五十年代餐廳 (已搬遷) 新店位置

前幾日出中環搵個fd食午餐..聽佢講依間餐廳幾特別..聽到自助餐以為好多野食啦..點知原來係是但揀一款主菜..豬/羊/魚...+ 1杯飲品同埋出面得唔夠十款既食物...有意粉,菜,豬肚,雞翼,粟米,沙津,布甸...不過埋單$6x既價錢都唔應該期待有好野食...同埋依間餐廳叫"50年代餐廳"..裏面既擺設都好懷舊下..d椅係紅色格仔布既..d wall上面又簽滿晒名.d燈光較到好暗..感覺上好污槽

舊同學午間暢聚少去那地區,所以迷左一陣路才去到燈光昏暗,尤其是自助沙律吧,用紅燈,根本見不到食物原來的顏色椰菜沙律-唔好粟米沙律,蘋果沙律-正常烏冬-ok炸雞,香茅豬扒-幾好味炆豆腐-好”鞋”主菜點了羊扒-唔得,多肥”糕”,肉質”林”得古怪甜品-芒果布甸-假得來還可以午餐$64,無加一,唔算貴,但食物質素真好麻麻

昨晚原本毫無打算過能跟好友聚聚!她的一個電話給我有點難以說不出的喜悅呀!說回正題,在附近走了一圈,最終選址就在這裡!初時看到樓下沒有任何餐牌表明收費和不知道有什麼供應,但由於真的很想找一間餐廳可坐得舒服一點,於是即管到樓上看看.一邊看餐牌的同時,留意到這裡的環境非常寧靜,可以好好跟好友長談最近的事呢!於是就決定這裡啦!點了如下菜餚:1) 大蝦茄蓉天使麵: 好好食!highly recommended, 估不到那個茄蓉汁是那麼出色呢!而抗拒蝦的我,今次竟然好buy呢隻蝦..而且好入味!原本在天衣無縫的配搭下但天使麵然煮得過火了一點.好淋呀!2) 田螺:勁好味!連薯蓉都好出色!3) 香草羊鞍:勁好味呢!但包含很多肥肉呢!但整體而言,真的很出色呀!

23-12-05之前已訂了位，今天放假終可去一趟了，估不到在電影裏看到的竟是如此的不同…今天雖然臨近聖但價錢也沒有變，我們各自點了一份燒汁鴨匈肉與沙甸汁燴魚柳兩款味道都不錯比想象中的好，頭盤我們選擇了餐湯，那餐湯好似是菠菜茸加些不知甚麼的但好飲喎~ 另外有一般的小食如鹵水魚蛋、雞翼和蓮藕、粟米粒、螺絲粉沙律、菜絲鮮果沙律都幾豐富，真係無揀錯!

朋友曾到此餐廳食lunch, 佢話呢度環境好, 食物ok, 價錢唔貴, 點知dinner就令這位曾幫襯的朋友大跌眼鏡, 亦令首次光顧的我, 大喊笨.星期六晚, 最低消費要$143, 諗住間中一次半次, 見佢環境不錯, 又大曬明星簽名, 相信食物都物有所值. 叫咗兩個晚餐(一個牛扒, 一個魚柳), 每個價值錢$128, 未達指標, 容後再算啦.先來了沙律, 湯及蒜蓉飽, 普通貨色; 主菜等了又等, 催了又催, 終於嚟到, 買相普通過普通, 食落, 好像在茶餐廳食緊雜扒飯, 然後來了甜品及餐飲, 餘額無用埋就走人.雖然佢環境用心佈置, 又有live band, 但也不是一切, 你收得呢個價錢, 難道只是用環境及音樂塞飽客人嗎? 做食物也要放少少成本, 多多心機吧!一定不會再幫襯, 不會推薦給朋友之餘, 更要叫朋友不要去.

成個中環最宜訂位, 心知不妙食物無質素可言,差差差!同事話杯凍啡有洗頭水味!

