九龍餐廳 (已結業)

今個月出糧 , 同家人諗住食buffet本想過美麗華很多好評那間,但為左我份糧著想的關係都係保險點,食便宜少少食buffet 之前已經book左, 夜晚7點半接線生也很好態度食飯當晚, 一進場,只覺得場地好暗同埋唔大埋左位, 就即刻出去拎左d頭盤食下有煙三文魚 , ham 等等我就簡左d sushi, sushi 選擇唔多, 感覺比吉之島的還差,雖然沒有一夾即散, 但我覺得還可以做好點sushi 種類有 三文魚, 普通太卷 , 食左唔係好多轉攻長腳蟹我對長腳蟹沒有情意結 , 只是吃了一條而已咸, 同埋沒有什麼鮮味之後拎左幾隻生蠔同家人分享 ,我都鍾意食蠔,但就冇乜研究入口很鮮, juicy , 海水味也在面很好吃 ! 呢個好抵讚但生蠔唔可以食太多之後轉攻熱食, 熱食選擇實在少,有墨面, 有牛腩,羊(但一d羊味也沒有) ,咖哩 , 中式炒飯 炒面我拎左2個蛇"更" 俾家人, 佢地話好咸, 我試左一啖 , 都覺得有點咸另外最抵讚係個墨面, 嘩 真係好好食我拎左2次墨面, 雖然好唔抵 俾成200幾蚊黎食墨面,但真係唔錯呀 ! 好鍾意食 !甜品選擇都好多但係甜品碟上面, 甜品痴實碟, 很難拿

想嚟試好耐，尋日終於嚟咗七點九先去到，成個場得幾枱客，嘢食種類唔多，即開生蠔，長腳蟹，三種刺身(三文魚，八爪魚，魚立魚)，串燒，約十種熱盤...生蠔:雖然係即開，但本身質素唔算好，所以唔係太好食刺身：得三款，八爪魚無乜特別，三文魚就幾新鮮長腳蟹：食咗少少，幾鮮甜熱盤：款式比較少，質素亦普通....雪糕：得一款，但係haagen dazs既朱古力碎朱古力，食咗好多總括而言，質素普通，如果之前百幾蚊一位可以去食，但依家248一位既話可以食其他地方，相信呢個價錢可以食到好多更好既野(雖然好多credit card有八五折)

聽到話呢間餐廳成日轉食物主題，於是打去問下今期做?野食品節，知道做東南亞菜後問佢地有?特別，個女仔好有禮貌咁話，除咗有泰越印國嘅小食corner外，重有即燒沙爹串，而佢話今期嘅主打就係和牛生牛肉河,重有即開美國生蠔同長腳蟹，於是約埋幾個朋友去，雖然佢地話東南亞野無?特別，不過見話用和牛河咁重本同HSBC有85折，於是就去試一試，食物幾有水準，沙爹即燒好香口，個和牛湯底超鮮甜，未到corner已聞到鮮味，真估唔到，問負責煮湯河嘅廚師，原來佢話請咗個客席廚師幫手，估唔到呢間餐廳都舍得投資，咁又係，做到唔湯唔水咪重衰。雖然菜式唔係好多，無得同TST比，但服務同環境都唔錯，值得一去。

看見之前的食評ok，而版主及各食家也說dinner buffet價錢約$228或以下，因此專程去試一試。下午打去book位再confirm 價錢是每位$228。到食完埋單時，竟然收我每位$288 + 1，我問那個男waiter 不是$228嗎? book 位時有人告訴我是$228一位的? 他態度很差回覆我沒有$228這價錢，只有$248及$288，之後便走開了等我簽card 埋單，我非常氣憤下付錢離去。如book位時我已知價錢是每位$288 + 1，我一定唔會去，成$300不如幫襯"酒店"，駛鬼幫襯"賓館"咩，最嬲係被騙。

