九龍燒味扒皇茶餐廳 (已搬遷) 新店位置

又想食燒味飯, 又要有檸茶飲....行過發現,咦!! 有喎......order 咗: 义鴨飯嘩.....好多餸呀!!!!!! 义燒肥瘦適中, 燒鴨不會太多肥膏. 正!!!不過 d 飯就唔多掂, 似隔夜飯.! 乾炒牛河呢個真係炒得好好.!! 齋睇色水,以為好淡....點知又唔係喎~ 凍檸茶唔夠茶味

一間食肆即使它食物水準多高員工的服務態度仍是重要一環可能有人會話「車，食野就食野啦，你理得佢態度點？」我完全不同意，即使只是一個員工的態度惡劣你整頓飯根本就吃得不開心，吃得不開心，即使食物都好，你都沒有心機去享受去理會。這一間茶餐廳，食物普通，但員工態度可謂首屈一指首屈一指的　－　差本人母親身體不適，於是我到此店詢問有沒有麥皮供應走到收銀機面前，眼見四周無人要埋單，於是問她有沒有麥皮賣收銀的呀姐說「有」我問她有沒有蛋白麥皮她卻說「牛奶麥皮啦」我好奇「沒有蛋白麥皮？」她反道「你要簡單丫嘛」我心想：哎呀，我是說蛋白不是簡單啦我還未答道，她竟然說「唉，你自己拎張野睇啦」然後她跟身旁的職員說「最憎呢Ｄ客」我不想爭執，於是我點了一個窩蛋麥皮就算了。這間店子我曾經幫襯過兩次兩次的服務態度都不算好，但這次我覺得太離譜了可能有人想「茶餐廳係咁架啦」如果乜都話「係咁架啦」，咁做人仲有乜謂？每次都受人氣嗎？這間店以燒味作主打，它比同業的燒味飯賣得要貴單拼要二十五，雙拼要二十九但水準卻大同小異，沒甚特別雖然雖了燒味外，他們還有很多不同款式的菜任君選擇我未有嘗試，亦不敢再試，所以不能批評這店子價錢比普通茶餐廳

我最後一次是和弟弟吃早餐,弟弟吃完後想找牙簽,我記得平時是有放在枱上的,但這次沒有,我再看看其它枱,全部都冇.我於是問伙記拿,佢竟然叫我自己出門口取! 我咁大個仔都未試過在茶餐聽要自己拿牙簽,原來牙簽只放在門口收銀處,跟本唔想食客花時間弄牙,只想你吃完即走,唔好咗住佢做生意!我於是向老板娘投訴,佢竟然辨傻,話唔知,之前我叫佢拿牙簽的伙記就衝向我面前,在兇我投訴他,還想出手打我,他後面的女工叫他算了. 我以後都不敢再去!今時今日竟然有如此惡的茶餐聽,大家勿去!

跑完步, 同幾個frd 去食早餐, 諗住食少少野補充體力, 4 個人share3 份早餐~ 因為過多陣唱k lunch 有飯食! 點知個女人話: 你地4 個人wor, 有最低消費 ($15)! 早餐都有最底消費? 咁我食蛋撻+熱奶茶點算? 好啦最後叫4份餐~ 仲有呀, 想話西煎雙蛋轉炒蛋都唔得! 真過份!!! 後來見到一份跟餐的炒蛋, 份量細得好可憐, 只係得半隻蛋的份量! 之後我地見張單的價錢唔啱, 問佢做咩會貴左3蚊, 個女人指住張menu : 熱菜蜜加$3! 佢話自己睇喎! 嘩! 落單果時你又唔出聲! added to black list!今時今日咁gei 服務態度點得架!! 小小茶餐廳規矩多多. 服務態度又唔好!

本來想去米芝蓮推介的"添好運"試食，想不到真是明不虛傳-----人太多，無可能在午飯時間有得食，所以另謀出路，找了"九龍燒味"。不知order什麼，於是叫了個星州炒米看看水準，結果失望，米粉還是炒得有點濕，不是乾身那種也咸了些，而且服務也不理想-----雖然午飯時段為了生意將坐位安排一下是正常事，但態度像趕客一樣。結論: 48大元食這水平的星州炒米+凍檬茶和服務，似乎不值。

今日中午收工後, 巧遇另一部門的同事, 於是一起來了這裡吃午餐.同事點了义燒燒肉飯, 我則點了燒排骨燒肉飯. 送上來的時候的確令人眼前一亮, 賣相很好, 燒味又多. 可是, 吃起了又另一回事. 义燒是全瘦的, 吃起來很瘦, 而且較硬, 又沒有甚麼味道, 連蜜糖味也沒有! 燒肉也是全瘦的, 吃起來很嚡口, 不過皮雖然薄, 卻尚算脆口, 像吃薯片一樣. 燒排骨較肥, 但賣相不佳, 吃起來當然肉味欠奉, 水準以下之作. 飯不算太熱但尚可接受. 這樣的水準, 但收費也不便宜, 要$34!! 比起其他燒味店只售十多元的燒味飯, 水準只是差不多, 但價錢貴一倍! 所以只有一個下場---冇下次!

