影片
电话号码
25559965
营业时间
星期一至日
11:00 - 15:30
18:00 - 02:00
以上资料只供参考，请与餐厅确认详情
講起九記，香港仔人都會識，呢排抗疫疲勞，日日係屋企自己煮好悶，要食返啲好嘢平衡下心理，諗住打電話去落單，先知原來佢地因為香港仔熟食中心翻新，搬左去漁光街街市熟食中心1樓，師傅原班人馬，小菜仍然保留水準，咁有鑊氣，好正!
继续阅读
過開嚟呢邊玩同幾個朋友一齊嚟食大排檔。以大排檔環境來講算係咁，衛生程度可以。我哋未夠七點就已經坐低，嗰陣時計埋我哋得兩台客。我哋叫咗六個小菜，然後等咗20分鐘先上第一個菜，中途見佢係咁出餐原來係做外賣，之後陸陸續續全場坐滿，大家都嗌咗嘢食，但係平均都等半個鐘頭以上先得到一碟，之後就同隔離左右枱你眼望我眼...最後我用咗一個鐘頭多啲，幾經辛苦等到三碟，真係肚餓極了，唔想再等落去，唯有好聲好氣同啲職員講話要取消，佢同我出張單嘅時候先同我講：冇東風螺wor!!!!乜料啊，冇材料唔係問題，問題係個幾鐘之後都未發現，到我話要埋單走先佢先問吓入邊炒咗未，先發現連材料都冇呀！真係等到頸都長埋，最後一行五人去買KFC返屋企食🙈其實佢價錢都唔平，比得呢個價錢會有更好嘅選擇，呢間野不可一不可再！可能住附近嘅街坊真係好等得。
继续阅读
吃貨老娘好愛食大排擋，以前係街邊的風味隨住搬上樓或入熟食中心都無哂前排朋友生日去左香港仔九記，老字號但第一次食，有驚喜喎我們一大台有老有幼，但佢的食物唔會過油過咸，食完唔會想狂飲水服務人員態度很隨和，友善，有種在家feel當日食左好多味送但無全影，最愛佢個清湯牛腩煲，啲牛腩望落唔似咁林咁入味但事實卻是如此，我們清哂囉，啲蘿蔔絕對係精髓！識食一定食蘿蔔🤫🤫🤫蒸扇貝火喉剛好，蒜香伴粉絲，可以送飯蒸鱔又係另一水準之作！不過夏天去就會熱一點，但佢地都有好多大風扇，怕熱可以自備風扇仔自吹🤗
继续阅读
尋晚約左朋友食晚飯，專登由鴨脷洲坐船去香港仔，順道欣賞下晚上嘅海景，行逛香港仔後發覺多數食肆都係連鎖店，冇乜興趣，好彩行行下見到香港仔市政大廈，心想上面一定有熟食中心，就即興上去搵下好嘢食晚上原來只有兩個排檔營業，兩間都係食小菜，而九記就有埋泰國菜揀，就一於試下呢間啦！坐低後老闆都幾熱情招呼，由於得兩個人食飯而且我朋友唔太鍾意海鮮，我地就聽老闆提議叫椒鹽豬排🥩，再加避風塘茄子🍆，另外叫左個椰青🥥同一枝大啤酒🍻首先嚟左碟椒鹽豬排，一睇已經覺得好惹味，鑊氣十足，食落啖啖肉，送飯係一流，唔經唔覺我地清晒成碟跟住輪到避風塘茄子，份量十足好有睇頭，茄子外層嘅炸粉非常香脆，配上辣椒🌶️等配料完全豐富味蕾，又香辣又夠鑊氣，真係食到lam lam脷由於兩碟菜式都比較重口味，我地點嘅椰青同啤酒就正好中和一下，飲落去好清涼暢快，椰青味好足夠，仲可以食埋椰子肉，好似突然飛左去泰國咁呢餐飯好有排檔風味，尋晚咁啱有班後生仔嚟食，開晒啤酒好熱鬧，令我諗返起大學時去大排檔食宵夜嘅時光。美中不足嘅係兩個人試唔到太多菜式，有機會一定要叫成班人嚟食，以食物質素嚟講，埋單$220我覺得超抵食
继续阅读
心血來潮，又想避避公司的麻煩事，這一個中午，我選擇到香港仔行一行，吃一吃。在香港仔的市中心下了巴士，我又沒有什麼特別指定要到的地點，於是在街隨意找。然而，當我走到香港仔街市旁，得知有一個熟食中心，對這些熟食中心大排檔極感與趣的我，決定上來看一看。在繞場一周之後，我決定在這一家名字叫《九記》的飯店坐下來，來一碟飯，一支啤酒。一碟飯，一支啤酒，這絕對是工友的最佳午餐，再加上在大排檔吹風扇的環境下，啤酒，的確是一個最佳飲料。在此，說回香港仔街市熟食中心這一個場地，其地方不是大的，但有足夠的人流，也有足夠的美食檔口。啤酒不評了，我就直接要了一個只會在這些夠鑊氣的大排檔、中菜館才做得好味的洋蔥豬扒飯。同一般茶仔的不同，這兒的洋蔥豬扒會煎炒到個汁粘上豬扒上，入口香甜，亦帶點脆，再以那酸一點甜多點的汁來送飯，可真是一流。在此，我可以說，男人的浪漫，豈止豆腐火腩飯一樣野吖。好味好鑀氣，中午的一個飯仔已經咁好，晚上的港鮮小炒，相信會更有水準。
继续阅读