九運來粉麵世家 (已結業)

崩沙牛腩河🐮崩沙牛腩肉質鮮嫩多汁，入口即溶，河粉綿軟滑嫩，每一啖和濃郁的牛肉風味，令這道菜更加豐富和美味，崩沙牛腩河絕對是招牌菜😀招牌八寶麵🎁匯聚多種美味佳餚。麵條彈牙爽口，搭配豐富的八寶配料，包括魚蛋、墨丸、貢丸、牛肚、牛腩等，香氣四溢，讓人食指大動。這道八寶麵不僅口感豐富，湯底鮮美，食完很滿足😄麻辣墨魚鬚🦑墨魚鬚肉質鮮嫩，麻辣醬汁，每一口都讓人感受到麻辣的爽快墨魚鬚的鮮美。香氣撲鼻，爽口彈牙必食小食😍合理的價格，美味港式風情的粉麵，食物質素中上，價錢合理，附近街坊有口福了☺️

每次去尖沙咀，如果想食地道的車仔麵或粉麵，我經常會來食呢間位於厚福街內的九運來粉麵世家。性價比高，味道亦唔錯，係尖沙咀區難得的平民食店。🌟#招牌八寶河必試！一道結合了多種不同食材的綜合菜品，色香味俱全，十分受各位食客的歡迎。牛腩、牛肚、牛筋、魚蛋、牛丸、貢丸、墨魚丸、魚皮餃，各種食材排放在碗中，一目瞭然‼️看似普通的河粉菜式，但經過師傅細心調配，卻能展現出驚人的層次感。肉質軟嫩，粉麵吸飽湯汁，好好食。🌟#腐乳通菜新鮮通菜，爽脆口感，添上香醇可口的腐乳醬汁，濃郁的風味。作為一道清新爽口的配菜。整體食材都十分新鮮，用料足，睇得出用心烹飪，期待下次再來一探究竟，品嚐更多九運來獨有的粉麵魅力!

香港咁多間餐廳之中，我最鍾意食雲吞麵舖，因為佢哋嘅雲吞牛腩同湯麵都好好食。我特別喜歡佢哋嘅魚麵，今次喺九運來粉麵世家食到嘅魚麵真係非常彈牙好食，就好似食緊魚蛋咁好好食。而且佢嘅魚皇魚麵入面仲有魚餃，魚蛋等等唔同種類嘅魚，適合鍾意食魚蛋嘅人一定要試吓。然後我朋友叫咗一份豬手飯，佢哋嘅豬手非常軟糯，味道都好唔錯。食完兩碗煮食之後，當然要再叫返一份菜啦！佢哋嘅時菜可以揀生菜或者芥蘭，再配埋蠔油，真係超級正呀！九運來粉麵世家

厚福街食肆，多到可以話用琳𤨡滿目來形容🤣午餐時間又到，去食吓牛腩粉麵都唔錯😊—————-🐮招牌雙沙麵⋯⋯牛瓜沙、崩沙腩，炆得夠焾入味麵夠爽口😋——————-🐷南乳豬手米：豬手炆得剛剛好，南乳味適中，豬手彈牙好味😋—————-🐟炸魚片頭：香脆又爽又滑—————🦑炸墨魚丸：粒粒墨魚夠爽口————-🥬蠔油生菜：新鮮爽甜——————🥤凍檸茶：夏天最解渴的飲品😇——————簡簡單單又一餐.. 開心可以好簡單其實開心🥳簡單就在我身邊.食….拍…寫.. 已經成為我生活中的一部份鍾意食..鍾意拍.鍾意寫..留下美好回憶—————————#九運來粉麵世家