同樣係lunch time試食團呢間肉d燒肉幾正 皮脆肉嫩但d野食其實幾貴 1碟飯要成35蚊呢個價錢其實可以食到更好既野...

(2/11/06)晚餐:羅宋湯,杰杰o地,勁重味,無飲晒。紅酒燴豬排併司華力賜,味道算係咁,雖不是出眾,賣相加晒分啦。另一個义燒配,出前一丁,係咪出前一丁好難定奪,+$3配豬骨番茄薯仔湯,真係有豬骨味架!义燒被浸在湯內已失真了。仲有煎蛋、午餐肉、甜餐包仔。呢個餐應真抵食!

因為試過晚市，所以試佢下午茶，要了一客魚柳包，來到時個賣相都幾寒酸，乜伴菜都冇，不過包身焗得挺香口，入口還是脆的，魚柳就炸得太乾，幸好有大量沙律醬，不然一定好難O肯。

唔記得那次行過花園街搵食，在門口那塊燈廂餐牌中，瞥見咖喱牛，二話不說便入去就坐，當然要了咖喱牛配自家製的蒜蓉厚片多士，仲有埋餐湯餐茶。湯，味OK，料足，不過卻用了大量茄膏；主菜咖喱牛，咖喱都幾好，但奶落得太多，搶晒咖喱本身O既香，牛不俗，五大塊，好入味，腍得來又有口感，至於厚片多士，其實真的不錯，但可能唔係即烘關係，不太脆。

琴晚同女友撐檯腳.就o黎呢度.轉o左D坐位.差唔多變O左成間都係卡位咁滯.都o岩o既~邊個去茶餐廳唔鐘意坐卡位呀~不過d通道就變得好窄.出出入入o野o野都好似玩倉庫番咁.講番食啦~上次食咖喱OK.今次又Encore~咖喱牛肉飯.咖喱汁我自己覺得正.牛肉係有幾塊老o左D囉~女友食燒味湯米就實穩陣啦~大家都食到好飽~~查實我覺得D伙記態度同Service係OK個喎~起碼佢唔會食完趕你走.又肯轉卡位俾你.至於果D留坐牌都係要o黎防止一個人坐成個卡位姐~你最多都係話佢地太有效率姐~講真Overall黎講我覺得可以呀~

不嬲對燒味都冇乜興趣架~但係男朋友話呢間好好食~咁就去試下啦~去到坐底~燒味係最多人點既~男朋友話一定要試燒肉~但係去到經已賣晒啦~咁我地就叫左燒【我】拼乳豬啦~比我想像中好食~值得一試~同埋d waiter態度都ok丫~唔係好差~我去個時已經10點幾啦~仲係好多人下~坐底左未叫野食，想轉卡位個waiter都好有禮貌咁轉俾我地~

枉我上次咁高度讚揚佢, 早兩日去食tea,好奇怪, 下午茶餐緊係個d西多,炸脾,炒粉麵,但係佢只係得特價扒餐(特價都要成三十蚊架)同炒粉麵, 咁怪.叫了一個炒龍鬚烏冬,味道不錯,龍鬚好大條,雖然油左少少, 都可以接受另叫了一個珍寶腸併牛扒配薯菜,係薄牛扒,唔係正價個d大塊扒,薯菜重係得三棵小棠菜,我以為佢比少左薯條啦,問個伙記, 佢同我講"薯菜係咁架啦,特價係咁啦!!"有無搞錯,咁態度...我見有個食家話佢要人地兩個人坐一邊卡位,我去咁多次都無試過喎, 不過佢地係好鐘意係唔係都係d卡位度落個留座牌就係真啦

好老實講...講食品質素,是中上的味道同賣相是同區茶餐廳數一數二如以食物掛帥..必大有所為但論服務..>_<.這餐廳能夠有回頭客最主要是有一班出色的廚師而卡位真是很迫,要垂頭90度角食飯..而同集團的其他分店作風都是一式一樣可能旺角唔憂做喇~~

嘩!!呢期度度都話出焗飯, 連九龍燒味都有,我食過一個焗豬扒飯set($48),有忌廉湯(size大,有雜菜料,味ok)有coffee or tea,重有一客大焗飯,汁多味濃,有兩大塊豬扒,雖然塊豬扒白雪雪, 但係咬落好淋好滑, 正喎! 幾抵!燒味依然係招牌,燒肉皮脆但肥了點, 見佢menu重有新出燒味泡飯,幾好啊, 出d新choice比我地, 等我下次試下先