影片
以上资料只供参考，请与餐厅确认详情
相关文章
帮衬过好多次呢间舖，第一次𠮶个盐酥猪扒惊喜到，所以大部份都系嗌呢个盐酥猪扒嘅便当啦，之前嘅味道都系唔错嘅，但系今日有少少失望啰。今次外卖呢就猪扒同饭唔系分开摆嘅。唔知系唔系包装个关系啦，猪扒同饭摆埋一齐之后个猪扒已经唔脆啦，猪扒𠮶层炸皮已经腍晒，完全冇前咁好食。同埋味道上，前几旧猪扒呢系OK嘅，但系呢有几旧呢食落去系有少少酸㗎，唔知系咩唔新鲜嘅问题啦。虽然个价钱都唔系好好贵，但今次真系有少少失望，下次应该唔会再帮衬。
继续阅读
间野叫做九龙堂,但其实佢唔喺九龙塘,系石硖尾㗎。好似中一,二个阵间野都喺度。依间系食台湾野嘅,佢啲包装真系好台湾。今次叫咗台湾风味肉燥便当,薯仔系冻嘅,种肉燥份量都够,味道就不过不失啦~杯野就系茉莉绿茶叫咗少甜少冰绿茶味出啲,正常发挥。成个便当连野饮计埋就36蚊,几抵食。题外话,好几年前嘅炸oreo 真心几好食。。。 但依家真心唔太建议大家试,个味真系奇怪咗好多， 盐酥鸡都唔太建议,回哂唐。。Total2 out of 5
继续阅读
以前去开呢头 都会成日去买外卖食自己比较中意食台湾嘢 都会选择去依间今次约咗朋友去食嘢 就一齐去买外卖食就叫咗鸡翼双拼拌面有两只鸡翼 四粒盐酥鸡都炸得好松脆 口感烟韧都好入味 唔怕太油腻由于太肚饿关系 加多个面底有好多葱 好多炸蒜因为伴面 捞埋个酱汁味道升华一个档次嘢饮就冻鲜香茉莉绿茶(饮品$13内 免费)由于升级700cc 要补差价甜度正常 可以特出绿茶香下午茶3pm-5pm 会有折扣优惠原价$53 折扣后$42 所以比较抵食九龙堂 (石硖尾)石硖尾伟智里2号金玉大厦228号地舖
继续阅读
🥱 小编依晚唔想煮、唔想堂食，揾间外卖自取店买台式晚餐返屋企慢慢食。😌[ 乱闯试食 ]🍽 特制拼盘 (红烧牛腩、猪软骨 & 小香肠) 拌面 😋😋😋😋𩠌量颇多，红烧牛腩同猪软骨都非常入味。最出色系台湾小香肠，咬开会有油脂小爆发 😆 面质属正常出准，要自己拌匀酱汁食。整体调味偏浓，好浓烈嘅香蒜同酱油味，食完会有少少口渴。😅晚餐 💵 约港币$40/人💁🏻♀️ 小提示：如果唔跟嘢饮，可以主动唔要，面餐价钱会有九折，算系相当抵食。
继续阅读
白田游最后一站就系👧🏻中学时都有帮衬过嘅九龙堂！记得佢系好受附学校学生+居民欢迎！就算而家学生唔洗返学，下午一点都有唔少人帮衬😆🌟红烧牛腩拌面是日精选系红烧牛腩拌面🐮，牛腩有大概5-6小块，重豆瓣酱味，偏甜一点。至于拌面面线用上扁面，点嫌煮得太耐有啲腍身😮💨。拌面酱汁较重酱油味，👧🏻就觉得唔太岩口味啦！份量唔算太大碗，男士们最好叫多个小食啦！🌟原味黄金盐酥鸡🐥Quarantine 咁耐都冇点食过炸物，👧🏻决定大解放叫个盐酥鸡自私食！一份细炸鸡$18🍗话就有8粒，实际上我谂10粒都有！盐酥鸡先裹上薄身蕃薯粉，口感不错，可以内里鸡肉太鞋身冇咩肉汁🥲🥾（唔个系未用左鸡胸咁健康？连最钟谂食鸡胸嘅👧🏻都觉得一般），睇嚟今次失准啦！🌟黑糖珍珠鲜奶套餐原本已包饮品，但👧🏻就想叫其他饮品，+$13换咗黑糖珍奶🧋！炒黑糖味颇重，珍珠够烟靭🥰如果店员可以唔好咁重手，落少啲冰，奶味再浓郁啲就好啦😆
继续阅读