雲南人家風味餐廳 (已結業)

香港今時今日以䖵入饌既餐廳愈來愈無，今日得知經營多年既雲南人家已經結業，真係感到十分可惜。第一次得知雲南人家有賣蟲蟲菜式係數年前，可惜當時因為疫情關係沒有「貨物」到港，心心念念等左兩年，終於響今年三月初嚐雲南人家既酥炸雜蟲，記憶中既味道香氣十足，特有既材料鮮味加上恰到好處既油氣令人十分難忘，未料初嚐一次便成絕響，實在十分可惜。

食過酸辣湯底的米線，也不錯但食得最多的都是最愛的豆花米線 肉醬、酸菜都好味，但個汁比較甜另加了煎雞排，冇咩味，簡直像沒醃過的。不推薦但因為雞排冇味，所以我第一次加辣椒油落雞排到————————辣椒油好好味啊！！！香，但不辣老闆娘說是雲南當地的品種-木瓜冰，幾得意好似是木瓜籽搓出來的，口感像軟軟的冰粉個糖漿的味道幾特別不太甜，不太冰，味道剛剛好--食過覺得唔好食的配菜：雞排、燜肉、豬頸肉、麻辣豬耳-推薦：豆花米線，辣椒油-

今日放工後嚟到呢間位於新蒲崗（Mikiki附近、過一條街）嘅米線舖「雲南人家」。呢間餐廳最多人推介係豆腐花米線，不過其實除此之外，都有自選米線／米粉／客飯等可以食到。今日我哋揀咗自選米粉同埋叫左招牌木瓜冰。自選米粉—麻辣湯；三餸—肥牛、燜肉、滷蛋 （$47）先嚟講第一碗自選米粉，湯底揀左麻辣湯底，辣度雖然無得自己選擇但店家整得啱啱好，微微辣嘅味道好正；而配料有肥牛、燜肉同滷蛋，肥牛同燜肉嘅質感都好好，唯一嘅缺點就係滷蛋不太入味，如果鹹返少少會更好。整體嚟講呢碗米粉都幾好食。自選米粉—麻辣湯；三餸—鹵水雞翼、麻辣豬耳、娃娃菜（$47）另一碗米粉都係麻辣湯底，配料有鹵水雞翼、麻辣豬耳同娃娃菜。鹵水雞翼嘅肉質好鮮嫩亦夠入味，娃娃菜清爽爽口，而麻辣豬耳帶啲微辣味，依個三餸組合都唔錯。用鍚紙盆來隔熱，第一次見的！木瓜冰（主食加6蚊）最後嚟到店家招牌嘅「木瓜冰」，平時如果聽到「木瓜冰」會以為係沙冰。但呢款木瓜冰其實係類似愛玉冬瓜茶，底部有黑糖的味道而上面就係晶瑩通透嘅啫喱，全杯不帶一點木瓜味（木瓜愛好者可能要失望了），但如果鍾意飲台式飲品，就一定會好鍾意呢一杯野飲了！整體嚟講，「雲南人家」嘅味道同

第一次食豆花米線係香港好少米線鋪有做德勝豆花米線$36豆腐花好滑 比出面某啲豆花鋪做得更滑連埋啲酸菜炸醬米線撈埋一齊食 又估佢唔到都幾夾配料方面我揀左水餃同墨魚丸水餃係韮菜豬肉餡 略嫌個皮厚左啲同煮得太耐 有啲皮肉分離墨魚丸普普通通 唔好預佢靚料彈牙下次再黎 我會揀加豆花而唔係加配菜😂

📍新蒲崗 隱世米線小店 雲南人家📍喺新蒲崗返工，一定會聽過呢間隱世小店！其實之前有好多報道報道過呢間店，因為呢度係有蟲食㗎！不過呢次嚟食lunch冇咁重口味😂，主要嚟食米線😀😀！推薦試吓佢哋嘅豆花米線 $36，加$8可以有雞扒！留意番係冇湯嘅，有啲似撈米線嘅概念，用豆花配米線，好新奇有趣，亦都好清新，可以一試！另外都試咗嗌餸嘅米線：白肉加娃娃菜，清湯米線，$42。米線煮得好淋，which我係鍾意食淋嘅米線😋，所以覺得好正！湯底夠清👍🏻，份量都好夠多！好夠飽食。性價比一流，又有特色，不過係迫咗少少。

平時好鍾意捐窿捐罅食米線，幾乎所有形式既米線都試過曬，咁啱尼新蒲崗就要試試豆花米線🧏🏻‍♀️德勝豆花米線（$36）本身以為係湯米線，點知上咗枱先知係撈米線。冇諗過豆腐花同埋算係咁夾，成碗米線料好足，炸醬份量好多，個底嘅醬汁偏鹹少少，再加埋啲酸菜好啱重口味人士，豆腐花好滑，仲滑過平時專門食豆腐花嘅舖頭甚至係一啲豆腐花老字號👍🏻不過就嫌豆腐花嘅量太少，冇辦法啖啖都食到一片片豆腐花。我專登加咗麻辣豬耳，同出面連鎖舖頭食既比冇咁爽口，但整體尼講好特別！呢度可以加錢再加豆腐花，下次應該會係咁配搭！