表姐同BB女剛由大陸來港自遊行...旅遊巴既終點站就係YMCA門口...接佢個陣已經係夜晚....於是一家五口連表姐及BB一行7日就上左YMCA既COFFEE SHOP度食自助餐.........慶祝久違沒見的表姐及初見的BB女....冷盤......當然係長腳蟹啦......啖啖肉又超好味..正三文魚/ 魚立魚...由於痴得太多日本人既關係....對於三文魚等等之魚生....實屬平民貨....只可以說...比較中意食三文魚腩既人....呢度有好多...都幾新鮮既......生蠔...即叫即開...細就細隻左D...不過都係勁新鮮既......鵝肝我就冇食....不過聽亞哥講好好味....紅燒魚翅.....熱辣辣的.....正....每煲份量唔多......所以食完可以再黎多煲.....熟野就冇乜好食....有我最憎既"羊"....唉..討厭......最後甜品..當然係名牌雪糕杯啦.....由於本人唔好甜品....只品嚐一杯就收手喇......是晚大家都很滿意...因為用HSBC信用卡找數.....有7折....平均1人數170左右到...便宜到嘔....抵讚....

由於某原因，有人請我地黎呢到食自助餐！因為本人比較愛熟食，但呢到熟食既款式真係幾少下。同埋個日我一直都見唔到有長腳蟹？只係有生蠔（本人不喜蠔，所以冇試），鵝肝非常油膩，食完有一種好滯既感覺。甜品又係冇咩款。總括黎講，味道還可，但唔多岩本人口味。

上星期四，一家人來這裡食buffet！阿媽之前同fds食過兩、三次，狂話佢抵食，食物又新鮮，所以今次帶我同阿爸去試。地方唔算大，但枱與枱有很大的space, 很好，不會太迫，而且唔會好嘈，環境唔錯。紅燒沙煲翅: 食jor 3 兜，好熱，d翅都ok & 份量都ok多。每兜細細地，幾好，唔怕d人會waste 食物。即開生蠔: 蠔味勁重，好有海水味，新鮮蟹腳：超好食，好新鮮，肉質好鮮甜，每條都勁多肉，我食jor成五、六條，好爽！魚生：一般貨式牛扒：好似話係安格斯牛扒，都好得喎，半生熟，帶少許肥，好淋，有牛味！羊膝(熱盤): 好大隻，好多肉，不過乾jor少少，唔夠juicy~肉醬意粉：焗得好乾呀，有幾條仲好似鐵線咁=.="甜品refill 得好慢呀！起初有好多架，不過一到大家開始食甜品ge時候，就好快無晒啦。連tiramisu 都試唔到。我淨係食jor Haagen Daz coffee味ice cream...好稀，唔夠creamy, 勁易溶...HSBC card 有7折。雖然食物款試唔算多，但以咁ge price 食到即開生蠔&蟹腳真係好抵！

是晚慶祝舊同事生日,有人提議此處,話有人試過,用匯豐信用卡重有優惠,於是一行6人便來試試, 有:-紅燒沙煲翅,一煲煲即場將翅加芽菜,冬菇煮一煮,好味;-生蠔(即開),好新鮮,我friend食了6隻以上; -鵝肝(即煎),但高膽固醇,淺嚐而已;-魚生,(三文魚...3 款),我反而食好少;-蟹腳,翡翠螺,蝦/蟹,refill得好頻密下,蟹腳唔會好鹹,翡翠螺我最鍾意^^;甜點:有朱古力噴泉,cheese cake等,當中French lemon tart,好正熱盤比較少,連飯約6-7款,有2款湯,糖水,雪糕,hagen Daz, Coffee tea(自助)食客比較斯文,從豆腐花可見,因到最後d豆腐花都無俾人攪到爛溶溶,環境都唔錯,唔會好嘈!discount 後每人$182,算好抵了

啱啱試咗佢地個法國美食自助餐, 標明有鵝肝, 西冷牛扒, 龍蝦湯, 煲仔翅. 見頭條有6折coupon, 加埋一約$180一位, 幾抵就試下.環境ok, service good.鵝肝係任食, 幾好味, 唔腥, 所以食咗好多件, 翻晒本!! 生蠔係即場至開, 不太大隻, 都鮮味. 西冷, 煲仔翅都唔錯, 但個晚就冇龍蝦湯囉, 都幾失望. 魚生, 熟食都不俗. 唯獨是甜品就弱啲, 唔多掂, 好彩雪糕係hagen daz咋.overall 黎講, 以咁既價錢食任食鵝肝同魚生, 生蠔等就幾抵囉. 後尾見到原來滙豐咭都有6折架.

