九運來粉麵世家 (已結業)

餐廳：九運來粉麵世家 (尖沙咀)地址：尖沙咀厚福街11A號地舖其實香港都真喺幾多港式粉麵店，馳名嘅魚蛋粉、牛雜麵，呢啲香港人至愛嘅美食基本上每條大街小巷都見到佢哋嘅蹤影😎。尖沙咀呢間九運來粉麵世家，開咗接近兩個月就已經喺銅鑼灣再逆市開第2分店🎊，果然港式粉麵店喺香港人心目中嘅地位一直都咁高😌餐廳食物選擇都幾多，淨喺粉麵都有30款，仲未計各式飯類、常餐、三文治餐等，而且價錢相當實惠🤑，就好似最平一碗雲吞河都喺$35，更重要嘅喺份量超多，無論喺粉麵定餸菜都多到無人有👍，難怪吸引咗咁多人嚟幫襯✝️招牌雙沙河 $67招牌必食嘅崩砂腩同牛沙瓜🐮，前者喺牛隻極品橫隔筋膜，痴住少少腩肉，肥瘦均勻，軟腍得嚟牛肉脂香味突出😋；牛沙瓜喺牛嘅第4個胃，一邊較平滑而另一邊有摺紋，食落粉嫩得嚟較為爽口，有韌度要咬多一陣先咬得開，加上清洗得幾乾淨無腥味，值得一試👏✝️五香牛脷米線 $42呢度可以任你雙併自己鍾意食嘅餸，牛脷之外加多咗個墨鬚(+$10)，牛脷獨特嘅香味加上爽嫩嘅煙韌口感令人食唔停口😆；切開細細條嘅墨鬚新鮮彈牙，加埋本身嘅五香汁辣辣哋幾惹味🌶️另外散叫咗個手打牛丸($37)同郊外油菜($20)，牛丸有6粒，

【一碗老竇會鍾意食牛腩麵🐮尖沙咀港式粉麵店🍜九運來粉麵世家】-一個人係尖沙咀搵食😌經過厚福街見到間港式粉麵店幾好生意🙂‍↕️於是就入去食咗碗好耐冇食嘅牛腩麵！-😋招牌雙沙河🐮$67 以前細個老竇成日都會帶我去食牛腩麵🫡不過自從食開嗰間執咗同埋大個就冇再食啦～講返個牛腩河，小編嗌咗佢嘅招牌雙沙河🤩有牛瓜沙同崩沙腩😚啲牛肉堆滿成個碗份量超足料！沙瓜個樣睇落似豬肚，其實佢係牛第四個胃😛食落外皮爽口入面軟腍👍🏻崩沙腩同樣好正，一層橫膈膜連著腩肉，肥瘦剛好🙂‍↕️個湯都幾清甜，鍾意嘅話可以落啲辣椒油～好味指數：🌕🌕🌕🌕🌗-😋紅豆冰🫘跟餐$12跟餐嗌咗個紅豆冰🙂‍↕️啲紅豆香甜同埋煮得幾腍😗好味指數：🌕🌕🌕🌕🌑-😋油菜🥬碟油菜唔記得咗個價錢😂有得揀生菜同通菜，個腐乳醬鹹香十足，啲通菜都好翠綠🤣不過小編略嫌煮得太腍好味指數：🌕🌕🌕🌖🌑-雖然唔係好記得係咪細個食嗰隻味，但味道真心唔錯，有機會帶埋老竇嚟試吓🫡應該係佢會鍾意食牛腩麵😝-📍九運來粉麵世家 (尖沙咀)尖沙咀厚福街11A號地舖💸人均消費：$80

招牌八寶河🐮八寶河這道菜集合了牛腩、魚蛋、墨丸、貢丸和牛肚等多款食材，色彩繽紛，令人食指大動。牛腩煮至軟嫩，肉質鮮美，濃郁的湯汁充分滲透進肉裡，魚蛋彈牙有勁，墨丸的濃郁風味更是為整貢丸的肉香與牛肚的脆嫩，八寶河的口感豐富多樣食到好飽😀咖哩牛腩撈伊麵🍛牛腩撈伊麵咖哩與伊麵的搭配結合。港式茶記咖哩，牛腩在咖哩包裹下，味道較特別。伊麵的滑順口感，有小時候學生的味道😄炸墨丸🦑外層金黃酥脆，咬下去時，墨魚的鮮香瞬間散發開來，內裡的嫩滑，搭配上店內自製的醬料，非常好食