佢係米線上面有豆腐花😂 暫時好似得呢間有，呢日去我就叫左豆花撈米粉加蟹柳😆 .肉碎好多同好大粒，而且仲要有酸菜，有啲覺得係佢哋自製😂 撈埋一齊又唔會死咸。同叫左蟹柳，都有4條。整體好似唔關事😂 但撈埋又幾正，豆腐花令到成碗個口感都唔同左。.另外朋友就試吓佢個麻辣口水豬排飯，個飯粒粒分明，撈埋啲醬唔會好咸👍🏻 大大碗好滿足。而另外，個豬扒都好Juicy，一啲都唔柴，麻麻辣辣咁。再配埋隻蛋同菜，營養都幾足。

平時嘅湯米線就食得多，今次雲南米線時候佢個豆花米線先😙得勝豆花米線🍜 （$36）呢款係一個熱嘅撈米線，有豆腐，酸菜，炸醬，韭菜。有四款餸到幾夠到唔夠可以再加餸。撈埋鹹香酸辣，夠哂惹味。豆腐有香濃嘅豆味，同米線又出奇地夾👍🏻熱奶茶（+$2）係一杯甜味嘅水😥，極難飲

特登黎到新蒲崗搵食，本來仲糾結緊食雲吞麵定米線，點知雲吞麵無開咁就唔洗諗，剛好lunch時段快完，一人都易搵位。簡簡單單就試佢既招牌德勝豆花米線，初初就咁食酸菜覺得有d太酸，但撈埋晒d汁同肉碎，其實係剛剛好，同豆花perfect match, 又唔太辣，味道非常好，食完都唔會口喝，唯一挑剔既就係米線偏淋（個人鍾意有咬口）。絕對無後悔呢個選擇，價錢唔貴，所以都好多學生幫襯。

身為米線關注組嘅我第一次食豆腐花撈米線🤣，感覺非常新穎，但係其實係傳統嘅正宗雲南米線其中一款做法，已經有好耐歷史😳米線大大碗😂餸亦都好足料👍🏻第一次食嘅時候都驚會九唔搭八，但係其實真係出奇地夾，夏天食一流！唔使食熱湯出晒汗🤣唯一我覺得美中不足嘅係米線質地偏軟。但係整體調味非常不錯🤤同埋特別要注意嘅係佢開舖嘅時間有少少唔穩定😂去咗幾次有兩次都摸門釘🫥建議大家如果真係一心想去食最好打去問下有無開😂

嚟到新蒲崗 當然要食出名嘢食啦😎特登上網搜尋下發現一間小店 豆腐撈米線聽落都幾特別冇食過嘅米線🍜豆腐撈米線🍜$36＋豬頸肉 $10第一次豆腐撈米線 對我而言都幾特別米線相對平時食係 偏淋身但配埋豆腐質感 兩者混合而一淋上佢自家醬汁無論質感 味道都幾夾😋豬頸肉有3片到合理價錢 合理份量☺️嗰陣去客人唔算好多店員好好服務😇😇見到我拎住一袋二袋 特意拉開張凳 幫我放落去真心唔該晒🙇‍♀️一間小店 做開街坊生意一啲都唔差呀！！！！

起初幫襯食開豆花米線外賣，疫情回落呢排路過就過嚟堂食，事頭婆阿姐永遠唔俾人埋牆坐，話係4人座，不論咩時間，全場空蕩蕩都趕人去坐啲豬頭骨位，態度真係超差！佢哋忘了幫我碗米線走蔥同佢哋講返，啲態度仲惡過我🤯豆花米線、乳餅同木瓜冰都係我最愛，但態度差到咁，附近都好多選擇，冇需要再嚟貼錢買難受😤

作為米線愛好者，聽到有豆腐花撈米線，梗係要試下係咩味道😳-德勝豆腐米線原本諗住會係凍食，原來食落係暖暖哋，豆花好滑，肉碎都好香，撈埋米線，令米線變得好滑身，好惹味😋我另外加咗滷水雞翼，滷得好入味🥰

還記得好多年前有間自創豆花米線的店一度盛行，當時都有試過了，覺得豆花跟米線配搭很有趣又很夾。最近見到雲南人家這間店主打豆花米線，於是就嘗試一下。Order了豆花米線，因為想晚餐有菜有肉，所以另外加錢自選配料雲耳和腩肉，大大碗米線上面鋪左豆花和粒粒肉醬，肉醬不錯，味道夠濃又辣辣地，豆花滑溜和清淡，配搭米線一齊食有種好清新既味道。腩肉就普通少少咸味，個人覺得辣雞肉係夠香辣幾好味。整體黎講性價比算係高，可以再來。

曾經紅極一時嘅豆花米線中島係無食過嘅😂但竟然喺新蒲崗仲有碩果僅存？嘅一間相請不如偶遇一於試吓佢啦望望мenυ有樣驚嚇菜式一年究竟有幾多人會叫嚟食🙂酥炸雜蟲、蜂蛹😦😦😦中島都係正正經經試下個豆花米線好啦呢度係用個鑊仔上檯好得意豆花的確好滑但變左咸嘅好似食蒸豆腐點豉油😂米線係中島鍾意嘅偏硬口感未食過豆花米線或者想挑戰炸蟲嘅勇士可以嚟一戰—————————————————————⚀ 豆花米線+蝦卷+豬耳 $55⚁ 豬頸肉米線+紫菜+墨丸 $60