-環境唔錯..-食物都OK...BUT D甜品就真係唔多掂!!1.D strawberry mouss有檸檬味..2.D 芒果布丁有香蕉油GE味...搞到我都無乜信心試其他甜品..3.海"節"好淡..無乜味..4.無乜飲品..得奶茶,咖啡等熱飲..5.熱盤味道OK..但得幾款..唔係成日轉款..6.讚!D湯幾好飲..整體黎講..我覺得..mama唔多掂$108..不如去粵海食啦`

小妹生日，一班朋友去了此間吃自助晚餐。　選這間的原因係因為二百蚊以內又可食到生蠔的自助餐好像不太多，不過今次真的選擇正確呀！生蠔是有專人在水吧即場開的，感覺很好，好像是很生鮮似的，吃下真的很鮮美啊！　雖然不是太大隻，但口感很好，很鮮甜肥美，完全沒有腥味，非常好味！！！！！　小妹忍不住吃了十隻呢！　吃生蠔也回本了，　哈哈！其次這裡的凍長腳蟹很甜美，沙拉也很新鮮。較特別的有一煲煲的魚翅吃，眼見很多人都吃了不止一煲呢，小妹就覺得一般啦，都不錯，一定比碗仔翅好食。不過如果大家不吃生蠔的話，就可能覺得没有太多吸引的食物選擇，熱葷真的不太多，幾款而已。甜品就一般啦，不過雪糕有hagan daz補數，算不俗呀。整體上是幾好的，尤其喜歡吃生蠔的朋友，這裡是不錯的選擇。

9月頭幫襯過，就如之前幾網友一樣非常滿意；尋日(27號)再去，已經覺得唔妥：冇左阿拉斯加蟹腳，松葉蟹腳有d ok 但有d唔新鮮又霉霉地，後來個侍應走黎問有冇匯豐咭，原來做緊7折，唔怪得d野差左啦！返到屋企開始胃痛，跟住仲疴埋，疴到今朝！希望唔洗睇醫生啦！

今個月promote 阿拉c加大蟹腳, 嘩~ 果然正!! 好多蟹, 仲不停出....甜品又多款, 又有Haagendaz 雪糕, 好味道! 噤嘅價錢有噤囓質素絕對抵ga!! 我星期一先去完, 星期三又去過, 兩日啲食物都有唔同, 值得去試試

岩岩過左去既星期三，約左朋友去左呢間餐廳食。因為之前都有睇到呢度既食評都唔錯，所以試一試。果晚去到ｄ野食正如之前既朋友講過，主打既有生蠔、長腳蟹；日式壽司、冷麵、三文魚；炒飯、羅宋湯；布甸、芝士蛋糕、haagen-dazs雪糕、紅豆沙、豆腐花、沙律等等。果度ｄ服務都幾好，又靜，都幾岩ｇａｔｈｅｒｉｎｇ。我去既時候，埋單匯豐信用信仲有８５折，真係幾好。

上個星期六, 我都去試過, 總括唻講, 我覺得幾好, 熱盤有幾款, 有鴨胸,黃金蝦,羊鞍,...等等, 冷盤有翡翠, 長腳蟹, 有生蠔,刺身,甜品都有幾款唔同的蛋糕,布甸,雪糕有4款口味, 而且仲係haagen-dazs.而且有自助熱飲, 咖啡奶茶, 檸檬茶, 所以都唔錯, 服務也不錯, 我會再去試的, 我覺得好過銅鑼灣某一間的大酒店,