每次做完facial都會來這間食午餐❣️亦都好多遊客來吃🫢店鋪位於尖沙咀很方便，大家都是懂吃的寶寶👍🏻我就選了【招牌雙沙河】就是沙崩牛腩及牛沙瓜😋前者近乎入口即溶、肉質很腍，而後者即是牛的第四個胃部而口感爽口彈牙🙊很推薦大家點這款👍🏻小食方面即選【麻辣魷魚鬚】口感很爽脆，略嫌不夠麻辣🥹最後點一杯港式檸檬茶配搭一起吃，真是完美😍📍九運來粉麵世家地址: 尖沙咀厚福街11A號地舖電話: 23360288#尖沙咀 #九運來 #粉麵 #牛腩河 #招牌雙沙河 #麻辣魷魚鬚 #凍檸茶

銅鑼灣駱克道新開左一間性價比高的粉麵店🥢店內裝修光猛乾淨而且食物質素好好 選擇好多 每款都好吸引絕對值得一試👍🏻當日試咗秘製牛三寶河,牛肚河🐮有肥瘦均勻牛腩,爽口既牛肚,吸收哂湯底精華嘅牛筋 加上唔易斷嘅河粉 成碗份量都好足另外嗌咗碗淨雲吞 ,雲吞皮好薄入邊包住餡料好足鮮蝦好彈牙而且一碗入邊有好多粒 好抵食呀💯最後仲嗌咗個麻辣墨魚鬚🦑麻辣醬汁非常之惹味 辣得黎又帶麻 好香口而墨魚鬚亦都非常之彈牙有嚼勁

嚟咗呢間粉麵店諗住簡單快脆食個 late lunch 🤣$170「崩沙牛腩」：首先講吓份量，真係勁大碟，有超多「崩沙牛腩」，仲有好多生菜墊底，咁嘅價錢真係抵食😋；牛腩好好牛味，肥瘦適中，大約90%瘦肉10%脂肪，又炆煮得好軟熟，真係食得非常暢快兼滿足，我仲飲咗幾啖牛腩湯汁，味道勁濃郁🤣$20「郊外油菜」：油菜揀咗通菜，通菜新鮮，口感爽脆，沾埋腐乳醬一齊食簡單幾好味🤣加 $8「港式奶茶☕️（熱）」：熱辣辣，大大杯，夠香夠滑😋食得相當飽🤣，仲聽到好多枱都叫「崩沙牛腩」🤣

嚟到尖沙咀想平平哋食餐好，我就好推介以下呢一間粉麵舖！舖頭環境乾淨企理，食物種類多，而且價錢非常平，性價比爆燈啊！牛魔王 🐮$62一個牛魔王超足料，牛蒡、牛肺、金錢肚、牛筋、牛腩，而且每一款起碼有三舊以上，好似嗌咗個牛魔王淨餸咁呀！潮州魚蛋河🐟$35魚蛋河識食一定要加腩汁，建議大家加$14轉魚麵，佢哋嘅魚麵做得好足料，好似食緊啖啖魚蛋咁呀！酥炸魚皮 $20超級推介佢哋呢度嘅炸魚皮，非常脆卜卜，浸落湯直程會卡卡聲，而且份量好多$20抵食呀！炸魚片頭🍢$30炸魚片頭一碟有五件，外皮都算炸得香脆，當係加餸都唔錯！腐乳通菜🥬$20出去食飯想健康啲點少得叫返個菜～ 呢度嘅腐乳通菜整得好靚仔，份量兩個人share絕對冇問題！

今晚做完物理治療去搵食，見厚福街呢間牛腩粉全好評一定要試試佢.呢碗崩沙腩河，唔試真係走寶！講真，香港要搵到一碗真係正嘅崩沙腩河其實唔容易，但係呢間餐廳俾我嘅感覺係，好似行返去細個時同家人一齊食飯嗰種溫馨。呢碗崩沙腩河啲湯底真係有夠濃！第一啖入口已經感覺到嗰陣滲滿牛味嘅溫潤，飲完仲有少少甘甜嘅餘韻，正！而牛腩係重點，呢度嘅牛腩燉到又腍又入味，啲肉仲有啲膠質，入口即化，食完真係會令你想再黎多碗。河粉嘅口感都好值得講，佢夠爽滑，唔會過軟爛，吸滿晒湯底嘅味道，但又唔會搶走牛腩嘅風頭，真係配搭得啱啱好。呢碗河唔係話幾花巧，但係嗰種懷舊嘅味道，真係值得再返嚟試其他嘢。凍檸茶，茶底好濃，正常野，唔會被檸檬嘅酸味掩蓋。配牛腩河真係一流，唔會太heavy，平衡返牛腩嘅濃郁。總之，呢度嘅崩沙腩河真係食過返尋味，下次有機會黎會再試其他嘢！