To say this restaurant is awful would be an understatement. The food is simply disgusting - yes, disgusting because there is simply no other way to describe a menu which is more suitable for human beings. The owner, being a former attorney, is clearly out to fleece his patrons and his attitude is deplorable. The restaurant does offer some good music and dancing, provided one does not mind paying 5 star hotel prices for wine and alcohol. I cannot say this strongly enough -STAY FAR AWAYAs for the

整整一年沒有來食lunch喇﹐忽然想起﹐便約同事再來。午餐的價錢一律$58再加一﹐有自助沙律、湯、菜等﹐主菜一般很細碟﹐上星期的選擇有鴨胸、意粉等。自助沙律有幾款﹐都是大路野﹐其中一款我覺得偏酸﹐另外重有冬菇小棠菜和咖哩魚蛋﹐味道唔錯﹐魚蛋重幾辣下。我和同事都選擇了鴨胸做主菜﹐肉質未算上盛﹐但仍算合格﹐吃了幾口﹐同事突然之間問我﹐係唔係有人食煙﹐我望到她後面的女仔在吸煙﹐話比她知係。她說﹕「好臭﹐食完快D走﹗」估不到她比我重厭惡煙味﹐食完拿拿聲走人﹐重有時間去睇衫﹐你話係咪拜有人吸煙所賜﹗

環境好多人講過, 唔多講喇~食物, 兩個人order o左:芝士焗什菌- 什菌無出水, 所以太多水份, 令個cheese sauce面香, 但底太濕~ 泰式燒肋骨- 燒得幾香, 味道ok, 但油o左d~ 有鮮什果沙律跟, ok~白汁海鮮焗意粉- 茶餐廳貨式, ok喇~Sat min.charge $148, 逼住order多兩個drink, 我要lemon squash, 味道較得o岩o岩好~老闆娘好nice, 其他人都幾好禮貌~Live band 唱得可以再好d, 不過都好多人出去跳社交舞, 但點解全部都係一pair pair o既女人跳, d男人就坐低晒o既??

星期四開完OT諗住近近o地係番中環食dinner，去到蘭桂芳都唔知食咩，突然間諗起有N年無o黎過，所以再o黎懷舊一番。上到去差不多8點得兩台客，仲只得兩個waiter(應該係老細)，又無live band唱歌，比起以前真係靜o左好多。兩個人點了一個晚餐，一客泰式燒豬仔骨同一碟咸魚炒芥蘭。個晚餐$128有餐湯、沙律、主菜要了蒜汁扒海鮮，仲有甜品及餐茶，不過個主菜好唔得，青口、魚柳同龍蝦仔唔得新鮮，好硬又”un”。反而個豬仔骨唔錯，燒得好香仲好有蜜糖味，一碟仲有6條，炒芥蘭都ok，落order時已叫佢少油，不過上台時都唔少。總括來講係俾以前差o左。

夜晚同三五知己黎聚舊吹水，炒菜好鮮味，老細好友善好客，推介的都係水準之作兼且唔太貴，前菜如青口，主菜羊扒都不錯。加上懷舊裝修同Life Band, 另有一番風味，老細仲帶頭跳舞，當然到最後係差不多成間餐廳一齊跳啦！好有Feel.要跳舞就唔好食咁飽喇！要留意廁所得一隔，唔好”湯”呀！

同個朋友來食下午飯，同事已報料話午市好多人。一點來到真係幾墟埳，好在事先訂位如果唔係實無得食。店如其名，呢度佈置以懷舊為主，有live band台，夜晚來聽歌飲野會幾有情調。可惜我們坐正玻璃之城黎明同舒娸坐果張檯，在沙律吧附近，加上午市檯set得好密，人來人往都幾唔方便，朋友更要加倍留心她的手袋，所以話午市來說呢個位唔係好位。午市套餐有三款選擇，牛、羊同魚，包餐湯、自助沙律及飲品。湯是意大利菜湯，要自己去拿，味道OK；沙律吧估唔到幾多野食，除了常見的蕃茄、生菜、粟米紅腰豆及什果沙律外，還有炒粉、麵、芋蝦、排骨等，真係仲豐富過主菜；主菜無論是牛或羊都幾唔掂，只屬快餐廳質數，淋在面的有澴得化不開的黑椒汁，飯亦是少得可憐，都係走多轉沙律吧好過；甜品又是在沙律吧自己拿，今天是椰汁紅豆糕，紅豆唔腍，一般；咖啡很普通，是港式豉油西餐廳的例牌咖啡。埋單位位53蚊再加一，唔算貴。我諗夜晚來聽下歌會幾正，但吃午飯就麻麻地。

呢喥Ｄ田螺同set dinner 都幾好！<br>晏Ｄ仲會有人唱歌tim..<br>不過唔係成日可以搵到對住舞台o既位喇~<br>

係呀, 呢間廳好有氣氛架, 牆上面有好多明星簽名架遂個認下都幾得意架. Set Lunch 好抵食, around $80, 不過文晚就貴好多咯!

呢間好似係" 玻璃之城" 中黎明唱Try to Remember 的廳呀!