厚味道適中口感一流 一定會再去幫襯環境坐得舒適地方整潔😌😌

得寶有新餐廳，仲要係日式野😍打風前夕我地過黎食個飯😙▫️牛肉壽喜燒 ($68) +$10烏冬滿滿牛肉片，份量唔少，仲有生蛋、娃娃菜，壽喜燒湯底甜甜地，加烏冬食好正！▫️咖喱吉列蝦飯 ($55)係日式辛口咖喱，少少辣，好香口。吉列蝦炸得好爽脆，成個飯好好食！▫️荔枝煙肉卷 ($22)荔枝大大粒，煙肉包住，食落好juicy。▫️鹽燒三文魚腩 ($39)鹽燒味略嫌唔夠，但三文魚腩油脂香重，點上附有既醬汁會更好食。整體而言，我覺得食物性價比高，味道好，值得回訪！