📍 九運來粉麵世家 (尖沙咀)尖沙咀厚福街11A號地舖———————————————尖沙咀厚福街新開咗間粉麵店，有我最鍾意嘅牛腩河🤤 充滿港式風味～ 價錢仲要唔貴，真係行完街嚟醫肚嘅最佳選擇！招牌雙沙米(💰: 67 hkd)雙沙米有牛瓜沙同崩沙腩，我都係第一次食牛沙瓜，原來佢係牛嘅第四個胃，望落同食落都幾似豬肚，外面爽口裏面軟腍；崩沙腩方面都係我一大至愛，佢係牛嘅橫膈膜，肥瘦啱啱好，味道好香，而且好有咬口！招牌八寶河(💰: 62 hkd)另一必試就係八寶河，因為佢咩都有啲，啱晒我呢啲咩都想試吓嘅人😆 裏面包括咗牛腩、牛肚、牛筋、魚蛋、牛丸、貢丸、墨魚丸、魚皮餃，超鍾意佢嘅墨魚丸，好彈牙而且大大粒🤤 魚皮餃方面係餡多皮薄，幾唔錯～酥炸魚皮(💰: 20 hkd)$20已經有大大包，仲要有埋熱湯可以浸一浸佢嚟食，魚皮香脆可口，感覺好新鮮炸墨魚丸(💰: 30 hkd)極度推介炸墨魚丸！！除咗爽口彈牙，食落仲有粒粒嘅墨魚粒❤️整體評分 (6個🐽為滿分)味道：🐽🐽🐽🐽🐽🐽抵食：🐽🐽🐽🐽🐽🐽環境：🐽🐽🐽🐽服務：🐽🐽🐽🐽🐽🐾: 尖沙咀站B2出口步行4分鐘

我一向都係粉麵愛好者，一直都想發掘唔同嘅港式粉麵店。今日搵到一間性價比高，價錢合理嘅小店。最招牌就係崩沙腩，不過一定要早啲嚟，否則就會賣曬🙂‍↕️ 招牌雙沙粗麵 $67 難得嚟到梗係要食招牌😼 今日有牛坑腩+牛沙瓜，賣相比我預期中更精緻。湯底唔會太濃，但亦唔會淡如水。粗麵彈牙，層次分明。牛坑腩口感較軟，肉味較濃，而牛沙瓜煙韌，比較含蓄嘅味道！麻辣墨魚鬚 $52叫咗小辣，墨魚鬚係一口size，非常爽口，有少少辣味點綴，適合兩個人分享！

本身諗住堂食，突然有急事需要轉外賣，就同店員講，光頭阿叔店員不斷勁冇禮貌，叫我坐低坐低OK！我返到自己嘅位置等佢，但係佢並沒有對我作出任何回應及行為，咁我就行出去收銀示我埋咗單先OK嗎？佢都係不斷重複兩個字「坐低」，仲要係態度超級唔好，要求有啲咩五星級服務，但係基本禮貌要有掛？去過幾次都見到佢嘅態度係比較差，但唔係對住我，所以冇太大感覺，但係今次真係太冇禮貌，叫我坐低其實完全冇意思

放工約咗同個老友飲返幾杯。但係飲之前都要食咗正餐先。不嬲都知厚福街好多嘢食，我哋就過去行下，見到呢間新開冇耐嘅粉麵店就去試下。呢度最出名係崩沙腩，但好可惜我哋去到嘅時候已經冇晒，大家想試真係要下次趁早！店員推介我哋試吓牛坑腩，又即管試下。一碗都成5,6舊，而且真心好食，完全冇臊味，又唔會煮到好靭到食橡筋咁，但又唔會冧到一駝野咁，口感一流，果然無推介錯。而個河粉底都好唔錯，我至鐘意佢咁爽口又大碗。而另一款我哋試咗黃金片頭拼雲吞米粉，一碗有3大舊片頭3大大粒雲吞，CP值勁高！而雲吞都讓我喜出望外，勁多餡，皮又薄。碗米粉仲要勁大碗，最後尾都係食唔晒細食量嘅女仔可以考慮叫扣底。因為我鍾意食辣，我哋就試埋個麻辣魷魚鬚小食。算係涼拌小食，啱晒而家呢個天氣！估咁到一碟份量咁多，一座小山丘咁！魷魚鬚勁爽口，加上店家親調嘅麻辣汁好惹味，又唔會麻得制食到個人好辛苦，極度推介！加埋碟生菜，滿足！呢度坐得舒服，而且比好多粉面舖乾淨，每樣嘢都好大份量，回頭率好高！

