雲桂香米線專門店

营业中

休息中

外賣嗌兩碗港式米線湯底，返到屋企先發現阿姐入錯單，變咗小鍋米線湯底😤同行友人不吃豬肉碎，要從湯底內逐粒挑走。阿姐前後聽我哋兩個人嗌港式米線，都可以入錯單，返工無心裝載。

黎到長沙灣呢邊食lunch 除左食冰室之外, 茶記之外, 米線都係一個選擇.今次就揀左雲桂香食, 要唔要等位就睇運氣,返工日子既lunch time 都有唔少人, 有時仲可能要等下位.因為都有唔少米線類型選擇, 今次就唔駛諗揀咩料, 就點左雲桂米線,對於一個人食都會係足夠既而且都算多料~雞絲都算唔少, 腩肉食落係正常口感,  冬菇有2舊都算大舊厚身, 食落又唔會太難咬既口感.春卷同蝦卷味道正常, 望落都唔會好薄身, 口感食落去唔會太林, 都算有料~因為呢個雲桂米線都係多餸所以食落係會夠食, 米線又唔算少, 而且湯底雖然唔辣,不過有唔同既餸浸住, 所以湯都會有味道.總結黎講, 雲桂米線係幾抵食, 60幾蚊都有唔少餸唔少料, 不過大前提下係D餸要岩你食啦~

呢間黃花魚酸辣米線真係幾好食!第一眼睇去,呢碗米線就好吸引,紅紅綠綠嘅,整得相當誘人。米線幾乎冇任何負擔,彈牙得剛好,配搭上酸酸辣辣嘅湯頭,簡直叫人停唔到口。呢個湯頭真係絕配呀!濃郁滑溜,仲有啲微酸嘅感覺,爽口之餘又唔會太膩。加埋啲蔥花同薑蓉,個味道就更加出眾。啲黃花魚塊雖然唔係太大,但係夠新鮮夠肥美,真係入味到爆。再加埋啲脆脆嘅蘿蔔同金菇粒,整個組合完全冇有一個弱點。不過食咗份量之後,我都幾飽,再加埋佢唔算太貴嘅價錢,真係性價比爆表。我相信唔少人會鍾意呢間店嘅,因為佢係一間正宗又平民化嘅米線店。如果你想嘗試吓又正宗又好食嘅酸辣米線,我極力推薦呢間!

環境比較好的一分店環境比較好的一分店，雲吞都大，肉有點韌，但皮好食有咬口，豬紅幾惹味不錯，米線都多不會過林，湯夠辣味濃，紫菜無沙，😁😁😁環境比較好的一分店無其他店咁dirty

今日下午茶選這間，因為沒有對面譚仔甘多人，味道一般，價格不便宜～～重點是這間待應是不理你的，我明白待應工作量大，但下午茶時間沒人的（全店只有2人,我是其中一人） 我叫了3次仍沒人理，便走到收銀處下單，那個阿姐又係黑口黑面（我欠左你咩野？） 最後吃完，我去收銀姐付款，又是那個黑面神，我付現金，竟然可以一粒聲唔出！？我自己都有做過服務行業，你也應該說"多謝，幾$$之類" 佢完全沒說一句多謝，其實不用日本人式笑容，但基本禮貌也要有？（Ai 比呢d 阿姐仲好） 下次不會來，比錢請也不會來，呢d 便是迫人去深圳消費害群之馬‼️

我哋今日去食 之後叫餐啦 叫個待應黎 叫左幾次都冇理 之後終於叫咗佢嚟 佢一黎就話成間餐廳得佢一個 慢慢嚟得唔得？ 之後我哋一嚟就話要分單先（我哋有七個人 佢就一輪嘴話分單好麻煩何況你哋有七個人要逐個打 之後 佢就唔俾我哋分單 咁我哋就最後決定唔分單 我哋就叫我哋要嗌嘅餐 佢仲係勁唔好脾氣 一直發我哋脾氣最後轉個頭返嚟又冇事 唔知咩料 （我哋係學生）好似恰我哋咁對呢間嘢越嚟越反感真係唔知咩料 之後我哋仲要見到佢撩啲男學生笑得勁開心

