九龍餐室 (已結業)

最鐘意就係茶記同冰室嘅早餐，因為通常都係好豐富！嗌咗蕃茄薯仔鮮牛通（本身係水晶分但落錯單）+煎雙蛋+餐包，份量都幾大下。味道就正正常常，但通粉個口感唔好，唔夠彈牙齒，有啲失望。蕃茄感覺好足料，有味又有粒粒。牛肉都幾滑口。薯仔就真係細粒咗啲。服務就認真唔得掂，最好唔好係到同朋友聚，唔係就好似得罪佢全家，（明明仲有好幾枱又無客到），會係咁比人問呢樣食完未，仲要9到突登開行冷氣吹住你，有啲唔知想點。

新開張諗住試下早餐，叫左個外賣沙爹牛肉火腿通粉。湯同通粉分開盒，倒湯落碗粉後，成碗通粉立即鋪上一層油，好油膩！食到成個口都係油。個湯底本身已經好咸好咸，加埋個沙爹牛肉真係好差。又油又咸！不會再有下次！

話說我叫左個下午茶，魚柳包加凍奶茶。嗰待應話可以揀沙律醬或芥末醬。我揀芥末醬。登！登！登！登！甜長餐包夾住青瓜、西生菜、炸魚柳（系真魚柳）這一點要讚！似様1 -甜長包有烘，但冇牛油，所以乾同介口🙄似樣2- 魚柳系真魚柳，硬實🙄似様3- 青瓜、生菜系有但系⋯（自己看相）似様4- 芥末醬！系冇錯系真芥末醬，仲杰過花生醬！！一入口Chok 喉㗎！😅大廚用既系食牛排或嘅純黃芥末！燒南仔個醬都溝悕D！大哥點食？平常食排也只是點小小！做包醬會不會用甜芥末？或者開左嘅芥末？仲攻個wasabi! 😩樣樣都好似様，但食落想點樣！個廚系咪睇相去煮嘢？有冇唸過個味！熱狗也不是用純黃芥啦！奶茶系正常但不滑，間餐廳冷氣冷到一個點！但冰溶得快，好快就水曬！

下午茶48蚊涷飲飯底：涷既份量：少過某連鎖快餐店牛肉飯下午茶***飲品：ok明白百物騰貴租金貴人工貴，都唔係咁樣呀，唔係叫個名做冰室求求其其比兩三啖飯加個汁就收你差唔多50蚊個下午茶

係灣仔坐叮叮見過，但位置好吊腳今次係北角，其實都係兩邊地鐵站的中間位置，只係剛好經過可以去試下近期冰室 冰廳 餐室通街都係要突出真係要落足功夫就係北角英皇到，由炮台山行去北角街市半島 巨人 紅磡 又有九龍就係未試過九龍門口的麵包櫃好吸引，個個包都咁大個果日其實係食下午茶，點知變左晚餐5點幾仲有熱辣辣新鮮出爐麵包，而且有拳咁大個，都係$7，唔食對唔住自己味道唔差的之後又叫左個炒一丁 $58一來到，咁大碟？ 以為下午茶時段，餐牌只放下午茶餐。點知出事啦 （好彩兩個人食.... 如果得我一個一定要打包，呢度起碼有兩個出前一丁）2000年頭第一次食炒出前一丁係中環一些外賣檔仔食，果時覺得好新鮮。隔左咁多年已經係茶餐廳必有的，一係炒一丁or炒公仔麵今次再令到我食係因為用了豆豉鯪魚炒。我最愛的。九龍呢碟炒一丁炒得好乾身，，唔會食到中途會有油流出來。

見新開張就試試, 2點幾左右入內, 明明周圍都係侍應但又冇人理我地, 行到入面我係咁話兩個人, 終於有個男人叫我地坐一個卡位餐廳係滿但未去到迫到要搭枱所以我地都就咁坐低見兩點幾就望有冇下午茶, 見到有lunch同埋餐牌, 見人地枱有多個下午茶牌就問啦, 一直舉手附近有4-5個侍應/經理都冇人見到我隻手咁, 有一兩個女侍應行過連叫我等等都費事, 望我一眼就直行直過繼續遞餐, 最後揮哂手先有個男人走埋黎.... 問有冇下午茶, 佢就話死叫我地嗌lunch, 我話我地想要下午茶牌, 人地果枱果張呀佢就死死地氣俾我地, 我已經覺得成件事個態度好差周圍都係伙記, 大家傾計大大聲講野都唔理個客想點?叫餐又係, 揮哂手先黎, 捧餐既真係望到你都費事睬你, 就算你唔落得單你都可以叫同事幫手掛? 完全冇, 掂行掂過落哂餐, 食啦, 食物OK既, 我本身都有興趣夜晚再試好啦, 我地都點左個佢話既瑞士汁雞翼, 一食就出事, 凍既喂!! 係熟呀, 但你連叮熱都叮唔熱?! 我老公果隻就少少暖但都係偏凍, 喂, 咩料先?我都費事舉手投訴, 因為班伙記根本都唔會望你同理你, 茶記大聲講野好嘈係好正常, 但唔係唔理顧

新開的餐廳，諗住去試吓。咁岩有六點半前去下午茶。六點20分入場，他們已經收哂下午茶的餐牌。從此點已知道這間是沒有誠意的餐廳。瑞士牛河太甜。之後叫咗瑤柱福建炒飯，瑞士汁牛河及清炒菜芯。當炒飯到時發覺無瑤柱。同戴眼鏡的男職員提出，他看完只說可能瑤柱揸爛哂一絲絲可能遮住見唔到。跟著食落去半碟飯係凍嘅。話比職員知，她只說不好意思便算了。這間餐廳🍴真係好無心做生意。絶不會幫襯。

好想食茶餐廳午餐公司附近新開，等左一陣有位，見佢地有d亂，心想，叫推介套餐，應該會唔錯沙薑雞正常，薑蓉少咸少油，合我口味。湯少咸👍熱咖啡正常待應都有禮貌，上餐時間慢左d。

咖喱豬扒薯仔火腿飯豬扒 》 〉豬肉乾薯仔》 〉 硬薯仔，咁簡單都煮成咁火腿》 〉正常秃飯都咁質素最后只吃咖喱汁火腿飯熱檸水》正常環境普通服务一般价钱有点贵衞生普通没有下次