間中都會心思思想食潮式牛腩粉麵，今日路過厚福街，見到有間啱啱新開張嘅「九運來粉麵世家」，遠遠傳來陣陣滷水香氣，真係隔住塊玻璃都聞到，就跟住味道入咗鋪頭🤣🤣▪️牛坑腩雲吞河 $ 63我夜晚七點去到已經冇哂崩沙腩，只能叫牛坑腩頂住檔先啦，當然係一樣好食，肥瘦適中有少少脂肪邊位，口感軟腍夠入味，充滿牛香，雲吞大大粒，裏面嘅餡料蝦肉爽口彈牙，豬肉新鮮，配上河粉，加上香醋和辣椒油就係我嘅心頭好▪️牛筋飯 $ 54男人的浪漫，點都係要食飯🤣，牛筋炆得超軟腍又入味，而且味道適中唔太鹹，滿滿骨膠原，牛筋醬汁，撈埋白飯一齊食，好滋味▪️炸魚片頭 $ 30魚片頭充滿魚香，口感好彈牙，換上泰式酸辣汁，香口又好味嘅小食最鍾意粉麵舖可以加錢就可以食菜、又有飲品，而且菜心仲超級大碟👍▪️蠔油菜心 + $ 12▪️凍檸茶 + $ 8▪️凍檸賓 + $ 12🏚️九運來粉麵世家 (尖沙咀)

尖沙咀要搵食當然一諗就係厚福街啦又比我發掘到一間新開張冇幾耐嘅食店見性價比幾高 睇落幾光猛又夠晒多卡位諗都唔洗諗 一於就呢度啦～見大大煲牛腩響度炆緊 咁就一定係招牌菜啦本身想食崩沙腩㗎 點知已經賣晒了😩✔️牛坑腩河 坑腩牛味濃郁，肥瘦相間 咬落腍中帶爽 肉嘅份量都好足 朋友表示滿意 ✔️秘製牛三寶米 牛三寶有齊三樣我最愛嘅部位 牛筋、牛腩、金錢肚 呢碗嘅牛腩相對地瘦 比較啱我口味 牛筋炆到好腍好入味 金錢肚有彈牙得嚟又唔會韌✔️麻辣黑魚鬚 灼墨魚鬚好考師傅技巧 要拿捏得好準確 煮得太耐又會韌 太少時間又驚生 呢度食落彈牙得嚟唔會老 個秘製麻辣醬好開胃 估唔到呢度唔係主打賣麻辣小食 但係個麻辣醬條配得好香口✔️腐乳通菜 跟餐加咗碟油菜 估唔到咁大碟 個腐乳醬超好食 仲要係多醬添呀 個通菜上檯時都好翠綠呢度嘅員工比人感覺好nice 值得讚揚！

做完Treatment到中午，又未食早餐，醒起有間新開嘅粉麵舖，就過嚟試吓。原來仲做緊$20一碗牛腩粉。入到去唔算多人，可能星期六中午時間，啲位任坐。天氣咁鬼熱，梗係有幾入坐幾入啦。本身諗住嗌小食，但係都係試吓佢咩料子先，所以嗌咗個牛腩河，落單嘅時候想叫杯凍檸茶，不過霸氣侍應就話一碗粉$20飲品正價。既然佢咁霸氣嘅話，我就唔飲啦。個牛腩河送到嚟嘅時候，其實都無咩要求。不過個賣相都幾特別，所以要影低佢，雖然$20 ，但係嗰份嘅份量都好多，本身都有諗過好唔好再嗌多碗粉，但係食咗一半已經飽飽地。啲牛腩都好好，唔係剩係得啲全瘦都有少少肥，試吓個湯底都清甜，如果食得辣嘅朋友，可以試吓埋佢個蒜蓉辣椒醬，唔係好辣，但係食到一半嘅時候再加埋落去又開胃咗。食碗粉就唔好諗住要啲咩服務質素，以食物嚟講，都係值得encore之選。試次用餐是全數自費的。