九龍餐室

营业中

休息中

星期六啱啱好6:25pm 入到去趕得切叫個休閒下午茶（供應到6:30pm)，要左個沙嗲牛肉配煎蛋麵（出前一丁加$4），餐飲要凍朱古力。下午茶黎講份量都夠食。朱古力幾濃但冰比較多。野食不過不失，但相信蛋係一早煎好，因為有d凍，另外沙嗲牛肉又係凍。

因為有野做黎到荃灣呢頭，雖然荃灣有好多野食，但趕時間就搵間茶記醫下肚，呢間都唔係第一次黎，佢既服務幾好同埋因為新淨所以坐落都幾舒服，但野食黎講性價比的確唔高架~下午茶洋蔥豬扒飯$45：下午茶黎講$45叫迷你飯以茶記黎講唔係平，飯既量多但最重要既豬扒就份量少，豬扒煎炸過所以感覺上無咩肉同埋食到粉漿，大概3-4件，但係細舊同埋有舊成件都係骨，所以整體上食到既肉得好少，不過汁份量多唯有用汁黎撈飯，但以$45黎講就唔應該係呢個份量啦不過佢好在呢個餐有得跟紅豆冰，唔洗加錢，呢個就大大杯，而且紅豆份量都好多，又唔會有好多大冰粒，所以挽回唔少分數

前一次來這裏食野的時候，見到2個女仔非常挑剔都選擇這個籠仔蒸飯，於是今次再來都試吓，不過要等30分鐘才有得食，荷葉包着花菇，雞同炒過的飯，簡單得來勁好味。都不枉要等30分鐘(前次見到其他人叫的時候，老闆好有禮貌的解釋過，整個飯先炒好再放入蒸柜蒸20分鐘)，整個籠仔放到你面前才剪開，那香味即時釋放出來，非常吸引，份量又2個人都差點食唔晒，連同個勁好飲又無乜味精的中湯都係$108，一点都唔算貴，唯一美中不足是今次見唔到上次又好招呼又好忍耐力……沒穿製服(相信應該是老闆)的欣勤招待。等候期間見到旁邊食麻辣都十分吸引，下次要再來試試。

今日探完屋企人，一行4人諗住食下午茶，黎到見未食過九龍餐室，亞嫂話深水步吾錯就入去試。 一坐下見到新鮮蛋撻拿出來，肥嘟嘟既蛋，二話不說就要食佢再飲杯熱咖啡先！ 黎到根本可係頭先果d蛋撻（叫果陣問左係米剛拿出來果d又話係），咬落去蛋同蛋撻皮分開，凍既，冇蛋香味。失望都爆。 咖啡味都叫濃而吾苦，有回甘味，味道不錯。 新鮮出爐面包餐$22，比散叫平1蚊。但味道只可普通。 亞哥想要多一片牛油（佢叫菠蘿油餐，包超大 ，牛油薄到呢....）竟然話$6片，未免太貴了。試一次就夠。

九龍餐室開到去荃灣，為食鬼又多個選擇。中午時份現人龍，店員安排顧客在點內等位，不然在夏天高溫下在街外等位，我怕我已經走了。是日下午點了一碟味菜牛柳絲炒麵，整體非常差，該店用的是鹹味菜而非一般茶餐廳用的甜味菜，而且應該無泡過水，非常之鹹，雖然麵炒得很脆很香口，但是油份真的太多，多餘的油足夠用來再炒多兩碟。

今(5-7-2015 Sun)朝同男友起身後去食o野,o黎呢間開o左冇耐o既九龍餐室,我o地o黎到都唔係好晏,但都已經要排隊,但好彩,由於兩個人,比較快有枱.我o地坐低後睇,選擇唔多,價錢亦偏貴,男友要$31.00o既早餐C,雜菜俄羅斯通粉,有出爐迷你餐包,揀腸蛋,要熱咖啡.我要$34.00o既早餐G,鮑魚雞絲通粉同樣有出爐迷你餐包,揀火腿奄列,要熱奶茶.冇耐,兩杯o野飲到o黎,我先加一包糖,口感夠滑,同樣茶味淡淡.男友o既咖啡我就冇試到.之後男友o既出爐迷你餐包同腸蛋到o黎,迷你餐包有迷你菠蘿包.煎蛋得一隻,腸蛋冇乜問題.而我o既鮑魚雞絲通粉到o黎,睇見鮑魚雞絲都唔多,通粉都重彈彈地牙, 鮑魚雞絲冇乜問題啦.然後男友o既雜菜俄羅斯通粉到o黎,我試一試,男友話呢隻辣o既,啊,咁試一啖啦,點解味道怪怪地o既?男友話係胡椒粉味.我又覺得唔似喎,雖然我少食羅宋湯之類,但真係唔係咁o既味囉.(之後男友返到我屋企,話有啲肚攪o既感覺,之後都瀉o左啲.應該係雜菜俄羅斯通粉有啲變壞喇.)最後我o既出爐迷你餐包火腿奄列終於到o黎,火腿奄列內o既火腿絲都唔多,口感正常冇問題.而出爐迷你菠蘿包面都仍脆,味

位於深水埗的九龍餐室，近來在荃灣開了新的分店，在下也乘機嚐試一下新分店的出品。早前在深水埗店吃過的只是麵包，但今次吃的是一個正餐吧。從餐牌裡面看到，其實都有很多選擇的，亦以茶記的粉麵飯都有。菜遠牛腩炒河。自上次在葵涌吃過炒河後，又另一次的吃吧。當中除了牛腩外，還有著牛根。牛腩鬆化而軟腍，牛根亦見軟腍。炒河嘛，雖未見有鑊氣，但也算不錯。凍奶茶要了少甜，以免影響茶本身的味道，順滑度依然是有的，算不錯吧。新店新開張，故吸引不少顧客等位，幸好還是等了不久便有座位。

此鋪前身是深井陳記燒鵝,我幾乎每天都來食早餐,早前易手裝修,等了好一陣子,終於開張,變身成九龍餐室,外觀看來還不錯,就在新開張的第二天去光顧吃個早餐吧~雖然同一個鋪位,但不知是否有改動過間格,感覺座位和環境比以前陳記狹小很多,加上新開張人很多,好不容易擠進去,找到個搭檯位置,點了份早餐。也許是初開業,伙記員工都未上手吧,出餐有點慢,還不時聽到隔離檯投訴來錯野或漏單,而我的早餐雖沒漏單,但也來得稍慢..通粉+奄列和迷你菠蘿包來了通粉和奄列味道一般,沒有驚喜,一般茶餐廳水準,不過迷你菠蘿包反而有點喜出望外,非常軟淑新鮮,沒有外間茶餐廳的通病,都是擺到硬又不新鮮~這個值得一讚!!

吃晚餐的時間，不過其實不太肚餓，又原來呢度有個菠蘿飽餐，就要呢個。是特大的菠蘿包，跟上火腿，以及炒蛋，只是，成碟都好油。包包外皮鬆脆，可惜是凍冰冰的，將火腿和炒蛋塞進包內同吃，算不上差，但肯定唔會係好。熱奶茶香滑，比食物出色。晚餐吃這個，我又無問題喎！