位於尖沙咀厚福街的港式牛腩粉麵店，主打各類湯粉麵、碟頭飯、淨食等等。環境寬敞，企理整潔。各式粉麵：魚皇魚麵魚麵麵條以魚肉製作而成，就是變成條狀的魚蛋口感，彈牙、堅挺。魚皇分別是魚蛋、魚皮餃及魚片，全部都是魚肉。湯底清淡，帶點麻油香。各式飯類：秘製牛三寶飯大大碟白飯，牛三寶分開另上，金錢肚爽彈牙；牛筋煙韌；牛腩多肉少肥膏，炆得很入味。拌著牛肉汁吃，非常下飯。特色小食：麻辣墨魚鬚墨魚鬚細細粒，每一粒都是一口份量，沾滿麻辣醬汁，口感爽滑煙韌，很惹味。各式淨食：郊外油菜通菜淋上厚厚的腐乳醬汁，最佳配搭。

尖沙咀新開了牛雜粉麵店，今日經過就試下佢。皇牌牛四寶河 $62呢碗河粉集合了牛坑腩，牛筋，牛舌，牛肚四種不同牛嘅部位，牛腩一啲都唔韌，質感軟嫩，河粉質感滑溜，正吖！牛筋炆得好淋好滑，牛肚索左個湯都好好食。 崩沙腩飯 $69崩沙腩都好高質，肥瘦均勻，加上腩汁，用嚟送飯都好開胃。淨鮮蝦雲吞 $37淨鮮蝦雲吞皮薄餡多，鮮蝦肉飽滿Q彈。 腐乳通菜通菜清脆爽口，帶有一些許腐乳的鹹香味,彷彿清新的開胃菜。 凍利賓納 凍奶茶食熱辣辣嘅粉麵當然要配返杯凍飲啦。凍利賓納在炎熱夏日好解渴，凍奶茶則香濃細膩，正！

早幾日係網上見到呢間新開既餐廳做緊優惠，琴日見行經尖沙咀所以特登去食～一去到我同朋友見門口冇人等位就諗住直接入去講2位，首先一入到去冇人理我地就算店員見到都唔會主動問我地幾多位，後尾我地直接同個店員講2位，佢就話要出去等未有位，執好位再叫我地，冇問題咁我地出去等～過左接近10分鐘我地係見有幾枱客都食完比錢走心諗有位啦應該執好叫我地，點知佢執好又唔叫我地已經好明顯咁企左係企口，頭先問我地果個店員見到都唔叫我地，我地心諗係咪忙所以再等一等，點知轉過頭有個客一位直接走入去坐左係最出面果張2人枱…我地呆晒咩事，就連坐最出面果枱客都知我地等緊都覺得奇怪冇叫我地入去🙄佢望住我 我都望住佢都唔知點算 最後我地嬲到走左唔鬼食😡我覺得真係離晒譜 邊有可能執好晒枱明知有人等都唔叫我地入去 我地咁大個人企係門口都唔記得？重點係有人入去坐低左都一樣照無理到我地 正常應該同佢講唔好意思出面有人等緊 真係離譜 呢種服務態度仲要餐廳新開張已經係咁 真係唔要得👿

呢間新開嘅粉麵舖，除咗牛腩之外，仲有好多特別部位，有崩沙腩、牛沙瓜及牛坑腩，啱哂一衆牛魔王😆而家新張期7月15號前嚟食仲好抵添🤑，有$20一碗牛腩粉添，於是吸引咗我哋入去😍🥢金錢牛肚米$42金錢肚爽口彈牙又入味， 無論係金錢肚抑或米粉嘅份量都唔少，大大碗🥢甘香牛筋米$42牛筋軟腍同時亦帶Q彈口感，夠哂入味，米粉量亦唔少🥢香茅雞翼$30新鮮炸起熱辣辣，看似好燶，其實係醬油色水，雞皮香脆，內裏雞肉juicy嫩滑🥢麻辣墨魚鬚(細)$52墨魚鬚口感Q彈，但絕不 韌口，味道鮮甜，配上惹味麻辣醬，超好味🥢油菜$20 通菜當然要配腐乳，最重要係呢度啲油菜唔會加好多油，啱哂我哋🥤檸茶+$8 茶味都幾夠濃店舖好多卡位，坐得舒服，冷氣足夠