畀過四次機會呢間嘢，第一次係嗌魚湯米線，個魚湯勁淡無乜魚湯味，我要自己加鹽，第二次係嗌酸辣粉，中小辣都已經好辣，第三次都係嗌酸辣粉，但係就係畀錯咗小鍋米線，湯底唔算好濃，得個辣字，第四次都係嗌酸辣粉，啲粉有陣怪味，另外，試過佢哋唔同嘅肉類，豬扒柴到完全食唔到，雞翼肉質好一般，豬頸肉都係又硬又乾，但係勉強食到，唔知點解佢哋全部肉類產品都係又柴又乾又冇味，都試過佢哋嘅夫妻肺片，啲牛展都係好乾🤪 我好少食雲桂香，唔知其他分店係咪都一樣，但係有其他選擇都唔會揀佢。

外賣，嗌咗個酸辣小辣薯粉然後佢重複問咗我三次我亦都答咗三次 酸辣薯粉小辣走青走芫荽結果最後俾左碗麻辣既薯粉 亦都冇走到青麻辣同酸辣係完全唔同！！！！完全食唔到 好失望

暫時米線黎講我食黎食去都個幾間雲桂香大概一個月食2-3次 算係惹味濃味之選今晚黎到長沙灣雲桂香叫左螺旋藻 腩肉 花生螺旋藻不嬲都係好鍾意食嘅餸 必叫腩肉份量多都唔會un花生就比左好多 有成大半碗米線佢就一向大大碗 份量夠飽其實佢辣度都有好多選擇的不過都係同我係銅鑼灣個間食過既一樣係叫小辣唔夠辣 中小辣又辣得制🤣另外另一碗叫左其中一個餸係豬軟骨食落浸味好臊味臊到吞唔到

今日食咗一碗普通嘅米線，加咗啲口水雞，但整體嚟講呢碗米線都只係一般嘅水平。啲米線相對較腍，唔係好有口感，啲口水雞味道都唔夠豐富，缺乏啲辣味同埋芝麻味。同埋，啲雞肉質地都有啲硬，唔算太滑嫩。不過，啲蔥薑醬同埋芝麻醬都仲算OK，可以同啲米線同埋雞肉搭配得好。整體而言，呢個碗米線加口水雞只係普通水平，冇啲特別嘅地方。如果你鍾意食呢啲嘢，可能可以試下其他餐廳嘅款式。🍜🍗😐評分：味道：⭐️⭐️份量：⭐️⭐️⭐️服務：⭐️⭐️⭐️環境：⭐️⭐️⭐️總體：⭐️⭐️

在年三十吃虎年最後的米線，選了魚肉春卷和腩肉，小辣米線，味道偏酸，米線和配菜比例正常，不辣，雲南+貴州～這家可能是貴州味重？價格方面覺得比其他米線貴，一般兩餸$4X, 但是服務是沒有的！那些阿姐不太理你（譚仔阿姐真的比她們好很多），我叫了10分鐘，她們才從後門位置慢慢出現，店面設計太好，她們有很多位躲？？不會再續機～～後來有其他男客人來（跟她年齡相約阿叔阿伯），那些阿姐發揮調笑本色和男客打成一片，我有點懷疑自己進錯地方...怡紅米線！？真心麻麻！

最鍾意嘅就係雲桂香嘅小鍋米線，湯底濃郁，配菜都多，通常都會連埋湯一齊食，一啖米線一啖湯另外好值得推薦嘅就係佢哋嘅口水雞，算係正宗嘅，一份係一例，雞肉都算嫩滑，口水汁都好惹味，不過好似冇的揀辣度，好彩本人食到辣，可以接受

平日3點鐘去⋯冇咩人去食下午茶 14:30-18:00 凍飲加$3之後既時間凍飲要加$6 , 平左dd 一向偏好重慶酸辣湯的我今次叫左 重慶酸辣米線+墨魚頭+豬頸肉+魚肉春卷 ，中少辣比想像中更濃味、夠哂辣，反而冇咩酸味但超好食，夠哂大碗，本身想去食招牌鴨腎，點知沒有🥲大失所望幸好個湯底夠濃，補償番環境乾淨整潔，傾計一流價錢就冇譚仔果d抵食，至在湯底足料

雲桂香都係我心目中五甲之一重口味之選之前返工近油尖旺區就食景霖，星林居雲桂香多分店嘛但又重口味過譚仔所以間唔時食下係ok小銅米線佢係麻辣但又偏甜今日豬膶出事，擦子膠膽拖腩肉，竹笙，冬菇，雞尖，墨丸

雲桂香係我心目中排第一嘅米線舖，每次嚟食都係嗌小鍋米線，湯底就揀小辣，平時食開腩肉，今次就試下嗌蘿蔔、雞絲同豬頸肉。呢三款餸都非常好食，尤其係豬頸肉，夠咬口。不過美中不足係長沙灣呢間分店湯底有啲水，其他分店食嗰啲會較濃味。