五十年代餐廳 (已搬遷) 新店位置

同个朋友来食下午饭，同事已报料话午市好多人。一点来到真系几墟埳，好在事先订位如果唔系实无得食。店如其名，呢度布置以怀旧为主，有live band台，夜晚来听歌饮野会几有情调。可惜我们坐正玻璃之城黎明同舒娸坐果张台，在沙律吧附近，加上午市台set得好密，人来人往都几唔方便，朋友更要加倍留心她的手袋，所以话午市来说呢个位唔系好位。午市套餐有三款选择，牛、羊同鱼，包餐汤、自助沙律及饮品。汤是意大利菜汤，要自己去拿，味道OK；沙律吧估唔到几多野食，除了常见的蕃茄、生菜、粟米红腰豆及什果沙律外，还有炒粉、面、芋虾、排骨等，真系仲丰富过主菜；主菜无论是牛或羊都几唔掂，只属快餐厅质数，淋在面的有澴得化不开的黑椒汁，饭亦是少得可怜，都系走多转沙律吧好过；甜品又是在沙律吧自己拿，今天是椰汁红豆糕，红豆唔腍，一般；咖啡很普通，是港式豉油西餐厅的例牌咖啡。埋单位位53蚊再加一，唔算贵。我谂夜晚来听下歌会几正，但吃午饭就麻麻地。