行去尖沙咀見到有間牛腩粉麵好吸引好多人排隊充滿人氣我哋都排咗一陣隊入去試吓有咩特別 原來新張期內有個promote $20蚊一碗牛腩河真係成本價。而我地更想食一下店內人氣食品叫咗一碗崩沙腩河 崩沙腩味道香濃，肥瘦剛好食完齒頰留香 河粉好滑 湯底做得都好好而我貪心，叫做招牌八寶河 有牛腩 牛筋牛肚魚蛋牛丸墨丸魚皮餃等 份量十足 cp 值高 重叫咗碟最鍾意食嘅通菜作為 油菜 叫埋凍檸茶同熱檸茶添加埋都係$134飽到晚餐都唔使食啦九運來粉麵世家 (尖沙咀)尖沙咀厚福街11A號地舖#九運來粉麵世家#尖沙咀美食#粉麵#hkfoodblog #Hkblogger #hkfoodie

尖沙咀厚福街搵食，見新開的粉麵店，推介其崩沙腩，當然要試試。新餐廳光猛明亮，環境整潔。卡位寬敞舒適，傢俬都是新簇簇的。先來一碟腐乳通菜菜的份量很多，十分抵食；通菜新鮮爽脆，腐乳調味得宜，正！麻辣墨魚鬚墨魚鬚軟熟彈牙又鮮甜，麻辣醬開胃惹味。招牌雙沙河雙沙即是崩沙腩和牛沙瓜；崩沙腩口感軟腍，牛味香濃，頂級美味。牛沙瓜即是牛的第四個胃，爽口彈牙，味道鮮甜。吸收了腩汁的河粉，軟滑可口，百吃不厭。配合港式經典凍檸茶，透心涼感覺圓滿。

位於尖沙咀熱鬧地段經過見到就去試試，店面不算大但裝潢整潔明亮，繁忙時段需要搭枱，店內擺設簡單實用，充滿了懷舊的粉麵店風味，店員大叔態度主動熱情！一定要試的招牌牛腩牛雜河粉，湯頭腩汁濃郁香醇，牛腩軟嫩入味，牛雜也十分爽口，無異味，連平時不愛吃的牛蒡都覺得這家ok好味。另一道崩沙腩飯同樣美味，分量好多，腩肉軟嫩多汁，搭配柔軟的白飯，實在讓人胃口大開👍🏻再點了小食香茅雞翼五隻雞翼，酥脆多汁，帶有濃郁的香茅香氣，$30好抵食！蠔油生菜$20 性價比好高！

尖沙咀新開牛腩粉麵店✨✨性價比高！✨抵食！以「雙沙」為店舖必食之推介，「雙沙」意思是指崩沙腩加牛沙瓜，是必吃好味之選！《雙沙伊麵》$67雙沙即是崩沙腩加牛沙瓜，崩沙腩是牛腩中最矜貴，即是牛的橫膈膜，表面有一層橫膈膜連著腩肉，筋膜連少少肉，肥瘦剛好。而牛沙瓜即是牛的第四個胃，紋理清晰，面層呈摺紋而背面平滑，入口比較爽口。另外我更點了伊面，很大滿足！😆《牛雜撈麵》$44以尖沙咀旺舖來說，這個價錢是相當抵吃！份量又大份！的確是性價比極高！牛雜的食材每件都是大大件！牛胃、牛腸、牛肝、牛肺等等都大大件！撈麵也是超大份！🤘🏻《淨雲吞》$42港式粉麵當然要吃個雲吞，點了一份淨雲吞，同樣地是抵吃好大份！粒粒雲吞都大大粒！👍🏻《腐乳通菜》$20港式菜類這款腐乳通菜也是必點呢！凍飲也只需加$3性價比好高！🤘🏻

好常會途經厚福街，但街上實在太多食肆了，所以都唔覺開咗呢間港式粉麵。今日突然見佢攞張牌出嚟做試食價，$20一碗牛腩粉仲有得外賣，咁對於未試過嘅我嚟講，正是好時機試試佢。老實呢頭尖沙咀有好多食肆，但做正宗粉麵嘅鋪唔多，有嘅都似係做遊客生意嘅，一向有介心。咁有多間喺附近如果靠得住就可以長期幫襯。老實今時今日要$20一餐當然係唔真實嘅。但信佢用呢超做宣傳吸吓人氣，同埋俾返啲信心好似我呢啲懷疑派，所以都寄望係碗正常嘅牛腩河。但由收銀，跟單，到派外賣都唔似係做長遠生意。店內都唔算多人但員工面口都幾黑吓。重點係，碗$20粉一打開只有食有好孤獨好瘦弱幾件腩，個湯底好咸但唔覺係牛湯味，因為係試食連青都要走埋？當然明白今時今日食肆難做，但新開張搞試食，都係希望啲客有回頭。如果得幾件咁細嘅牛腩都冇乜嘢好試，咁希望啲客點樣會返轉頭或介紹俾朋友？

今日放工嚟到尖沙咀想食啲簡單嘅菜式，於是就食依間新開冇耐嘅粉麵舖頭，環境好乾淨而且光猛，門外亦見到新鮮嘅牛腩，望落去都非常好味，決定一試🥰➡️崩沙腩飯 $69牛腩另外上，配上濃濃嘅牛腩汁，而且一舊牛腩除咗有牛腩入味之外，而且亦不會遮蓋住牛本身的味道，呢一點同出面其他食牛腩麵嘅店舖唔同😆配上白飯混合醬汁，食落去非常惹味。➡️沙薑雞豬手湯粗 $50沙薑雞亦醃得非常入味，醬汁好濃厚，但亦不會過鹹，而豬手亦都調味得剛好，而肉質非常腍，豬手亦很大隻➡️酥炸雲吞 $52即叫即炸，上到袋非常熱辣，而且脆口，每舊雲吞入邊都真材實料亦有鮮蝦，非常好味。😋😋⏩️另外新章期間會送飲品，而我亦有加錢叫特飲，叫咗杯紅豆冰，紅豆冰唔似出邊變成紅豆蓉，而係食落去粒粒紅豆，紅豆亦有十分多⬆️另外值得一讚嘅係嚟到必是辣椒有，辣椒油係自家製造，唔似出邊嘅辣椒油落咗好多都唔覺得有任何辣味，一間落少少已經帶出辣味，而依款自家製嘅辣味會令到食物更加好味，所以真係非常值得推介整體嚟講雖然依間餐廳，但都非常值得推介，因為簡單嘢先至越難整，又整得好食嘅真係值得推介嘅粉麵餐廳👍🏻

尖沙咀厚福街🚇呢間九運來係新開嘅粉麵專門店🍜，佢哋主打高質牛腩，依家做緊新張🎊優惠牛腩河只係20蚊一碗，優惠期至🗓️7月15號咋。我之前食過佢哋嘅💰廿蚊牛腩河，今次同朋友仔過嚟🤤就食豪啲揀咗招牌雙沙麵，即係🍖崩沙腩拼牛沙瓜，崩沙腩軟滑肥美牛味濃，🐂牛沙瓜一面腍滑一面煙韌十分有層次，至於麵質🍜就又爽滑又香麵粉味，十分之推介！另外佢哋嘅🏅王牌牛四寶麵，入面有牛腩、金錢肚、牛脷👅同埋牛筋，我最鐘意😍佢哋嘅牛脷同埋牛筋，煮得十分之軟腍又入味👍。麻辣墨魚鬚🤩幾有驚喜，墨魚鬚🦑勁軟腍鮮味，加上惹味嘅麻辣醬🌶️，好食到停唔到口！香茅🐓雞翼同墨魚丸🦑都炸得好咁香，🔥外脆內軟。凍奶茶同埋凍檸茶🍹都幾有水準，總括嚟講💰性價比高，值得再嚟🥰。